ترويضـ فآرسـ ❤️ (مكتملة)

بارت 36

ترويض فارس
الجزء السادس والثلاثين
مر شهر كامل كانت ايلين تعيش بسعادة مع بعض فارس وافتتح فارس شركته الجديدة التى طالما كان يحلم بها وترك عمل المزرعه لمراد وجواد ريناد فى شعرها الثانى من الحمل شيماء ومروان تم زفافهما وكانت مثل البدر وانتقلت لتعيش فى القاهرة من اجل عمل مروان جواد وندى يغرقان فى عشقهما رامى اتم خطبته من يمنى والفريق المكون من جواد وايلين ومراد يبحث وراء روان وبالفعل تم التوصل لكم هائل من المعلومات الخفيه....شادى يحاول الوصول لايلين ليخبرها بما لديه .......روان ويوسف يخططان لطرد ايلين من المنزل بفضيحه حتى لا يمكنها العودة لفارس مرة اخري......
**********************************************
ايلين وفارس
استيقظت ايلين من نومها وكانت نائمه على صدره حيث اصبح ملاذها الوحيد ومكانها المفضل والمريح للنوم امسكت خصله من شعرها وظلت تحركها على وجهه فضحك ثم قال بعيون مغلقه:نفسي تبطلى شغل الاطفال ده
ايلين بضحك وهى تنهض :تؤتؤ مش هبطله
فارس بضحك :مين قال انى عايزك تبطلى انا بحبك كده زى مانتى
ايلين بعشق وهى تحتضنه:هتفضل تحبنى يا فارس
فارس وهو يقبلها على وجنتيها:لاخر نفس فيا
قبلته ثم ركضت الى الحمام لتستعد ليومها
خرجت ايلين وارتدت ثيابها ثم نزلت للاسفل بينما ارتدى فارس ملابسه استعدادا للرحيل الى مقر شركته الجديدة ارتدى فارس بذله انيقه من اللون الكحلى ورابطه عنق ملائمه لها وحذاء كحلى اللون ايضا ونثر عطره المفضل لدى ايلين ثم نزل سريعاً...
**********************************************
فى الاسفل
كان الجميع يجتمعون على طاولة الافطار بما فيه روان كانت تجلس وهى ترمق ايلين بنظرات نارية ففارس يجلس بجانبها ويطعمها فى جو رومانسي للغايه لا يعيران انتباه لأحد
امجد بمزاح:فارس حبيبي ركز معايا وسيبها تفطر البنت شها شبه الطماطم من الكسوف
فارس بإحراج:حاضر يا بابا
عاصم بضحك: عالعموم النهاردة هنروح بليل نتقدم لندى رسمي احنا اجلنا علشان فرح شيماء واهو الحمدلله اتجوزت مش فاضل غير جواد ومراد
مراد بضحك :ابوس ايديكم جوزونى بقي انا تعبت
دولت بجديه :عيب يا ولد ثم نظرت لريناد وقال :يا حبيبتي لازم تاكلر مينفعش كده
ريناد بتعب:مش قادرة اشم ريحه الاكل خالص يا تيتا
عاصم وهو يلكز سليم:بطل اكل شوية وشوف مراتك
سليم وفمه ممتلئ بالطعام:كلى يا روحي كلى
ريناد بضحك :سيبه يا بابا هو يا عيني طالع عينه فشغله
سليم وهو يقبل يدها:حبيبه قلبي
مراد بضحك:بتقولها هى ولا بتقول للفطيرة المشلتته
