تعويض عن يوم الاتنين اهو يارب بعجبكم فوت يا حلوين ❤️❤️❤️🦋🦋🦋🦋🦋🌷🌷🌷🌷
ترويض فارس
الجزء الرابع
الشخص: كده كتير
ايلين: انا ..انا
فارس: طيب اوقفي الاول بعدين نتكلم ضهري وجعني
وقفت ايلين بإحراج شديد وقالت: اسفه شكرا انا بس
فارس : هشششش اهدي الكلام دخل في بعضه
ايلين: شكرا
فارس: خدي بالك مش كل مرة هالحقك
ايلين: قولنا شكرا خلصنا
فارس: تصدقي انا غلطان
ايلين: يوووه انت هتذلني علشان لحقتني
فارس: انتي عندك عم اهبل
ايلين: ايوة عرفت منين
فارس: منك شكلها وراثه
ايلين: انا مش هرد عليك علي فكرة
فارس: طيب
ايلين: طيب ايه
فارس: مترديش احسن بردوا
ايلين: كتك لحسه
فارس: ايه يا بنتي شغل
ايلين: 2/3 ده صح
فارس: نعم
ايلين: مش كنت هتقول كده
فارس: انا قولت انها وراثه وسعي كده
ثم ازاحها بيده ليمر فقالت : كتك القرف في حلاوتك ثم ضحكت وركضت علي غرفتها سمعها فارس فظهر شبح ابتسامه علي شفتيه ثم سرعان ما تلاشت وعاد الجمود اليه مرة اخري ...........
ركضت الي غرفتها لتغير ملابسها ثم عادت الي المنزل مرة اخري
دخلت فوجدت سليم يصرخ بوجه ريناد وعلي ما يبدوا انهم يتشاجرون بشده فارادت ان تتدخل فخافت ولكن رأت الشجار يحتد فقررت التدخل
ايلين: ايه يا رينو مالكم
ريناد: انا قرفت يا ايلين
سليم: من ايه يا بنت عمي
ريناد: منك يا سليم منك
سليم: انا قولت نتجوز علشان اعرف ام ايدي عليكي براحتي
ايلين: تمد ايه انت اكيد بتهزر اهدوا بقي
سليم: انتي مش عارفه حاجه ديه كفرتني
ايلين: تبقي اكيد عملتلها حاجه
سليم: مين يشهد للعروسه
ايلين: انا لسه عارفكم الصبح اصلا
ريناد: انا هاقول لبابا
سليم: ايوة انا عايز عمي
ريناد وهي تركض للداخل وخلفها ايلين وسليم ......
ودخلت ريناد تبكي فانتفض امجد يتجه نحوها ويقول : ريناااد مالك يا قلبي
ريناد ببكاء: سليم يا بابا
عاصم: سليم عملك ايه
ريناد : بيزعقلي يا بابا علشان كنت عايزة اخرج انا وهو راح قالي لما نتجوز يا بابا
امجد بضحك: طيب ماهو معاه حق
عاصم: وقعتي قلبي افتكرته عك الدنيا طلع شريف خضيتيني
ريناد: يوووه انا زهقت بقي يا بابا مش عارفه اخرج معاه ولا اي حاجه زي اصحابي اللي مخطوبين
امجد: استني طيب يا سليم سليم
سليم: اسمعني الاول قبل ما تحكم
امجد: اتفضل
سليم: عايزانا نخرج واحنا مخطوبين وانا بصراحه عايز اخرج بيها وهي علي زمتي
عاصم: عين العقل يا سليم
امجد: طيب وبعدين
سليم: الحل عندك يا عمي
عاصم: ماتجوزهم خلينا نخلص
سليم: اه والنبي ده احنا غلابه اوي
امجد: سيبني ادورها في مخي كده واقول لفارس ومراد
عاصم: انت موافق يا اخويا ولالا
امجد: البنت لسه صغيرة
ريناد: انا مش صغيرة يا بابا
امجد بضحك: اميرتي طبعا مش صغيرة بس في عيني دايما صغيرة
سليم: يعني ايه يا عمي
امجد: موافق وامري لله لما يجي فارس نحدد معاد كتب الكتاب بس الفرح بعدها بشهر او اتنين
سليم: موافق
غمز سليم لريناد التي كانت تبكي وفجأة توقفت وبادلته الغمزة الوحيده التي لاحظت ذلك هي ايلين فابتسمت عليهم وصمتت ذهبت ايلين وهنئتهم ثم قالت في اذن ريناد بهمس: حلوة الخطه ديه يا رينو
ريناد: خطه ايه
