ترويض فارس
الجزء التاسع
فارس: اني اتجوز ايلين
امجد: انت بتقول ايه
فارس: لو جم خدوها هيقتلوها يا بابا
رباب: ايوة يابني بس ليه انت
امجد بخبث : ممكن جواد او مراد
فارس: بس هما قالوا انها هربانه معايا انا مش معاهم
مراد: هانقول اتعموا في عينهم عادي
شيماء: القرار مش قرارنا ده قرار ايلين
ريناد: افرض رفضت
فارس بغضب: ملهاش حق ترفض انا هتفضح بسببها وكمان هاتنيل اتجوزها غصب علشان اساعدها توريني بقي ازاي هترفض الهانم
نجلاء: فارس البنت منهارة متبقاش انت واهلها عليها
جواد: لو انت يا فارس مغصوب يبقي بلاها الجوازة ديه
فارس: انا مغصوب طبعا بس مش هاسمح لحد يقرب من اسم عيله القاضي مهما حصل
ريناد: يعني انت مقتنع بقرارك
فارس: ايوة واهو اخلص من كلمه هتتجوز امتي ناوي تفرحنا بيك امتي والهبل ده
امجد: اطلعي يا ريناد انتي وشيماء اقعدوا معاها شوفوها كده
البنات: حاضر
ثم صعدوا ليجلسوا معها وصعد فارس لغرفته وايضا جاءت مكالمه لمراد فغادر ورحل جواد للمرسم
امجد: تفتكري اللي حصل ده حاجه كويس ولالا
رباب: انا حبيت البنت جدا واتمنتها لحد من ولادي
نجلاء: وانا كمان حبيتها اوي
رباب: البنت جمال وادب واخلاق
امجد: انا خايف انها متوافقش
رباب: انت مسمعتش فارس قال ايه
امجد: سمعت بس
رباب: مبسش يمكن ده عوض ربنا عن الزفته روان
امجد: معاكي حق انا هاقوم اشوف ماما واقولها ونشوف رأيها
رباب: وانا هاقوم اعمل الغداء واعمل للبنت الغلبانه ديه شوربه خضار
امجد: واتوصي بيها
رباب: عيوني ديه بقت مرات الغالي
******************************
عند يمني اتصلت بفاطمه واخبرتها بما حدث .....
يمني ببكاء: لو تسمعي صوتها تقطع قلبك
فاطمه: يا حبيبه قلبي
يمني: انا هسافر لها
فاطمه: طيب اجهزي هاعدي عليكي
يمني: بجد
فاطمه : ايوة يلا لازم نكون جمبها ونشوف هنتصرف ازاي
يمني: طيب يلا سلام
فاطمه: سلام
اغلقت معها ومرت نصف ساعه فاصطحبتها فاطمه وانطلقوا نحو المنصورة لايلين ......
******************************
عند جواد كان يرسم صورة لايلين
جواد: ليه فارس ليه دايما فارس انا شوفتها الاول انا قلبي دق ليها الاول ليه فارس ليه ده حتي مش بيحبها هو عايز ينقذها وخلاص انا بحبها بقي
انا عمري ما كرهت حظي قد اللحظه ديه انا بموت فيكي يا ايلين من اول مرة عيني جت عليكي حبيتك بسرعه ووعد مش هتكوني غير ليا مهما حصل ومهما كان مين هيقف قدامي ....
******************************
استحم فارس وارتدي تيشرت ازرق وبنطال اسود اللون وجلس يفكر في قراره لما اراد ان يحميها منهم بهذا الشكل ولما لم يعترض احد من العائله وماذا ستكون ردت فعلها علي قراره
ولما يشعر بشعور لذيذ يدغدغ حواسه هل هو سعيد بزواجه المزعوم منها
لا هو يريد مساعدتها ليس الا
قلبه: بلا انت انجذبت لها
عقله: انجذب لجمالها كأي شخص
قلبه: بل دق قلبك حين تلاقت اعينكم
عقله: توقف يا ابله لم يحدث هذا الم تجرب مرة حظك وانتهينا جرحت من قبل وتألمت ومازلت تتألم الي الان انتهينا
قلبه: ربما هي المختارة
عقله: كلهن متشابهات
قلبه: اذن فأخواتك ايضا مثلها خائنات
عقله: لا تحاول
قلبه: لا تستطيع الانكار انت اعجبت بها وانا نبضت لها ايضا
وضع فارس يده علي رأسه ثم وقف يخرج من غرفته متوجه ناحيه الغرفه التي وضعوا ايلين بها فهي رفضت البقاء في غرفته ..........
