ترويض فارس
الجزء الخامس والثلاثون
حملها فارس بين يده ثم التف بها ليضعها على السرير فتمسكت به وحينما كان ينيمها على السرير امسكت بقميصه وهو ينهض فوقع عليها بدون قصد للحظه تجمد ولم يستطيع النهوض وشرد بها ولكنه افاق على صوت شهقات من خلفه إلتفت ليراها واقفه فقال بصدمه:ايلين ......
وقف فارس سريعاً وترك روان التى ابتسمت بخبث فهى قد سمعت لصوت قدم احدهم فتمسكت بفارس قاصده ان تراها ايلين بهذا الوضع
ركض فارس خلفها حتى صعد الى غرفته وجدها تجلس على الارض وتبكي بشدة فذهب إليها وجلس بجانبها وامسك بيدها فإنتزعتها بشدة فتضايق ثم قال بضيق:ايلين
ايلين ببكاء:لو سمحت سبنى لوحدى
فارس بغضب:مينفعش اسيبك لازم تفهمي
ايلين بغضب:مش عايزة افهم انا
فارس بغيظ:انتى مش واثقه فيا
ايلين ببكاء:المشكلة انى واثقه فيك بس قلبي وجعني لما شوفتك معاها
فارس وهو يجذبها لحضنه قصراً:متعيطيش طيب يا ايلين
ايلين ببكاء وهى تتمسك بحضنه:انا مش عايزة اعيط بس مش عارفه ابطل عياط
فارس وهو يقبلها فى جبينها :انا آسف حقك عليا والله سمعتها بتعيط نزلت لقيتها تعبانه ومش قادرة تقف قومت شيلتها لكن انا مكنش قصدي حاجه والله مكنش قصدي اجرحك انا بحبك يا ايلين مش عايز اقرب من حد غيرك مش عايز زوجه ليا غيرك مش عايز اعجز غير جمبك مش هاحضن حد غيرك مش عايز اكمل عمرى غير معاكي انتى وبس انتى كفاية عليا انتى ماليه عيونى
نظرت له بحب واعين دامعه تلمع بالحب فنظر لها بإعين راغبة بها بشدة فإقترب منها وقبلها قبله بثها كل عشقه وشوقه لها كانت خجولة فالبداية لكنها تجاوبت معه مما زاد تعمقه فحملها ووضعها على الفراش وبذلك اصبحت زوجته قولاً وفعلاً ...............
******************************
كانت روان سعيدة مما افتعلت من مشكله بين فارس وايلين وانها بذلك بدأت فى النهاية لتلك العلاقه بينهم
ولكنها لم تكن تعلم إنها بذلك جعلتهم يقتربون من بعضهم البعض اكثر
روان بحقد وغل: اخيراً بدأنا نتعامل صح ...عمرى ما هاسيبك تتهنى بيه فارس ده بتاعى انا وبس حبيبي وكل ما يخصه واهم من ده كله فلوسه بتوعى وبس سمعانى وبس.......
******************************
كان مراد يتحدث مع فاطمه على الهاتف .....
مراد بضحك :اغنيلك طيب
فاطمه بضحك:انا استحملتك كتير وده غير عادتى
مراد بضحك:لا كده اسكوزمى بقي
فاطمه بضحك بشده:احنا مينفعش نتجوز احنا تافهين اوى بجد
مراد بحب:مهو الحب بيجي من هنا
فاطمه برومانسية:ماشي يا حبيبي
مراد بصدمة:قولتل إيه
فاطمه بضحك:مش هاقولها تانى
مراد برجاء:وحياة امك قوليها مرة واحدة
فاطمه برومانسية:ح-ب-ي-ب-ي
مراد بصراخ:يا صلاة النبي بجد عايز اصرخ واقول بحبك اوى يا طمطم
فاطمه بخجل:عيب يا مراد
مراد بهيام:بحبك يا طمطم بموت فيكي
فاطمه بغضب مصطنع:هاقفل فى وشك على فكرة
مراد بضحك:كتك الغم بقولك بحبك تقوليلي هاقفل فى وشك
فاطمه بضحك:طب اعملك ايه
مراد وهو يقف بالشرفه :قوليلي بحبك
فاطمه بدهشه:لا طبعاً
مراد بضحك:على اساس انك بتتكسفى وكده اومال مين اللى قالى حبيبي
فاطمه بخجل:يلا تصبح على خير
مراد بحب:قوليها واقفلى
فاطمه بسرعه وخجل:بحبك سلام
ثم اغلقت معه فصرخ بصوت عالى :بحبك يا طمطم ثم نظر لنفسه وقال :جننتني بنت الايه بس بعشقها
ثم دلف للنوم ........
