ترويض فارس
الجزء السادس والعشرون
وجدت ايلين الشباك مفتوح وكبير وقد تتمكن من الخروج منه وبالفعل وقفت علي الدلو الصغير وقفزت من الشباك ولكن كانت المفاجأة حين قفزت وجدته يقول :عيب الحركات ديه والله ده احنا لسه واكلين مع بعض عيش وملح ...
ايلين بملامح مرعوبه :انا...انا
عمار بسخريه:مكونتيش عايزة تهربي بس شوفتي عصفور جريتي وراه قومتي وقعتي يا سبحان الله
ايلين بغضب:المفروض يعني محاولش اهرب ولا ايه
عمار بعصبيه:وطي صوتك لو سمعونا مش هاعرف اقعد معاكي تاني وهما هيدخلولك يحرسوكي ومبالك بقي بحراستهم ليكي
ايلين بخوف:لا بلاش طيب اعمل ايه
عمار بهدوء:تاشيلك تطلعي علي الشباك وكأن شيئ لم يكن
ايلين بغضب:لا طبعا تشيلني ايه انت اتجننت
عمار بسخريه :متخافيش مش هالمسك انا هشبكلك وانتي تنطي اصل المسافه مش كبيرة
ايلين بإستسلام :طيب اتفضل يلا
وبالفعل قام عمار بمساعدة ايلين وصعدت للشباك ودخل هو ثم اصطحبها الي الغرفه وكأن شيئ لم يكن ........
******************************
عند فارس
فارس بغضب:عرفت منين يا ريان اللي حصل؟
ريان بصوت خافت: شادي كان هنا وبيقول لابويا كل حاجه
فارس وهو يضرب مقود السيارة:كنت عارف انه وراها ابن ال*****
ريان بسرعه:مش هو اللي خطفها يا فارس ده كان فاكر بابا اللي خطفها وطلعوا الاتنين معملوش حاجه
فارس بإستغراب :يعني ايه
ريان بتأكيد:يعني مش شادى اللي خاطف ايلين شوف مين غيرهم اعداء ليكم
فارس بشك:وايه اللي يثبتلي ان الزفت ده ميكونش بيعمل كده تمويه مش اكتر
جواد مقاطعا لفارس :انت بتهري في ايه
فارس بغضب:عايز ايه يا جواد
جواد بهدوء:ايه اللي عرف شادى ان ايلين اتخطفت اصلا
فارس بدهشه:ايوة فعلا ازاى عدت عليا
مروان محاولاً التخفيف عنه:اصل دماغك مشغوله معلش
مراد :يلا نطلع علي شادى هو طلبها ونالها
ريان بهدوء:انا قولتلك علشان تعرف تتصرف،ابقي طمنني يا فارس عليها
فارس بغيرة:طيب طيب سلام .
جواد بجديه:قفلت ليه
فارس بغضب:علشان عايز اطير للقذر التاني
مراد بمرح:ولا علشان قالك طمني عليها
فارس متجاهلاً له:انا معرفش العنوان اتصل بفاطمه يا مراد واعرف البيت منها
مراد بجديه :حاضر
وبالفعل اتصل مراد بفاطمه واخذ العنوان وانلطقوا الي منزل شادي
******************************
عند ايلين
كانت جالسه تبكي وعمار يحاول تهدئتها قائلاً:ممكن تبطلي عياط وشك مش لايق عليه الزعل
ايلين ببكاء:انا عايزة امشي من هنا
عمار بضحك: هو انتي لحقتي تقعدي علشان تمشي
ايلين بغضب:انت مستفز ليه يا اخي
عمار بمرح:يا ستي لا مستفز ولا نيله
ايلين بهدوء:بص يا عمار انا مستعدة اعملك اى حاجه فالدنيا بس تهربني من هنا ارجوك
