ترويضـ فآرسـ ❤️ (مكتملة)

بارت 21

ترويض فارس
الجزء الواحد والعشرون
فارس وايلين : انت اللي جابك هنا
الشخص : محتاج لايلين ضروري
فارس بغضب وهو يندفع نحوه : انت ازاي تتكلم معاها أصلا
ايلين وهي تقف خلف فارس تحتمي به وتمسك بقميصه بشده فقال لها ليطمئنها: متخافيش انا معاكي
هزت رأسها وقالت:  عايز ايه يا شادي
شادي ببرائه مصطنعه:  هتسجن
فارس ببرود وهو يمسك يد ايلين ليبثها الامان:  متولع احنا مالنا
شادي ببكاء مزيف:  محتاج فلوس ضروري يا ايلين دول مش بعيد يقتلوني
ايلين وقد بدأ قلبها ان يلين فشعر فارس بذلك فضغط علي يدها فنظرت له ورأت الشرار يخرج من عيناه دليل علي غضبه فقالت:  انتي جايلي ليه فاكر انك هتصعب عليا مثلا ده من رابع المستحيلات
ثم نظرت لفارس فإبستم لها ثم اكمل بجمود:  اديك سمعتها يلا يا بابا خد باقي كرامتك ده لو باقي ليك كرامه اصلا وغور فداهيه
شادي برجاء: يا ايلين افتكري ليا اي حاجه حلوة حصلت بينا
اشعل بتلك الكلمات غضب فارس فإندفع نحوه ثم لكمه بقوة فطرحه ارضا سريعا ما انقض عليه يلكمه عده لكمات ادت الي غرق وجهه فالدماء حاول الجميع ابعاد فارس عنه ولكنه كان لا يري ولا يسمع سوي بكائها وهي تحكي ان ذلك القذر قد حاول الاعتداء عليها وضربها ايضا واخيرا جاء جواز وحمل فارس من علي شادي ثم وقف شادي وصرخ بغضب:  وديني يا فارس لاربيك انا هدفعك تمن اللي عملته ده هاخليك تبوس رجليا علشان ارحمك انت والسنيورة خليك فاكر كلامي
اندفع فارس له ولكن امسكه جواد وغادر شادي بسرعه من امامه قبل ان يفتك به مجددا ترك جواد فارس فذهب اليها وجدها تبكي بشدة فلم يخجل من وجود اهله وجذبها لحضنه وظل يربط علي ظهرها بحنو وهي انفجرت فالبكاء وقالت:  حقك عليا يا فارس انا السبب فكل المشاكل ديه ياريتني ماجيت هنا مكنش حد هيعمل كل المشاكل ديه انا نحس وفقر انا آسفه .... نظر فارس لدولت فهزت رأسها له فأمسك بيد ايلين وصعد بها الي غرفتهما حتي يقدر ان يهدأ من روعها ويطمئنها .....
******************************
خرج شادي من بيت القاضي ليذهب الي قسم الشرطه علي الفور ليقدم بلاغ بفارس لانه تعرض له بالضرب ولكن الضابط حاول اقناعه انه ليس بمصلحته ففارس القاضي معروف للغايه فأخبره شادي بأنه يريد عمل محضر عدم تعرض لفارس وبالفعل تحركت القوات لإحضار فارس واتمام الاجراءات ........
