ترويض فارس
الجزء الرابع عشر
جائهم صوت من الخلف: وانت ايه عرفك انهم متجوزين بجد يمكن كدابين وبعدين ايلين خطيبتي اصلا
ايلين بخوف: ايه اللي جابك هنا
فارس: مين ده
ايلين: ده ...ده
فارس بغضب: مين ده
الشخص : انا شادي جمال الحسيني ابن عم الهانم
غضب فارس من نظراته الجريئه نحو ايلين والمتفحصه ايضا فتقدم نحوه وامسك بفكه بقسوة وادارة له وقال: عينيك لو جت عليها هريحك منها خالص
شادي بخوف: اوعي ايدك ديه
جمال: نزل ايدك يا جدع انت من علي ابني
فارس بغضب: ابنك سليم اهو بس لو عينيه جت علي مراتي تاني متلومش غير نفسك ومترجعش تندب حظك
شادي: شايف يا عم صلاح مش عاملك احترام ازاي وواقف يشتم فينا
صلاح بصوت حاد وخشن: الراجل محترم ومقالش حاجه عيب
امجد: يا حاج ابني مغلطش ولا ايلين غلطت
صلاح: لما تتجوز من ورانا وكإنها يتيمه تبقي غلطت يا حاج
امجد بإحراج: في ديه معاك حق لكن
قاطعه جواد: معلش بس يا عمي ثانيه انت زعلان انه اتجوزها من وراكم ومش زعلان من اللي خالها وولاده عملوه دول ضربوها قدامنا وبهدلوها وسبوها بأبشع الالفاظ
فارس : ومعلش فالكلمه كنت فين وعمها ومراته وابنه كمان مشغلينها خدامه وبيذلوها من زمان كنتم فين؟
شعر صلاح بالحرج الشديد فقال: حقك عليا يا بنتي وعالعموم احنا فيها
فارس: قصدك ايه
صلاح: الفرح يتعمل الليله
ايلين: بس...
نظر لها فارس نظرة اخرستها ثم قال: موافق
صلاح: علي خيرة الله نبدأ نعزم الحبايب ده فرح بنت الغاليه
امجد: اعزم كل اللي تحبه ده فرح ابني الكبير فرح فارس القاضي
لاحظ فارس نظرات جمال وعلاء لايلين وتجمع الدموع في عيونها فركض ناحيتها واحاط خصرها بذراعه ثم همس في اذنها: اهدي محدش يقدر يقربلك طول مانتي معايا
نظرت له بإبتسامه فردها اليها ثم جذبها ودلفوا الي المنزل وخلفهم صلاح وخال ايلين وعمها وابنائهم ......
******************************
استيقظت فاطمه علي صوت الصراخ الصادر من الخارج وايقظت يمني ايضا
فاطمه: البسي بسرعه جدها جه
يمني بخوف: الصوت سكت تفتكري حصل ايه
فاطمه: انا قلقانه لوحدي متوترنيش زيادة
يمني: حاضر، انا خلصت
فاطمه: اسبقيني هالف الطرحه واجي وراكي
يمني: طيب متتأخريش
فاطمه: حاضر
خرجت يمني وذهبت الي بيت فارس فوجدت الجميس يجلسون وايلين تجلس بين فارس وصلاح فنادت عليها قائله: ايلين تعالي ثانيه
نظرت ايلين لفارس الذي نظر لها بمعني انه موافق فقامت بسرعه وذهبت مع يمني التي قصت عليها كل ما حدث
يمني بفرحه: الحمدلله كنت خايفه من جدك ده
ايلين: انا كنت مرعوبه بس فارس طمني مشوفتيهوش عمل ايه ولا مسك شادي ازاي لما بصلي
يمني بنظرة ذات مغزي: فارس هاه
ايلين بإرتباك ملحوظ: هاه اه ماله فارس
يمني: يعني قصدي بتنطقي اسمه ومبسوطه من اللي عمله
ايلين بضحك: اصله بصراحه طلع راجل بجد ولاول مرة احس بالامان تاني بعد بابا الله يرحمن بس في مشكله
يمني: مشكله ايه
ايلين: فارس وراه سر كبير مش عارفاه
يمني: سر ايه
ايلين: فارس كان خاطب واحده اسمها روان
يمني: اللي جت يوم كتب الكتاب
ايلين: بالظبط
يمني: مالها
ايلين: لما جواد كان بيتخانق مع سليم وفارس بيحجز بينهم زعق فيه وقاله انه مرتكبش جنايه لما شاف صاحبه مع خطيبته
يمني بفزع: يا نهار اسود
ايلين: وطي صوتك
يمني بهمس: وبعدين
