ترويضـ فآرسـ ❤️ (مكتملة)

النهاية الجزء الاخير

ترويض فارس
النهاية الجزء الثاني
ارتدى فارس ثيابه وإتجه الى الخارج وترك ايلين نائمه ......إستيقظت ايلين فلم تجده بجانبها فإبتسمت برقة ثم توجهت للحمام لتستعد للنزول ....وبالفعل خرجت ايلين من الغرفه فوجدت روان تخرج أيضاً فنظرت لها ايلين وإبتسمت بمكر فندرت لها روان نظرات تحدي حتى خرجت ريناد وقالت بصوت عالى :ايلين حبيبتي عامله ايه .....؟
ايلين بإبتسامه: الحمدلله كويسة
روان بضحك: يارب دايماً وياريت تاخدى بالك يا ايلين لحسن توقعي تاني وانتى نازلة ...
نظر لها كلاً من ريناد وايلين بنزق ثم توجها للاسفل ........
********************************************
عند فارس كان يركب سيارته ومعه جواد وبدأ الاثنان فى تجهيز مفأجاة اليوم الموعود ...
جواد بجدية:ناوى على إيه...؟
فارس بضحك:على كل خير يا دوب هخليها متعرفش ترفع عينيها فى اى حد تاني هتتمني الموت ومش هتطوله
جواد بخوف :فارس انا قلقان انتَ ناوى على إيه
فارس محاولاً طمئنته:متقلقش يا جواد انتَ عارفني وعارف تفكيرى ..
جواد بقلق:مهو ده اللى مخوفني
فارس بصدمة:نعم؟!
جواد بضحك:ركز فالسواقة ركز بس
بينما كان فارس يتكلم رن هاتفه فأجاب فارس ثم قال بمكر :الله يا شباب تستاهلوا المكافأة وضعفها ثواتى واكون عندكم محدش يقربله سيبوهولى .......
**********************************************
عند ايلين كانت تجلس بالاسفل مع الجميع يتجاذبون اطراف الحديث ..
فاطمه بضحك :بس بطنك هتقلبظ امتي يا لي لي
ايلين بضحك :يا بنتي لسه بدرى
ريناد وهى تشير لبطنها:انا قبلها وبطني لسه زى الزيتونة
ضحك الجميع ثم قال مراد:عقبالي اما اتجوز الاول طبعاً
ضربته دولت على ظهره فصرخ:ليه كده بس
دولت بضحك:عيب يا ولد
مراد وهو يغمز لفاطمه :عيب ايه بس يا جدتي عيب إيه....؟
رامي بضحك :مراد كلمه عيب ديه مش موجودة عنده فالقاموس أصلا
يمني بمكر :وانت ايه
ايلين بضحك:متولدش بقاموس اصلا
ضحك الجميع بينما روان كانت تنظر لايلين بكره وحقد من محبه الجميع لها وإنها قادرة على جذب إنتباههم من دون فعل شيئ ...
امجد بجدية:مراد عمك هينزل النهاردة القاهرة ولالا...؟
مراد بتفكير :والله يا بابا مش عارف وسليم كمان فالشغل مش هنا
نجلاء بتساؤل :فين جواد اومال..؟
مراد بتوضيح:نزل الصبح مع فارس
رباب بتفكير:يكونوا راحوا فين ..؟
دولت :سيبوهم بقي وخلينا فى نفسنا
شعرت ايلين بألم فى معدتها وذاد شعورها بالغثيان فركضت للحمام بسرعه فهرع الجميع خلفها حتي إنتهت ثم خرجت ...
رامي بقلق:حبيبتي انتي كويسة
ايلين بتعب :اها متقلقش
رباب وهى تمسك يدها:تعالى اطلعك اوضتك وانتى يا ريناد قولي لصفيه تعملها كوباية ليمون دافئ
ريناد بطاعه: حاضر يا ماما
وجدت روان ان تلك هى الفرصه المناسبة لوضع الدواء فذهبت خلف ريناد واخبرتها انها سمعت هاتفها يرن
روان بعجرفه:صفيه انتى يا صفيه
صفيه :ايوة يا هانم
روان :اعمليلى نسكافيه بلاك
صفيه :طيب هاطلع الليمون لمدام ايلين بسرعه
روان بغضب:وانا لسه هستناكي سيبيه يبرد شوية واعمليلى النسكافيه بسرعه
صفيه معتذره:اسفه يا هانم هاروح اعمله بسرعة
ذهبت صفيه وتركت الكوب على الطاولة فأخرجت روان علبه الدواء ووضعت خمس اقراص وقالت بغل وحقد:مش خسارة فيكي يا ايلين
ثم اعادة العلبة لجيبها بسرعه قبل ان تأتي صفيه وصعدت لغرفتها ....فعادت صفيه فلم تجد روان فوضعت الكوب على الطاولة وامسكت الليمون وصعدت لتعطيه لإيلين......
