ترويض فارس
الجزء الثامن عشر
بعد جلوس الشباب مع بعضهم قرر فارس اخيرا الذهاب لرعد فهو لم يراه منذ ايام بسبب المشاكل التي حدثت وبالفعل توجه نحو الاسطبل ......
******************************
كانت ايلين تشعر بالملل فذهبت وحدها دون اذن من احد الي الاسطبل ودخلت الي رعد خصيصا ولعبت معه قليلا وتحدثت اليه قائله: انت بيقولوا عليك اقرب حد ليه طيب ممكن تقولي بقي هو عنيد كده ليه وصعب التعامل معاه بس علي مين مش عليا انا ...سمعت صوت صهيل عالي جدا من ناحيه حصان بآخر الاسطبل فتركت رعد وتوجهت اليه رأته حزين يحاول التخلص من ذلك القيد الذي يربطه لذلك تدخلت وفكت قيده ولسوء حظها بدأ الحصان في الصهيل والوقوف علي قدميه الخلفيتان فقط مما آثار خوف ايلين وحدث المفأجاه بأنه ضرب ايلين بقدمه فوقعت ووقف علي قدميه الخلفيتان لمحاولته ان يهبط عليها بقدميه ولكن لحسن حظها تدخل فارس فاللحظه الاخيرة ووقف امامه وامسك به من لجامه وادخله لمكانه وقام بربطه وخرج لايلين الواقعه علي الارض فجلس بجانبها وامسك يديها وظل يفركهم بيده ويقول بنبرة قلقه: ايلين ....ايلين سامعاني انتي كويسه طيب هزي برأسك
هزت رأسها كدليل علي سماعها له فحملها فارس وخرج من الاسطبل حاملا اياها الي المنزل لم احد فإصطحبها الي الغرفه ووضعها داخل السرير وامسك بيدها وقال بقلق واضح: ايلين حاسه بإيه
ايلين بتعب: مفيش انا بس دايخه
فارس بإرتياح: طيب الحمدلله
ايلين بغضب : انت مبسوط اني دايخه
فارس بإستغراب: انتي عبيطه يابت انتي
ايلين : مش انت بتقول الحمدلله
فارس: الحمدلله انك بخير يا ايلين
ايلين بإحراج: اهه معلش حقك عليا
فارس بحنان: ولا يهمك بس ابقي خلي بالك شويه
ايلين: يا فارس متقلقش
فارس بحنان: قوليها تاني
ايلين: هي ايه ديه
فارس وهو يقترب منها: فارس
ايلين بتوتر واحراج من قربه: ف..فا..لو سمحت ابعد مينفعش كده
ظل فارس يقترب منها حتي اصبح لا يفصل بينهم انش تقريبا ثم باغتها فارس بقبله علي جبينها تابعها بنظرة حنونه منه للغايه لم تفهمها ايلين فهي لم تلقي مثلها من قبل ولكن غزت الخمرة وجهها بشدة حين قبلها فأغمضت عيناها حينها ابتسم فارس من تأثيره عليها فقال بصوت رخيم: ايلين افتحي عيونك
فتحت ايلين عيونها فقال فارس: انا هانزل شويه تمام ياريت تخلي بالك من نفسك وتبطلي مشاكل ومصايب
انتفضت هي ووقفت علي السرير قائله بحنق: مصايب ايه يا حبيبي هاه ما تفهمني
نظر لها وقال: حلوة حبيبي ديه ثم غمز لها وخرج من الغرفه وهو يضحك
اما هي فأمسكت بالوسادة وابتسمت وقالت: معقوله اكون لالالا، لا ليه يمكن، يمكن اكون حبيته ،حبيت فارس
******************************
عند مراد كان سيجن لانها سافرت بدون ان يقوم بتوديعها وحتي رقم هاتفها ليس معه حاول ان يجده مع شيماء فرفضت وريناد رفضت ايضا فلم يجد احد سوا ايلين سوف يساعده
