ترويضـ فآرسـ ❤️ (مكتملة)

بارت24

ترويض فارس
الجزء الرابع والعشرون
الشخص:  اتخطفت بس مش احنا اللي خطفناها
شادي برعب وغضب:  انت بتقول ايه؟ !
الشخص بخوف :حضرتك ي
احنا كنا مستنينها بعد محضرتك كلمتها وفعلا نزلنا من العربيه بس لقينا حد كممها والتاني ربطها وحطوها فالعربيه
شادي برعب ممزوج بغضب : اخدتوا رقم العربيه
الشخص بتذكر: مش فاكره اوي بس هحاول افتكره ياباشا
شادي بسخريه: بجد والله غور في داهيه واتنيل افتكره واتصل بيا علي طول سامع
اغلق معه شادي واخبر سهير بما حدث فجلست تفكر بينما كان عقل شادي سيجن كان يفكر في سؤال واحد من غيره له مصلحه بخطف ايلين ؟
******************************
كان فارس يبحث عن ايلين بجنون ولكنه لم يريد ان يلفت الإنتباه لكن لم يعد بوسعه الانتظار اكثر لذلك ذهب ليسأل فاطمه فوجدها تقف بجوار مراد وتضحك فذهب إليها قائلا بقلق حاول مداراته:فاطمه مشوفتيش ايلين
مراد بمرح :هو انا شفاف
فارس بملل :فاطمه مشوفتيش ايلين
مراد بتأكيد:يبقي انا فعلا شفاف
فاطمه وهي تلكز مراد في كتفه:لا يا فارس شوفتها بس من شويه كانت مع يمني شوفها كده
فارس بشكر :خلاص شكرا يا فاطمه
تركهم مراد وظل يبحث عن يمني الي ان وجدها تدخل من باب النادى ومرسوم علي وجهها القلق فأوقفها منادياً اسمها :يمنى
وقفت يمني نتنظره ......
فارس بقلق : مالك يا يمنى؟
يمني بخوف :مفيش عادى يا فارس
فارس بشك:تمام فين ايلين
يمنى بخوف:هو انت كمان مشوفتهاش
فارس بعدم فهم:يعني ايه مشوفتهاش
يمنى ببكاء:بص بقى الصراحه ايلين جالها تليفون انت بصيت بسرعه شوفت اسم شادي لما سألتها قالتلي انه رامي فقولتلها هاجي معاكي اتوترت وقالتلي لا ودلوقتي بقالي ربع ساعه قالبه عليها الدنيا ومش لاقياها
فارس بغضب :ليه مروحتيش وراها
يمنى ببكاء :معرفش مروحتش ليه معرفش
فارس محاولا ً تهدئتها :طيب اهدي علشان نعرف نفكر
يمني وهي تجفف دموعها:انا خرجت برا ملقتش حاجه خالص وبتصل بيها جرس ومفيش رد
فارس وهو يمسك هاتفه ويتصل بأيلين ويتمني في داخله ان يسمع صوتها ترد عليه ليطمئن قلبه ولكن خابت توقعاته ووجد جرس ولكن لا يوجد رد حاول مرة اخري فلمحه مراد متوتر ويقف مع يمني التي تجفف دموعها المنهمرة فذهب إليه قائلا بتوتر:مالك يا فارس فيه ايه يا يمني
فارس بقلق :مفيش يا مراد
مراد بقلق وهو يمسك بيد فارس:وحياة امك لتقول في ايه شكلك باين اوي
فارس وهو يقبض يده بقوة حتي ابيضت :ايلين اختفت مش لاقيها ومش بترد علي الموبايل
مراد بعدم فهم:ايوة يعني راحت فين
فارس بغضب:انا لو اعرف هبقي متعصب ليه مش ناقصه غباء
يمني بدموع :فارس هنعمل ايه انا خايفه ليكون جرالها حاجه
مراد وقد جاءت في عقله فكرة ما:يمني تفتكري يكون شادى أذاها او يكون خطفها مثلا
فارس بغضب وصوت عالي : ده يكون اخر يوم في عمره لو فكر بس يلمسها او يكون فعلا خطفها
يمني بتأكيد :مستبعدهاش عنه ده معندوش دم او ضمير
فارس بغضب:نفسي افهم مقالتليش ليه انه اتصل بيها
مراد بتوتر:مش وقته اختك جايه اوعي تقول حاجه فاهم خلي اليوم يعدى
فارس بخوف: تمام
ريناد بحزن مصطنع:انتوا سايبني لوحدي ليه
فارس بإبتسامه صفراء عكس ما بداخله من نار مشتعله :لا يا قلبي مقدرش تعالي يلا هارقص معاكي كمان
ريناظ بفرحه:ياااس يلا يا ماروو
مراد بضحك:عيون مراد يا قمر
وذهبوا معها ولكن فارس كان يغلي ويفكر فيما سيفعله ......
