ترويضـ فآرسـ ❤️ (مكتملة)

بارت 31

ترويض فارس
الجزء الواحد والثلاثون
فى الصباح استيقظ فارس قبل ايلين وجدها نائمه بعمق وراحه ظل يتفرس ملامحها التى اشتاق لها بشدة وجد نفسه لا إراديا يحرك يده على وجهها فشعر بمشاعر قويه تهاجمه لشعوره ببشرتها الناعمه كالاطفال تحت يده
اقترب منها وقبلها قبله حانيه على وجنتها ثم قال :كان مستخبيلي كل ده فين ،احبك واعشقك وانا ولا هنا بس كله بسببك طلعتي شاطرة وعرفتي تروضى الفارس انا بحبك يا ايلين بس خايف،خايف تروحى منى خايف تملى او تزهقى منى فتسيبينى خايف اوى بس متقلقيش انا هاعمل كل حاجه تخليكي جمبي ومتبعديش عنى ابداً ثم كان سيقترب منها مجددا ولكنه وجدها تتململ في نومها فعرف انها ستستيقظ فنهض ببطئ وذهب الى الحمام لكى يتسعد ويذهب للعمل الذي اهمله من فترة كبيرة وتركه لجواد ومراد ...
*****************************
كان جواد استيقظ بالفعل وذهب للعمل ولكن ليس للعمل بل لرؤيتها هي (ندى) فقد تطورت علاقه جواد وندى كثيراً بالفترة الاخيرة وشعر جواد ان شعوره تجاه ايلين لم يكن حب علي الاطلاق بل كان مجرد اعجاب او انجذاب ليس الا وبدأ ينجذب بشدة ناحيه ندى فهي عفوية وقويه جميله ورقيقه صفاتها غريبه ولكن يشعر كما لو انه سيعيش قصه حب سيكون هو بطلها وندى بطلتها الوحيدة❤️
ذهب جواد الى المزرعه فوجد ندى
تتحدث مع محمد مهندس خاص بالمكينات الخاصه بالزراعه وتضحك معه فإتشعلت نار الغيرة بصدره ووجد نفسه يندفع نحوها بغضب ليس له مثيل ووقف امام محمد ثم قال بغضب:انت واقف بتعمل ايه
محمد بتوتر:انا كنت بكلم الدكتورة
جواد بعصبيه:انت شغلتك تصلح المكن صح ؟
محمد بخوف:صح يا جواد بيه
جواد وهو يدفعه في صدره:يبقي روح شوف شغلك
محمد بإحراج: حاضر عن اذنك
ثم رحل محمد بسرعه فغضبت ندى مما فعله وقالت بصوت عالى :انت ايه اللى عملته ده
جواظ بغضب:وانتى ايه اللي موقفك معاه تضحكي وتتمايصي
ندى بذهول:اتمايص ؟انت اتجننت ولا ايه احترم نفسك
جواد بغضب اعمي :لما تحترمي انتى نفسك
ندى وهي علي حافة البكاء :انت بنى ادم مش محترم
ثم تركته وذهبت فشعر جواد بالذنب والندم علي كل ما قاله لها وقرر ان يصالحها وبالفعل ذهب اليها فوجدها تبكي عند المكتب الخاص بها فأحس وكأن سكين حاد توسط قلبه عندما رأي دموعها الغزيرة فتقدم منها ثم جلس امامها وقال بحنو:ممكن تبطلي عياط