ذهب لها فوجدها تنزل علي السلم فأبتسم ثم قال بطريقه دراميه: ايلين يا جميله الجميلات لن يقدر مخلوق علي مساعدتي سواكي اتوافقين يا اميرتي الجميله
ضحكت ايلين ثم ردت عليه بنفس الطريقه: ماذا تريد ايها الاحمق
نظر لها بإستغراب ثم قال: انا الاحمق مش كده
ايلين بضحك: اها اكيد يعني
مراد بغيظ : لو مكنتش محتاجلك
ايلين: نعم محتاجلي ازاي
مراد: طمطم
ايلين بمرح: طمطم مين اوعي يكون قصدك
مراد: بالظبط هي
ايلين: مالك ومالها
مراد: الصراحه ولا بنت عمها
ايلين: لا ياعم الصراحه
مراد: حاسس اني معجب او بمعني ادق ادبيت علي بوزي
ايلين بضحك: اصل طمطم مش اي حد
مراد بسرحان وهو يتذكر فاطمه: في ديه معاكي حق هي عظمه كده مفيش منها اتنين
ايلين: المطلوب مني ايه بقي
مراد: تحنني قلبها عليا شويه
ايلين: ده فالمشمش ديه مش بتطيقك
مراد: طيب متيجي نتمشي شويه هنفضل نتكلم عالسلم كده كتير
ايلين: علي رأيك رجليا وجعتني
مراد: طيب تعالي نخرج يلا
وبالفعل خرجوا ليتمشوا قليلا
كانت ايلين تستمع لمراد وطريقته في الحديث عن فاطمه واستشعرت الصدق في حديثه فهو معجب بها حقا فتحدث ايلين قائله بجديه :بص يا مراد عايزاك تعرف حاجه مهمه اوى وهي ان فاطمه وانا ويمني زي بعض عمرنا ما ارتبطنا بشباب نهائي او كلمنا شاب ابدا ولا الكلام اللي انت متعود عليه خالص فاهمني يا مراد وحابه اقولك ان فاطمه تبان جامدة من برا بس بس هي غير كده خالص فاطمه عسوله خالص وكيوته شخصيه غريبه في تركبيتها هي طيبه وبتحب بجد ولما بتحب يا ويله اللي يقرب من اللي بتحبهم هي عصبيه بس كل ده عالفاضي هي اطيب من كده بكتير وحنينه اوي وطموحه بض فاطمه من الشخصيات اللي بجد انها ممتنه للدنيا انها عرفتني بيهم فاطمه بجد الي تستحق كلمه مميزة لانها مميزة بجد ولاني حسيت يا مراد انك معجب بيها بجد فانا قررت اساعدك انك تحول توصل لقلبها بس خليك فاكر انك يوم ماتفكر بس تزعلها هتلاقني واقفه ليك وهتزعل مني علشان ديه اختي قبل ما تكون صحبتي فهمتني
ابتسم مراد لها وقال بحنان وفرحه :تأكدى انك عمرك ما هتندمي ابدا واني هاتغير علشان خاطرها 180 درجه واني هاتوب عم كل حاجه غلط كنت بعملها كله علشان خاطر عيون ام تميم
ايلين بإستغراب :ام تميم مين ديه
مراد بضحك: طمطم قلبي
ايلين بضحك :انت لحقت تسمي ولادكم اللي مش عارفين هيجوا ولا لا
مراد : متقاطعيش انتي بس وتعالي نكمل مشي
ايلين :لا انا عاوزة اروح الاسطبل
مراد : ليه
ايلين برجاء: بليز عايزة اروح وخلاص
مراد بتردد : بس فارس يعني نستأذنه الاول حتي
ايلين بخبث : انت خايف منه
مراد محاولا اظهار شجاعته لها : لا طبعا بس يعني ..............