**********************************************
ذهب فارس الى المخزن فوجد الرجال بالخارج ...
فارس بجدية:هو فين ..؟
الرجل :جوا يا باشا
جواد :تمام لحد هنا وخلص شغلكم بالسلامه
فارس :حقكم وصل ولالا
الرجل :وصل وبزيادة يا فارس باشا
دخل فارس الى المخزن فوجده مربوط بالاحبال علل الكرسي ولم بعد بوجهه إنش سليم
فارس بضحك: الرجالة اتوصوا بيك اوى يا مرتضي
مرتضي بتعب :حرمت يا فارس بيه
جواد بضحك:قلبت ست كده ليه
مرتضي بخوف:انا هاعمل كل اللى انتوا عايزينه بس بلاش تقتلني يا فارس بيه
فارس وهو ينظر لجواد :متخفش بس تعترف بكل حاجه
مرتضي بلهفه:حاضر
رن هاتف فارس فوجدها ايلين فنظر لجواد ثم خرج ليرد عليها ...
فارس بإبتسامه :حبيبتي صحيتي
ايلين بضحك:لسه فاكر انا صحيت نن بدرى
فارس بإستغراب :طيب منزلتيش ليه ..؟
ايلين :نزلت بس تعبت شوية فطلعت اريح
فارس بقلق:تعبتي مالك ..؟
ايلين بضحك: متخافش اوى كده انا رجعت بس عادى يا فارس يعني
فارس بعتاب:طيب ياريت تشربي عصير او ليمون وتهدى كده وريحي
ايلين بهدوء:متقلقش ماما عملتي ليمون وبعتتهولى مع صفيه هاشربه اهو
فارس بحب :طيب يا قلبي كويس انا مش هتأخر بظبط حاجه بسرعه وجاي
ايلين بضحك:اموت واعرف بتعمل ايه
فارس بشر: اول لما اجي هتعرفي
ايلين بهدوء:طيب بس خلي بالك من نفسك
فارس بحب:وانتي كمان ..سلام ..
اغلق فارس معها فوجد رقم غير معروف يتصل به فأجاب بجدية: الو
المتصل :الو ..فارس القاضي معايا
فارس :ايوة مين ..؟
المتصل :انا سوسن صديقه روان اللى كاتت خطيبتك
فارس بإستغراب :اهلا بيكي بس جبتي رقمي منين وليه ...؟
سوسن بقلق:بصراحة كلمتك لاني هاموت من القلق على روان.
فارس بإهتمام:ليه. .؟
سوسن بحزن:انت عرفت انها حامل من يوسف وعايزة تجهض الجنين
فارس بتعجب:مين قالك كده..؟
سوسن بتوضيح:روان انا قابلتها من يومين وقالتلي انها حامل من يوسف وانه مش عايز الطفل وطلبت مني دواء للاجهاض وانا جبتهولها بس قلقانه منها وكمان لو الموضوع اتعرف انا هاروح فى داهيه
فارس بتفكير وقلق:طيب هى اخدته منك امتي
سوسن :امبارح
فارس بقلق:متقلقيش انا هاتصرف وابلغك
سوسن بتفكير:تمام شكرا يا فارس
فارس بخوف :سلام
اغلق فارس معها ثم اتصل بيوسف فهو قد اخذ رقمه حين كان بالمشفي
فارس بقلق:رد بقي رد
يوسف :الو
فارس بلهفه:يوسف هى روان حامل منك
يوسف بعدم فهم:نعم حامل من مين محصلش الكلام ده مين قالك كده
فارس بغضب: يــــوســـف
يوسف بقلق:والله العظيم محلص روان مش مني او من غيري وانا متأكد من ده
اغلق معه فارس بغضب فجاء جواد وسأله:مالك يا فارس بتزعق ليه ..؟
فارس بتفكير:طيب هاتكون جابته لمين
ثم تذكر كلمه ايلين : (متقلقش ماما عملتي ليمون وبعتتهولى مع صفيه هاشربه اهو )
فارس بصراخ:ايلين .....
ثم ركض بسرعة للسيارة وخلفه جواد.....
**********************************************
كانت روان بغرفتها تنتظر سماع خبر ايلين فكانت تجوب الغرفة ذهاباً واياباً حتى سمعت صوت سيارة فارس تدخل للمنزل فركضت للشرفه فوجدته يركض بسرعة حتى وصل لغرفه ايلين
دلف فارس فوجد كوب الليمون موضوع على للكومود وايلين تخرج من الحمام فصرخ بها :شربتي الليمون ده ..
