ترويضـ فآرسـ ❤️ (مكتملة)

بارت 3

ترويض فارس 🔥❤️
الجزء الثالث
فجأه سمعت صوتا من الخلف يقول بحزم: رعــــــد.
التفت برعب فقال لها بحزم: انتي مين وبتعملي ايه هنا
حاولت التحدث لكنها لم تستطع فصرخ بها قائلا: انتي مين
ايلين بخوف: انا ...انت اللي مين
فارس بسخريه: انتي بتسأليني
ايلين وهي تحاول استجماع ما تبقي لديها من قوة: انت بتسألني بصفتك ايه اصلا
فارس بسخريه: بصفتي صاحب الاسطبل
ايلين: فارس صح
فارس: انتي تعرفيني
ايلين: سمعت اسمك كتير وكمان كانوا خايفين يجوا الاسطبل بسببك
فارس: هما مين دول
ايلين: ريناد وشيماء وو...
مراد: رجعتلك يا جميل ايه ده فارس انت جيت امتي
فارس: انت تعرفها
ريناد: ديه ايلين الدكتورة الجديده يا فارس
شيماء: يلا يا ايلين
ايلين: يلا بينا
فارس : اهلا بيكي يا دكتورة
ايلين: اهلا بيك
فارس: بعد اذنك حدودك المزرعه ملكيش دعوة بالاسطبل
ايلين: ليه بقي
مراد: خلاص يا ايلين تعالي
فارس بسخريه: ايوة يلا اسمعي كلامه
ايلين: ملكش دعوة ومتدخلش
فارس : انتي بتقولي ايه
ايلين: مدام موجهتلكش كلام متتكلمش معايا
فارس: ايه شغل 2/3 ده انتي عند ميس صفاء
مراد بضحك: حلوة يا فارس
ايلين: لا عند ميس سوسن
مراد: مش حلوة خالص علي فكرة
شيماء: لا حلوة
ريناد: يلا بينا بقي كفياكم
ايلين: اوك يلا بينا
خرجت شيماء وريناد وخلفهم ايلين ثم وقفت ايلين وقالت: اوعي تفتكر اني بسمع كلام حد انا هاجي الاسطبل ده بمزاجي سلام يا صاحب الاسطبل
وقف فارس مذهول من جرئتها فجاء مراد ووقف بجانبه وقال: علمت عليك جامد علي فكرة
فارس : اخرس شويه
مراد: بس ايه رايك
فارس: رأي في ايه
مراد: في الصاروخ ايلين
فارس: احترم نفسك شويه
مراد: ديه قمر يافارس مينفعش احترم نفسي
فارس : بقولك ايه وسع خليني اخده واخرج شويه
مراد: انت مش لسه كنت خارج بيه
فارس: عادي مخنوق شويه
مراد: كلمتك تاني
فارس بغضب: ايوة اتهببت
مراد: انت متضايق ليه متفكك منها
فارس : يوسف كمان بيكلمني
مراد: سامح يوسف جالي كذا مرة وندمان اوي
فارس بغضب: انا لو سامحتها مش هسامحه هو
مراد: ليه بقي
فارس: هي راحت ولا جت واحدة غريبه لكن هو كان صاحب عمري فضربته وجعتني اكتر منها
مراد وهو يضع يده علي كتف فارس: اهدي يا فارس ومتعصبش نفسك علشانهم
فارس : سيبني يا مراد اخرج برعد يمكن اهدا شويه
مراد: تمام روح يلا
خرج فارس وترك مراد فقال مراد: ربنا يريح قلبك يا خويا
******************************
خرجت ايلين مع ريناد وشيماء ثم رأت فارس وهو يمتطي رعد ويخرج به
ايلين: مغرور اوي
ريناد: فارس حنين اوي بس انتي لسه متعرفيهوش
ايلين: هو اخوكي انتي ومراد
ريناد: ايوة هو الكبير
ايلين: احنا ممكن نروح دلوقتي
شيماء: يلا مراد جه اهو
مراد: بتسألي عليا يا قمر
ايلين: اه ممكن بقي نروح
مراد: انتي تؤمري يا سكرة
شيماء: ابو تقل دمك
مراد: وانتي مالك يا بومه
ريناد: بس يلا يا مراد
مراد: يلا يا رينو
ركبوا السيارة وانطلقوا الي المنزل في داخل السيارة .......