ايلين: معرفش حاسه ان غروره ده ليه علاقه بخطيبته ده
يمني: طيب انتي مالك عايزة ايه
ايلين: مش عايزة بس حاسه انه طيب وغلبان تحت قناع غروره ده
يمني: انتي حبتيه
ايلين: لا طبعا مش حب ممكن يكون اعجاب احساس بالامان كنت مفتقداه
يمني: ويمكن تقلب حب
ايلين: مش هتلحق
يمني: ليه بقي
ايلين: احنا هنطلق بعد كام شهر
يمني بفزع: هو قال كده
ايلين: انا اللي قولت ليه
يمني: انتي غبيه ده جوزك
ايلين: وطلبت منه جوازنا يبقي علي الورق بس
يمني: وهو وافق
ايلين: اه وافق علشان هو مش فارق معاه زي ماهو مش فارق معايا
يمني: اقول عليكي ايه بس حرام عليكي
ايلين: طيب ماهو حرام عليكي انتي كمان
يمني بإستغراب: ليه بقي
ايلين: رامي بيعشقك وانتي كمان بتحبيه ولا عايزة تبيني خالص
يمني : انا ..انتي مش فاهمه
ايلين بضحك : بطلي بقي انتي مكشوفه اوي اوي
يمني: بحبه يا ايلين ارتحتي
ايلين: نفسي هو يرتاح
يمني بفخر: لا خليه كده لحد ما ينزل من السفر و يتقدملي وساعتها هاقولهاله بعلو صوتي كمان
ايلين: عقبال ما اشوفك بالفستان يا روحي
يمني: واشوفك
بهت وجه ايلين وتهجمت ملامحها: هتشوفيني بس مش هابقي زي اي عروسه مستنيه اليوم ده فرحانه بعريسها مستنيه انها تحضنه وتطمن في حضنه يصلوا ركعتين سوا علشان ربنا يبارك في حياتهم
يمني بحزن: يمكن ده كله يحصل
ايلين بضحكه سخريه: يمكن، اومال فين فاطمه
يمني: كانت بتلف الطرحه معرفش اتأخرت ليه
ايلين: طيب تعالي ندخل ريناد بترن عليا
يمني : تعالي
******************************
فالخارج كانت فاطمه تخرج من باب المضيفه فإصطدمت بمراد في طريقها الخروج ففزعت قائله: بسم الله الرحمن الرحيم
مراد وهو يضيق ما بين حاجبيه: ايه شوفتي عفريت
فاطمه بضيق: اسوء شوفتك
مراد بعدم فهم: وانا مالي مش فاهم ده انا حتي قمر
فاطمه: قمر بالستر
مراد: انتي علي طول كده
فاطمه: كده ازاي
مراد بسخريه: عسل
فاطمه: سم
مراد: بقولك
فاطمه: نعم
مراد: صباح الفل عالفل
نظرت له فاطمه وابتسمت غصبا عنها: صباح النور
مراد : يسعد صباحك يارب
فاطمه: خلصنا بقي صبحنا وانتهينا
مراد: مالك بتقلبي كده ليه
فاطمه : فين ده
مراد: صبحتي عليا وبعدها كشرتي
فاطمه: بقولك ايه متوسع من طريقي كده
مراد: ولو موسعتش
فاطمه: فاكر حصل ايه اول مرة شوفتك
وضع مراد يده علي وجهه وقال: منستش وهيتردلك قريب
فاطمه: انت بتحلم
مراد : الاحلام معايا هتتحقق
فاطمه وهي ترحل : طيب ابقي اتغطي
كويس
مراد وهو ينظر لها وهي ترحل: ماشي يا طمطم ماشي. مش هتغطي كويس علشان احلم بيكي يا قمري
******************************
فالداخل كان صلاح يتحدث مع امجد وفارس في تفاصيل الزواج
فارس: الفستان بتاع ايلين هيجي حالا ومن اشهر مصميين فالعالم الفرح هيتعمل هنا فجنينه القصر وكل شيئ جاهز متقلقش يا جدي
صلاح: انت زين الشباب يا فارس حبيتك اوي لما شوفتك وشوفت قلقك علي ايلين باين في عيونك
همس فارس لنفسه: لا باين عليك بتشوف اوي
صلاح: بتقول حاجه يا ولدي
فارس بضحك: لا ابدا يا جدي
جمال: هنروح احنا
صلاح بغضب: وفرح البنيه مين يحضره عاد
جمال: هي مش اتجوزت من ورانا تكمل بقي
شادي: مدام هي مش متربيه ومعتبرة ان ملهاش اهل يبقي ملوش لزوم وجدنا