ايلين بعدم فهم:لا ليه...؟
جذبها لحضنه بسرعة ثم وجد جميع من فالمنزل بالغرفة ...
امجد بقلق :ايه يا فارس خضتنا يا بني
دولت بخوف:وشك مخطوف ليه يا فارس
نظر فارس فوجدها تقف على باب الغرفة فقال :ادخلى يا روان عايزك
روان بقلق:نعم يا فارس
امسك فارس بكوب الليمون وقال :اشربي العصير ده وشك تعبان ومرهق
روان بخوف وضح على ملامحها:لا شكرا مش بحبه
فارس بضحك: ده طول عمرك بتعشقي الليمون وبعدين ده مفيد للسرطان
ولا اقولك استني صحيح تشربيه ليه مانتى حاطه فيه برشام للجهاض علشان تموتي ايلين وابني اللي فى بطنها
روان بصدمة:ايه اللى انت بتقوله ده
فارس بغضب:اثبتيلي اني كداب اثبتيلي اني لنا رجعت احبك تاني مكنتش غبي
نظر الجميع لفارس بصدمه فقال :ايوة حبيتك من تاني ...بس كلهم شاكين فيكي وانا عايز اثبتهلم اني مش غبي لما وثقت فيكي تاني
امجد بغضب:فارس انت اتجننت
فارس بغضب:لو سمحت محدش يدخل
نظرت روان للكوب فقال فارس:اشربيه وقولى لريناد انها كدابة علشان بتقول انها شافتك بتحطي دواء غريب فالعصير ده اشربيه واثبتيلهم انى صح وانا هتجوزك يا روان ونعيش سوا من تاني
روان بخوف ورعشه : فارس انا ..
فارس بحزن:انتي ايه حطيتي فعلاً فالعصير دواء للاجهاض
روان وقد بدأت بطنها تؤلمها بشدة :لا محطتش حاجه ومش هاشرب حاجه
فارس بضحك:كده حلو نلعب عالمكشوف بقي ادخل يا جواد
دلف جواد ومعه عمار ومرتضي ويوسف.....نظرت ايلين بخوف لثلاثتهم
فقال فارس :احكى يا مرتضي
مرتضي بخوف:روان اجرتني علشان اخطف ايلين هانم وفعلا خطفتها واجرت دكتور عمار علشان ياخد باله منها وبعدين ضربته وكنت مفروض اقتل ايلين كمان بس فارس بيه لحقها
عمار بتكمله :ايوة هى ديه اللى كانت بتديني التعليمات
يوسف بغضب:روان كانت عايزة تفصل فارس عن ايلين من الاول وبعدين قررت تخطفها وتقتلها بس معرفتش بسبب فارس وتعاطف عمار مع ايلين وبعدها زقت ايلين من على السلم علشان تجهضها ولما محصلش كانت عايزة تقتلها بس انا رفضت أساعدها فطعنتني بالسكينة وافتكرتني موت لا وكمان بعتتلى مرتضي يموتنى بس  فارس لحقني ...وغير ده كله انها زورت التحاليل والاشعه بتاعتها علشان يبقي عندها سرطان وتقدر تدخل البيت من تاني وديه اصلا كلها بتاعه بنت تانيه هى وعدتها بفلوس كتير وكمان كل الجلسات اللى كنا بنروحها البنت اللى كانت بتاخدها وروان بتخرج من باب المستشفي اللى وراء وترجع في ميعاد خروج البنت يعني روان قتلت وسرقت وزورت وكدبت وعملت كل حاجه ممكن تتخيلوها ومتتخيلوهاش
فارس بضحك : تحبي تضيفي حاجه ولا كفاية كده
كانت روان تسمع لحديث يوسف والألم يشتد بها فهي قد وضعت بضع حبوب فى كوب النسكافيه الخاص بها ايضا حتي لا يرتاب بها أحداً ...ظلت تنظر لفارس ثم صرخت من الألم ووقعت على الارض وبدأت بالنزيف استدعي مراد سيارة الاسعاف وذهب معها مراد وفارس وايلين .....
*********************************************
فى المشفي
كان فارس يجلس بجانب ايلين حتي خرج الطبيب...
مراد بهدوء:ايه الاخبار يا دكتور
الطبيب بحزن :انا آسف جدا بس النزيف كان شديد وللآسف اضطرينا نشيل الرحم لوقف النزيف.....