ضحك الجميع ثم بدأت ايلين تشعر بشعور غريب فى معدتها فهى لا تقدر على إحتمال رائحه عطر فارس النفاذه تلك تشعرها بالغثيان الشديد ولكنها لا تريد لن تظهر ما تشعر به الان حتى لا تضايق فارس او تقلقه فقالت بتعب:فارس
فارس بإهتمام:ايوة يا قلبي
ايلين بإرهاق شديد:انت حاطط برفن ايه
فارس بعدم فهم:اللى بتحبيه ليه ؟
ايلين وهى تحاول التماسك :ريحته فظيعه مش قادرة
هنا ولم تعد تحتمل فنهضت بسرعه وركضت الى الحمام بأقصي سرعه فركض فارس خلفها بقلق ودخل معها الى الحمام واقترب منها وظل يربط على ظهرها ولكنها لم تعد تحتمل رائحته فأبعدته بيدها وقالت بنفور :ابعد عنى مش طايقه ريحتك
فارس بغضب:ايلين احترمي نفسك
رباب بتدخل: اهدى يا فارس وتعالى برا
خرج فارس وهو بشعر بالغضب فكيف تقول ذلك فهذا العطر هو عطرها المفضل
خرجت ايلين فقالت بتعب:فارس متزعلش منى بس مش قادرة اتحمل ريحه البرفن ده بجد اكيد فيه حاجه
فارس وهو يشتم نفسه:هو هو نفس البرفان يا ايلين اقترب منها بحنيه واحتضنها وقال :طيب طمنيني عليكي
ابعدته بسرعه وقالت:روح غير هدومك
رباب بتفهم: فارس حبيبي اطلع غير هدومك ومتحطش برفان دلوقتي
فارس بعدم فهم:انا متأخر مش هلحق هامشي انا بس طمنيني عليها
رباب بحب:حاضر يا حبيبي متقلقش
ايلين بحزن مما قالته له:حقك عليا يا حبيبي
فارس بتفهم:ولا يهمك ابقي طمنيني عليكي يا ليوو
خرج فارس مسرع بينما وقفت روان تنظر لايلين وهى تشعر بالغضب فهى خائفه ان يصدق ما توقعته فتلك ستكون الكارثه الكبرى
صعدت ايلين لغرفتها وارتدت ملابسها وانتظرت جواد وريناد فهم سيذهبوا معا ليحضروا هديه خاصه لندى
نزلت ايلين وقابلت جواد فقالت له:فين ريناد
جواد بإبتسامه :بتلبس
ايلين بصوت خافت:شادى عمال يتصل
جواد بإنتباه :اديني رقمه
ايلين بخوف:ليه
جواد بجدية:إلحاحه ده مش مطمنى
ايلين وهى تعطيه الرقم:هاتتصل امتى
جواد وهى يضغط على زر الاتصال: حالاً..........
**********************************************
عند روان ويوسف
روان بصراخ:انت عايز تجنني بقولك هتبقي مصيبه
يوسف بغضب:ايه المصيبه فأنها تبقي حامل يعني
روان بحقد:فارس هتمسك بيها اكتر
يوسف بغيظ:مهو متنيل متمسك من الاول جت على حملها يعني
روان بتفكير:لازم اخلص من الحمل ده
يوسف بسخريه: إزاى بقي يا ذكيه هانم
روان بتفكير:انا بفكر بس مش هسيبها تتهني لا بفارس ولا بحمل ولا بعيشه ولو حصلت اقتلها بإيديا دول هعملها
يوسف بنبرة ماكرة:على العموم انا براقبها لو لاقيت حاجه مهمه هكلمك
روان بشر:ماشي خليك وراها
يوسف بجديه:سلام
اغلقت مع يوسف ثم قالت : نهايتك قربت يا ايلين قربت اوى ومش بعيد حملك ده يبقي سبب موتك نهايتك على ايدي انا وبس يا يا ايلين ....