هب فارس واقفا بطريقه مخيفه وهو يبتسم وفي لمح البصر كان شادي مطروح ارضا يتألم من اللكمه التي سددها له فارس ثم اعقبها فارس قائلا: قولتلم لو عينك جت عليها هريحك منها تقوم انت بذكائك تفكر تهنها وقدامي كمان ثم وجه نظرة لجمال واكمل حديثه: اهينك يا جمال بيه ربنا رزقك بشال منتهي فالذكاء ربنا يزيد ويبارك كمان
صلاح: حقك عليا يا ولدي
امجد: محصلش حاجه يا حاج صلاح. فارس: بس لو فكر تاني يشغل مخه هتزعلوا عليه
صلاح: نروح بقي نجهز الدنيا
فارس: كل شيئ جاهز مش فاضل غير المعازيم بتوعكم بس كده
صلاح: هانروح لوكندة ونتصل بيهم
امجد: عيب يا حاج انت بتشتمنا البيت بيتكم
صلاح: بس
امجد: مبسش مراد
مراد: نعم يا بابا
امجد: خدهم للملحق بتاع البيت يرتاحوا فيه
مراد بنظرات اشمئزاز موجهه لشادي وعادل: اتفضلوا
وذهب مراد معهم ليريهم الغرف الخاصه بهم .....
******************************
في غرفه ايلين تجمع النساء والبنات لرؤيه فستان ايلين الذي احضره فارس بالفعل فهو في غايه الجمال يشبه فستان سندريلا ولكن لونه ابيض ومعه تاج غايه فالفخامه والرقي تجمعت الدموع بعين ايلين من جماله فقالت
ايلين: لحق جابه ازاي
ريناد بغمزة: الحب بقي
نظرت لها ايلين ثم تابعت: حب ايه يا ريناد يعني منتيش عارفه اتجوزنا ازاي
رباب: في ايدك تغيري كل ده
ايلين: وليه اغيره كلها كام شهر وكل واحد يروح فحاله
رباب: فارس مش اطيب منه
ايلين: فعلا هو طيب وراجل وجدع
شيماء: عايزة ايه تاني بقي
ايلين: مش عاوزة غير اني اشكره واسيبه يبدأ حياته بمزاجه مع اللي يختارها
رباب: ومين قالك انه مجبور عليكي
ايلين: هاه
دولت: يا ايلين فارس حفيدي وانا حفظاه لو مكنش عايز الجوازة مكنش وافق وكان طلعك من المشكله من غير حل الجواز ده
ايلين: قصدك انه بيحبني
دولت: مش حل بس يمكن اعجاب ويمكن راحه ويمكن حب هيتولد علي ايدك
نجلاء: ابنك علي ما تربيه وجوزك علي ما تعوديه
ايلين بضحك: يا جماعه انا مش بحبه
دولت بخبث: بس معجبه صح
ايلين بخجل: ممكن
دولت بضحك: ربنا يبارك فيكم يارب
يمني: يلا علشان نجهزك يا قمر
ايلين: يلا يا ميمو
فاطمه: سيبولي شعرها
يمني: وانت الميكب
ريناد: انا الفستان
شيماء: انا تخصص تيجان وطرح
دولت: ربنا يفرحنا بيكم كلكم يا بنات
البنات بحماس : يارب
******************************
عند فارس كان يحدق بالبذله التي سيرتديها وتذكر شرائه لبذله مماثله لاجب عرسه هو وروان
Flash back
كان فارس يتحدث مع روان بالهاتف
فارس: يعني ايه انا مش فاهم
روان: تعبانه يا فارس مش فاهم ايه بقي
فارس: عايزك تيجي معايا تنقي ليا البدله زي اي اتنين فرحهم بعد اسبوع
روان بضيق: وانا بقولك تعبانه مش قادرة انزل
فارس بغضب: وفستانك
روان: هاته علي زوقك
فارس : واقيسهولك بالمرة
روان: وماله يا حبيبي
فارس: انتي مستفزة ليه
روان بضيق: فارس الفستان هبقي اجيبه مع اصحابي بكرة مش حوار
فارس: فستان فرحك مش حوار
روان: اه يا فارس مش حوار ده حاجه سهله جدا
فارس بضغب: براحتك سلام
روان بغيظ: سلام يا فارس
اغلق معها وذهب لانتقاء بذلته وعاد الي البيت بعد ان اشتري لها الفستان فلم يقدر ان يحزنها واتصل بها
فارس: عامله ايه يا قلبي
روان : كويسه
فارس: انتي لسه زعلانه
روان: وهزعل ليه
فارس: علي العموم جيتلك الفستان
روان: تمام شكرا
فارس: شكرا !