ايلين بصدمه:انت بتقول ايه
الطبيب:انا متأسف جدا
ثم تركهم ورحل
بدأت ايلين فالبكاء بشدة ثم قالت:ليه مهما عملت متستحقش كده حرام
فارس بدهشه :انتي زعلانه علشانها
ايلين ببكاء:عقابها صعب اوى معقولة عمرها ما هتبقي ام حرام يا فارس بردوا
إحتضنها فارس فوجد الظابط اكرم قد جاء:استاذ فارس
فارس :ايوة يا اكرم
اكرم بحزن:انا آسف للي حصل بس ده عقابها من ربنا
فارس بآسي :طيب وبعدين بقي
اكرم بحزن :هنستني لما تخف وبعد كده هتتحبس ديه مش قضيه واحدة ده قتل وتزوير ومحاولة قتل كمان وتحريض على الخطف كتييير اوى
فارس بحزن:تمام يا اكرم
اكرم:المدام شكلها تعبانه خدها واتفضل انت
فارس بتفهم:تمام عن اذنك
اخذ فارس ايلين ومراد ثم عادوا للمنزل.......
امجد بحزن:ربنا يقومها بالسلامه
دولت :رغم كل اللى عملته لكن حزنت عليها اوى
مراد بضحك:لا والنبي مش وقته زعل خالص انا هانتحر لو مجوزتونيش البت ديه
فاطمه بخجل :مراد
رامي بضحك:وانا كمان
جواد بجنون معهم :وانا كمان
دولت بجدية:ولاد...عيب ....بعد اسبوع فرحكم عليهم وخلينا نفرح شوية
ضحك الجميع وصرخ الشباب بفرح ومعهم فارس وسليم.......
**********************************************
بعد اسبوع
كان الجميع بتلك القاعه الواسعه المزينه بدقه وعالية الفخامه وبدأت الموسيقى تُعزف عن دخول العرائس لينبهر بهم ازواجهم .....
تقدم رامي واستلم يمني من والدها
ثم جواد وندى ثم مراد وفاطمه
كان فارس يمسك بيد ايلين طوال الزفاف لم يتركها للحظه واحدة
فارس بحب:بحبك يا ايلين
ايلين بضحك:عارف انت قولتها كام مرة
فارس بهيام:هاعيش علشان اقولهالك كل ثانية
ايلين وهى تقبله على خده:بحبك يا فارس
كان الزفاف رقيق للغايه وخفيف وعمت السعادة على الجميع .....
بعد مرور ٨ اشهر
كان سليم يجوب ردهه المشفي بقلق
امجد وهو يطمئنه:اهدى يا سليم
سليم بقلق:كل ده ليه بتولد ولا بتحمل من اول وجديد
عاصم بضحك:يخربيتك يا اخى وقته ده
شيماء بقلق:خير يا سليم اهدي شوية
دولت بحب:ربنا يهديك يا حبيبي كلها خمس دقائق ونسمع صوت بنوتتنا القمر
وبالفعل دقيقه واحده وصدح صوت الطفله بالارجاء إحتضن فارس سليم وهنئه ...
ايلين بتعب :فارس
فارس بقلق:مالك
ايلين بصراخ:ااااااه الحقني يا فارس انا بولد ااااه
احضر فارس الطبيبة وكان مع ايلين وهي تستعد لدخول غرفه العمليات
فارس بحب :اهدي وهتبقي كويسة
ايلين بصراخ:منك لله كله منك يا فارس
فارس بضحك:ليه بقي مش كان بمزاجك ولا خاطفك انا
ايلين وهى تعضه  :منك لله
دخلت ايلين غرفه العمليات بينما كان الجميع مع ريناد وفارس وفاطمه ويمني ورامي ومراد ينتظرون ايلين
دولت بدموع فرحه:هتسموها ايه ..؟
سليم بضحك: فرح
امجد :اسمها جميل اوى
فالخارج صدح صوت طفل فارس
وخرجا الممرضه لتقول : مبروك ولد زى القمر شبه حضرتك بالظبط
فارس بضحك:قصدك شبه مامته  عن إذنك
دخل فارس فوجد طفل جميل برئ الملامح فقال :حمدالله على سلامتك يا قلبي
ايلين بتعب :الله يسلمك شوفت يا فارس من كتر حبي فيك طلع شبهك
فارس بحب :هتسميه ايه
ايلين بتفكير :ايه رأيك فى سفيان القاضي  ايه رأيك يا فارس
فارس وهو يقبل جبهتها :جميل يا قلب فارس
ايلين بحب :بحبك اوى يا فارس
فارس بحنان :وانا بعشقك يا ايلين وعلى فكرة انتى كسبتي
ايلين بعدم فهم:يعني ايه
فارس بضحك:يعني كسبتي الرهان وقدرتى عليا
ايلين بثقه :قصدك روضت الفارس
فارس بحب وهو يحتضنها :كسبتي فى معركه ترويض فارس ❤️🔥

النهاية (تمت بحمد الله )🥺❤️