ندى وهى تبكى بحرقه:انت بتتعدى حدودك معايا وتغلط فيا وكمان مش عايزنى اعيط انا لولا انى مصدقت الاقي الشغل ده وارتاح فيه كنت سبته وريحتك انا عارفه انك بتكرهني بس مينفعش تعاملنى كده بدون سبب
جواد بجديه:فيه سبب
ندى بصراخ: سبب ايه
جواد بهدوء:بحبك
ندى بذهول :نعم انت بتقول ايه
جواد برومانسية:بـــــــحــــبــــك
اقولهالك تانى بحبك يا ندى جننتيني من ساعه ما شوفتك هدوئك جنانك ضحكتك كل حاجه فيكي شدتني ليكي بطريقه غريبه فى وقت قصير وحبيت اعترفلك علشان خلاص تعبت انتى بقي حاسه بحاجه ناحيتي ولالا؟
كان ردها مفاجئ وعجيب فقد فقدت ندى وعيها فأصيب جواد بالذعر وذهب اليها ثم حملها ووضعها على الاريكه الموجودة بالمكتب وجلس كوب ماء وظل يرش علي وجهها ويقول:ندى فوقى يا ندى يا ندى فوقي ابوس ايدك
بدأت ندى في استعادة وعيها فقام جواد بمساعدتها علي النهوض والجلوس وجلس ينظر لها حتى استعادت وعيها بالكامل فقال بحزن:لو مش بتبادليني نفس الشعور مش مشكله مش ذنبك هو عالعموم انا بتمنالك حياة سعيدة مع اللى قلبك يختاره
ندى بشرود:وانا كمان بتمنالك حياة سعيدة بس معايا يا جواد
نظر لها جواد فوجها تقف وتقول :حياة سعيدة معايا لو فكرت في حد تانى هاقتلك انا حبيتك يا جواد من اول يوم شوفتك فيه بس كنت بالنسبالى حلم بعيد ولما اعترفتلى من شويه مكنتش مصدقه انا مستحيل اعيش حياة سعيدة مع حد غيرك انا بحبك يا جواد
احتضنها جواد ولف بها الغرفه ثم شعر بأنه اقدم علي فعل خاطئ فإعتذر منها ثم قال:عايزك تروحي النهاردة بيتكم
ندى بحزن:ليه بس
جواد بفرحه : علشان تاخديلنا معاد من الحاج والدك وانا وعيلتي هنشرفكم نطلب ايدك يا ندوش
تركته ندى وركضت لكي ترحل بسرعه فظل ينادى عليها ثم ضحك بشدة وقال:بحبك يا مجنونة....❤️
******************************
استيقظت ايلين من نومها المريح الذي لم تحظى به مطلقاً في حياتها سوى ليلة امس فقد شعرت بالدفئ والحنان وتمنت لو لم تفارق حضن فارس ابداً فتحت عيونها تدريجياً فوجدت السرير فارغ وفارس ليس موجود ثم إستمعت لصوت الماء الصادر من الحمام فعرفت انه بالداخل فنهضت بتكاسل وجلست علي السرير فوجدت فارس يخرج من الحمام ويرتدى البنطال فقط وصدره عارى فنظرت له بخجل فقال فارس وهو يعطيها ظهره ويقف في الخزانه ليخرج القميص :عجبك اللى شايفاه
ايلين بإحراج ووجهها مكتسِ بحمرة الخجل :ايه ...لا ..اه...لا ....انت بتقول إيه اصلا
فارس بضحك :خلاص خلاص يا ليو