روان: فارس انا تعبانه
فارس: وعايزة تنامي سلام يا روان
ثم اغلق معها الهاتف وجلس يفكر في طريقتها ........
Back
قارن بين فرحه روان بالفستان وفرحه ايلين التي حكت له عنها ريناد اخته فوجد ان ايلين لاتشبه روان مطلقا ولكن ما معني جمله روان ( كلنا واحد)
اتقصد انهم جميعهم خائنين ايضا هل يعقل ان تكون بهذه الوضاعه لتتهم ايلين وجميع بني جنسها بالخيانة قطع حبل افكاره صوت طرق الباب فإفاق وتوجه نحوه وفتحه فوجد الشباب جميعهم يبتسمون له بطريقه غريبه
فارس بإستغراب: مالكم؟
مراد: مبرووووك يا فيروووو
فارس: مش قولتلك متندهش عليا كده
مروان: مخلاص بقي يا مراد مترخمش عليه ده عريس
فارس: خفه
سليم: مالك يا فارس
فارس: مالي منا كويس اهو
جواد: مش فرحان يعني
فارس : علي اساس انكم مش عارفين اللي فيها
مروان بخبث: عارفين يا فارس عارفين ثم غمز لمراد بعينيه
فقال مراد : بصراحه يا فارس انا عايز اقولك انك هتتجوز طلقه ايلين ديه بسكوته كده وعسليه خالص كده تحسها فراولايه
لايعرف فارس لما تضايق جدا من كلام مراد ووصل الي اقصي مراحل الغضب فقال بغضب واندفاع: مراااااد كفاياك
نظر له جواد بحزن لانه يعلم ان فارس يغار علي ايلين .....
مراد بخوف: ايه يا فارس مالك
فارس: يا مراد ايلين مراتي مينفعش تفضل تقول عليها كده
مراد بخبث: مانت مش بتحبها وكما..
فارس بضيق: بردوا ملكش دعوة
ضحك مراد وخلفه سليم ومروان بشدة فنظرا لهم فارس وجواد بإستغراب شديد فقال جواد: مالكم يا هبل انتم
مراد: مفيش، في حاجه كده كنت بتأكد منها
سليم: مبروك يا معلم
فارس بضيق: خلصنا بقي الزفت الحلاق فين
مروان: اسمه الكوافير الرجالي يا جاهل
جواد: الله يرحم عمك كان فاكر الهمبرجر رقصه
مروان: يا خفه
فارس: لو خلصتوا شغل العيال ده ممكن تفتحوا الباب
فتح مراد الباب ودخل الرجال المسئولون عن تجهيز فارس للزفاف
وبدأوا في التجهيزات .......
******************************
عند دولت وامجد
دولت: جدع يا امجد
امجد: عيب عليكي يا امي تربيتك
دولت : لا بجد يا ميجو ازاي اقنعت جدها
امجد: عادي يعني بسهوله جدا والصراحه الراجل زوق جدا جدا
دولت: احكيلي كل حاجه بالتفصيل
Flash back
بعد كتب كتاب فارس وايلين وحدوث الخلاف بين جواد وسليم وفارس امسك امجد بريان واستطاع اقناعه بأن يعطيه رقم الجد صلاح وبالفعل وافق ريان علي ذلك واعطاه الرقم واتصل به امجد ليحاول اقنعاه بعدم السماح لخال ايلين بإخذها وانها بريئه
صلاح: ولاد ال**** معسبهمش كانوا عايزني اقتلها
امجد: يا فارس ابني بيحبها بس متردد في موضوع الجواز شويه
صلاح: والمطلوب ايه يا راجل يا طيب
امجد بضحك: عايزك تقولهم الفرح يتم بكرة لانك قاعد وعايز تحضر فرح حفيدتك وكده
صلاح: عايزني اجبره علي الجواز من بتنا
امجد: طبعا لا انا عايزك تسرع بس الموضوع
صلاح: اعتبره حصل بس لو رفض
امجد: مش هيرفض
صلاح: انت متأكد انه هيوافق
امجد: هو بيحبها بس متوتر وخايف شويه مش اكتر
صلاح: خلاص علي خيرة الله هجيلكم الصبح
امجد: توصل بالسلامة
صلاح: مع السلامه
امجد: في امان الله
ثم اغلق معه وجلس يفكر في خطته العظيمه لتزويج فارس لايلين بأقصي سرعه فهو متأكد انها الاصلح له
Back
دولت: يا خرابي عليك
امجد بضحك :تربيتك يا ست الكل
دولت: بكاش
امجد: انا هاروح اجهز بقي ده انا ابو العريس
دولت: متنياش اني جدته ولازم اجهز الاول
امجد بضحك: يلا يا ست الكل
ضحكت دولت وذهبت لتجهز لعرس حفيدها العزيز ..........
