ترويضـ فآرسـ ❤️ (مكتملة)

بارت 34

ترويض فارس
الجزء الرابع والثلاثين
رن هاتف فارس قاطعا عليهم لحظتهم الرومانسيه فأجاب فارس ثم قال :حاضر نازلين
نظرت له فقال: الدكتور خلص وعاوز بقول النتيجه ايه
وقفت ايلين واتجهت معه للاسفل لتعرف اذا كانت تكذب ام تقول الحقيقه ......
وجد فارس الجميع يجلسون ينتظرونه فإتجه وهو يمسك يد ايلين نحو الطبيب ثم قال : إيه الاخبار يا دكتور
الطبيب بجدية:التحاليل كلها سليمه والاشاعات والتقارير كمان كلهم بيثبتوا إنها مريضه سرطان
تنفست روان بأريحيه بعد كلمات الطبيب بينما ارعبها جواد حين قال:طيب احنا عايزين حضرتك تاخدها المستشفي بتاعتك تعملها التحاليل اللازمه علشان نتطمن
جحظت عيونها وقالت بتلعثم:انت يا جواد للدرجه ديه مستحقرنى فاكر إنى ممكن اكذب بخصوص مرض زى ده حرام عليك يا اخى ثم اكملت ببكاء مصطنع : والله حرام
فارس بغضب وهو ينظر لجواد:كفاية يا جواد لو سمحت مش هنعمل تحاليل ليها كفايه عليها الكيماوي وعلاجها حرام يا اخى ثم نظر لها واكمل : روان انا وايلين قررنا بعد إذن بابا وعمي وجدتي اصحاب البيت إنك تقعدى معانا هنا وعلاجك كله على حسابي الخاص مهما كان إحنا كنا اصدقاء وربنا بيسامح
روان بفرحه حاولت مدارتها فقالت بكبرياء مصطنع:لا يا فارس شكراً انا مش عايزة ابقى عبئ على حد
رباب بهدوء:متقوليش كده يا بنتي ربنا يشفيكي يارب
روان بسعادة لسريان مخططها كما ارادت :انا بجد مش عارفه أشكركم إزاى ربنا يباركلكم وشكرا يا ايلين إنك وافقتى إنى اقعد هنا
ايلين بثقه وهى تشد قبضتها على يد فارس :انا معملتش حاجه انا بس لقيت ان فارس حبيبي معاه حق
روان بغيظ:متشكرة ليكي معلش يا جماعه ممكن ارتاح شوية
فارس بهدوء: ريناد هتوريكي اوضتك مش هينفع تقعدى فالملحق بعد كده لاننا هنودضبه وكمان ده صحاب ايلين بيباتوا فيه
نظرت ايلين له فهز رأسه ليطمئنها ثم قال :معلش يا ريناد وريها اوضتها
ريناد بخضوع:حاضر يا فارس
تعالى معايا يلا
ذهبت روان برفقه ريناد وفجأة صرخ جواد بفارس :انت اتجننت مين ديه اللى تقعد هنا وكمان هتتحمل علاجها
فارس بهدوء:يا جواد هتروح فين يعني انت مسمعتهاش وهى بتقول إنها باعت شقتها وخالها طردها انا عارفه كلب فلوس
سليم بغضب:يا فارس احنا منضمنهاش
فارس بعصبيه: ممكن محدش يدخل انا عارف بعمل إيه
جواد بجديه: براحتك يا فارس
ثم خرج وخلفه سليم ومراد
امجد بحزن:هما خايفين عليك يا فارس روح يابني كلمهم وفهمهم بالراحة
فارس بخضوع:حاضر يا بابا
خرج فارس بينما صعدت ايلين لغرفتها فوجدت هاتفها يرن ووجدته رقم غريب فأجابت :الو
الشخص: بالله عليكي متقفليش السكه انا شادي بكلمك من رقم غريب علشان تردى
ايلين بعصبيه:عايز إيه يا شادى
كانت روان تمشي فى شرفتها والتى هى اسفل شرفه ايلين بالتحديد
خرجت ايلين وهى تتحدث مع شادى بصوت عالى غافله عن تلك الحقيرة التى تتنصت عليها
ايلين :عايز ايه انا قولتلك تطلع من حياتى انا وفارس
شادى برجاء:يا ايلين انا عايز اقابلك ضرورى انا عرفت حاجه كده وكنت عايز اقولهالك
ايلين بفضول:حاجه إيه
شادى بتوضيح:انا عرفت حاجه كده يمكن تفيدك بس لازم اشوفك
ايلين بغضب:مش هينفع يا شادى اقابلك فارس لو عرف مش هيحصلك كويس ابعد عن حياتنا بقي
ثم اغلقت فى وجهه فقال شادى :غبيه غبيه ....