ايلين: تعملوا كده علشان عمو امجد يجوزكم
ريناد: انتي فاهمه الموضوع غلط خالص حتي اسألي سليم
سليم: بتجيبي سيرتي ليه
ايلين بخبث: اصل عجبتني خطتكم اوي
سليم: تسلمي بجد عجبتك
ريناد وهي تلكزه: اخرس شويه
سليم: ليه ايلين مننا وعلينا صح يا ايلين
ايلين بضحك: ايوة صح
سليم: واحد لسليم وصفر لريناد
ايلين: انا عايزة اتمشي شويه فالجنينه لاني زهقانه تيجي معايا يا ريناد
سليم : لا والنبي سيبيلي ريناد شويه
ايلين: اوك هتمشي لوحدي شويه
سليم: ماشي يا برنس
خرجت ايلين وتركتهم فقالت ريناد: ليه كسفتها كده
سليم: عايزك في كلمه سر
ريناد: كلمه ايه
سليم: اولها ب واخرها ب
ريناد: باب
سليم: لا جلطه عارفاها
ريناد: جلطه اولها ج واخرها ه
سليم: انا بتشل الحقيني
ريناد بضحك: خلاص بهزر يا رمضان مبتهزرش
سليم: لا يا ختي بهزر
******************************
عند شادي كان في احد النوادي الليليه كالعاده يشرب الخمور ويلعب قمار مع اصدقاء السوء وحولهم بنات لم تعرف الاخلاق لهم طريق يرتدون ملابس تفضح اكثر ما تستر ....
شادي: البنت فص ملح وداب
راجي: عيب يا شادي البت علمت عليك
شادي بغضب: اخرس معاش ولا كان
سهير: بقولك يا شادي انا عندي حل
شادي: الحقيني بيه قوام
سهير بضحك: مليون جنيه
شادي : معيش فلوس
سهير: خلاص بقي فكك مني
شادي: طيب هاتصرف ان شاءلله ابيع مجواهرات امي بس قولي الفكرة
سهير : البت ديه مش معاها موبايل
شادي: طبعا
سهير: رقمها مفتوح ولالا
شادي : معرفش بس كان مقفول
راجي: انتي عايزة ايه بالظبط
سهير: انا عندي واحد حبيبي ظابط هيجبلنا عنوانها من التليفون
شادي: طيب لازم يكون مفتوح
سهير: ايوة
شادي: طيب مفيش حل تاني
سهير: عيب عليك في طبعا بس نجرب ده الاول اتصل بيها كده
امسك شادي بالهاتف وطلب نمرة ايلين فوجدها مغلقه فلعنها ثم القي الهاتف بعنف فقال راجي: اهدي يا شادي
سهير: هي ليها حد غالي عليها
شادي: مفيش غير خالها وده راجل قفل صعيدي وكده واصحابها
سهير : ابعتلها رساله عالايميل بتاعها ان خالها بيموت هتيجي جري تكون انت مستنيها عالعنوان اللي هنكتبه
شادي : واخطفها
سهير: لاطبعا هنعرف مكانها
راجي: ايه اللفه ديه طيب ما نخطفها اسهل
سهير : ارحمني يارب يابني لو خطفها هتهرب تاني واحتمال اصحابها يبلغوا وتبقي حكايه لكن لما نعرف مكانها نزق عليها شاب حلو كده ونلبسها فضيحه معتبرة تقوم تتجوزك وهي زي الكلبه
شادي: اهي ديه الدماغ
سهير: اومال
شادي: وبعدين
سهير وهي تمد يدها الي صدره وتقول بدلع: اكتب الشيك الاول
شادي : معيش سيوله فالبنك انا هاسرق مجوهرات امي بقولك
سهير : امضي شيك علشان اضمن حقي
شادي: عيب عليكي
سهير: انت عايز تفضح بنت عمك علشان فلوسها اللي من دمك اضمنك ازاي بقي
راجي: عندها حق الصراحه
شادي : طيب استني ثم امسك شيك ومضي عليه وقال: اتفضلي مليون جنيه اهم استريحتي
سهير: متخافش مش هخونك
شادي: علي بكرة هاسرق المجوهرات واجيبهالك ونبتدي التنفيذ تمام
سهير: تمام يا قلبي
راجي: ماتيجي نرقص يا سوسو
سعير بدلع: لا يلا يا شادي
ثم امسكت بيد شادي بيدها وصعدت به الي مكان الرقص .........