*****************************
كانت تشعر بٱلم شديد في رأسها حاولت فتح عيونها بصعوبه واخيرا تمكنت من فتحهما فلم تتمكن من الرؤيه جيدا كانت رؤيتها مشوشه واخذت تضح تدريجيا حتي وجدت نفسها في مكان قذر جدا كانت هادئه ولكن بدأت تتذكر ما حدث فتسلل الخوف أليها شيئاً فشيئاً وجلست بعدما كانت نائمة علي الارض واخذت تمسد علي رأسها فكانت تؤلمها بشده كانت تبكي بصمت وهي خائفه مما سيحدث لها ومن هؤلاء؟ وهل سيؤذوها ام ماذا؟وماذا سيحدث حين يعلم فارس بإختفائها ؟ كانت تفكر وهي تبكي الي ان سمعت صوت اقدام تتحرك وتتقدم اليها فأقشعر جسدها وضمت ساقيهع لصدرها وهي تدعوا الله ان يتركوها بدون ان يؤذوها سمعت صوت الباب يفتح ثم دخل منه شاب عريض المنكبين قوي البنيه بشرته قمحيه شعره طويل لدرجه وصوله لكتفه كانت ملامحه هادئه جدا ظل يقترب منها ويقترب الي ان صرخت به قائله:بس ايه رايح فين خليك عندك
ضحك ثم قال:اهدي انا مش هأذيكي انا دكتور متخافيش
ايلين برعب:دكتور ايه ومالك بيا ومخافش ازاي وانت خاطفني ؟
الشاب بضحك:استني انتي هتلبسيني مصيبه ولا ايه انا عبد المأمور طلبوا مني اديكي مخدر كل ما تفوقي اكتر من كده ما عرفش ومتخافيش المخدر بسيط مش هيأثر عليكي بس الاول قوليلي يا قمر عندك اي امراض قلب سكر يا سكر ضغط كده يعني؟
ايلين وهي تهز رأسها بالنفي:لا معنديش بس والنبي تقولي مين اللي خاطفني انا لازم اعرف ارجوك وانا هافضل هنا قد ايه ارجوك ثم بكت بحرقه
رق قلب الشاب لها فمد يده قائلًا لها:انا عمار علي فكرة عندى 29سنه ومش مرتبط يا قمر
نظرت له بإستغراب ثم قالت:اعملك ايه يعني اطلعلك بطاقه
ضحك عمار ثم قال:لا معايا بصي انا هاعمل معاكي ديل
ايلين وهي تجفف دموعها:هتهربني من هنا صح؟
عمار بخوف:اهربك ايه انتي عارفه كميه الحراسه اللي برا عامله ازاي انا مش هخدرك هسيبك صاحيه ولما الباشا يجي هاخردك ولحد ما ده يحصل ايه رأيك نتعرف
ايلين بغضب:انت عبيط ولا بتستعبط اتعرف ايه وزفت ايه انا عايزة أخرج من هنا وبسرعه
عمار بغيظ:انا مش عبيط وياريت بلاش قلع ادب انا لو مش شايفك بنت ناس وقمر كده كنت خدرتك وخلصت من رغيك ده
ايلين بضيق:رغيي اومال انت ايه ده انت صدعت دماغي اكتر ماهي مصدعه
عمار بضحك:اقولك نكته طيب
ايلين بصراخ:انت عبييييط نكته ايه يا اهبل انت
عمار بغضب:تصدقي انا غلطان كنت عايز اخفف عنك شويه
ايلين ببكاء:لو عايز تخفف عني بصحيح خرجني من هنا
رق قلب عمار لها أحس بألفه غريبه معها وكأنه يعرفها منذ سنوات فقال:بطلي عياط يا انتي اسمك ايه صحيح
ايلين ببكاء:ايلين
عمار بضحك:قمر وكمان اسمك ايلين كده كتير
ايلين وقد ابتسمت قليلاً فقال عمار: ينفع اقولك لولا
ايلين بغيظ:هو انت هتصاحبني
عمار متجاهلا لها:انتي مرتبطه يا لولا
ايلين بحزن:متجوزة
عمار بحزن مصطنع:يخسارة
ايلين بعدم فهم:يخسارة ايه؟
عمار بضحك:متاخديش في بالك تحبي تأكلي ايه ؟
ايلين بدموع كالسيول :مش عايز اتهبب انا عايزة اخرج من هنا عايزة علي الاقل اعرف انا هنا ليه