إستمعت روان لحديثها وابتسمت بشر ثم إرتدت الجاكيت الخاص بها ونزلت الى الاسفل فقابلت فارس على السلم فقالت له بآسف:انا اسفه يا فارس على اى حاجه عملتها قبل كده
فارس بهدوء:حصل خير يا روان اللى فات مات وهنبدأ صفحه جديدة
روان بضحك:بجد يا فارس
فارس بإبتسامه:بجد يا روان مهما كان كنا اصحاب فى الجامعه بردوا
روان بطريقه غير مباشرة:انت طالع لايلين صح
فارس بهدوء:ايوة ليه
روان بخبث:اصلي كنت فالبلكونة وسمعت صوتها بتزعق فالتليفون وفالاخر قالت للي كانت بتكلمه تقريباً انها خارجه
فارس بعدم فهم:اكيد خارجه مع ريناد
روان بسرعة:لا ده كان اسمه تقريباً شادى
فارس بغضب:اسمه ايه
روان بتأكيد:شادى
تركها فارس وصعد بغضب اللى غرفته فتح الباب ودلف فوجدها تخرج من الحمام فقالت له :لو هتاخد شاور ادخل
فارس بعصبيه:شادى كلمك
ايلين توتر:لا مكلمنيش هيكلمنى ليه
فارس بتأكيد :متأكدة
ايلين محاولة مداراة توترها:ايوة متأكدة
كان فارس يريد إمساك هاتفها ولكن توقع ان تكون روان تكذب ولكن اذا كانت تكذب فكيف عرفت إسم شادى
فارس بهدوء:حبيبتي شادى كلمك صح صدقيني مش هاعمل حاجه اعرف بس
ايلين بخوف:بصراحة ايوة كلمنى
بس انت عرفت منين
فارس بهدوء:مش مهم المهم كان عايز ايه
ايلين بكذب:كان بيشكرني على اللى عملته معاه وقالى انه خلاص معدش ليه وجود فى حياتي تانى
فارس محاولا الضغط عليها:طيب زعقتى له ليه
ايلين بتوتر:مزعقتش استني ،ايوة زعقت وقولتله اني مش عايزة  اشوفه تانى او حتى يتصل بيا تانى
فارس بغضب:قولتليه إنك خارجه تقابليه
ايلين بغضب:محصلش طبعا هو كان عايزنى اروح اشوف عمى لكن انا قولتله لا وقفلت ولو عايز تتأكد كلمه واسأله
فارس بهدوء:تمام ثم دلف الى الحمام
ايلين بغيظ :عرف منين ده طيب
خرجت من الشرفه فوجدت جواد يقف بالحديقه فقالت:بتعمل ايه يا جواد
جواد بجدية:لو فاضيه انزلى عايزك
ايلين بعدم فهم:تمام هنزلك
خرج فارس من الحمام فقالت له:فارس انا هانزل اقعد مع البنات عاوز حاجه يا حبيبي
فارس وهو يحتضنها:عايزك متخبيش عليا اى حاجه
ايلين وهى تقبله على وجنته:حاضر يا حبييي ثم تركته ونزلت لجواد ........