إغتاظت ايلين من ضحكه عليها فوقفت بغضب لتذهب للحمام ولكنها شهقت بفزع حين وجدت من يجذبها اليه بسرعه وبلمح البصر جعل ظهرها يرتطم بالحائط واصبحت ايلين محاصرة بين الحائط وصدر فارس وذراعاه يحاوطانها ثم قال بهمس رقيق:صباح الجمال والفل والياسمين يا ليوو قلبي من جوا
نظرت له ايلين بدهشه وقالت:صباح النور
فارس برومانسيه :نمتي كويس امبارح
انا عن نفسي منمتش مرتاح كده ابدا ً زى امبارح
ابتسمت ايلين وقالت بحب: وانا نمت كإنى منمتش من مية سنة
فارس وهو يقترب منها اكثر متعمداً :يعني نمتي مرتاحة في حضني
ايلين بتلعثم:اه..لا...قصدي يووووه ثم دفعته بيدها ليبتعد قليلاً لكنه لم يبتعد بل أمسك ايديها بحنان ثم قال بهمس:قربي منك بيضايقك
ايلين بخفوت :لا .. قصدي...لا
فارس بإبتسامه جذابة :فالحالتين لا
نظرت له ايلين فنظر هو ايضاً في عينيها اللتان تفقداه تعقله والباقي من تماسكه فإقترب منها اكثر وظل يقترب حتي اقتربت شفتاه ان تتلمس شفتيها فصدح صوت طرقات على الباب مما جعل ايلين تدفعه بصدره بسرعه فإبتعد وقال بغيظ وغضب مكتوم :مين البايخ اللى بيخبط عالصبح ده
بينما حمدت ايلين ربها على تدخل الطارق بالوقت الملائم قبل ان يفتح فارس الباب نظر لها فوجدها واقفه بشعرها المشعث بطريقه مغرية ومنامتها القطنيه التى تلتصق بجسدها فتظهر ملامحها الأنثوية فقال لها بغيرة وغضب مشتعلان :ممكن تروحي تغيرى هدومك ديه بسرعه او تختفي دلوقتي وحسك عينك تطلعي بالمنظر ده قدام اياً يكن مين مفهوم ؟
هزت ايلين رأسها بطاعه ثم دلفت للحمام ففتح فارس الباب فوجد مراد امامه فقال فارس بغيظ والغضب يشتغل بداخله من مراد بسبب إفساد تلك اللحظه بينه وبين ايلين :عايز ايه يا زفت حد يخبط على حد بدرى كده يا حيوان انت ؟
مراد ببلاهه وهو يكتم ضحكته :ايه يا عم حيلك حيلك عليا نازل شتيمه فيا ليه عالصبح كده
فارس بصوت اجش غاضب :انطق يا زفت عايز ايه
مراد بإبتسامه باردة :هاعوز منك ايه يا حسرة ابوك وجدتك هما اللى عاوزينك
فارس وهو يمسح وجهه بغضب: طيب غور وانا هاحصلك
مراد وهو يقترب منه ويهمس بخبث:تنزل ورايا علي طول بلاش حركات كده ولا كده ثم ركض سريعا من امام فارس قبل ان يقتله
فهمس فارس لنفسه: فقر يا فارس فقر بس معلش هتروح فين يعني مسيرك يا لحمه تيجي تحت المفرمه ثم افاق من حديثه وقال بدهشه :بقيت بتتكلم مع نفسك يا فارس كمان ربنا يستر اما نشوف الهانم هتعمل فينا ايه تانى
ثم دلف ليمشط شعره وينثر عطره الفريد ثم نزل بسرعه ليرى اباه وجدته . ......
