ترويض فارس
الجزء الحادي عشر
جاء صوت من خلفه يقول: سمعني كده قولت ايه تاني يا جواد
التف جواد بخوف: انا ..انا
نجلاء: احمد ربنا اني انا اللي سمعتك
جواد: يا امي انا
نجلاء: بلا امي بلا زفت انت اتجننت ازاي تفكر في اللي هتبقي مرات اخوك
جواد بحزن: يا امي انا حبيتها قبله
نجلاء احست بالوجع في صوت ولدها فقامت بالتحدث باللين قائله: مقولتش ليه طيب يا جواد
جواد: انا لسه عارفها من يومين بس
نجلاء: يبقي حبيتها امتي
سليم: يا امي انتي بتقولي ايه فارس لو عرف مش هيحصل كويس
نجلاء: جواد معملش حاجه غلط هو حبها قبل ما يعرف انها هتتجوز فارس
ودلوقتي هينساها مهياش معضله
جواد: انساها ازاي بقولك بحبها
نجلاء: تنساها علشان فارس اخوك وهي هتبقي مراته وده حرام الا لو كنت عايز تغضب ربنا
جواد: طبعا مش عايز اغضب ربنا
نجلاء: يبقي تنساها يا حبيبي
جواد: حاضر يا امي
نجلاء: ربنا يهديك ويريح قلبك يا جواد
ثم دلفت للداخل هي وخلفهم سليم بينما وقف جواد ينظر للمضيفه بغل وحقد ويقول: انساها ..علي جثتي يا امي ...ايلين ليا لحد لاخر نفس فيا
******************************
عند ايلين كانت تبكي بحضن فاطمه لان يمني قامت لتؤدي فرضها ولم تريد فاطمه تركها ايضا فجلست معها
فاطمه: اهدي يا حبيبه قلبي
ايلين: ازاي وصل بيا الحال كده اني احاول اموت كافرة ازاي منهم لله هما السبب هما السبب
فاطمه: وانتي كمان السبب
نظرت لها ايلين فأكملت فاطمه: انتي السبب علشان ايمانك ضعيف
ايلين: انا ايماني ضعيف
فاطمه: ايوة يا ايلين انتي لو ايمانك قوي كنتي عرفتي ان ربنا بيختبرك وبيحبك اوي بكل اللي بيحصلك ده ..ديه اشارات علي حبه ليكي
ايلين: ازاي يا فاطمه ازاي بس
فاطمه: بيحبك فبيبتليكي علشان عايز يسمع صوتك بتقولي يارب انتي بعيدة عنه فعايزك قريبه عايزك تناديله بعلو صوتك وتستنجدي بيه يارب
ايلين: انا بدعيله والله
فاطمه: مش كفايه
ايلين: عارفه اني مقصرة بس ..
فاطمه: حبيبه قلبي كلنا مقصرين فحق ربنا مهما عملنا لكن ادينا بنحاول نرضيه بحاجات بسيطه زي الصلاه
ايلين: الصلاه انا بحبها بس بحسها تقيله عليا بكسل بصراحه
فاطمه: علشان خايفه مش حابه
ايلين: يعني ايه
اكملت يمني: قصدها انك بتصلي علشان خايفه من ربنا مش حابه القرب منه فعلشان كده تقيله عليكي
ايلين: يمكن بس بحب القرب منه
فاطمه : فين بقي القرب ده مانتي بعيدة
يمني: الصلاه صله جايه من اسمها يا ايلين
فاطمه: صلي يا ايلين
ايلين: بس الحجاب
يمني: واحده واحده
فاطمه: ابدأي بالصلاه
يمني: وبعدين الصيام
فاطمه: وبعدين تبتدي تبصي للحجاب
يمني: لما تصلي وتلتزمي وتقرأي قرأن وتحاولي تقربي كل ما هيهديكي ويريح قلبك يا ايلين وتحبي الحجاب كمان وترتاحي له
ايلين: معاكم حق انا هتوضي ونصلي مع بعض يا فاطمه
يمني: شطورة يا قلبي
وبالفعل توضأت ايلين وصلت مع فاطمه ولكنها بكت كثيرا تشتكي الجميع لله تشتكي من الظلم الذي تراه بكت كثيرا وارتاحت اكثر فالله احن بعباده فهو اقرب الينا من حبل الوريد ادوا فرضهم وخرجوا يتمشوا قليلا بالحديقه .............