******************************عند شادى كان يجلس مع سهير
سهير بضحك:ديونك إتسددت والبنت ضاعت من ايدك
شادى بهدوء:انا زهقت من حياتى ديه حابب اتغير اديني بحاول اساعد بنت عمى وهى رافضه تسمعنى فكرانى هضايقها تانى
سهير بعدم فهم:تساعدها ازاى
شادى موضح لها : فاكرة لما خططنا نخطف ايلين
سهير بتأكيد:فاكرة
شادى مكملاً حديثه:اليوم ده العيال اللى بعتناهم يخطفوها شافوا العربيه اللى خطفت ايلين بدلنا وعيل منهم شاف نمرة العربية بس مكنش فاكرها
سهير بحماس:افتكرها
شادى بهدوء: ايوة افتكرها وانا
كنت عايز ايلين تعرف
سهير بعدم فهم :طيب وهتفيد ايلين فى ايه
شادى بتفكير:هنعرف مين اللى خطفها وكان خاطفها ليه
سهير بضحك:يا شادى اكيد كان عايز فلوس
شادى بشرود:مش داخل دماغي حوار الفدية والفلوس ده بس على العموم انا مش هاسكت وهاعرف مين .....
******************************
نزلت ايلين لجواد فوجدت مراد وسليم ايضا فقالت بضحك:العصابة كلها هنا
جواد بجدية: إزاى توافقى على كلام فارس
ايلين بغضب:انا موفقتش بس معرفتش ارفض كمان
مراد بضحك:يا جماعه البت ديه كدابة انا متأكد
سليم وهو يلكزه:عارفين يا سيدي بس فارس مش مصدق الظاهر بيحن لايام زمان
نظرت له ايلين فقال جواد:مش عايزين هزار عايزين نفكر هنشكف كدبها إزاى
ايلين بتفكير:مش يمكن مريضه بجد
جواد بضحك: ده منظر واحده عندها سرطان وبتاخد جلسات كيماوى
ايلين وهى تهز رأسها بالنفى: بصراحه لا
جواد بجدية:يبقي احنا هنراقبها وهى خارجه وداخله
سليم بجدية:نركب مايك فى اوضتها
ايلين بعصبيه:هنعملها إزاى دي
مراد :سيبوها عليا
جواد بجدية:يبقي اتفقنا نكشفها واهم حاجه مش لازم فارس يعرف
ايلين بتأكيد:اكيد طبعاً
ثم دلفوا جميعاً الى داخل المنزل ساد جو من المرح بين سليم وريناد ثم تابعه خبر اسعد الجميع بتلقيه ....
ريناد بسعادة: سولى
سليم برومانسية:قلبه
ريناد بتفكير:بتحب البنات ولا الولاد
سليم وهو يحتضن يدها:البنات اكتر
لكزته فى كتفه فضحك قائلاً:مش انتى اللى بتسألى
ريناد بغضب: اسكت بقي
ايلين بتفكير :ريناد اوعى يكون اللى فبالي صح
سليم وفارس:ايه هو ده
ريناد بغمزة:ايوة صح
ركضت ايلين اليها ثم إحتضنتها:وقالت مبروك حبيبتي
سليم بعدم فهم :فيه ايه انا مش فاهم
ريناد وهى تقترب منه ثم امسكت يده ووضعتها على بطنها وقالت بسعادة: كلها ٨ شهور ويتقالك بابا سولى
نظر لها سليم ثم هربت دمعه من عيناه تابعها بحمله لها والدوران بها من كثرة فرحته:انا بحبك اوى يا رينو
ريناد وهى تحتضنه:بحبك اكتر يا سولى
بارك لها الجميع وساد جو من السعادة العائليه بينهم ...