******************************
فى الصباح استيقظ فارس قبل ايلين عندما شعر بثقل فوق صدره فتح عيونه ليجدها تنام على صدره بإريحيه فضحك فى داخله على منظرها اللطيف للغاية والمحبب له وشكر روان وما فعلته بالامس فقد جعلته اقترب اخيراً منها واصبحت زوجته قولا وفعلا وهذا ما كان يتمناه ظل يتلاعب بخصلات شعرها المتمردة المتناثرة فوق جبهتها بتلقائية جميله ورقيقه ظل يتفرس ملامحها التى بات يعشقها بشدة فهي اصبحت كل حياته بالفعل فى وقت قصير اصبح مدمناً لرؤيتها تخيل للحظه نفسه بجانبها هى وأولاده البنت تشبهها والولد يشبهها ايضاً فهو يحبها ويريد ان يأخذوا ملامحها التى يحبها
تململت فى نومها فعرف انها بدأت تصحو فقام بالاعتدال سريعاً والتمثيل انه مازال نائماً استيقظت هى وسرعان ما تذكرت ما حدث توردت وجنتاها بشدة واحمر وجهها كله بينما كان هو يكتم ضحكاته بصعوبه رفعت رأسها ببطئ ونظرت له فوجدته نائم فأمسكت بخصله من شعرها وحركتها على وجهه فبدأ يتحرك فعادت تكررها حتي امسك بيدها ثم قال :حد يصحي حد كده
ايلين بضحك:مكنتيش بصحيك
فارس وهو يعتدل ليصبح مواجه لها :بجد والله اومال كنتي بتعملى ايه
ايلين وهى تسحب يدها من قبضته:كنت بلعب معاك
فارس بعشق واضح فى لمعه عيونه:اللعب ميبقاش كده
ثم اقترب منها وقبلها بحنان وحب احست بهم واضحين للغاية ابتعد عنها ثم قال بضحك: اللعب معايا يبقي كده
ضحكت بخجل ثم قالت :انت مشوفتش دقيقه تربيه
فارس بضحك:ولا ثانيه وحياتك
ضحكت ثم قالت :فارس
فارس بعشق وهو يمسك يدها ويقبلها: عيون فارس وقلب فارس وروح فارس
ايلين بحب: بتحبني؟
فارس بدهشه:كل ده ومعرفتيش ثم اكمل بمكر وخبث :معنديش مانع اعرفك بطريقتي
ضحكت ثم ابعدته عنها بيدها قائله :بتكلم بجد يا فارس
فارس بجدية:لا مش بحبك
ايلين بغيظ:فارس
فارس بضحك:بموت فيكي بعشقك بدمنك وقعت فى شباكك حاجه فالرينج ده
ضربته فى صدره ثم ضحكت فجذبها لحضنه يقبلها ويأخذها معه لبحور عشقهم وعالمهم الخاص حيث لا يوجد سوى العشق والغرام فقط
*****************************
فى الاسفل كان الجميع يرحبون بذلك العائد من الغربه بعد وقت طويل مشتاق لرؤيتها فهى روحه الغاليه اخته العزيزة التى ابتعد عنها لفترة طويلة كانت شاقه عليه للغاية .....