******************************
صعد فارس ومعه ايلين ودخل الغرفه ثم اجلسها علي السرير واغلق الباب ثم جلس بجانبها وامسك بيدها وقال بحنان وهدوء: ممكن تهدي شويه وتبطلي عياط
ايلين ببكاء:  مش قادرة علشان عارفه اني السبب فكل ده انت ذنبك ايه تجيلك كل المشاكل ديه
فارس بإبتسامه مطمئنه:  عادي يعني مش سيادتك مراتي لازم استحمل مصايبك
نظرت له فإنفجر هو فالضحك مما جعلها تبتسم تلقائيا علي ضحكته التي تفقدها تعقلها والاحساس بمن حولها
فنظر لها بخبث وقال:  مكنتش اعرف اني ضحكتي حلوة كده
نظرت له ببلاهه فأكمل:  اصلك متنحه فيا صح يا ليوووو
ايلين بضحك:  انا مينفعش دلعي يبقي ليووو
فارس وهو يمسك يدها ويضغط عليا بحنو:  لا ينفع والدلع ده محدش غيري يقولوا ليكي
ايلين بحزن:  لما نطلق محدش بردوا يقولوا
نظر لها فارس وفهم نظرة الحزن تلك فقال:  ليه بتجيبي سيرة الطلاق دلوقتي
ايلين وهي علي حافه البكاء: علشان ديه الحقيقه كلها كام شهر ونسيب بعض
قبل فارس يدها وقال بهدوء بالغ:  ممكن متفكريش في موضوع الطلاق ده خالص سيبيها لظروفها
ايلين بإلحاح:  مش فاهمه فهمني دلوقتي يعني ايه
فارس بهدوء وهو ينهض من علي السرير : يعني متفكريش فيه
ايلين بملل : يوووه يا فارس
فارس بضحك:  انتي ليه كده زي الاطفال
تضايقت ايلين نعته لها بالطفله فوقفت بغضب واندفعت ذاهبه اليه ولكن تعرقلت بطرف السجادة ووقعت فأمسك بها فارس ولسوء حظه اختل توازنه ووقع الاثنان معا او وقعت ايلين علي فارس تألم فارس وايلين ايضا قم نظرا لبعضهما وانفجرا فالضحك
فقال فارس بضحك شديد:  ايه ده يا بنتي شغل اطفال اوي علي فكرة
ضربته في كتفه ثم قالت:  انا مش طفله بطل رخامه
فارس بخبث:  طبعا مش طفله هي الحلاوة ديه كلها طفله ازاي بس ثم حاوط خصرها بيدها وشدد من احتضانها ...سريعا ما اصبح لون وجهها احمر بشدة وخصوصا انفها وحاولت الافلات منه وهو يضحك عليها واخيرا قرر تركها فوقفت تهندم من ملابسها بإحراج وهو يضحك فقالت بغيظ شديد:  بطل ضحك يا فارس
فارس : مش قادر هاممموت
ايلين بضيق:  قولتلك بطل
اقترب منها فارس وظل يقترب وعي تعوز للوراء وهو يقترب حتي حاصرها علي الحائط فقال بهمس:  مش كتير عليا شغل الافلام ده كل مرة افضل اقرب وانتي تبعدي لحد ما توصلي للحيطه
ايلين بإحراج:  مانت السبب ابعد شويه
فارس بخبث:  ليه بس ماتيجي نقرب البعيد ثم بسرعه قبلها علي وجنتها ثم ابتعد بسرعه وخرج من الغرفه بينما هي وقفت كالتمثال ثم وضعت يدها علي وجنتها التي قبلها وضحكت وارتمت علي السرير تحتضن الوسادة وتقول:  بحبه يا ناس بحبه
بينما خرج هو من الغرفه مبتسم علي لنه كان قادر علي تغير حالتها تلك ثم توجه للاسفل ليتحدث مع عائلته ...
******************************
كانت شادي يقف خارج القسم ينتظر الشرطه فهو يجب عليه الذهاب معهم فرن هاتفه فإجاب بسرعه قائلا:  الو يا وش السعد
الشخص:  عملت ايه
شادي بضحكه سمجه:  كل اللي قولتيه يا سوسو
سهير بضحكه عاليه:  براڤو عليك دلوقتي محدش هيقدر يقربلك وكمان محدش هيشك فيك خالص
شادي:  تسلم دماغك يا قلبي
سهير:  فين حلاوتي
شادي:  لما يحصل الاول
سهير:  اتفقنا يلا روح معاهم وابقي كلمني لما تخلص اتفقنا
شادي بشر:  اتفقنا يا عمري سلام
ثم اغلق معاها واتجه مع الشرطه الي بيت فارس القاضي ....
******************************
في بيت القاضي
كان فارس يجلس مع مراد الذي حضر للتو وكانوا يتحدثون فالعمل وايلين تجلس مع الفتيات يتحدثون عن زفاف سليم وريناد....