عمار بحزن علي حالها:بصي كل اللي فهمته انهم هيطلعوا منك بمصلحه جامدة او فلوووس كتير اوى
ايلين بغضب:يبقي عمي القذر ومراته العقربه
عمار بعدم فهم:بصي انا مش فاهم منك حاجه يا لولا بس الباشا واحده ست مش راجل علشان تبقي فاهمه لكن معرفش اسمها
ايلين بإستغراب:ست تبقي اكيد مرات عمي مفيش غيرها
عمار بضحك: طيب بصي انا جعان وإنتي لسه مخطوفه طازة فهاروح اجيب الاكل وهو يبقي عيش وملح
ايلين بحزن:مش عايزة حاجه
عمار وهو يقف:علي الطلاق ميحصل هارجعلك هواء
ثم تركها وخرج بينما جلست تبكي وتناجي ربها ان يخرجها من هذا المأذق وتفكر في ان يكون عمار مفتاح خروجها من هنا ولكن كيف ؟
******************************
كان شادي اخبر والده ووالدته امل بما حدث فوجد امل تصرخ بوجهه
امل بغضب:انا فين فكل ده ازاى تعمل كل ده من غير ما ترجعلي
شادي بغضب وصراخ:حاولت اعمل حاجه صح ولو لمرة واحده
جمال بضحك:وعملت يا واد
امل وهي تصرخ بوجه جمال:مش ناقصاك يا بتاع القمار انت كمان هلاقيها منك ولا من ابنك الاهبل ده اروح منكم فين
شادي بضيق:المهم تفتكرى مين عمل كده
امل بغضب:اكيد الحيوان خالها
جمال بإستنكار :علاء
امل بغضب: ايوة محدش ليه مصلحه في الموضوع ده غير احنا وهو بس كده
شادي بغضب:يبقي يلا بينا
امل بضيق:استني هاغير ونتنيل نروحله منا مش هاسيبه يتهني بالفلوس والبت لوحده
جمال وهو يتركهم ويذهب :انا هستناكم برا
امل بغيظ وحقد:وديني يا علاء ما هاسيبك تتهني وديني. ....
ثم انطلقوا الي منزل علاء ....
******************************
كان الزفاف قد انتهي واخبر فارس الجميع ماعدا ريناد وسليم والان حان الوقت لتوصيل الزوجان للمطار فهم سيسافران الي روما لتقضيه شهر عسلهم ذهبوا ليوصلوهم للمطار
ريناد بحزن وبكاء:هتوحشوني اوي
سليم بمرح :هو انا خاطفك
امجد بحزم :خلي بالك منها يا ولد
سليم بخوف مصطنع:حاضر يا باشا
عاصم بفرحه:ربنا يهنيكم يا ولاد
ريناد وسليم:يارب
فارس وهو يحتضن ريناد:هتوحشيني يا رينو
ريناظ بقلق :فين ايلين انا مش شايفاها من ساعه القاعه
فارس بتوتر :فستانها اتقطع وروحتها البيت
ريناد بحزن:مجبتهاش توصلني المطار ليه طيب وبعدين امتي روحتها انت كنت موجود جمبي ومختفتش اصلا
مراد وهو يحاول انقاذ فارس:رينو انتي حضنتي الكل الا انا ليه بقي ابن البطه السوداء مثلا
ريناد بحب وهي تحتضنه:لا طبعا يا حبيبي ثم احتضنته
فقال سليم بمزاح:الطيارة هتفوتنا يا حاجه
ريناد بشك وهي تودع فارس :مش مرتحالك وحاسه انك بتكدب عليا يا فارس
فارس بتوتر :لا ..هاكدب ليه
ريناد بشك :مش عارفه
مراد بضحك:فكك منه ده الرجل الغامض ابو نضارة يلا يا حبي الطيارة هتفوتك
ودعتهم جميعا ثم ذهبت مع سليم زوجها بينما التفت دولت لفارس تسأله بخوف:هتعمل إيه يا فارس
فارس وقد اسودت عيناه وابيضت يداه من كثره الضغط عليهم :هاروح لشادي ويا ويله لو كان هو اللي وراء اختفائها ده !

ياتري فارس هيعمل ايه ؟
هل ايلين هتعرف تخلي عمار يساعدها؟
مين اللي خاطف ايلين ؟
كل ده فالحلقه الجايه من ترويض فارس 🔥❤️