******************************
عند علاء وريان كانا في سيارة وعادل والسائق في سيارة اخري
ريان: انت سمعت هي قالت ايه
علاء: كدابه
ريان: والاثار اللي علي جسمها
علاء: هي اللي عملتها في نفسها
اوقف ريان السيارة وصرخ في والده كفياك بقي ظلم يا ابوي
علاء: انت بتعلي صوتك عليا علشان البت ديه عاد
ريان: علشان ده ظلم يا ابوي
علاء: ظلم ايه يا واد
ريان: انت عارف انها مش بتكدب
علاء: ايوة عارف
ريان: طيب ليه عملت فيها كده
علاء: ملكش صالح
ريان: لا ليا يا ابوي
علاء: عتعصاني يا ريان
ريان: مقدرش يا ابوي بس
علاء: سوق العربيه ومتتحدتش واصل لحد ما نوصل
ريان بخضوع: حاضر يا ابوي
******************************
عند ايلين كانت ريناد تجلس معها وتحاول اخراجها مما هي في وان تخفف عنها قليلا وشيماء ايضا
ريناد: طيب اسمعي ديه. مرة واحد غبي خطف واحده اغبي منه فضلت تصوت تصوت راح قالها هتبطلي صويت ولا انزلك راحت قالتله خلاص خلاص هابطل
نظرت لها ايلين وقالت : ابو تقل دمك
شيماء: كنت لسه هاقولها
ريناد: طيب اعمل ايه بحاول افكك
ايلين: انا لازم امشي كفايه اتسببتلكم ففضايح لحد كده كفايه اوي
ريناد: لا طبعا متقوليش كده انتي ذنبك ايه فكل ده
ايلين: ذنبي انهم اهلي
شيماء: هو شادي ده قرب منك
ايلين: حاول بس انا كنت بقاوم طبعا وبعدها اخد العلقه التمام علشان اذيت الكتكوت بتاع عمي
ريناد : منه لله ده عم
شيماء: ايلين انتي لازم تبعدي عنهم
ايلين: نفسي بس اديكي شايفه عرفوا مكاني
ريناد: صحيح عرفوا مكانك ازاي
ايلين: اكيد سألوا رامي مفيش غيروا يعرف مكاني
ريناد: طيب هو اخوكي ده حمار ازاي يقولهم مكانك
ايلين: رامي ميعرفش اي شئ عن قذارتهم
ريناد: المهم دلوقتي انك معانا ومحدش منهم هيقدر يقربلك
ايلين: فين موبايلي
شيماء: فارس اخده مني
ايلين: ليه
ريناد بتوتر: معرفش
ايلين: ريناد اخده ليه
ريناد : علش.....