امجد بسعادة:انت شبه ايلين اوى
رامى بضحك:انا احلى منها
دولت وهى تلكزه:بطل يا واد
رامى بضحك:انا بجد حبيتكم اكتر لما شوفتكم يا جماعه بجد حبيتكم اوى
امجد بمزاح:احنا لا بقي
رامي بحزن مصطنع:كده يا عمى على العموم انا معنديش دم وقاعد على قلبكم
يمني بضحك:مش هتصحوا ايلين
رامى بإشتياق:ياريت والنبي هاموت واشوفها
امجد بضحك:وحياتك كل يوم بيصحوا بدرى معرفش ايه اللى منيمهم لحد دلوقتي
ضحك الجميع ثم قال رامي :ينفع اطلعلها فوق
مراد بضحك:يلا بينا
عاصم بضحك وهو يمسكه من اذنه: بيقول اطلع من نطلع
مراد بضحك:مهو ميعرفش ايه اللى بيحصل قصدي ميعرفش الاوضه
رامى بضحك:خليك يا خفيف يمني هتوريني هي فين
مراد بغمز:ماشي يا عم هنيالك
رامى بضحك: ابدا والله انا حياتي عامله زى وقالوا سعيدة فى حياتها وهى حياتها بتولع
ضحك الجميع ثم صعد هو ويمني الى غرفة ايلين وفارس.......
******************************
كان فارس وايلين يرتدون ملابسهم استعداداً للنزول للاسفل
ايلين بإحراج:هيقولوا عننا إيه دلوقتي
فارس بضحك:هيقولوا اترحم من التعود اخيرا ً
ايلين بضحك وهى تلكزه :بطل رخامه مكنتش كلمه ديه
فارس وهو يقرصها من وجنتها : ده انا هعايرك بيها بقيت عمرك
ضحكت ثم احتضنته:ياريت يا فارس تفضل معايا لاخر عمرى
فارس بحب:لحد اخر نفس يا قلبي
ايلين بسعادة:بحبك اوى
فارس بحب:بموت فيكي اقترب فارس منها ليقبلهغ فقطع تلك اللحظه صوت طرقات على الباب فقال فارس :انا لازم اعزل من هنا بجد كده كتير
ضحكت ايلين ثم توجهت للباب لتفتح ولكن ما ان فتحت حتى صدمت من رؤيته يقف امامها شعرت بتخدر فى جميع أنحاء جسدها وتجمدت الكلمات على شفتيها لم تستطيع ان تفعل سوا ان تبكي بشدة فإقترب منها رامي ثم جذبها لحضنه بقوة وهو يقول:وحشتيني اوى يا قلب اخوكي وحشتيني
ايلين ببكاء:هنت عليك كل ده يا رامي
رامي ببكاء :حقك عليا انا قصرت فى حقك كتير سامحيني
ايلين وهى تمسح دموعه:مسمحاك كفاية انك هنا يا حبيبي
فارس بغيرة: احم احم مش كفاية سلامات
رامي بضحك :انا ملحقتش احضنها كويس تعالى يا ايلين ثم احتضنها مجدداً فجذبها فارس منه واحتضنها وقال بتملك:ديه حبيبتي انا روح شوفلك حد غيرها
رامى وهو ينظر ليمني:دعواتك يا كبير
ضحك الجميع ثم احتضن فارس رامي ونزلوا للاسفل جميعاً كانت ايلين تجلس بين رامي وفارس وهى تشعر بسعادة كبيرة فهى بجانب اخاها وحبيب قلبها فعل ستدوم تلك السعادة ام سيكون للقدر كلمه اخرى
ياترى روان مختفيه ليه ؟
ياترى ايه اللى هيحصل بعد كده؟
كل ده الفصل الجاي من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Roman d'amourفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