عمار بخوف:صدقيني نفسي اهربك من هنا بس ازاى والحراسه ديه وكده مش هيسبوني فحالي
ايلين ببكاء:اطلع براااا
عمار محاولا تهدئتها:اهدي بس
ايلين وهي تقف وتصرخ:براااا اطلع براااا
تركها عمار وخرج بينما صرخت هي بإسمه وهي تنهار :فــــــارس
******************************
عند منزل شادي
امل بسخريه:هتعمل ايه يا فالح
شادي بملل:مش متهبب عارف الواد بيحاول يفتكر نمرة العربيه بس مش فاكرها خالص
جمال بغضب:الشركه هتقفل وانا هتسجن اتصرفوا
امل بعصبيه :اتصرف اعملك ايه يا شيخ ملعون ابو اليوم اللي فكرت اتجوزك فيه انا تعبت مين فينا الراجل مين اللي مفروض يحل المشاكل انا ولا انت رد عليا
جمال بصراخ:ان الراجل غصبا عنك
امل بسخريه:مهو واضح
رن جرس الباب فوقف شادي ليفتح الباب فكل الخدم رحلوا لعدم قدرتهم علي الدفه لهم ذهب شادي ليفتح الباب قائلا: مين
فلم يجد رد ففتح الباب رجاءه الرد علي شكل لكمة قوية من فارس افقدته توازنه كليا فوقع علي الارض متألما بينما جلس فارس فوقفه وظل يكلمه
وهو يقول:وديتها فين يا قذر انطق
جواد وهو يرفع فارس: استني يا فارس
مراد وهو يهدئ فارس:يابني اديله فرصه ينطق هيموت في ايدك
حضر جمال وامل راكضان علي صوت الشجار فصرخت امل بفارس:سيبه حرام عليم سيبه هيمووت
فارس وهو يأخذ انفاسه: حررام ومكنش حرام وابنك الحيوان ده مش حرام لما يخطف مراتي
جمال بنفي: محصلش ابني معملش حاجه
مراد بسخريه:سوسن بتتكلم ليه دلوقت
جمال وهو ينظر حوله:هي فين سوسن ديه
مروان بضحك:مش وقته يا حاجه هاعرفك بعدين
فارس وهو يمسك شادى من قميصه ويرغمه علي النهوض :انطق يا زباله ولا تحب اموتك
شادى بخوف:لا خلاص هاقول والله
انا كنت ناوى اخطفها فعلا والله بس فنفس اليوم جت عربيه وخطفتها لدرجه اني شكيت في خال ايلين بس طلع ميعرفش حاجه هو كمان والله ديه الحقيقه
امل وهي تمسك بيد فارس :سيبه بقي والله ده اللي حصل هو مخطفهاش
جواد بتفكير:اومال هيكون مين طيب
فارس بحيرة:انا مش عارف افكر حتي حاسس ان تفكيرى اتشل
جواد:يلا نمشي طيب ونفكر بالراحه
فارس وهو في عالم اخر:يلا
مروان قبل ان يخرج:يا حاج تحب تعرف مين سوسن
جمال بلهفه :مين
مراد بضحك:انت
ثم خرج بسرعه وخلفه مروان بينما تركا شادى فاقد وعيه وامل تصرخ بجانبه وجمال يتعجب من اسم سوسن
******************************
عاد فارس للمنزل خائب الامل يجر اذيل الخيبه خلفه لم يجد ايلين ولا يعرف شيئاً عنها والخيط الوحيد قطع تماماً مما جعله حزين تماماً صعد الي غرفته ولم يخرج منها ....
كانت دولت حزينه علي حفيدها المقرب لها ولذلك صعدت له بعدما عرفت من جواد ما حدث ....