******************************
نزل مراد سريعا ثم تسلل من دون ان يراه احد حتى وصل الى المضيفه فوجد يمنى تخرج منها فتقدم اليها بهدوء وابتسامه بشوشه على وجهه ثم قال :صباح الخير يا يمنى
يمنى بإبتسامه وهى تقف لتتحدث معه:صباح النور
مراد بإحراج:طمطم جوا
يمنى بخبث:اه عايزها ليه
مراد بتوتر :اصل مش انا اللى عايزها ديه ايلين كانت بتسأل عليها
يمنى بمرح:ايلين اللى لسه نايمه بتسأل عليها ازاى ،عالعموم طمطم جوا وانا رايحه لايلين سلام
ضرب مراد مقدمه رأسه ثم قال :غبي وعرفناها متخلف كمان ديه بقي جديدة بجد ربنا يحميني انا مبهور بيا
ثم تقدم الى باب المضيفه وطرق الباب فسمع صوتها الذى بات محبب لقلبه جدا وهي تقول :مين برا
مراد بصوت عالى:انا يا طمطم
كانت ترتدي حجابها حين سمعت صوته الذي باتت تعشقه هى الاخرى فقالت بصوت عالى :استنى انا خارجه
وبالفعل خرجت فاطمه واشرقت عليه بإبتسامتها الجذابة التى يعشقها فتقدم منها بإبتسامه اوسعه وقال:صباح النور علي اجمل جوز عيون
فاطمه وهى تحاول كتم ضحكتها:مراد بطل لو سمحت
مراد وهو يحاول تقليدها :مراد بطل لو سمحت،انت هابطل لو بطلتي تحلوى
خجلت فاطمه وتلون وجهها باللون الأحمر فقالت :انت جاى ليه
مراد بمرح:اتسحبت وقولت اشوف الشمس بتطلع منين
فاطمه وهى تضحك بشدة:انت كداب اوى
مراد بحزن مصطنع:كداب علشان بتغزل فيكى ده انا بحبك حتى
فاطمه بخجل :مراد انا ماشية اوقف بقي اتغزل فالباب والطل منك للهواء
مراد وهو يركض خلفها :بحبك يا بنت المجنونة
فاطمه بغضب مصطنع :مراد عيب كده الا ماما
مراد بضحك :يا بنتي ماهي نجحت قبل كده ولا استني استني انا اتلغبطت هو قلها بحبك يا متهورة
فاطمه بضحك:هو مين ده
مراد بعشف وهيام:بحبك يا طمطم قلبي من جوا
ركضت فاطمه من امامه فقال :شربات لما بتتكسف ودكر لما بتتعصب بس بحبك يا متهورة هي جت عليا يعني ثم ركض خلفها .....
*****************************
تجمع الكل علي سفرة الافطار وفجر جواد قنبلته حين طلب من والده ان يتقدم لخطبه ندي
ايلين بفرحه:مبروك يا جواد
جواد بفرحه وابتسامه مشرقة: تسلميلي يا ايلين
قرص فارس ايلين من ذراعها فشهقت فنظر لها الجميع فقالت: ايدي اتخبطت مفيش حاجه
ثم مالت علي فارس وقالت :قرصتني ليه
فارس بغضب وغيرة :تسلميلي هاه
ايلين بدهشه:اومال هيقولى ايه يعني
فارس بخبث:هبقي اعرفك بليل
ايلين بخجل:انت مش متربي
فارس بضحك وهو يلتقط معلقته :معروفه ها ايه تانى
ضحكت ايلين ونظرة امامها مرة اخري
عاصم بفرحه وهو يحتضن جواد: ندى بنت محترمه وانا عن نفسي موافق ايه رأيك يا امي وانت يا امجد
دولت بحب:انا طبعا موافقه
امجد بجديه:بصراحه البنت مفيش منها يلا على بركه الله
مراد بصراخ:نتجوز انا وجواد سوا يا بابا
امجد بعصبيه مصطنعه :انت متعرفش تسكت
ريناظ بضحك : الحقه يا بابا هيتجوز علي نفسه
مراد بغضب: وانتى مالك يا باردة
سليم بغضب مصطنع هتشتم مراتي قدامى
فارس بتحذير:هتعمل ايه يعني ياض
سليم بمزاح:هلف ضهرى ويشتم براحته
ضحك الجميع ثم وقف فارس وقال :معلش بقي هامشي انا ومراد وجواد علشان ورانا شغل مش يلا يا رجاله
مراد وجواد :يلا يا كبير
وقف فارس ثم غمز ايلين بعينه واشار برأسه ان تأتى خلفه فقامت ايلين واتجهت خلفه ووقفت فلم تجده تمشت قليلاً ولكنها شهقت حين امسك بها أحداً ما وكتم فمها .......

تري من ذلك الشخص ؟
ايه اللي هيحصل مع روان ويوسف وايه خطتهم؟

كل ده في الفصل القادم من ترويض فارس ❤️🔥