******************************
عند امجد وفارس
امجد: انت متأكد من قرارك يا فارس
فارس : ايوة يا بابا انا عايز اتجوز ايلين
دولت: علشان تحميها
فارس: ايوة طبعا
دولت: بتكدب علي مين
فارس: انا مبكدبش ومستحيل امن لوحده ست تاني واذا كنت اتجوزتها فعلشان اخلص من الكلام وكمان احميها من عمها وابنه واكتر من كده مفيش المؤمن لا يلدغ من جحر مرتين
امجد: بس ايلين غيرها
فارس: مش فارقه كلهم واحد بالنسبه ليا
دولت : يا فارس يا حبيبي صوابعك مش زي بعضها ازاي الستات كلهم واحد
فارس: فالشكل مختلفين كل الاختلاف لكن الطبع واحد ومحدش هيقدر يغير فكرتي ديه
امجد: بس كده انت بتظلم ايلين
فارس : انا بنقذها مش بظلمها
دولت: لما تتجوزها وانت مش مقتنع بيها كزوجه وناوي تطلقها بعد فترة يبقي بتظلمها
فارس: مين قال اني هطلقها اصلا
امجد: يعني ايه
فارس: يعني حفيد القاضي ميطلقش وخلص الكلام واعملوا حسابكم كتب الكتاب بليل والفرح بعد اسبوع خليني بقي اشوف اهلها هيقربوا منها ازاي
خرج فارس وتركهم فقال امجد: تفتكري هي ديه
دولت: ايوة هي ديه اللي هترجعه فارس تاني .....
******************************
عند شادي
كان. غاضب للغايه ويقوم بكسر كل ما حوله. وكل ما تقع عليه عينه فدخلت عليه امل بدهشه من غضبه وما يقوم به صرخت به قائله: شادي حبيبي مالك
شادي: بعد كل ده خالها القذر هيجوزها لابنه
امل: مش هيحصل ابدا ايلين ليك
شادي: ازاي بس
امل: انا مدام وعدتك خلاص
شادي: الغبي دخل جدها فالموضوع كمان
امل: سيبه واحنا كمان فالموضوع ومش هنخرج منه مهما حصل
شادي: بس
امل: مفيش بس ايلين ليك وفلوسها ليا ومش هسيبها تفلت زي امها
شادي: انتي ليه بتكرهي امها كده
امل: ملكش دعوة المهم ان ايلين ليك ملكش دعوة بحاجه تانيه خالص
شادي: تمام يا ماما
خرج شادي وترك امل في ذكرياتها
Flash back
كانت امل ووالده ايلين اصدقاء وفي نفس الجامعه ولكن كانت مرام والده ايلين اجمل من امل بكثير فعشقها رأفت ولكن امل كانت تحبه بشده ولكنه احب مرام ولم يحبها فتزوجت من جمال لكي تقترب من رأفت ولكنه صدها بكل ما لديه من قوة لانه يعشق مرام لا يعرف جمال شيئ عن هذا ولكن مران تعرف لان امل قطعت علاقتها بها عندما اخبرتها انها تحب رأفت وانها لم تتركه من اجلها ابدا فهو زوجها العزيز ..........
امل: هاخده منك
مرام: بتحلمي ده جوزي ومش هاسيبه لواحده انانيه زيك
امل: هتشوفي والزمن ما بينا
مرام: مهما عملتي مش هيفرقنا الا الموت
امل: هنشوف
مرام: هنشوف
ومن وقتها تكرهها امل بشدة وتكره ايلين لانها نسخه طبق الاصل من مرام
وهذا سبب عدائها تجاهها وحبها لرامي لانه يشبه رأفت جدا .......
Back
امل: ملحقتهاش بس انتي مش هتفلتي مني يا ايلين ابدا والزمن بيني وبينك ولو اخر نفس فيا هخلي حياتك جحيم مش ههنيكي بجمالك او حياتك
******************************
كانت ايلين تتمشي مع فاطمه ويمني ويضحكان معا فقد استطاعا اخيرا اخراجها من حالتها تلك .....