دولت وهى تفتح الباب :انا مش بخبط انا بدخل علي طول
فارس بإبتسامه شاحبه:طبعا يا حبيبتي
دخلت دولت ثم جلست علي السرير وفارس بجانبها فقالت :مالك يا فارس
فارس بحزن:كنت من فترة بفكر امتي هطلق ايلين وايه اللي هيحصل بعد ما طلقها وكنت مقتنع تماماً اني مش هفتقدها ولا هاحس بفرق بعدها
ودلوقتي مش قادر احس بشيئ غير انها جمبي ومش معايا وحشتني اوى يا جدتي اوى
امتلئت عيونه بالدموع ولكن لم يتركها فقالت له دولت:الحب مش ضعف والدموع مش معناها انك ضعيف بالعكس معناها انك اتحملت كتير
كان حديثها الشقه التي قسمت ظهر البعير انفجر فارس في بكاء مرير يشكو لجدته اشتياقه لها:وحشتني مكنتش اعرف اني ممكن احب تاني خصوصاً بعد اللي حصل زمان بس ايلين مختلفه من اول نظرة حبيتها كنت غيران عليها من مراد وخايف من جواد ليحبها وعايزها علي طول جمبي بس كنت بخاف لحسن يتكرر اللي حصل زمان انا بحبها اوى مكنتش اعرف ده غير لما حسيت بيهت وسمعتها النهاردة كنت عند الزفت شادى سمعت صوتها بتنده عليها قلبي دق جامد زي ما تكون جمبي اصله مبيدقش جامد كده غير وهي قريبه مني وحشتني ريحتها وصوتها وضحكتها وحشتني طفولتها وحشتني اوى
احتضنته جدته وقالت: ياريت تقولها كل ده
فارس بحزن:ترجع بس ومش هاخبي تاني هاقول كل حاجه مش هاسيبهت تضيع مني ابدا تاني
دولت بحب:هاترجع يا حبيبي ادعي ربك وهي ترجع
فارس وهو يرفع يده للسماء:يارب انا بحبها مش عايز اخسرها انا مصدقت لقيتها يارب رجعهالي يارب
بعدها احتضنته جدته ونام علي فخذها كالاطفال بعد حديث طويل ملئ بصفات ايلين ومدى اشتياقه لها ....
******************************
مرت اربعه ايام علي اختفاء ايلين عاشها فارس بحزن ولم يكن يأكل اى شيئ كان بيت القاضي كله حزين كالزهرة التي توقف صاحبها عن رعايتها كانت الحياة سوداء ملبدة بالغيوم ولكن لم تعرف ريناد بمت حدث وحاول فارس اخفاء الامر عن رامي وساعده في ذلك انشغال رامي ببعض الاعمال استعدادا لقدومه لمصر
بينما كان شادى يحاول ان يجد ايلين قبل اى احد وكذلك علاء وكل ذلك من اجل المال بينما ريان علي اتصال بفارس لمعرفه المستجدات كانت فاطمه تحاول مواساة يمني التي لم تكف عن البكاء والنحيب والشعور بالذنب لانها لم تلحق بها ذلك اليوم
وفاطمه تنهار بمجرد ان تكون بمفردها فهي تفتقد صديقتها وكان الجميع سيجن من خاطف ايلين ولماذا لم يتصل ليطلب فديه او يخبرهم عم مراده كان ذلك هو السؤال الذي يدور في اذهان الجميع بلا استسناء ...
كانت ايلين تحاول اجتذاب عمار لصفها واقناعه لمساعدتها فالهروب حتي جاء اليوم الذي قال لها عمار :ايلين انا قررت اساعدك
ايلين:بجد يا عمار
عمار بضحك:ايوة بس السؤال مش بجد او مش بجد السؤال ازاى
ايلين بتفكير :ايوة ازاى
عمار بلهفه:لقيتها
ايلين بفرحه:ايه لقيت ايه ؟
ياتري عمار هيساعد ايلين تهرب ازاى؟
ياتري مين خاطف ايلين ؟
فارس هيعمل ايه ؟
كل ده الفصل الجاي من ترويض فارس ❤️🔥
أنت تقرأ
ترويضـ فآرسـ ❤️ (مكتملة)
Roman d'amourفآرسـ شـجآع مـغرور جآمـح يقآبل فتاه آحلآمـهہ فهہل يخضـع لهہآ آمـ بتغلب عليهہ غرورهہ 👑 روآيهہ رومـآنسـيهہ درآمـيهہ شـيقهہ ❤️🌹