شيماء: علي فكرة يا ايلين كمان يومين عندنا فرح اكيد هتيجي معانا
ايلين : انا مليش فالافراح
شيماء : مفيش كلام من ده هتيجي
مراد : يا قمر الفرح هيبقي حلو وانتي معانا
ريناد : استني يا حنين هي اصلا جايه مش بمزاجها
جاءت ايلين لترد عليهم ولكن هاتفها رن ..تررررن...تررررن...ترررررن
ايلين : ثانيه واحده .....الو
الشخص : قلبي اللي مش بتسأل
ايلين بفرحه : حبيبي عامل ايه اخص عليك اهون عليك طول الوقت مش بتتكلم ولا بتسأل عليا
الشخص : حقك عليا الموبايل اتسرق والارقام ضاعت وكنت متبهدل شويه
ايلين ببكاء وقد نسيت تمام امرهم تماما : انت وحشتني اوي انزل بقي انا تعبت بجد عايزة اشوفك وحشتني يا رامي وحشتني اوي
رامي ببكاء : حبيبه قلب اخوكي قريب هانزل قريب اوي متقلقيش واهدي شويه بس
ايلين: حاضر قولي بقي عامل ايه
رامي: الحمدلله كويس بقولك هي عامله ايه
ايلين بخبث: هي مين
رامي: بطلي غلاسه
ايلين بضحك: كويسه وبتسأل عليك كمان
رامي : بجد
ايلين: ايوة
رامي : انا كنت عايز منك رقمها ومتقوليش ليها
ايلين: حاضر هابعتهولك واتس
رامي: اوك هاكملك تاني
ايلين: ماشي يا حبيبي سلام
انهت ايلين المكالمه فوجدت ان السيارة متوقفه والثلاثه ينظرون لها
ايلين: مالكم
مراد: ايه ده مين ده
شيماء: رومانسية مابعدها رومانسية
ريناد: انا عايزة درس علشان اعرف اكلم سليم
ايلين: ده رامي
مراد: بجد اهلا بيه مين بقي رامي
ايلين: اخويا
مراد: يا اهلا بيه انا حبيته من قبل ما اشوفه
ايلين: ميرسي
ريناد: زعلتيني كنت فكراه الجو بتاعك
ايلين: لا اخويا الحمدلله
شيماء: هو شبهك
ايلين: احلي مني
شيماء: ياريتني ما اتخطبت
مراد: لمي لسانك يا بومه
شيماء: احترم نفسك يا كلب البحر
ايلين: عنك يا ريناد بـــس انزلوا
نزلوا جميعهم من السيارة وكان مراد
يتشاجر مع شيماء فجاء شخص وقال: مالك ياض بخطيبتي
مراد وهو يرفع يده بإستسلام: مقدرش يا كبير
شيماء: ايوة جيب وراء
ايلين: ده خطيب شيماء مروان صح
ريناد: ايوة هو
مروان: مين ديه
شيماء: ديه دكتورة ايلين
مروان: ازيك يا دكتورة
ايلين: الحمدلله
مروان: اتمني تتبسطي معانا هنا
ايلين: فعلا انا مبسوطه هنا
ريناد: ازيك يا مروان
مروان: الحمدلله اومال فين جواد
ريناد: جواد في المرسم اكيد
ايلين : مرسم ايه
ريناد: اصل جواد رسام يا ستي
شيماء: مالك بالرسام يا رينو
ريناد: مقدرش اتكلم
مراد: حد يقدر يتكلم علي بيكاسو
مروان: قصدك مايكل انجلو
مراد: ايه اللي جاب سلاحف النينچا فالموضوع
شيماء: مايكل انجلو ده رسام يا جاهل
مراد: شوف بقي الامريكان هيبوظوا عقول عيالنا ازاي هو مايكل انجلو هياكل بيتزا ولا يرسم منهم لله
ايلين بضحك: انت فظيع بجد
مراد: العب يلا
مروان: طيب يلا بينا علشان انا عايز جواد
مراد: يلا يا موزتي
مروان بدلع: يلا يا قلبي
مراد: اموت انا واعيد السنه
مروان: هيهيهيه
ثم ذهبوا الي مرسم جواد ووقفت البنات تضحك عليهم ثم دخلوا الي المنزل ..........
