ترويضـ فآرسـ ❤️ (مكتملة)

بارت 22

ترويض فارس
الجزء الثاني والعشرون
الضابط:  انا اسف علي دخولي بالشكل ده بس انا معايا امر بالقبض علي فارس القاضي
الجميع:  ايه؟ !
الضابط:  اهدي بس يا امجد بيه هو كل اللي حصل ان في واحد اسمه شادي جمال جه وعمل محضر في فارس باشا ابن حضرتك انه اعتداء عليه بالضرب وهدده بالقتل كمان وفالاخر طرده فهو عمله محضر وكمان محضر عدم تعرض فأحنا هناخد فارس باشا نفهم في ايه ونشوف هنحل المشكله ازاي
امجد بغضب:  هتاخد ابني انت بتقول ايه يا حضرة الظابط
الضابط:  حضرتك متقلقش ممكن حضرتك تيجي معانا وكمان فارس باشا يركب عربيته ويمشي بيها معانا
فارس محاولا تهدئه والده:  اهدي يا بابا محصلش حاجه يعني
عاصم بغضب:  انت بتقول ايه يا فارس
فارس بهدوء:  اهدوا واتفضل يا حضرة الظابط انا. جاي معاك
ايلين ببكاء: فارس
فارس:  اهدي وخليكي هنا
ايلين برفض: لا هاجي معاك
رأي فارس نظرات الضابط لها فإشتعلت نيران الغيرة بداخله ثم وقف وامسك بها وذهب الي الاريكه واجلسها قائلا بهدوء عكس ما بداخله:  ايلين هارجعلك والله بسرعه تمام
ايلين ببكاء: لا
فارس:  بلاش عند والله هارجعلك متخافيش
ثم قبل يدها وذهب مع الضابط هو والده وعاصم ومراد وجواد وسليم خلفهم بكي الجميع وخاصه ريناد فأخيها سيسجن ويوم زفافها غدا وايضا ايلين ظلت تبكي ثم خرجت الي الاسطبل ووقفت تبكي امام رعد الذي كان حزين فقالت له ايلين بدموع:  انت مش عايز تاكل زعلان عليه صح
صهل رعد فضحكت قائله:  بتحبه اوي كده تعرف انا كمان بحبه اوي وهاقوله علي فكرة خلاص اللي يحصل يحصل انا بحبه ولازم هو يعرف حتي ولو قرر بعدها بردوا اننا نتطلق او نبعد هاقوله علشان مبقتش اقدر اعيش من غيره
ثم بكت بشدة فوجدت يد تربط علي كتفها فألتفت فوجدتها رباب فأرتمت بأحضانها وقالت:  انا مش عارفه انا كده بأذيه ولا ايه كل المشاكل ديه بسببي بس والله حبيته مش بأيدي حبيته ومش قادرة ابعد عنه
رباب ببكاء: يبقي متبعديش مدام بتحبيه قربي منه اكسبيه واذا كان عالمشاكل فديه مش بسببك ده قدر ولازم نرضي بيه وهو هيبقي كويس بس خليكي جنبه يا ايلين حببيه فيكي ومدام حبتيه يبقي هتكسبيه بسهوله
نظرت لها ايلين وقالت:  بحبه اوي ومش هاسيبه مش هاسيبك ابدا يا فارس .........
******************************
كان فارس يجلس علي كرسي امام مأمور القسم الذي كان يقف امامه محامي فارس وشادي علي الكرسي الاخر فقال شادي بكذب ونفاق:  حضرتك انا ابن عم المدام بتاعته وكنن بتطمن علي بنت عمي عادي وهو نزل فيا ضرب واهانه وبعدها هددني بالقتل
الضابط:  ما هو قولك في المنسوب اليك يا فارس بيه
فارس بهدوء:  محصلش وكله كدب الا حته الضرب والاهانه
الضابط بتعجب:  يعني حضرتك ضربته واهنته
فارس:  ايوة وده لانه جاي يتهجم علي مراتي اللي هي بنت عمه المفروض
الضابط:  تحب حضرتك يا شادي تتنازل عن المحضر لانه كده ممكن فارس بيه يرفع عليك قضيه وبكده الموضوع هيكبر عالفاضي فانا بقول تتنازل وخلاص
شادي:  اتنازل بس بشرط
فارس بسخريه:  لسه هتتشرط كمان
شادي:  يمضي علي محضر عدم تعرض ليا نهائي
الضابط:  تمام اتفضل امضي علي التنازل وانت يا فارس بيه امضي علي محضر عدم التعرض
وبالفعل مضي الاثنان وخرجا فنظر شادي لفارس وضحك ثم رحل وايضا فارس خرج لاهله ثم رحلا عائدين الي بيتهم بعدما حكي لهم فارس بالتفصيل ما حدث بالداخل ..........
