ترويضـ فآرسـ ❤️ (مكتملة)

البارت 1

ترويض فارس
الجزء الاول
في هدوء الليل وصوت الرياح نجدها
تركض بسرعه وهي تلملم اغراضها بينما تصفر التي تنتظرها فالاسفل فتنظر لها من النافذه بخوف وتقول بصوت منخفض :  استني يا يمني ثانيه هاجيب اخر حاجه
يمني بصوت منخفض:  طيب يلا لحسن حد منهم يجي
اسرعت تدخل من النافذه لتفتح الخزانه وتخرج صندوق جميل مربع الشكل مصنوع من الزجاج ولونه احمر تفتحه وتخرج منه المجوهرات التي بداخله وتقول بدموع:  مش هفرط فيكم مهما حصل انتوا اللي باقيين ليها منها عمري ما هاسمح ان خد ياخدكم مني ابدا مهما حصل مستحييل
ثم قامت بوضعه في حقيبه السفر وقامت باغلاقها وربطها في حبل سميك وانزالها برفق من النافذه لتلتقطها يمني وتفك الحبل منها ثم تقول:  يلا يا ايلين انزلي بقي
ايلين:  امسكي الحبل كويس
يمني:  طيب
ايلين:  فين فاطمه تمسكه معاكي انا خايفه
يمني:  متخافيش فاطمه بتجيب التاكسي علشان نمشي بسرعه يلا انزلي براحه ومتخافيش
امسكت بالحبل واغمضت عيونها ونزلت برفق فأمسكت يمني بيدها فإحتضنتها ايلين وهي تبكي
ايلين : كانوا هيجوزوني غصب ده ضربني تخيلي وحبسني فالاوضه انا مش عارفه من غيركم كنت هاعمل ايه ربنا يخليكم ليا
يمني ببكاء: متقوليش كده انتي اختنا بس مش وقته الكلام ده فاطمه بترن عليا يلا بينا قبل ما حد منهم ياخد باله
ايلين:  اوك يلا بينا بسرعه
ركضتا بسرعه وذهبوا الي سيارة الاجرة التي كانت تنتظرهم
فاطمه:  يلا بسرعه
ركبا بسرعه وانطلقت السيارة بهم
ايلين:  هنروح فين
فاطمه:  هاخدك علي بيت دكتور عاصم وهو هيوديكي للمنصورة هناك فيه مزرعه محتاجين دكتورة شاطرة وانا قولتله عليكي وهو وافق
يمني:  انتي واثقه فالناس ديه
فاطمه:  طبعا عيله القاضي معروفين وهيحافظوا عليكي يا ايلين متخافيش
ايلين:  مش خايفه طول مانتوا معايا وكمان طول مانا بعيد عنهم
يمني:  طيب ليه مقولتيش لاخوكي رامي
ايلين:  علشان خايفه عليه لو عرف هينزل ومش هيسيبهم وهما كمان مش هيسيبوه انا خايفه عليه منهم
فاطمه:  ربنا يسترها بقي خلي بالك من نفسك يا ايلين واحنا معاكي مش هنسيبك
ايلين:  حاضر يا قلبي وانتم كمان، هو احنا كده وصلنا
فاطمه:  ايوة، علي جمب لو سمحت
شكرا
نزلوا ودخلوا الي منزل دكتور عاصم فطرقت فاطمه الباب ففتح لها رجل كبير فالسن ولكن وسيم وهو دكتور عاصم مدير المشفي الذي تعمل به فاطمه .......