******************************
عند فاطمه ويمني كانوا يتوجهون ناحيه كافيه ليجلسوا معا قليلا
يمني: عايزة اتصل بيها
فاطمه: اصبري شويه ونكلمها
يمني: شوفتي البجح جاي يسأل عليها ازاي
فاطمه: شوفتي انتي انا عيطت ازاي
يمني بضحك: الصراحه مووت مش قادرة كل ما افتكر وانتي ماسكاه من القميص وعماله تعيطي بمووت
فاطمه: ومع ذلك بقولك اهو شادي مصدقناش
يمني: عارفه بس انا عايزة كمان يومين اروح لايلين اطمن عليها
فاطمه: مش دلوقتي خالص اهدي لحد ما هما يهدوا شويه
يمني: تفتكري هيهدوا اصلا دول تعالب وشياطين
فاطمه: الحمدلله انها هربت قبل ما تتجوز اللطخ ده
يمني: اه الحمدلله
فاطمه: مش انا جالي عريس
يمني: حلو. وبعدين
فاطمه: رفضته
يمني: يخربيتك ليه كده
فاطمه: لطخ شبه شادي
يمني: يبقي جدعه
فاطمه: شوفتي بقي الدماغ
يمني: ايوة دماغ شغاله مش بتنام
فاطمه: طيب اشربي الكابتشينو علشان نكلم ايلين
يمني: اتصلي طيب دلوقتي
فاطمه: حاضر اهو بتصل
اتصلت فاطمه بإيلين
******************************
عند ايلين
دخل البنات للمنزل فوجدوا عاصم وامجد يلعبون شطرنج وعاصم يهزم امجد ويضحكون بينما السيدات نجلاء ورباب يتحدثون كعاده جميع النساء
ريناد: بابا غالب طبعا
عاصم: مغلوب يا رينو
شيماء: ايوة بقي ابويا البطل
امجد: بتعرفي تلعبي يا ايلين
ايلين بحزن : كنت بلعب مع بابا
امجد: طيب ومالك زعلانه كده ليه
ايلين: بابا متوفي فافتكرت لما كنا بنلعب سوا
امجد: تعالي لاعبي عاصم باسمي يمكم حظي يلعب شويه
عاصم: تعالي يا ايلين تعالي يمكن حظه يلعب
ايلين: ماشي
جلست ايلين تلاعب عاصم ويشجعها امجد وريناد بينما شيماء تشجع عاصم ودخل سليم وظل يشجع ايلين
عاصم: يا خاين انا ابوك شجعني انا
سليم: يا بابا هي فرد جديد لازم نشجعها
امجد: جدع يا سليم علشان كده خطبتلك بنتي
سليم: طيب مش ناوي تجوزنا بقي
امجد: انا قولت سنه وبعدين تتجوزوا
سليم: ماشي يا عمي
ظلوا يلعبوا حتي انتهت اللعبه بفوز ايلين علي عاصم بقفزت هي من الفرحه وقامت ريناد باحتضانها وشيماء ايضا وسليم وامجد قاموا بتهنئتها كذلك حتي قطع صوت هاتفها هذا الفرح الشديد بفوز ايلين علي عاصم فرفعت هاتفها ووجدتها فاطمه فردت عليها قائله: طمطم قلبي
فاطمه: حياتي كلها يا لي لي
ايلين: وحشتيني انتي ويمني
فاطمه: وانتي اكتر يمني معايا اهيه
ايلين: طيب ثانيه وهاكون معاكم
استأذنت من الجميع وتوجهت للخارج
وقفت بحديقه المنزل لتتحدث بحريه مع اصدقائها ..........
ايلين: يمني وحشتيني اوي
يمني: انتي اكتر يا قلبي
ايلين: عاملين ايه
يمني: استني هافتح الاسبيكر
ايلين: اوك اسنتي ما تفتحي الكاميرا
يمني: اوك. ها شيفانا
ايلين ببكاء: شيفاكم ووحشتوني جدا
فاطمه: بلاش عياط يا لي لي
يمني ببكاء: انتي وحشتيني اكتر
فاطمه: اهي قلبنا مسلسل لن اعيش في جلباب ابي
ايلين بضحك: لا بلاش بطلت عياط اهو
فاطمه: اخبارك ايه عندك
ايلين: عيله دكتور عاصم محترمين جدا وطيبين محسسني اني بين اهلي
يمني : طيب الحمدلله
ايلين: خلوني كرهت عمي اكتر لانهم مش اهلي وبيعاملوني كده وعمي اللي من دمي بيعاملني بالطريقه الزباله ديه
فاطمه: ده جالي الصبح صحيح
ايلين: مين عمي
يمني: لا شادي
ايلين: عملكم حاجه
فاطمه: لا طبعا انا ضحكت عليه وعيطت وضربته وقولتله انتوا عملتوا فيها ايه وكده وظبطه بس متأكده انها مش هتدخل علي العقربه امل
ايلين بضحك: طبعا ديه تعبانه
يمني: صحيح اخوكي عرف ولالا
ايلين: نسيت اقوله
فاطمه: انتي هتقوليله علي عمك وكده
ايلين: لا هقوله اني جيت اشتغل بس
يمني: تقتكري هيصدق
ايلين: سيبك مني رامي بيسأل عليكي
فاطمه: العب يلا
ايلين: لا ارحميني مش هتبقي انتي ومراد
فاطمه: مين مراد ده
ايلين: ده ابن اخو دكتور عاصم بس شبهك يا فاطمه دمه خفيف اوي
يمني: المهم رامي عامل ايه
ايلين: كويس وبيقول هينزل قريب
يمني بفرحه : بجد
فاطمه: يا حنينه
ايلين: سيبيها يا طمطم
فاطمه: عيوني المهم خلي بالك من نفسك وشويه وهانجيلك
ايلين: بجد
فاطمه: ايوة خلي بالك من نفسك
ايلين: حاضر
يمني: كلي كويس وطمنيني عليكي كل شويه
ايلين: تمام يلا باي يا قلبي
يمني: باي
فاطمه: باي يا لي لي
اغلقوا معها وجاءت لكي تلتف وتذهب فكانت ستقع لولا يد قويه امسكت بها
ايلين: انت
الشخص : كده كتير

ياتري مين اللي مسك ايلين؟
يا تري شادي هيعمل ايه مع ايلين؟
كل ده الفصل الجاي من ( ترويض فارس) ❤️🔥