*********************************************
عند شادى كان يجلس مع سهير
شادة وهو يمسك هاتفه:ده رقم غريب
سهير بعدم فهم:طيب رد شوف مين
رد شادى قائلاً :الو
جواد بجدية: شادى
شادى بهدوء:مين معايا
جواد:انا جواد ابن عم فارس
شادى بحماس: أهلا بيك يا جواد
جواد بجدية:عايز ايه من ايلين
شادى بهدوء:مش هينفع فالتليفون لازم نتقابل
جواد بتفكير: ساعه ونتقابل فى المكان ده...... عارفه
شادى وهو ينهض: عارفه وانا اصلا قريب منه هاشوفك هناك بس لازم ايلين تبقي معاك مش هاتكلم غير وهى موجودة
جواد وهو ينظر لايلين :تمام متتأخرش
شادى وهو يخرج: متقلقش سلام
اغلق جواد معه ثم نظر لايلين وقال : حاسس انه عايز يقول حاجه مهمه اوى
ايلين بعدم فهم:شكله كده
جواد وهو ينظر بعيداً:عامله ايه دلوقتي
ايلين بهدوء:كويسه الحمدلله
جواد:اومال ايه اللى حصلك الصبح
ايلين :مش عارفه
جواد:هتقدرى تركبي العربيه
ايلين بضحك:متقلقش الصحه حديد
ريناد بسعادة:يلا بينا هاموت واخرج
جواد بجدية:انا خايف عليكي يا رينو متخليكي انتى
ريناد بحزن:لا عايزة اجى معاكم
نظر جواد لايلين فأنقذهم مراد وقال :هاجى معاكم
جواد بإبتسامه:اتفقنا يلا بينا
ركب جواد بالامام وجانبه مراد وريناد وايلين بالخلف لم تتحمل ايلين الطريق وجعلت جواد يتوقف واستفرغت فى منتصف الطريق فقالت ريناد:يلا نرجع شكلها تعبانه
مراد بغمز لجواد:خدها يا جواد واطلع على المستشفى وانا هاخد ريناد اروحها
فهم جواد ما يرمى اليه مراد فقال: تمام
ريناد:لا هاجى معاكم
ايلين:لا يا رينو روحى علشان متتعبيش
بعد عدة محاولات هاهم جواد وايلين يجلسون ينتظرون شادى فى المقهى
وعاد مراد وريناد الى المنزل.....
*********************************************
كان فارس فى الشركه قلق للغايه على ايلين دخل عليه مساعده سعيد
سعيد بجديه:فارس بيه فى اجتماع دلوقتى
فارس بشرود:ايه ؟
سعيد :فى اجتماع دلوقتي يا فندم
فارس وهو ينهض بسرعه:الغيه انا لازم اروح
سعيد بقلق:يا فندم ده اجتماع مهم
فارس بجديه:قولتلك الغييه
سعيد :حاضر يا فندم
امسك فارس بهاتقه واتصل بأيلين فى طريق عودته للمنزل ...
*********************************************
وصل شادى الى المقهي ورأى جواد وايلين وذهب إليهم وجلس بالفعل
جواد بجدية: إيه بقي الموضوع المهم
شادى : ازيك يا ايلين
جواد بغضب:هتقول ولا نمشي
شادى بتأفف:فاكرة لما اتخطفتي يا ايلين
جواد بغضب:قومى نمشي مدام بيلف ويدور
شادى وهو يقف: مهو ده الموضوع والله
ايلين بعصبيه: ايوة فاكرة
شادى بخذي:انا كلمتك ساعتها علشان تخرجى وراجلتى يمسكوكى وكده ساعتها جت عربيه تانيه وخطفتك ساعتها
جواد بإنتباه شديد:وبعدين انجز
شادى بغضب:فاليوم ده رجالتى شافوا العربيع وواحد منهم لمح نمرة العربيه بس ساعتها مكنش فاكرها
ايلين بغضب:مفتكرهاش .؟!
شادى بفخر:افتكرها طبعا وهو ده اللى عايز اكملك فيه
جواد بجدية:ايه هى نمرة العربيه
شادى بهدوء:انا بالفعل كلمت واحد معرفه واديته نمرة العربية
ايلين بحماس:وعرفت بتاعته مين
شادى وهو يخرج الورقه من جيبه:بتاعت واحد اسمه يوسف رمضان
صدم جواد من الاسم ولم يقدر على الحديث بينما نظرت ايلين للاسم وقالت :مين يوسف ده
شادى بهدوء:معرفش بس قولت يمكن تعرفوا واكيد معارف فارس كتير وهيعرف مين هو
ايلين بغضب:بس فار.....
