ترويضـ فآرسـ ❤️ (مكتملة)

بارت 39

ترويض فارس
الجزء التاسع والثلاثون
ايلين بنظرة تحدى وغضب:روان هى اللى زقتني وقعتني من على السلم .....
فارس وهو يهب واقفاً :ايلين ايه اللى بتقوليه ده
ايلين بدموع غزيرة:بقولك هى اللى زقتني من على السلم
روان ببكاء وصراخ:انتى ايه يا شيخه حرام عليكي عايزة مني ايه
ايلين بصراخ حاد:انتى عقربة اتقي ربنا شوية عايزة تسقطيني ليه
روان بتفكير ثم صرخت:ايوة قولى كده
ايلين بدهشة:اقول إيه
روان وهى تنظر لفارس:بص يا فارس انا كنت حالفه انى مش هاقول على الموضوع ده بس لحد كده وكفاية اوى
ايلين بغضب: موضوع إيه
روان ببكاء: فى يوم كده كنت رايحه لايلين الاوضه وهى تقريباً كانت بتاخد شاور فأنا دخلت الاوضه وندهت عليها مرضتش عليا وسمعت صوت المايه فعرفت إنها فالحمام جيت خارجه من الاوضه لقيت شريط برشام واقع على الارض تقريباً وقع من الدولاب وايلين مأخدتش بالها
فارس بعدم فهم:برشام إيه
روان ببكاء:كان ...كان
فارس بغضب:كان إيه
روان بإندفاع:برشام منع الحمل
ايلين بصدمه:انتى مجنونه إيه اللى بتقوليه ده
امجد بصدمه:مش ممكن اومال عي حامل ازاى
روان بتفكير:انا واجهتها يا عمو ووعدتنى إنها مش هتاخده تاني علشان كده حملت على طول لما وقفته
فارس وهو ينظر لايلين بعيون مليئه بالشرار والغضب وحمراء كالدم: الكلام ده صح
ايلين بصدمة:انت بتقول إيه
فارس بصراخ:الكلام ده صح؟
ايلين بصراخ:انت بتسألني
فارس بغضب:اومال اسأل مين ريناد حملت بعد اسبوع واحد وانتى فضلتي شهر كامل ويمكن اكتر يبقي ده معناه ايه
ايلين بغضب:انت اتهبلت إيه اللى بتقوله ده
دولت بتوتر:فارس اهدى شوية وبعدين الكلام ميبقاش كده
فارس بصدمة:مش عايزة تخلفي مني
ايلين بهدوء:انت مستوعب انت بتقول إيه
فارس بغضب:اه مستوعب وعلشان كده احب اقولك انتى طا....
امجد بعصبيه :انت تخرس خالص وتطلع برا خده يا جواد برا
اخذ جواد فارس وخرج به من غرفه ايلين بينما خرجت روان بسرعه متوجهه ليوسف حتي تفكر فيما سيحدث بعد ذلك ...التف الجميع حول ايلين وكلهم لم يصدقوا ما قالته روان ...
رباب ببكاء:حبيبتي انا مصدقاكي
ايلين صامته تماماً ولا تتحدث
امجد وهو يحتضنها:فارس بس اعصابه تعبانه شوية
نظرت له ايلين ثم صرخت وهى تمسك رأسها وظلت تصرخ وتضرب نفسها بقوة مما أثار فزعهم وابتعدوا عنها
**********************************************
فالخارج كان فارس يجلس بجانب جواد بينما خرج مراد وسليم ليحضروا بعد الاغراض من السيارة....جلس جواد يتحدث مع فارس حتى قاطعهم رامي
رامي بخوف:ايلين عامله ايه
فارس بغضب:كويسة جوا
جواد بهدوء:اهدي هى كو...