اقترب فارس من ايلين ثم همس لها :شايفن اللى بيتعودوا بسرعه
ايلين بخجل:فارس
فارس بضحك:بلا فارس بلا زفت هقضى عمرى ببوسك فى خدك بس
ايليمدن بشهقه :انت قليل الادب
فارس بضحك:انتى لسه مشوفتيش قله الادب عارفه ليه
ايلين بعدم فهم:ليه بقي
فارس بضحك :لما نتعود
ضحكت ايلين ونظرت له ثم أمسكت يده وقالت:بحبك يا فارس
فارس وهو يضع ذراعه على كتفيها :بموت فيكي يا ليو
امجد بضحك:ده مبقاش بيت ده بقي كازينو
عاصم بضحك:على رأيك اما اشوف مراتي
امجد وهو يقف:خدنى معاك
ضحك الجميع ثم جاء الليل وصعد الجميع لغرفهم بينما كانت تلك الحقيرة تخطط بالاسفل لتدمير تلك السعادة التى تحيط بهم .......
روان وهى تمسك بالهاتف وتحادث يوسف :ايوة يا بنى زى ما بقولك لازم نعرف مين شادى ده يمكن يساعدنا
يوسف بملل:افرضي رفض وفضحنا
روان بشر:مش هيرفض ده كلب فلوس
يوسف بضحك:زيك صح
صرخت به روان: مالك فيه ايه متتعدل كده
يوسف بسخريه:انا جايلك بكرة
روان بغيظ:ليه بقي
يوسف بضحك:هاقابل ايلين
روان بغيرة :انت اتجننت هتقابلها ليه
يوسف بنبرة حانية لإغاظه روان:عادى هاشوف القمر واهو ابقي بنفذ الخطه
روان بغيظ:يوسف بلاش هزار خطه ايه ديه اللى هتنفذها
يوسف بضحك:بما ان فارس سامحك يبقي اكيد هيسامحنى وخصوصا لو اتوددت لمراته حبيبه قلبه هي هتخليه يصالحنى واهو قريب منك ومنها
روان بغضب:انت بنى ادم زباله غور فى داهيه واسمع بكرة تتصل بالدكتور هو اللى يستقبلنى مش عايزة مشاكل
يوسف بضيق:طيب سلام
اغلقت معه روان ثم قالت:نهايتك على ايدي يا ايلين مش هاسيبك تاخديه منى مش هاسيبك ......
******************************
كان فارس فى الشرفه يجلس يتمتع بالهواء النقي والنجوم اللامعه التى تظهر بوضوح فى السماء ويتخيل حياته القادمه مع ايلين فهل يمكن ان تنجب له اطفال على سيصبح اباً جيدا لهم بينما كان يفكر سمع صوت بكاء شخص ما فوقف ينظر فوجد ايلين نائمه خرج للشرفه مرة اخرى ثم قال :مين هنا
فسمع صوت انين يخرج من شرفه روان فصرخ :روان مالك
لم ستمع لإجابة منها فنزل سريعاً لها طرق على باب الغرفه فلم تفتح ففتح الباب ودلف فوجدها مسطحه على الارض تبكي من الآلم فجلس بجانبها ثم قال: روان مالك
روان ببكاء مزيف:بموت يا فارس تعبانة اوى
فارس بحزن:طيب قومى معايا
روان بنبرة ماكرة :مش قادرة اقف
بسرعه حملها فارس بين يده ثم التف بها ليضعها على السرير فتمسكت به وحينما كان ينيمها على السرير امسكت بقميصه وهو ينهض فوقع عليها بدون قصد للحظه تجمد ولم يستطيع النهوض وشرد بها  ولكنه افاق على صوت شهقات من خلفه إلتفت ليراها واقفه فقال بصدمه:ايلين ......

ياترى ايلين هتفهم فارس ولا هتتهمه بالخيانه ؟
ايه هى خطه روان مع الدكتور ؟
يوسف هيعمل ايه مع ايلين؟
كل ده الحلقه الجاية من ترويض فارس ❤️🔥