فاطمه: اسمعي ديه مرة مدرسين رياضه واحد ادفن في جبر والتاني في هندسه
يمني: ابو تقل دم امك
ايلين: للاسف ضحكت
فاطمه: اهو ضحكت يا كئيبه يا عدوة الفرحه
يمني: بتجاملك
ايلين: حصل للاسف
فاطمه: عابو شكلك يا
ارتفع صوت هاتف ايلين بين ضحكهما
ايلين: رامي بيتصل بيا
يمني بفرحه: ردي طيب
فاطمه: اتقلي شويه طيب
يمني: بلاش غلاسه
ايلين وهي تجيب الهاتف: الو
رامي: ايلين
ايلين: حبيبي عامل ايه
رامي: الحمدلله كنت هتجنن عليكي خالك او ولادة عملولك حاجه
لم تستطيع ايلين امساك نفسها او تصنع الشجاعه فبكت وهي تقص عليه اتهامهم لها وهو في دهشه مما يسمعه ولاول مرة في حياته يشعر بالعجز فعو محتجز هناك ولا يقدر ان يكون بجانبها ويساندها او ينقذها من هؤلاء الذئاب
رامي : يا قلبي حقك عليا انا السبب
ايلين: انت ملكش ذنب
رامي : ليه مقولتليش علي شادي وعمك ومراته مش زمان ليه يا ايلين
ايلين: خوفت منك من تهورك خوفت يأذوك خوفت عليك يا حبيبي
كان فارس يتقدم منهم واستمع الي كلمه حبيبي تلك فتجمد مكانه ليعرف من ذلك الذي تدعوه حبيبي
ايلين: انت متشغلش بالك بس اهم حاجه عندي انت ميهمنيش حد غيرك اصلا
رامي : فاكرة كنتي بتانديني ازاي
ايلين: طبعا وديه حاجه اتنسي يا روميو
رامي: صحيح يمني انا كلمتها امبارح ومن ساعتها معبرتنيش
ايلين وهي تغمز ليمني: هي جمبي
رامي : طيب اديهالي لو سمحتي
ايلين: اوك، كلمي
يمني: لا
ايلين : مش راضيه
رامي: قوليلها لو مكلمتنيش هاتصل علي فونها
ايلين: هيتصل علي فونك
يمني: لا خلاص هاتي
اخذت الهاتف منها واجابت
يمني: السلام عليكم
رامي بمرح: اخيرا رضيتي عننا وسمحتيلي اسمع صوتك
يمني بخجل: ازيك
رامي: بقيت كويس
يمني: الحمدلله
رامي: تسلميلي وحشتيني يا يمني اوي
يمني بخجل: لو سمحت بس بقي
رامي: خدودك احمرت مش كده
يمني: يوووه هاقفل
رامي: خلاص خلاص
فاطمه: ايوة بقي الحب ولع فالدرة
ايلين: اجري يا سعديه
يمني: طيب معلش هكلمك تاني
رامي: انفخيهم مكاني
يمني بدون ادراك: عيوني
رامي: وحشوني هانت هنزل واشبع منهم
يمني بخجل: سلام يا رامي
اغلقت ثم ركضت خلفهم تحت انظار فارس الذي اطمئن حين علم انها كانت تحدث اخاها فقط وابتسم حين رأها تضحك وتركض مع صديقاتها ثم ذهب
ركضت يمني ورائهم فقالت: الحب ولع فالدرة مش كده وديني لاولع فيكم
فاطمه: اجري يا مجددددي
ايلين: اسمها سعديه يا جاهله
ركضوا حتي تعبوا فوقفوا يرتاحوا قليلا فقالت فاطمه: بنجري في بيت ابونا مش كده
يمني: والله لو بيتنا مش هنعمل كده
ايلين: وحشني
فاطمه ويمني: مين
ايلين بحزن: بيتي
فاطمه: اجمدي كده
يمني : احنا لسه كنا بنضحك مش هنقلبها
ايلين: جدي جاي بكرة
فاطمه: جدك مين
يمني : جدها الكبير يبقي عم امها
فاطمه: انتي خايفه منه ليه اوي كده
ايلين: علشان هو دلوقتي فاكر اني فاجرة عايشه في بيت شاب غريب عني من غير جواز وهربانه من بيت عمي ومن وراء اخويا يعني جبتلهم العار بس كده فطبعا مش هيجي يتفاهم معايا هيجي يقتلني ابسط حاجه هيعملها