******************************
عند رامي كان يجلس ويمسك بهاتفه ويريد ان يتصل بيمني ولكنه خائف من رده فعلها فهو يعرف انها فتاه ذو خلق ومهذبه ولن ترضي او تسمح له بسماع صوتها حتي عبر الهاتف فلقد كانت تأتي لاخته عندما يغادر وتتأكد من عدم وجوده لذلك احبها عشق خجلها ورقتها وابتسامتها الرقيقه عشقها لحد الجنون فهي من تملئ كيانه
امسك هاتفه ثم استجمع شجاعته وضغط علي زر الاتصال ........
******************************
عند يمني كانت تقرأ روايه لقاء الروح فهي تعشقها وتؤمن بنظريه الارواح وتجانسها وان لكل انسان تؤام روح
كانت تقرأها وكل تركيزها منصب عليها حتي رن هاتفها ..ترررررن..ترررن...ترررن
ردت يمني: الو
الشخص: السلام عليكم
يمني : وعليكم السلام مين معايا
الشخص: بصي بلاش نرفزه او ياريت يعني متقفليش في وشي لو عرفتي انا مين براحه واهدي كده
يمني: طيب لو سمحت مين اتفضل بقي
الشخص: انا رامي اخو ايلين
فرحت يمني من داخلها ولكن حاولت قدر الامكان عدم اظهار الفرحه التي تجتاحها في صوتها فقالت بجمود عكس ما بداخلها : ايوة يا دكتور حضرتك بتتصل بيا ليه
رامي: بصراحه صوتك واحشني ومش قصدي حاجه مش كويسه والله
يمني: طيب مع السلامه
رامي: دقيقه واحده بس
يمني: نعم
رامي: يعني انتي مش فرحانه حتي انك سمعتي صوتي
يمني: لا هافرح ليه
رامي: انا كمان مش فرحان
حزنت يمني ولكنه قال سريعا: انا طاير من الفرحه مجرد نبرة الفرح اللي في صوتك اللي مش عارفه تخبيها مرضيه جدا بالنسبه ليا وردت علي اسئله كتير كنت نفسي اسئلها ليكي
يمني بإبتسامه : سلام يا دكتور
رامي: احلي دكتور فالدنيا تصبحي علي خير يا احلي يمني فالدنيا
اغلقت يمني معه وظلت تصرخ وتقول : ياخرابي عالعسل امتي ترجع بقي امتي يا رامي
وهو اغلق معها وابتسم للهاتف ثم قبله ونام قائلا: الحق انام علشام الحق احلم بيكي يا احلي حاجه في عمري
ثم ذهب في سبات عميق
******************************
عند فارس
كان في غرفته يمسك بكوب الشيكولاته الساخنه كما يحبها فامسكه واتجه نحو النافذه فرأها تمشي بهدوء للحظه سرح في ملامحها لون عيونها الذي جذبه حين رأها لاول مرة حين وقعت بين يده ملمس يديها الناعمتين للغايه يشبه ملمس القطن او الحرير شعرها البني او انتظر الكستنائي اللامع شفتاها الكنزتان يشبهان الكرز بلونهما الاحمر البراق ملامحها البريئه انفها الصغير الذي اضحكه حينما تذكر انه اصبح احمر بشده حين وقعت وهو امسك بها خديها الورديان نورها المشع الذي جذبه لوهله ثم افاق علي صوت هاتفه يرن ويتصاعد صوته ..........