دكتور عاصم:  اهلا وسهلا
فاطمه:  اهه ايلين يا دكتور
عاصم:  ازيك يا ايلين
ايلين:  الحمدلله
عاصم:  انا اصلا جاهز يلا بينا
ايلين:  هنمشي دلوقتي؟
عاصم:  ايوة عندك اي مشكله
فاطمه:  لا طبعا يا دكتور صح يا ايلي
ايلين : صح
عاصم:  طيب هاتي الشنط ديه وتعالي ورايا عالعربيه
ايلين:  حاضر
امسكت يمني بايلين ثم احتضنتها وظلت تبكي وتقول : متخافيش انا معاكي والله ومش هاسيبك
ايلين ببكاء: انا خايفه عليكم
فاطمه:  طيب خليهم يفكروا يقربوا مننا كده وانا هاوريكي هاعمل ايه
ايلين بضحك:  انا عارفه هتعملي ايه
دكتور عاصم:  يلا يا ايلين
ايلين:  حاضر جايه
ودعت اصدقائها وانطلقت مع دكتور عاصم الي المنصورة .............
******************************
******************************ا
في مكان اخر كان يتمشي بالاسطبل الخاص به ويطمئن علي الخيول فهو لديه عاده لا ينام الا اذا اطمئن علي جميع الخيول وخصوصا ( رعد)  كان اسود اللون تمام ولكن شعره به بعض الخصل البيضاء فكان جميل جدا وهو الحصان الخاص به يحبه كثيرا يمطتيه دائما يتكلم معه كما لو انه انسان ايضا رعد يصهل بشده عندما يراه و يمتنع عن الطعام اذا مرض فارس او حزن علاقتهم جيدة وكأنهم اصدقاء يشعرون ببعضهم  ويفرحون لبعضهم ويحزنون لبعضهم ايضا ، اطمئن فارس علي جميع الخيول واخيرا وقف امام رعد الذي صهل بفرحه ووفق علي رجليه معبرا عن سعادته لرؤيه صديقه فأبتسم فارس وامسك برأسه واحتضنه وقبله بجانب عينيه وقال:  انت كمان وحشتني اوي يا رعد سامحني انشغلت عنك النهاردة بس مانت عارف الدكتورة الغبيه ديه مشيت وكان لازم حد يراعي المزرعه والحيوانات لحد ما حد يجي مكانها وطبعا مفيش غيري يقوم بالمهمه ديه بس وعد مني بكرة الصبح اخدك ونلف شويه علشان في دكتورة جايه وانا هفضالك يا برنس
اصدر رعد صوت معبرا عن فهمه لحديث فارس وفرحته لما قاله
امسك فارس برأسه ثم قال بحب:  انت عارف انا بحبك قد ايه يا رعد انا لسه فاكر يوم ولادتك كنت انا واقف ومرعوب عليك ومستنيك واول ما شوفتك ضحكت اوي بابا ساعتها قالي رعبتني يا ابني مالك قولتله اصلي مبسوط ان وردة كويسه وابنها حلو شبهها اوي بس طلعت انت احلي منها علشان شعرك ده وكان فاليوم ده الجو وحش كان رعد وبرق بابا قالي نسميه برق بس انا قولت لا نسميه رعد ومن ساعتها وانا جمبك علطول وكمان بحبك اوي كأنك صاحبي بتفهمني ولما بكون زعلان انت بتعرف انت احسن عندي من ميت انسان ثم قبله وودعه لكي يذهب للبيت وينام ....خرج فارس من الاسطبل متوجها الي بيته فإذا به يجد مراد يجلس في حديقه المنزل ويتحدث بالهاتف فجاء فارس من خلفه فوجده يتحدث مع فتاه ما وكان صوتها واضح جدا وعالي فوقف يستمع لهم.....
مراد:  طبعا بحبك ومقدرش استغني عنك كمان
الفتاة:  كداااب يا مراد
مراد:  ابدا يا روحي هاكدب ليه
الفتاة:  انت لسه نادهني باسم تاني غير اسمي
مراد:  محصلش يا رانيا
الفتاة:  اعااااا اسمي علا اسمي علا يا خاين يا كداب يا واطي
مراد:  طيب يلا يا بنت الجزمه من هنا كتك القرف يا رانياااا
ثم اغلق الخط وقال:  وانا هاحفظ اساميكم كلكم ان شاء الله ليه مخي دفتر كتكم القرف كلكم. بس كانت قمر بنت الل ......قاطعته ضربه علي مؤخرة رأسه ( قفاه 😂)
مراد بفزع:  اعاااااا
فارس بضحك:  رانيااا صح
مراد:  هو انت فزعتني حرام عليك
فارس:  مش هتبطل الشغل ده بقي ولا ايه يا استاذ
مراد:  لا مش هبطل انا ربنا خالقني موووز وحليوة والبنات هتموت عليا اعمل ايه بقي
فارس : حوش الحلاوة اللي بتنقط من الواد
مراد : تنكر اننا حلوين
فارس بضحك:  الصراحه لا
مراد مستنكرا:  شوفت بقي
فارس:  شايف يا خويا بس انا احلي منك  صح
مراد:  صح ده كفايه لون عينيك
فارس:  طيب احنا مش هنخلص منك صح
مراد:  صح
فارس:  انا هاطلع انام
مراد:  انت بجد ليه كده يا فارس
فارس:  كده ازاي يعني
مراد : بقيت مقفل ولوحدك
فارس:  امتي ده
مراد:  انت فاهم قصدي ولا يكون ده من ساعه ست زفته
فارس بغضب:  مراد مسمعش صوتك خالص لحد هنا وتقف مش عايز السيرة ديه تتفتح تاني فااااهم
مراد بخوف:  انا م ..مش قصدي
فارس:  فاهم
مراد:  فاهم
ثم تركه وصعد الي غرفته وقام بتبديل ملابسه الي بنطال قطني اسود وتيشرت رمادي ....قام برمي جسده علي السرير واضعا يديه خلف رأسه ثم تنهد تنهيده كبيرة وعاد بذاكرته للخلف قليلا .............
Flash back
كان فارس يجهز بيته الجديد فهو سيتزوج بعد اربعه ايام فقط وكان يجهز المنزل ومعه مراد
فارس : يووووه
مراد:  مالك يا فيروو
فارس:  بطل ام الدلع الزفت ده
مراد:  طيب اهدي مالك
فارس:  بتصل بروان مش بترد
مراد:  معلش يمكن بتجهز علشان تيجي او مشغوله شويه
فارس:  لا انا قلقان انا هاروح لها
مراد : عند خالها
فارس : لا شقتها هي قالتلي امبارح انها هتجيب حاجات من هناك
مراد:  طيب استناك هنا ولا اجي معاك
فارس : خليك وانا هاتصل بيوسف
مراد:  طيب شوفه كده
ظل فارس يتصل به ولكن كان مغلق
فارس : يخربيت كده مغلق ايه اليوم ده
مراد:  طيب يلا انا هاجي معاك
فارس : طيب يلا
خرج كلا من فارس ومراد متجهين نحو منزل روان