قاطعه صوت ايلين وهى تصرخ فإندفع الشباب للغرفه دلف فارس فوجدهم جميعاً مبتعدين عنها وهى تضرب نفسها وتتشنج وتصرخ فإقترب منها ثم ظل يحاول ان يقترب حتى احتضنها وظل يربط على ظهرها وصرخ:انتوا واقفين حد ينادى دكتور
جاء الطبيب واعطي ايلين حقنه مهدئه وقال: إيه اللى حصل ديه عندها إنهيار عصبي مينفعش كده يا جماعه
فارس بخوف:هى كويسة دلوقتي
الطبيب:انا اديتها حقنه مهدئه وهى هتبقي كويسة بس بلاش زعل او ضغط خصوصاً علشان الجنين مش هيتحمل كده
فارس بحزن: حاضر يا دكتور متشكر
خرج الطبيب فجلس فارس بجانبها ولكن صرخ به امجد :قوم من جنبها
فارس بصدمه:يا بابا
امجد:احنا معندناش رجالة تطلق مراتتها انت إتجننت
فارس بتبرير:بس يا بابا
امجد مقاطعاً له:بلا بابا بلا زفت انت إزاى صدقت كلام روان اصلا ده انا اللى اسمي غريب عنها مش جوزها مصدقتش ثم إلتفت لهم وقال :حد منكم صدق
قام الجميع بالنفي فقال رامي :كلام إيه يا عمى
جواد :هاقولك بعدين يا رامي
رامي بغضب:انت السبب فاللي هي فيه ده
فارس بندم:انا مش عارف از
لم يكمل بسبب اللكمه التى اعطاها إياه رامي ثم قال بغضب:انا كان عقلي فين يوم ما وافقت انك تتجوزها انت مريض يا بني انت وهى كفايه اللى شافته فى حياتها محدش اتعذب قدها حتي انا مكنتش معاها حرام عليك ليه تخليها فالحالة ديه رغم كل اللى حصلها زمان عمرى ما شوفتها كده ليه؟
فارس بهدوء عكس المتوقع:اهدى يا رامي
رامي بجمود:هي تفوق بس ومش هتقعد على ذمتك ثانيه
امجد وهو يمسك برامي :تعالى معايا بس
رامي :يا عمي
امجد بغضب:راااامي
رامي بخضوع:حاضر يا عمى
خرج الجميع كما طلب منهم امجد فجلس فارس بجانب ايلين وامسك بيدها ثم قبلها وقال : كفاية كده مش هتصحي عاجبك كل ده اخوكي يضربني وجواد كمان يهزقني وانا اصلا بعمل كل ده علشانك انا اص..
دلفت ريناد للغرفة فقال فارس:سيبيني معاها شوية
ريناد :انت صدقت اللي حصل ده
فارس :ريناد سيبيني لوحدى
ريناد:روان اللى وقعت ايلين من على السلم يا فارس
فارس بغضب:عرفتي منين
ريناد :هحكيلك كل حاجه
Flash back
كانت ريناد ترتاح بغرفتها وسمعت صوت روان وايلين يتحدثان فقلقت لإنها تعرف إنهم لا يطيقون بعضهم البعض فتحت الباب ولكن اغلقته وتركت فتحه صغيرة لترى ما يحدث
كانت ايلين تتحدث مع روان بصوت منخفض فلم تسمع ريناد ما قالته ولكن لاحظت تغيير ملامح روان ثم قالت روان لايلين:تفضحي مين وتفضحي ايه اصلا
ايلين بعصبيه:بلاش اقولك لحسن تزعلى
روان وهى تنظر حولها ثم تقترب من ايلين :لا قولى
ايلين بغضب:انتى كدابه ومعندكيش سرطان اصلا
روان وهى تقترب اكثر :مين قالك
ايلين :بطلى كدب بقي انتى سارقه التحاليل والاشاعات والتقارير
روان وقد اقتربت منها كثيراً:هتقولى لفارس
ايلين بإبتسامه ماكرة :وهخليه يطردك برا البيت وبرا حياتنا
روان بضحكه شريرة:كان نفسي تلحقي
فى تلك اللحظة دفعت روان ايلين من على السلم وضعت ريناد يدها على فمها وحاولت الا تصرخ ثم رأت روان تدلف لغرفتها بسرعه فأغلقت ريناد الباب وبكت بشدة عندما تذكرت مشهد وقوع ايلين ولكنها خرجت حين وجدت رباب تصرخ ففتحت الباب ووجدت روان تخرج ومظهرها يبين إنها كانت نائمه بالفعل فنظرت لها ثم نزلا الاثنتان سريعاً لرباب .....
