ترويضـ فآرسـ ❤️ (مكتملة)

بارت 5

ترويض فارس
الجزء الخامس
فارس بغضب: فرعون
ايلين برعب عادت للخلف فإصتدمت بجواد الذي اسرع ان يسمك بها حتي لا تقع قائلا: ازيك يا فارس
فارس وهو يقترب منها: انا فرعون
ايلين وهي ترجع للخلف هي وجواد: ايوة قصدي لا يعني معرفش
جواد: عمال اقولك اه اه يمكن تفهمي
ايلين: انت تسكت خالص
فارس : اختفي يا دكتورة دلوقتي احسنلك
ايلين: حاضر تصبحوا علي خير
ركضت ايلين لغرفتها فنظر فارس لجواد الذي انفجر فالضحك واخذ يقفز في مكانه وفارس ينظر له ثم انخرط معه ايضا فالضحك ....
فارس بضحك: انا فرعون
جواد: الصراحه ايوة ثم ركض فركض فارس خلفه قائلا: خد ياض عايزني ليه
جواد: بصراحه انا عايزك في موضوع بخصوص يوسف
توقف جواد عن الركض وكذلك فارس الذي قال: ماله سي زفت
جواد: جالي تاني
فارس : جالك ليه عايز ايه يعني
جواد: جالي يعني كالعاده عايزك تسامحه بصراحه يا فارس انت عاقبته كتير كفايه كده
فارس: كتير ازاي
جواد: بقالك اكتر من اربع سنين يا فارس مقاطعه حاول كتير بس انت دايما بتصده
فارس بصراخ: انا كان مفروض اموته مش اقاطعه واحد استحل عرضي عرض صاحبه واخوه ملقاش غيرها ساب بنات حواء كلهم وملقاش غيرها انتوا كلكم بتتكلموا ومحدش حاسس بيا انا اللي ماسك النار بايدي انتم مش حاسين ولا هتحسوا
جواد: اهدي يا فارس طيب علشان خاطري اهدي
فارس: يا جواد محدش منكم هيحس بيا يبقي محدش يتكلم معايا فأي حاجه تخصه تمام
جواد: حاضر يا فارس اهدي بقي
ترك فارس جواد وصعد الي غرفته ثم رمي بجسده علي السرير وحاول التقلب يمينا ويسارا لكنه لا يستطيع النوم فقلبه يشتعل نارا يتذكر مواقف بينه وبينها لا يقدر علي نسيانها فهو احبها بصدق وكم يصعب نسيان الحب الصادق انه لا يصعب انه مستحيل
ظل يتقلب حتي ذهب في نوم عميق
*******************-*******-***
دخلت ايلين غرفتها وبدلت ثيابها وامسكت بهاتفها وارادت ان تفتح هاتفها القديم فيمني احضرت لها هاتف جديد حتي لا تتحدث مع عمها او لا يستطيعون التحدث لها فكرت ان تفتحه واخيرا قررت الا تفتحه الان ستنتظر قليلا ولكنها لن تخبر احدا انها فتحته فالصباح لكي ترسل رساله لرامي بأنها غيرت رقمها واخيرا ظبطت منبهها فهي لديها اول يوم عمل بالمزرعه غدا
ثم استلقت وسرعان ما ذهبت في سبات عميق
******************************
عند شادي عاد الي منزله وهو ثمل من كثرة شرب الخمور مع راجي وسهير دخل المنزل فلم يجد احد فتسحب بهدوء لمحاوله سرقه مجواهرات والدته لاعطائها لسهير ولكن امل كانت مستيقظه ورأته وهو يدخل وبدقيقه اضاءت الانوار ووقفت امل تنظر له وتقول : يعني فاشل وصايع وسكران وبتاع بنات مقولناش حاجه اصلك طالع لابوك لكن حرامي جديدة وكمان ايه بتسرق امك يا شادي
شادي : هارجعهملك اضعاف لما ايلين ترجع
امل: وهي فين ست زفته
شادي: هترجع اصلي فكرت في خطه متخرش المايه والتمن المجوهرات
امل: خطه ايه يا غبي يا ابن الغبي
شادي : طيب اسمعي كده
حكي شادي لها الخطه لن تنكر انها اعجبت بها ولكن تنقصها بعد التفاصيل
امل: هتبعت ليها رساله فين
شادي : علي الفيس بوك من ايميل غريب
امل: يا فرحتي بيك افرض مهتمتش او اتصلت بخالها وقالها انه كويس وانت اصلا عارف انها مش بتحب خالها ده لانه صعيدي وقفل كده
شادي: طيب وبعدين
امل: خالها بتاع فلوس احنا نروح ونديله قرشين وهو اللي هيجيبها لحد عندنا كمان
شادي: طيب ما نعمل حاجه تانيه
امل: هنعمل ايه يا فرحتي
شادي: نكلمه ونقوله انها هربت مع راجل وعايشه عنده
امل : وانت عارف هي قاعده فين اصلا يا غبي
شادي: لا بس احنا هنقوله منعرفش هي فين ونخليه يكلمها ويدور هو لانه صعيدي ومفيش مانع نغمزه بقرشين علشان يدور بقلب يا ماما فلوس ايلين كتير مش قليله
امل بتفكير: فكرة مش بطاله
شادي: هننفذ امتي بقي
امل : بكرة علي طول
شادي : طيب هاتي شيك بمليون جنيه
امل: ليه
شادي: اصل سهير كتبت شيك عليا علشان ترضي تقولي علي الفكرة ديه
امل: وانا اللي قولت دماغك اشتغلت منك لله مليون جنيه فكلمتين انت فاكر انت غني اوي كده احنا عالحديده وكله من بنت رأفت الواطيه
شادي: هاتسجن هاتي الشيك بقي
كتبت امل له شيك واعطته له وقالت: التنفيذ بكرة احنا محتاجين فلوس
شادي: عيوني
ثم رحل ليعطي سهير الشيك وجلست امل تفكر في الخطه وكيف ستتم
******************************
انتهت الليله علي جميع الابطال واشرقت شمس يوم جديد علي بطلتنا الناعسه الجميله التي تهلكك من الضحك بوضعيه نومها رأسها علي الوسادة ويدها بعيده عنها وايضا شعرها متناثر علي وجهها وقدمها واقعه من علي السرير فهي نائمه بالعرض تقريبا المهم رن منبهها معلنا عن ان الساعه اصبحت التاسعه صباحا
استيقظت مفزوعه تقول : ايه في ايه ثم ادركت انه صوت المنبه فأغلقته وقفزت من علي السرير ثم قالت لنفسها: ايه النومه العجيبه ديه بقالي كتير مش بنام كده
فقد كانت تنام علي الارض بعض الاوقات في بيت عمها وتضرب وتهان اضافه لذلك لم تكن تستطيع النوم براحه خوفا من شادي الحمدلله الذي اخرجها منهم سالمه اغمضت عيونها بألم وهي تتذكر ثم دلفت لتأخذ حمامها
خرجت مسرعه تجفف شعرها ثم ارتدت ملابسها المكونه من