ترك الكوب واتجه نحو الهاتف ثم امسك به ورد قائلا: الو
الشخص : ابو الفوارس
فارس: ايه يا عم عايز ايه
الشخص : ابو شكلك انزل ياض عايزك
فارس: مش وقتك يا جواد
جواد: انزل بجد عايزك
فارس: طيب ما تطلع انت
جواد: ابو شكلك يا كسول انزل بقي
فارس بضجر: ابو تقل دمك نازل يا سيدي نازل
جواد: اوك هستناك فالجنينه متتأخرش
فارس: طيب سلام
اغلق معه ثم توجه للاسفل
******************************
في الحديقه كانت تمشي وامام عينيها مشهد واحد حين رأت امجد يحتضن ريناد وكم افتقدت حضن والدها في هذه اللحظه وفكرت هل في يوم زفافها لن يكون والدها موجود لكي يسلمها لزوجها الن تحتضنه الن يقوم باعطاء زوجها النصائح حتي يهتم بها الن تكون امها موجودة الن تلبسها الفستان الن تبكي وتحتضنها الن يتحقق كل ذلك لما فمازال هناك الكثير من التفاصيل التي لم تعيشها معهم بعد يالله تفتقدهم بشده تفتقدهم حقا ثم وجدت نفسها تبكي حاولت منع دموعها ولكن هيهات لم تستطع بكت بشده حتي اصبحت تنتحب بصوت عالي ودموعها كالسيول لا تتوقف او تهدئ
رأها جواد وهي واقفه تضع يديها علي وجهها ويعلو صوت بكائها فقرر الذهاب اليها لرؤيه ما بها ذهب لها جواد ثم قال: دكتورة ايلين
ما ان سمعت صوته حتي توقفت عن البكاء وابعدت يدها لرؤيه من الذي يحدثها فوجدته جواد ينظر لها ثم قال : مالك يا دكتورة بتعيطي ليه
ايلين: انا كويسه
جواد: هو الكويس بيعيط
ايلين: انا مش بعيط
جواد: اومال بتعملي ايه بتخرطي بصل
ايلين: عادي يعني
جواد: لا طبعا مش عادي ديه كارثه
ايلين : ليه بقي
جواد: المسكرة والكحل والايلاينر والرموش واللينسز كل ده هيروح عالارض
ايلين: حيلك حيلك ان مش حاطه كل ده
جواد: يعني ده طبيعي
ايلين بضحك: ايوة
جواد: يا شيخه خضيتيني افتكرت هطعيطي وهلاقي سيد صاحبي قدامي
ايلين: مش حلوة
جواد : حلوة يا كدابه
ايلين : انا كدابه
جواد: بهزر يا رمضان مبتهزرش
ايلين بضحك: بهزر
جواد: ايوة كده فكي شويه واضحكي قوليلي بقي بتعيطي ليه بقي
ايلين: عادي
جواد: بردوا هتقولي عادي تاني. اصوت يقولوا الواد اتجنن
ايلين: هو انتوا كده مع كل الناس
جواد بابتسامه : مع الحلوين بس
ايلين بخجل: قصدي انكم كلكم زي بعض يعني انت ومراد و سليم ومروان دمكم خفيف ماعدا
جواد: ماعدا مين
ايلين: ماعدا فرعون
جواد: فرعون مين
ايلين: اسمه فارس
جواد: ابن عمي فارس ده عسل
ايلين: ده متكبر ومش عايزني ادخل الاسطبل خالص
جواد: اهدي طيب
ايلين: ده اناني ازاي الاسطبل يبقي بتاعه لوحده
رأي جواد فارس قادم فحاول ايقاف ايلين قائلا: فكك سيبك منه
ايلين: ازاي ده معصبني جدا بني ادم مغرور وشايف نفسه جدا
جواد وهو ينظر لها: طيب خلاص يلا روحي اقعدي مع ريناد
ايلين: انت بتخاف منه
جواد: لا قصدي ايوة قصدي لا
ايلين: مالك في ايه
كان فارس يقف خلفها تماما
ايلين: فرعون عاملكم كهرباء
جواد: اه
ايلين: انتوا ليه خايفين منه
جواد: اه
ايلين: هو ايه اللي اه
جواد: اه
ايلين: انت تعبان في حاجه بتوجعك
جواد وهو يرفع يده لها ويشير لخلفها: اه
ايلين: ورايا
جواد: اه
ايلين: حد ورايا
جواد: ايوة بالظبط
ايلين بخوف: مين
فارس بغضب : فرعون
ياتري فارس هيعمل ايه مع ايلين؟
ياتري شادي هينفذ خطه سهير ولالا؟
كل ده الفصل القادم من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Romanceفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