Back
فارس بغضب :وديني ما هسيبها
ريناد ببكاء:ياروحي يا ايلين لو تشوفها يا فارس وهى بتقع لما حاولت تمسك في اي حاجه حواليها وملقتش ووقعت انا كل ما اتفكر مش ببقي قادرة امسك نفسي انا خايفه اوى يا فارس
اقترب فارس منها واحتضنها وقال بوعيد:متخافيش يا روحي حقها هيرجع والله هيرجع
ريناد ببكاء:اوعى تصدق ان ايلين خدت برشام منع الحمل
فارس بندم:مش مصدق والله
ريناد: اومال عملت معاها كده ليه
فارس بهدوء:هتعرفي كل حاجه فى وقتها يا قلبي
ريناد بقلق: فارس روان لازم تمشي بقت خطر علينا كلنا
فارس :هتمشي بس مينفعش دلوقتي لازم ارجع حق ايلين الاول واخليها تندم عاليوم اللى اتولدت فيه الاول
ريناد بهدوء:ربنا يستر انا هاروح اشوف ماما
فارس بهدوء:ماشي يا حبيبتي
خرجت ريناد وتركته بجانب ايلين فجلس بجانبها وظل ينظر لملامحها ثم اقترب من بطنها وقال بهمس:حبيب ماما اول ما فاقت سألت عليك عايزك تعرف انك اغلى حاجه عندى انت وهى وانى بحبكم اوى ووعد مني حقك وحقها هيرجع عايزك تطمنها بقي يا حبيبي او حبيبتي لسه مش متأكد بي وعد هاحميكم لاخر نفس فيا وعد مني........
*********************************************
عند روان ويوسف
يوسف بغضب:انتي اتجننتي ازاى توقعيها
روان بسخرية:قلقان عليها اوى
يوسف بغضب:خايف على مين انتي خليتها تشوفك يعني هتقولهم
روان بهدوء:منا قلبتيها عليها
يوسف بغضب:ازاى يا هانم
قصت علي يوسف ما حدث كله فصرخ بها:فكرك ديه هتخيل على حد انتى جبتي كميه اغباء ده منين جمعتيه ازاى مش معقول ده كله بتاعك لوحدك
روان بصراخ:بطل يا يوسف
يوسف بغضب:بلا يوسف بلا زفت بقي هتودينا فداهيه فأحب اقولك مش لاعب
روان بصدمة:يعني إيه
يوسف بتأكيد:يعني مش عايز اكمل كفاية كده فارس مش هتخيل عليه الحكاية ديه وهيقلبها عالكل وانا بقي مش ناقص فخرجيني من حساباتك
تركها يوسف وذهب للمطبخ ليحضر كأس ليشربه فذهبت خلفه بغضب:اللى بتقوله ده مش هيحصل انا عندى إستعداد اروح لفاري واحكيله كل حاجه
يوسف بسخرية:مستنيه إيه روحي
روان وهى تنظر حولها بجنون: يوسف انا مجنونه وممكن اشيا اى عقبه هتوقف فى طريق انى اوصل للى عايزاه
يوسف بضحك: على نفسك
امسكت بسكينه من على المطبخ وصرخت: يوسف انا واحدة معنديش حاجه اخسرها فحياتي كلها فمش هخاف علي حد او من حد
يوسف بإستفزاز:سيبي اللعبه اللى فإيدك وخدى حاجتك وغورى من هنا وانا عن نفسي مش هاروح لفارس ولا هاقوله حاجه بس انسيني وكإنك متعرفنيش فهمتي...