قاطعها رنين هاتفها رأت اسم فارس ينير الشاشه فقالت بقلق:ده فارس
جواد بجدية:ردى وقوليله بندور لسه على هديه
ايلين بخوف:طيب لو ريناد قالتله انى فالمستشفى هعمل ايه
جواد بتأفف:ردى بس...
ايلين وهى تجيب الهاتف:الو
فارس بهدوء:حبيبتى عامله ايه
ايلين بحب:كويسه يا حبيبي متقلقش
فارس بضحك:انتى فين
ايلين وهى تنظر لجواد:بنلف على الهديه لسه
فارس بتأفف : وحشتيني اوى
ايلين بإبتسامه:وانت كمان انت فالشركة
فارس بخبث:ايوة
ايلين بحب: خلى بالك من نفسك
فارس برومانسيه: وانتى كمان يا حبي
ايلين : سلام يا قلبي
فارس بضحك:سلام يا روحي
اغلقت معه ثم قالت :يلا يا جواد نمشي
جواد :هاجيب العربيه واجي خليكي ثانيه
ايلين :حاضر ثم نظرت لشادى وقالت: لاول مرة احس انى ليا اهل يا شادى شكرا
شادى بإمتنان:ياريت تنسي اللى فات وخليكي فاكرة انى على طول جمبك خصوصاً ان كل واحد اتعاقب على اللى عمله معاكي
ايلين بعدم فهم :يعني ايه
شادى بحزن:خالك وعادل اتقبض عليهم بيهربوا مخدرات وريان خدت مرات خالك وسافر منعرفش مكانه
وبابا وماما اتطلقوا واختفي منعرفش عنه حاجه وامى مش بتخرج من البيت وانا بحاول اتوب واوقف الشركه على رجليها من تانى....سامحيني يا ايلين
ايلين بحزن:اللهم لا شماته ربنا يفرجها عليهم كلهم
شادي بحب:ربنا يخليكى ليا انتى اختي يا ايلين انتى ورامي
ايلين بفرحه:رامى رجع
شادى بفرحه حقيقيه:بجد ياريت نبقي نتقابل حتى اعرفك على خطيبتي
ايلين بسعادة:اتفقنا خلى بالك من نفسك
شادي وهو يلوح لها :باى يا اختي
جاء جواد ورحلت ايلين وشادى رحل أيضاً.......
ايلين بإستغراب:جواد مين يوسف رمضان ده انت اكيد عارفه علشان شكلك اتغير لما سمعت اسمه
جواد بحزن:ده يوسف صاحبى انا وفارس اكيد سمعتى عنه
ايلين يصدمه:اللى روان خانت فارس معاه
جواد بغضب:ايوة
ايلين بعصبيه:وده يتنيل يخطفنى ليه
جواد بتفكير :يمكن مش عايز يخطفك يمكن شغال مع حد عايز يخطفك وميكونش هو اللى بينفذ وفيه حد اعلى منه
ايلين وهى تنظر له:مفيش غيرها
جواد بشر :روااان
ايلين بغضب:ديه شيطانه مش بني ادمه
جواد بجدية:هانت كلها شوية ونمحيها من حياتنا خالص
رن هاتف جواد فقال :ايلين افتحى بسرعة
امسكت ايلين بالهاتف وفتحت المكالمه فقال جواد:الو ازيك يا زيزو
زاهر:ازيك يا باشا
جواد بجديه:عملت إيه
زاهر بفخر: عيب عليك معاها ٢٤ ساعه وجبتلك قرارها كله
جواد بسعادة:فرحنى