يمني: في قانون
ايلين: قانونه القتل
فاطمه: مش هنسيبك
ايلين: مش عايزة لكم مشاكل كفايه لحد كده
يمني: احنا اخوات مش اصحاب
فاطمه: اصحاب للجنه فاكرة ديه
يمني: ايوة قرئنا الشعار ده في روايه
ايلين: ايوة فعلا
فاطمه: يلا قوموا نكمل مشي علشان نشوف هنروح ولا هنعمل ايه خصوصا اننا مش هنطمن نمشي وجدك ده جاي بكرة
يمني: ايوة فعلا
ايلين: يمني تعالي معايا عاجيب جاكيت من الاوضه
فاطمه: انا هستناكم هنا الجو حلو
يمني: اوك مش هنتأخر
وفعلا اتجهت ايلين ومعها يمني الي الغرفه لاحضار الجاكيت وتركا فاطمه
فاطمه: ايه الحلاوة ديه الجو هنا روعه
جائها صوت من خلفها: اتعكر بسببك
التفت فوجدته نفس الشخص الذي صفعته فالصباح فقالت: تصدق بقي ماسخ وانا بقول ماله اتاريك معدي من هنا
الشخص: لمي لسانك يا قطه انتي متعرفيش بتتكلمي مع مين
فاطمه: هتكون من يعني
الشخص: مراد القاضي صاحب البيت ده
فاطمه: طز اعملك ايه يعني
مراد بدهشه: انتي قولتي ايه
فاطمه: مش بعيد كلامي مرتين
مراد: ليه يا هانم
فاطمه: اوووف انت مالك يا جدع انت بيا ما اتفسح كده الاكسجين خلص
مراد: الاكسجين ماله
فاطمه: ما اقولتلك مبعيدش كلامي مرتين
مراد وقد اعجب بطريقتها ولا يعلم لما: انتي مين طيب وبتعملي ايه هنا
فاطمه: انت مالك
مراد: ده بيتي
فاطمه: طز
مراد: اتلمي بقي
فاطمه: وان متلمتش هتعمل ايه هتقرب مني تاني وهاقوم رزعاك قلم اهو بتاع الصبح
وضع مراد يده تقائيا علي وجهه فضحكت فاطمه غضبا عنها فإبتسم مراد بخبث وقال: هيتردلك بدل الواحد اتنين
فاطمه: تور بيتكلم انا اول مرة اشرف تور بيتكلم
مراد بغضب: لسانك ده ولا مبرد
فاطمه: ملكش فيه
مراد: شغل اطفال اوي انتي مش ممكنه
فاطمه: كلمه كمان وهاعرفك شغل الاطفال يا عسل
مراد بخبث: اديكي اعترفتي
فاطمه: اعترفت يابه بقي
مراد بضحك: اني عسل
فاطمه: اتنيل ابوس ايدك تتنيل
مراد: انتي خدتي عليا اوي علي فكرة
ومعرفتش اسمك
فاطمه: اسمي وانت مالك
مراد: اسمك حلو اوي
فاطمه بهس : ابو تقل دم امك
مراد : طيب بجد بقي بتعملي ايه هنا
فاطمه: جايه لواحده صحبتي
مراد: مين مفيش غير لي لي
فاطمه: لي لي اللي هي ايلين
مراد بمرح: اه اصلنا صحاب
فاطمه: مبروك ممكن تمشي بقي
مراد: لا
فاطمه: بارد
مراد: تنحه
جاءت ايلين هي ويمني فوجدت فاطمه تقف مع مراد فقالت: مراد اتعرفت عليها ولا لسه
مراد: اه طبعا الانسه المبجله انت مالك
ايلين ويمني: اسمها ايه
مراد بضحك: هيي قالتلي كده
ايلين بمرح: لا اسمها فاطمه وديه يمني دول بقي اصحابي من زمان
مراد: اتشرفت يا يمني
يمني: انا اكتر يا
مراد: مراد القاضي اخو فارس عريس ايلين ومش مرتبط خالص
فاطمه: ايوة صح اصلا مين هترضي بيك
مراد: كتشيير والله يا يمني
يمني: انا مقولتش حاجه
مراد: عالعموم فارس عايزك ضروري
ايلين :ليه
مراد: مش عارف
ايلين: طيب يلا بينا اتفضل قدامنا
ذهب مراد وخلفه البنات فقالت فاطمه: دمه تقيل اوي
ايلين: ده قمر
فاطمه: قمر بالستر
مراد: سمعتك