*************-******-**********
بعد مرور الوقت كانت ايلين تجهزت وارتدت فستانها الذي كانت به تشبه سندريلا وتسريحه شعرها التي اظهرتهت بأقصي مراحل جمالها وحذائها الرقيق للغايه وحتي انها لم تضع الكثير من الزينه ولكنها كانت تشبه البدر في تمامه
بكت ايلين حين رأت نفسها بالمراءة فقال لها فاطمه: مالك بتعيطي ليه
ايلين ببكاء: حتي في يوم زي ده ولو انه مش زي مكان نفسي كان نفسي يكونوا معايا نفسي ماما تحضنني وتقولي اني اجمل عروسه شافتها وبابا يمسك بإيدي ويسلمني لعريسي ويوصيه عليا ويخوفه انه يقرب مني او يفكر يزعلني وبعدين يحضنني ويقولي ان البيت مش هيكون ليه طعم من غيري وانه مبسوط انه عاش لحد ما يشوفني عروسه ويشوف احفادة كان نفسي اعيش اليوم ده بس معاهم كان نفسي ثم بكت بحرقه وانتحبت ورق قلب الجميع لها وخصوصا ذلك الذي كان يدلف للغرفه وبالصدفه وقف يستمع لها واحس بشعورها وآلمها واحس بكل دمعه منها كإنها رصاصه تخترق قلبه واعتصر قلبه حزنا عليها كل حرف تقوله يؤلمه بشدة حقا والان اراد ام يضمها ويطمئنها ولكن بداخله هاجس يمنعه من فعلها لذلك انسحب بهدوء من الغرفه بدون ان يشعر به احد او يدري انه كان متواجد بالغرفه
بكت ايلين بشدة فإحتضنتها يمني وخلفها فاطمه بينما بكت ريناد وشيماء ايضا حزنا عليها
فاطمه ببكاء: كفايه يا قلبي
ايلين ببكاء: ملحقتش اشبع منهم تفاصيل كتير اتحرمت منها واتحرمت اني اعيشها معاهم
يمني ببكاء: معلش يا ايلين يا حبيبه قلبي كفايه
ايلين: عمره ما هيكون كفايه لو بكيت عمري كله عمره ما هيكون كفايه ابدا
ريناد: ايلين حبيبتي كفايه يا قلبي
احنا معاكي ولا احنا مش كفايه
ابتسمت ايلين وقالت: صدقوني وجودكم هو الشيئ اللي مصبرني بس مش قادرة اصدق اني لوحدي من غيرهم في يوم زي ده حتي او كان بالكدب او مش حقيقي
شيماء: هما معاكي واكيد شايفينك وحاسين بيكي
ايلين: معاكي حق
فاطمه: بطلي عياط بقي بليز
ايلين: حاضر
يمني: الميكب باظ
ايلين: لا لسه
ريناد: الحمدلله مفيش وقت سليم بيتصل ، الو
سليم: .........
ريناد : ليه
سليم: ........
ريناد: اوك سلام ،بصي يا لي لي احنا هننزل الاول وشويه ونطلع ناخدك
فاطمه: روحب احنا معاها
غمزت لها ريناد: لا تيتا دولت عايزانا كلنا
فهمت يمني فأمسكت بيد فاطمه وقالت: تعالي بس
ايلين: هتسيبوني لوحدي
يمني: هنطلعلك بسرعه
ايلين بعدم إطمئنان: طيب متتأخروش
نزلوا جميعهم وبدأوا في استقبال الضيوف والحاضرين وتحضير مفأجأة خاصه لايلين ........
تري ما هي المفاجأة؟
ايه هيحصل بعد كده؟
كل ده الفصل الجاي من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Romansaفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