روان بضحك هستيري:مفيش الكلام ده يا تكون معايا يا يوسف يا عليا ويا ويلك من اللى بعمله فاللى عليا
يوسف بضحك:هتموتيني
روان بغضب:متسبتعدش ده
يوسف و قد بدأ الخوف يتسرب لقلبه:سيبي السكينه يا روان علشان نتكلم
روان بصراخ:معايا ولا عليا؟
يوسف بخوف:لا ده ولا ده سيبيني فحالى نفسي ابقي انسان كويس بسببك انا ضعيف وواطي وحيوان فى نظر كل اللى حواليا ابعدي عني بقي
روان بضحك هستيري وهى تقترب منه: والله انا اللى منعاك تبقي كويس ولا انت اللى زباله من جواك ومش عايز تتغير كان ممكن نتجوز وتنسيني فارس بعد اللى حصل بسببك سيبته وبقيت خاينه كمان  ..كان ممكن يكون عندنا ولاد دلوقتي لكن كل مرة احمل منك بجهض علشان متسبنيش انا بكرهك اوى يا يوسف وفوق ده كله دلوقتي خوفت وعايز تسيبني لالالا مستحيل مش هيحصل يا يوسف لو مش هتكون ليا ومعايا مش هتكون لحد اصلا
يوسف بخوف من اقترابها:سيبي السكينه ونتفاهم
روان وقد اقتربت منه بشدة :مش هسيبها وبسألك تاني معايا ولالا؟
يوسف بخوف:سيبي السكينه يا روان
متضيعيش نفسك
روان بصراخ:كده كده ضايعه مش هتضيعني انت
اقتربت منه بسرعة قاصده طعنه فى صدره ولكنه التقط السكين منها وظلا يتجاذبان السكين حتي وقع على الارض فضرب يوسف روان بقوة فوقعت على الارض وامسكت بالسكين ووقفت بسرعه وطعنته فى بطنه واستقرت السكين فى جسد يوسف حينما رأت كميه الدماء التي تخرج منه اضطربت وتركت السكين واخذت اغراضها وهربت من الشقه تاركه يوسف يلقي مصيره المحتوم........
**********************************************
كان الجميع ينتظر ان تستفيق ايلين ولكن اخبرهم الطبيب إنها بحاجه للراحه فأخبرهم فارس ان يرحلوا وهو سيبيت معها إعترض رامى ولكن اقنعه امجد ورحل الجميع تاركين فارس معها ......
جلس فارس بجانبها على الكرسي واحتضن كفيها بين كفيه ثم غفي قليلاً بجانبها فى ذلك الوقت إستيقظت ايلين حين شعرت بثقل على يدها فوجدته ينام وهى يحتضن يدها فنظرت له وبدون وعي بدأت تبكي ثم قالت ببكاء:ليه يا فارس ده انا قولت فارس ده عوض ربنا ليا عن كل اللى حصل فحياتي ليه تعمل كده فيا تصدق عليا حاجه زى ديه وقوف ده كله كنت هتطلقني مفركتش فيا خالص مفكرتش انا بعمل إيه علشانك ده انت متعرفش حاجه عن روان خالص ومصدقها وانا لا تعرف هى بتعمل إيه من وراك ثم بكت بقوة واغمضت عيونها ولكنها فتحتهم بسرعه حين وجدته يقول :عارف كل حاجه ومن بدرى عارف يا حبيبتي.....

ياترى فارس عارف إيه؟
ياترى فارس عرف من امتي ؟
ياترى يوسف هيعيش ولالا؟
ياترى روان هيجرالها ايه؟
كل ده الفصل الجاى من ترويض فارس ❤️🔥