فاطمه: طز
فضحكت ايلين ويمني ودخلوا الي داخل المنزل
******************************
دخلت ايلين للمنزل فوجدت فارس يجلس بجانبه ريان.فصدمت ايلين بشده من وجوده هنا الان فقالت: ريان بتعمل ايه هنا
فارس: جاي يبقي وكيلك
ايلين: وكيل ايه
امجد: اتصلنا بيه علشان كتب كتابك النهاردة علي فارس
ايلين بصدمه: النهاردة
فارس: دلوقتي المأذون جاي
ايلين: دلوقتي
رباب: يا ايلين جدك جاي بكرة ولازم تكوني مرات فارس
ايلين بحزن: موافقه
صدح صوت سليم وهو يقول بمرح: المأذون وصل يا بشر سمعونا زغروطه
فقام مراد ومروان وسليم في نفس اللحظه بالزغرطه فضحك الجميع وخصوصا فاطمه التي نظر لها مراد وقام بالغمز لها فنظرت له شرذا فإبستم
المأذون : فين وكيلها
ريان: انا يا شيخنا
المأذون: العريس فين
فارس: انا يا مولانا
امجد: انا والد العريس
سليم: وانا والعيال دول الشهود
مراد: ايوة انا شاهد
وبالفعل بدأ المأذون في كتب الكتاب وايلين بداخلها شعورين شعور بالحزن فهي تجبرته علي الزواج منها واجبرت علي الزواج منه وهي لا تعرفه وكل ذل بسبب من يدعون عائلتها والشعور الاخر فرحه ولكنها لاتعرف سببه وكان فارس لايفرق عنها كان فرح ولا يعرف لما وايضا خائف من القادم .....
صدح صوت المأذون يقول اين العروس ليفيقا من افكارهما ودوامه مشاعرهما فقالت ايلين: انا العروسه
المأذون: موافقه
نظرت ايلين لاصدقائها ثم لفارس وقالت موافقة
المأذون: امضي يا بنتي
تقدمت ايلين وبيد مرتعشه مضت وتعالي صوت المأذون بارك لكما وبارك عليكما وجمع بينكما في خير تبعه صوت زغاريد من النساء وتهنئه الجميع لها ولفارس ثم تقدم فارس منها فقال: مبروك يا زوجتي العزيزة
ايلين: نعم احنا اتفقنا
فارس: في ناس غريبه متعرفش اتفاقنا
ايلين: يعني ايه
فارس: يعني زي اي واحد بعد الكتاب بيحضن مراته
ايلين: افندم !
فارس بمرح: اه والله كأنه كان بيصلي بيها الجمعه طول الخطوبه مش مقضيها معاها
ايلين بضحك: ايوة فعلا
فارس: طيب انا المفروض اباركلك علشان الناس
ايلين: طيب الله يبارك فيك وبعدين مين الناس ديه اصلا
فارس: بابا عزم البلد كلها والفرح يوم الخميس يعني بعيد يومين
ايلين: فرح؟
فارس: طبعا المفروض اننا متجوزين بجد قدام كل الناس
ايلين: انا متشكرة يا فارس
فارس: العفو يا ستي
ثم وبدون مقدمات احتضنها بشده لايعرف لما ارتاح بهذا الحضن كأنه كان يحتاجه لايعرف هل فعل ذلك بسبب الناس ام لانه يريد ذلك ...حاولت ايلين ابعاده ولكن سكنت بعدها فقد شعرت بالامان لاول مرة من موت والدها وسقر اخيها ظلوا هكذا حتي سمعوا صوت يقول: مبروك يا فارس بيه اديك اتجوزت اهو والعقدة اتفكت
ابتعد فارس عن ايلين فصدم عندما رأي صاحبه الصوت فقال: انتي
ايلين: مين ديه
الفتاه: ايوة يا فارس انا
يا تري مين البنت ديه؟
ايه اللي هيحصل لفارس وايلين؟
كل ده الفصل الجاي من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Romansaفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