قاطعها صوت طرق علي الباب
ريناد: مين
من الخارج: فارس
ريناد: ادخل
دخل فارس بهيبته المعهوده قائلا: عامله ايه دلوقتي
ايلين : الحمدلله شكرا يا فارس
فارس: بتشكريني علي ايه يا ايلين
ايلين: علي اللي عملته معايا قدام خالي
فارس وقد رأي الانكسار في عيونها فأحب مشاكستها: انا معملتش حاجه غريبه اي حد مكاني كان هيعمل كده
ايلين: لا مش اي حد طبعا
فارس: ازاي بس انا شايف ان اي حد هيشوف مراته حد بيقرب منها هيقفله يبقي انا معملتش حاجه غريبه
ايلين: ايوة اديك قولت مراته وانا
قاطعها قائلا: طيب مانتي مراتي
صدمت ايلين وفتحت فمها علي وسعه فقال لها: اقفلي الناموس هيدخل
اغلقت ايلين فمها وقفزت من علي السرير واقتربت من فارس وقالت : انت قولت ايه
فارس وهو يضغط علي كل حرف من حروفه: قولت انك مراتي
ايلين بصراخ: انت كداب اسكت بقي
نظر فارس لريناد وقال: انا بكدب يا ريناد
نظرت ايلين لها فقالت ريناد: بصراحه هو مش بيكدب يا ايلين
ايلين: انتي ازاي
فارس: كلمت اخوكي وحكيتله علي كل حاجه حصلت وللاسف طلع عنده مصيبه هناك في شغله وملفات مسروقه وليله ومش هيقدر ينزل دلوقتي اما بقي خالك فالبلد بتاعتك كلها عرفت انك قاعده مع شاب في بيته من غير جواز
ايلين: يانهار اسود
فارس: فأنا قررت اتنازل واتجوزك منعا للفضايح
ايلين: مستحيل علي جثتي
نظر فارس لريناد وشيماء وقال: انتوا الاتنين سيبونا شويه لو سمحت
نظرت ايلين لهم وقالت: لا مينفعش
ريناد: يا فارس
فارس بغضب : براااا
خرجت ريناد وشيماء بسرعه بينما جاءت ايلين لتذهب ناحيه الباب فأسرع فارس ورائها واغلق الباب بيده فجاءت لتبتعد فحاصرها بين ذراعاه
وقال بصوت هامس: انتي دلوقتي بين ايديا يعني بطلي صويت وتنطيط تمام
ايلين بتلعثم: ططيب ..اببعد. ميصحش كدده
فارس بإبتسامه: مكسوفه من ايه بس ده انتي هتبقي مراتي
ايلين: فارس
لاول مرة يشعر بدقات قلبه سريعه هكذا خصوصا حين نطقت اسمه بهذه الطريقه شعر بشعور جميل للغايه فقال: ايوة يا ايلين
ايلين: انت عايز تحميني منهم وتحمي نفسك من الفضايح صح
فارس: صح
ايلين: يبقي انا موافقه بس بشروط
فارس وهو يرفع حاجبيه: عايزة تتجوزيني بشروط ماشي ايه هما
ايلين: جوازنا ورق بس
فارس بخبث: يعني ايه مش فاهم
ايلين بتوتر: علي الورق بس
فارس: ايوة مش فاهم
ايلين بخجل : يعني مش هتقرب مني فهمت
فارس: اه فهمت
ايلين: موافق
فارس: موافق
ايلين: الشرط التاني هنطلق بعد. 6 شهور
فارس: اشمعني 6 شهور
ايلين: علشان محدش يتكلم هنقول متفقناش واتطلقنا ويكون رامي نزل هو قالك هينزل امتي
فارس: بالميت 5 شهور
ايلين: يبقي اتفقنا
فارس: اتفقنا
ظل يقترب منها ويقترب فقط لمحاولة اخافتها وهي بالفعل خافت منه ولكن قامت بدفعه فعاد للخلف وتعثر في السجاده ووقع علي ظهره فقال: ااااه منك لله يا ايلين
ضحكت ايلين وخرجت من الغرفه
******************************
فاطمه ويمني وصلا الي المنصورة اخيرا.
فاطمه: انزلي انت وانا هاركن واجي وراكي
يمني: معرفش البيت انا
فاطمه: اهو واسألي بقي
يمني: اسأل مين ده فاضي
فاطمه: يوووه انزلي يا يمني هاركن واجي
يمني: طيب بسرعه
فاطمه: اوك
دخلت يمني وركنت فاطمه السيارة ونزلت فسمعت صوت يقول: انتي يا حمارة
فالتفت فاطمه وقالت: انا
الشخص: هو في حمارة غيرك موجوده
فاطمه. لا مفيش حمارة بس في تور
الشخص: اتعدلي يابت
فاطمه: خوفت انا يامي يامي
الشخص.: هاضربك
فاطمه: وريني يا تور
فاقترب منها وهي ظلت ثابته وما ان اقترب حتي امسك يدها بعنف فباغتته بصفعه قائله : التور علشان يهدأ لازم يتضرب يا تور
ثم تركته في صدمته وذهبت الي يمني
بينما تركته في صدمته فقال: وحياه امك لاربيكي واردلك القلم اتنين مبقاش انا
يا تري مين اللي ضربته فاطمه ؟
وايه اللي هيحصل في جواز ايلين من فارس وهيتم ولالا؟
كل ده الفصل الجاي من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Roman d'amourفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