زاهر:معندهاش سرطان والتحاليل اللى معاها مزروة بتاعت مريضه تانيه بس فيه دكتور واصل اوى بيساعدها بتدخل المستشفى وتخرج من الباب اللى وراء وفى معاد انتهاء الجلسه تدخل من الباب الوارنى وتخرج من الباب الامامى عادى بيتعلقلها محاليل تقوية وفيتامينات وتخرج وايديها متعلق فيها الكالونه بتمسح الميكب قبل ما تخرج وتطلع تبان كإنها كانت فالجلسه.اما الاشاعات بتاعه بت كده اسمها رضا عندها سرطان فعلاً وافقت ان الاشاعات بتاعتها تتكتب بإسم روان مقابل انها تتعالج مكان روان البت غلبانه اوى يا باشا ومستعدة تعترف بس تفضل تتعالج زى ماهى وكان فى واحد بيقابلها كده اسمه يوسف يا باشا نمرة عربيته معايا كمان ومصورهم كام صورة عنب ايه رأيك بقي وكمان بيروحوا شقه كده فالمعادى بيعودوا فيها الوقت بتاع الجلسه وترجع على المستشفى والسواق بتاع فارس بيها بيرجعها لحد البيت
جواد بغضب:الفلوس هتوصلك النهاردة وفوقيها حلاوتك
زاهر بفرحه:خيرك مغرقنا يا باشا
جواد بجدية: سلام
زاهر: سلام ياباشا وتحت امرك
اغلقت ايلين الهاتف ثم قالت بغضب:بنت ال****
جواد بجدية:مش هرحمها النهاردة
ايلين بغضب:لا يا جواد النهاردة هتروح تخطب ندى كفايه تأخير كده
جواد وهو يوقف السيارة فجأة:انتى بتقولى ايه
ايلين بهدوء:انا عايزاك تروح تتقدم لندى ونلهيها شوية كل ده ممكن تطلع منه زى الشعره من العجينه انا هسويها على نار هاديه هاخلى فارس هو اللى يطردها كمان بس اتقل
جواد وهو ينطلق بالسيارة:ماشى يا يوسف نهايتك انت وهى قربت...قربت اوى .....
*********************************************
كان فارس فى طريقه الى المنزل فوجد رقم غريب يتصل به فأمسك بالهاتف واجاب قائلاً:الو مين معايا
الشخص:تقدر تعتبرني فاعل خير
فارس بسخرية:وعايز ايه بقي
الشخص:مراتك بتخونك
اوقف فارس السيارة بسرعه وقال بغضب:انت مين يا حيوان انت
الشخص:ياريت تشوف الصور ديه بعدين تبقي تشتم براحتك
اغلق فارس الهاتف وفتح الرساله ووجد صورة ايلين وهى تلوح لشادى بيدها وهما الاثنان مبتسمان ووجد بجانب الصورة كلمه :التانيه يا باشا
غضب وتذكر كلام ايلين انها مازالت مع جواد يبحثون عن هديه فأمسك هاتفه واتصل بمراد ....
مراد بضحك:حبيبي
فارس بغضب:فين ايلين
مراد بخوف:ليه
فارس بغضب :انجز
مراد :مع جواد
اغلق معه واتصل بها
ايلين بحب:حبيبي عامل إيه
فارس :انتى فين
ايلين بإستغراب:فالشارع مع جواد بنجيب الهديه
فارس :يعني انتى من الصبح مع جواد
ايلين بخوف:ايوة
اغلق معها واتصل بريناد :الو
ريناد:ايوة يا فارس
فارس :انتى فين
ريناد: فالبيت
فارس :مروحتيش مع جواد وايلين
ريناد:ايلين تعبت وراحت المستشفي مع جواد وانا ومراد روحنا
فارس بغضب:سلام
اغلق فارس معها وظلت الصورة امام عينه كيف تكذب عليه وكيف يكذب جواد ايضا ايعقل انها كذبت على جواد ايضا لماذا تكذب لماذا وصل فارس للمنزل وصرخ غاضب:ايـــــلـــيــــن

ياتري فارس هيعمل ايه مع ايلين؟
ياتري مين بعت الصورة لفارس؟
ياتري ايلين هتعمل ايه مع روان؟
كل ده الفصل الجاي من ترويض فارس
بدأت النهاية 🔥🖤