******************************
كانت امل تنتظر شادي بالمنزل وحين عاد صدمت من شكله فصرخت قائله:  يا نهار اسود ايه اللي عمل فيك كده
شادي:  اضربت هيكون ايه يعني قرص ناموس
امل:  كتك القرف وده من ايه بقي قمار ولا ايه المرة ديه
شادي: حاجه كده هتعرفيها في وقتها
امل : ياما جاب الغراب لامه
شادي:  مش ملاحظه انك بقيتي بتتكلمي زي الناس البيئه يا ماما
امل : منك ومن ابوك منكم لله
شادي:  يوووه انت زهقت بجد
امل : الشركه بتفلس وابوك ولا هنا وانت ضايع اعمل ايه ياربي بس
شادي:  انا ماشي
امل:  ده اللي انت فالح فيه غور في ستين داهيه
شادي في نفسه:  بكرة لما الفلوس كلها تبقي بتاعتي تفنخري بيا بس اصبري الصبر مفتاح الفرج .......
******************************
اتصل عاصم بشيماء اخبرها بقدومهم ففرح الجميع واستعدوا لمقابلتهم
وبمجرد دخول فارس للبيت انقضت عليه ريناد تتعلق برقبته وتحتضنه وتقول : وحشتني اوي يا فارس
فارس بضحك:  يخربيتك ده انا مقعدتش ساعه
ريناد:  بس كنت فالقسم يعني وحشتني
امجد بضحك:  ربنا يشفيكي
مراد بسخريه:  اخوكي متسجنش يا ماما اهمدي شويه
ريناد:  ملكش دعوة ده انت مجهزاله اكله انما ايه
سليم بضحك:  عيش وحلاوة
فارس:  اهدي يا عم الحلو
ضحك الجميع ثم احتضنته رباب:  قلب امك يا حبيبي حد عملك حاجه
امجد:  يا حبيبتي ابنك كان بيشرب قهوة وقاعد جمب الظابط
دولت بإفتخار:  طبعا مش حفيد القاضي
الجميع:  طبعا
نذر فارس لايلين الصامته والتي تتطلع فقط في ملامحه فذهب اليها فأمسك بيدها وقال بهدوء:  مالك ساكته ليه
ايلين:  مفيش بس كنت واحش الكل
فارس بخبث : الكل بس
ايلين بخجل:  حقك عليا يا فارس انا السبب
فارس:  بس كلامنا هنكمله فوق مش هنا
ايلين:  فعلا علشان عايزة اقولك علي حاجه مهمه
فارس بضحك:  تمام يا قمر
ضحكت ايلين بهدوء فقال مراد بمرح:  العب يا فيروووو
ريناد بمرح:  العب يلا العب يلا
سليم:  ممكن نركز فيا انا اللي فرحي بكرة
امجد:  فعلا ياريت نطلع نرتاح لان بكرة يوم مهم اوي
دولت:  يلا يا يا جواد تعالي وصلني
جواد: حاضر يا جدتي
صعد الجميع لغرفهم وايضا ايلين وفارس الذان غيرا ثيابهما واستعدا للنوم ولكن قام فارس وامسك بيد ايلين وقال بهدوء:  كنتي عايزة تقوليلي ايه بقي
ايلين بخجل:  كنت عايزة اقول ..ايوة يعني كنت هاقول ..اني ..انا يعني
فارس:  ايوة انت ايه بقي
ايلين بتلعثم:  بص هو انا يعني ..انا ..
فارس:  ايوة ايه
ايلين:  منا هقول اهو
فارس : اتفضلي
ايلين:  بص ينفع بكرة اقولك
فارس:  بعد كل ده، عالعموم ماشي يا ستي هستناكي تقولي بكرة يلا تصبحي علي خير ثم قبلها علي وجنتها فركضت لتنام او بمعني اصح تختبئ من كثرة خجلها وهو ايضا ابتسم عليها ثم ذهب في سبات عميق.......
******************************
في مكان ما كان يتحدث شخص ما علي الهاتف
الشخص:  انا عايز التنفيذ بإحترافيه وفي اسرع وقت
الشخص 2: متقلقش
الشخص:  ومش عايز حد يعرف او ياخد خير
الشخص 2: كله فالسر
الشخص : والله وعرفت نقطه ضعفك يا ابن القاضي

ياتري مين دول؟
هل ايلين هتقدر تعترف لفارس بحبها ولالا؟
عارفه انه بارت صغير بس اسفه جدا بس كنت تعبانه وانا بكتبه واوعدكم البارت اللي بعده ضرب نااار ومفاجأت كتيرة واحداث حلوة موووت 😘😘😘