قاطعته بخبث قائله : خلاص يا مراد مش لازم بس ابقي شوف مين هيساعدك في موضوع فاطمه هاه ؟
مراد بأستسلام : لا وعلي ايه اتفضلي قدامي
ايلين بفرحه :علي فكرة انت جدع جدا بس ريناد اجدع منك علشان ودتني هناك الصبح ومخافتش من فارس
مراد : ريناد ديه دلوعه فارس لكن انا ابن الغساله بعيد عنك ذهب مراد مع ايلين الي الاسطبل ولكنه اضطر للرحيل وتركها وخرج فبقت هي تحدث الاحصنه وخاصه الحصان الذي اوقعها منذ قليل قائله له : انا عرفت اسمك يا رماح انت عسول اوى وعنيد مفروض يسموك فارس مش رماح ثم ضحكت وقالت عارف ليه علشان انت شجاع زيه وقمور زيه ثم نظرت لرعد وقالت انت مز ملكش دعوة بالحوار ده انا بحبك بردوا يا رعودي وانتي يا ريمو ده هيبقي دلعك يا رماح ريموو حلو اوى ولايق عليك ثم اكملت مانت ساكت وهادي اهو لازم تكسفنا الصبح قدام المغرور ده وتعمل النمرة ديه يلا مش مهم بص بصراجه انا اصحابي مشيوا وكنت حابه افضفض شويه وعرفت انكم شاطرين فالموضوع ده اوي فبصراحه هحكيلكم كل حاجه انا عمرى فحياتي ما حبيت او اعجبت بحد او حتي قلبي دق لشاب ولا افهم الحب بيجي ازاي كنت رافضه الارتباط وانا صغيرة لدرجه كانوا فاكريني معقده بس انا كنت عادي يعني المهم بقي ان اليومين دول بتحصلي حاجات غريبه زي ده مثلا ثم اشارت علي قلبها قائله بيدق بسرعه اوي لما فارس بيكون قريب مني بحس نفسي عاوزاه يفضل جمبي علي طول بحس اني مبسوطه وهو موجود صهل رماح ورعد ورائه فقالت لهم طبعا بتكسف بس ببيقي مبسوطه بردوا مش عارفه ليه بس بحس بامان معه زي بابا الله يرحمه ورامي كده بحسه بقي مصدر امان ليا انا دلوقتي خايفه اكون هاحبه علشان هو مجرد فترة وهنسيب بعض مش عايزة اتعلق بحبال دايبه او احلم واطير واصحي مفزوعه علي طلاقنا خايفه اكون بحبه بس هو مش بيبادلني نفس الشعور وده اللى واضح طبعا انا مش عارفه اعمل ايه بس انا وعدت ريناد اني مش هاسيبه وهحاول اغيره ياخوفي لما اغيره اتغير انا واحبه واتعلق بيه يا خوفي تعرفوا انا ارتحت لما اتكلمت معاكم اوي thanks a lot my lovely horses ثم ظلت تمسح علي ظهر رماح وتتحدث معه حتي قاطعها دخول فارس عليها ففزعت وقالت : حرام عليك اعمل اي صوت يا فارس
فارس بغضب : انتي عنيده ليه اللي نزلك تاني
ايلين بمرح : عادي يا كبير
فارس : بجد والله انتي مستفزة
وجدها تداعب رماح فقال لها:
انتي مش هتعرفي تتعاملي معاه
ايلين: ليه بقي
فارس: علشان هو غير اي فرس
ايلين: هو احسن منهم بس فالاخر فرس
فارس بغرور: متحاوليش تقنعيني انك هتقدري تروضيه
ايلين: هو انت ليه مش عايز تصدق اني دكتوره بيطريه يعني المعامله مع الحيوانات اللي زيه مهمتي وتخصصي
نظر لها فارس بغضب: قصدك مين
ايلين بضحك: رماح هيكون قصدي مين يعني
فارس: متحاوليش تتخطي حدودك
ايلين: ايه بقي حدودي ديه
فارس: المزرعه حدودك المزرعه انما الاسطبل لا
ايلين: مغرور
فارس : متكبرة
ايلين: انا متكبرة متقولش كده يا شيخ ده انا مجيش نقطه في بحر عنطزتك الكدابه ديه قالت كلمتها الاخيرة بضحك
فارس بغضب: مش هاقولك تاني الزمي حدودك
ايلين: المزرعه عرفتها
فارس : و كلامك معايا كمان
ايلين: ربنا يسهل
فارس: نعم
ايلين: ياعم صلي عالنبي في قلبك كده مالك شايف نفسك كده ليه ولا علشان عينيك ملونه مثلا.
فارس : انتي مركزة مع عينيا ليه
ايلين: وهاركز معاك ليه علشان لونهم حلو مثلا طبعا لا
فارس: انتي عبيطه صح
ايلين: والله عندي عيون ملونه زيهم اهو حتي شوف
فارس : شوفتهم قبل كده
ايلين: يعني مركز معايا انت كمان
فارس بإرتباك: وهاركز معاكي ليه تاني مرة متدخليش الاسطبل لوحدك المرة ديه جت سليمه الجايه الله اعلم
ايلين: تشكر يا سيدي
فارس : انتي مفيش منك فايدة اتفضلي قدامي
ايلين: هاسلم علي رماح ، نظرت لرماح وقالت هو فاكر نفسه ايه انا حبيتك وهادخل لك كل ما احب وطز فيه ثم قبلته والتفت بدون حديث وخرجت من الاسطبل بينما وقف فارس ينظر الي اثرها وهو يقول: انا فاكر نفسي ايه ماشي يا ايلين هاوريكي فاكر نفسي ايه وعمرك ما هتقدري تروضي فارس ❤️❤️❤️❤️🦋
انتظروني في فصل جديد من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Romanceفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