مراد وهو يقف اعلي الطاوله ويصدر صوت عالي:  يااااا جمااااعه ...ايوة كله يركز معايا كده
امجد بضيق:  بتعمل ايه يابن العبيطه
رباب بصوت عالي من خلفه:  مين ديه اللي عبيطه يا امجد
فارس بضحك:  مالك بماما يا ميجو
مراد بغيظ:  مش وقته والنبي ركزوا مع امي
فقالت دولت: هو مش قصده عبيطه يا رباب هو قصده هبله ثم ضحكت
فقال مراد بغضب:  نقعد بقي نحل مشكلتك ومشكلته وتولع المشكله اللي انا جايلكم فيها
امجد بغيظ:  عايز ايه يا بن الكلب
مراد بضحك: تسلم يا بابا،  المهم طبعا بعد مباحثات ومشاورات كتيرة طبعا مع نفسي والاستاذة المبجله ايلين
ابتسمت ايلين ورفعت يدها فنظر لها فارس بغضب ثم نهض من مكانه وجلس بجانبها وقال بغيرة:  قصده ايه ده
ايلين بضحك:  اسمع وهتشوف
مراد بمرح:  والنبي الاخ اللي بيحب مش وقته كان يقصد فارس
نظر له فارس بغضب فأكمل مراد بخوف:  حقك عليا حب براحتك
جواد بملل:  متنجز يا زفت
مراد وهو يضع يده علي صدره:  تشكر يا عمنا المهم بقي اني قررت قرارات مصيريه تتعلق بحياتي ومستقبلي وحبيت اني اشارككم فيها
رقم 1: انا عقلت وقررت اشيل الشغل عن فارس وجواد شويه
رقم 2: اني مش هكلم بنات تاني وهاتقي ربنا بقي الواحد كبر خلاص
رقم 3: اني هتجوز
صدم الجميع من ما قاله فقال مراد بمرح:  عارف والله عارف ان ده عيكون رد فعلكم
امجد بصدمه:  هتتجوز يا مراد
مراد بجديه:  ايوة يا بابا قررت اتلم بقي واكون اسرة
دولت بفرحه:  انا بجد يا مراد فرحانه بيك اوي يا حبيبي قولي بقي حاطط عينك علي حد ولا لسه
مراد بمرح:  حاطط عيني ايه ده انا شيلت عيني وحاططها عليها علشان متوهش والله ده انا واقع
ضحكت رباب ثم نهضت وتوجهت له واحتضنته وقالت بدموه فرحه:  مبرووك يا حبيبي مين بقي المحظوظه
رد فارس بمرح:  قولي الموكوسه
لكزته ايلين بكتفه فنظر لها ثم قال: ايه مالك هو انا جيت جمبك
اكمل مراد وقال:  انتي عارفاها يا امي ومعجبه بيها كمان ثم نظر لايلين وغمز
فإغتاظ فارس منه فوقف واتجه اليه وامسكه من قميصه وقال:  ما تحترم نفسك ياض
مراد بخوف: ايه يا فارس هو انت كلمتك
فارس بغيرة:  لا كلمتها يا حلو
امجد بضحك:  انطق يا مراد وقول مين بدل ما فارس يخليك تنطق
مراد بلهفه:  فاطمه صاحبه ايلين
دولت بفرحه:  بسم الله ماشاء الله بنت ادب واخلاق
مراد بمرح:  وقمر يا دولت هانم
امجد بضحك:  مش هتتغير
مراد بجديه:  هي هتاخد معاد من والدها وتبلغني
امجد وهو يحتضنه:  ماشي يا حبيبي والف مبروك يا مارووو
مراد بضحك:  اول مرة تقولي ماروو
امجد وهو يربط علي كتفه:  بقيت راجل وتقدر تشيل مسئوليه تبقي حبيبي لكن تفضل لعبي وممنكش رجا ولا فايدة اديك بالجزمه
مراد بضحك:  لا وعلي ايه خلينا زي ماحنا حلوين كده
ضحك الجميع وباركوا لمراد الذي ستزوج قريبا فقال سليم بمرح:  ممكن بقي نفتكر ان فرحي انا والبونيه الغلبانه ديه بكرة
عاصم بضحك:  فاكرين يا سليم كفاياك يا حبيبي انت ناقص تكتبها علي ورق وتعلقها فالحمام علشان مننساش
سليم وهو يغمز لريناد:  فرحان يا جدعان في ايه
جواد:  بكرة تنكد عليك
ريناد:  يا ساتر عليك يا جواد ايه الغم ده يابني مالك مكونتش كده
جواد بضحك:  لا ياختي طول عمري. كده بس الحقيقه بتوجع
شيماء بمرح:  فكك منهم يا ريناد وتعالي اما نشوف ايه اللي فاضل مهو هناء وشيرين دول مش وراهم غير النكد وهو تشير لمروان وسليم فركضا الاثنان خلفها في جو يسوده المرح حتي توقفا امام باب المنزل وهم يروت الشرطه تدخل الي المنزل بعد ان سمح لهم الامن فتفاجئ الجميع منهم ثم توجه امجد وعاصم اليهم
فقال امجد بجديه:  مين حضرتك وازاي تدخل كده
الضابط:  انا اسف علي دخولي بالشكل ده بس انا معايا امر بالقبض علي فارس القاضي
الجميع:  ايه؟ !

ياتري ايه اللي هيحصل لفارس؟
ايه اللي هتعمله ايلين؟
كل ده الفصل الجاي من ترويض فارس ❤️🔥