ترويضـ فآرسـ ❤️ (مكتملة)

بارت 27

ترويض فارس
الجزء السابع والعشرون
كانت ايلين تحاول اجتذاب عمار لصفها واقناعه لمساعدتها فالهروب حتي جاء اليوم الذي قال لها عمار :ايلين انا قررت اساعدك
ايلين:بجد يا عمار
عمار بضحك:ايوة بس السؤال مش بجد او مش بجد السؤال ازاى
ايلين بتفكير :ايوة ازاى
عمار بلهفه:لقيتها
ايلين بفرحه:ايه لقيت ايه ؟
عمار محاولاً إغاظتها :مش هاقولك
ايلين بعصبيه وهي تضربه في كتفه:بطل غلاسه مش وقتها ده
عمار بجديه:حافظه رقم فارس بتاعك ده
ايلين بلهفه:ايوة حافظاه
عمار وهو يقف ليحضر ورقه وقلم:اكتبيه هنا
ايلين بعدم فهم :ليه ما تتصل علي طول من فونك
عمار بسخريه:انتى ذكيه اوى بجد ازاى عدت عليا ديه
ايلين بغضب:بطل برودك ده
عمار بغضب:انا مينفعش اكلمه من عندى انا هاعمل نفسي هاشترى حاجه واكلمه من اى حته
ايلين بفهم :اه فهمت بس هتقوله ايه
عمار بجديه:هاقوله مراتك مخطوفه واني بساعدها تهرب علشان ميجيش يصفيني معاهم
ايلين بغيظ:طيب ما تخليه يتتبع الخط وخلاص
عمار وهو يلكزها في كتفها:انا اللي غبي صح يا غبيه هاكلمه من خط برا علشان لو مراقبين الخط بتاعي فاهمه
ايلين بفهم:طيب طيب هتروح امتي
عمار وهو يقف :حالا يا قمر
ايلين بفرحه:شكرا يا عمار بجد شكرا
عمار بهيام :يا اخيرا ضحكتي فخلقتي يلا المهم متتحركيش ولا تعملي صوت عايز اخرجك قبل الهانم ما توصل
ايلين بعدم فهم:هانم مين
عمار وهو يضرب مقدمه رأسه :يا بنتي اللي متنيله خطفاكي
ايلين بخوف:جايه ليه
عمار بضحك:مش هتجيبلك حاجات حلوة اكيد يعني هي جايه علشان تظبطك مثلا تدبحك او تسيب ذئاب الجبل اللي برا دول عليكي او ابشع ممكن تبيعك في سوق العبيد
ايلين بغضب:يوووه بطل رخامه والحق روح قبل هي ما تيجي
عمار بجديه:طيب ومتعمليش صوت انا هاقول انك متخدرة وهاقفل الباب من برا خلي بالك من نفسك
ايلين بغيظ:طيب روح بقي
خرج عمار من الغرفه بينما جلست ايلين في زوايه الغرفه وعلي شفتاها إبتسامه :فااااارس حبيبي اه لو تعرف وحشتني قد ايه انا مش هخبي عليك تاني هاقولك اني بحبك اول لما اشوفك مش هاستني بس ياترى انت كمان بتحبني ولا ده كان وهم مني مش اكتر مش مهم المهم اني بحبك ،بحبك يا فارس .......
*****************************
كان فارس يجلس مع رعد كالعاده يحكي له ذكرياته مع ايلين وجنونها الذي اشتاق له ....
فارس بتنهيدة :حاسس انها بتنده عليا حاسس بده وهو يشير الي قلبه ثم اكمل :حاسس انها جمبي وقريبه مني لدرجه اني سامعهت بتنده عليا وحشتني اوى يا رعد
لم يكمل كلامه بسبب رنين هاتفه فأجاب فارس بجديه:الو
الشخص :فارس القاضي
فارس بتحفز:ايوة مين معايا
الشخص :كل اللي حابك تعرفه انك لو حابب تشوف مراتك تاني  اياك تكلم البوليس ولازم تجهزلي 5مليون جنيه ويكونوا جاهزين كمان ساعتين وبعد ساعتين هاكلمك اقولك هنتقابل فين وإلا هابعتلك رأسها هديه سلام .
فارس بجنون:الو انت مين الو
نظر فارس فالهاتف فوجد رقم امريكي ركض فارس بسرعه فرأه مراد جواد فركضا خلفه الى داخل البيت.....
كانت دولت تجلس مع امجد وعاصم
حين ركض فارس اليهم يقول :بابا  الخاطفين كلموني
امجد وهو يهب واقفا :كلموك بجد
فارس بغضب:اه
عاصم بخوف:طيب وعايزين ايه قالولك ايه
فارس بعصبيه وهو يحك مؤخرة رأسه: عايزين 5مليون جنيه
دولت بجديه:عاوزهم امتي
فارس بدهشة: انتي معاكي المبلغ ده
دولت بجديه:ولد انت حفيد القاضي
فارس بفرحه:تمام انا عايزهم جاهزين دلوقتي
دولت وهي توجه حديثها لامجد: اتصل بالمحامي خليه يجبهم بسرعه
امجد بجديه:حاضر
مراد بتوتر:فارس هنيجي معاك
فارس بغضب:لا بلاش لحسن يؤذوها
جواد بجديه:ايه اللي عرفك انهم خاطفينها بجد مش ممكن اى حد بيستغل الفرصه مش اكتر
فارس بتفكير:ايوة ممكن
عاصم بخوف:طيب هنعمل ايه
فارس :هاستناه يتصل بيا بس هاجهز كل حاجه
امجد بجديه:جواد ومراد هيروحوا معاك وانا وعمك والظابط هنحصلكم
فارس بعصبيه:انا مش هاخد حد
امجد بغضب :بلاش عند يا فارس
فارس وهو يشعر بخوف شديد:يا بابا هو قالي تعالي لوحدك لو عرف ممكن يأذي ايلين
امجد بتفهم:متخفش خير ان شاء الله
فارس بإستسلام :حاضر يا بابا
فى تلك اللحظه رن هاتف فارس برقم غريب فأعتقد انه الخاطف فرد فارس بسرعه:الو
******************************
كان عمار خدع الحراس واخبرهم ان ايلين نائمه وانه سيخرج لشراء بعض الاشياء التي يحتاجها وحذرهم من الدخول لها وبالفعل امسك هاتفه واغلقه ثم وضعه علي الطاوله وتظاهر بأنه نسيه واتجه سريعا الي كشك صغير علي الطريق ليتحدث منه وكان طوال الطريق يشعر كما لو انه اخطأ بمساعدته لها فهي ستعود مع زوجها وتتركه وهو قد تعلق بها برغم انها بقيت معه ايام قليله لكنه احبها او اعجب بها وكان من ناحيه اخري يشعر بالخوف من الخاطفه فلو عرفت انه من قام بتهريبها ماذا ستفعل به هل يمكن ان تقتله ؟ولما لا فهي قد اختطفت ايلين لما لن تقتله ؟ظل يقاوم رغبته والعودة واخيرا وصل الي الدكان(الكشك) وامسك الهاتف من الرجل وطلب الرقم وانتظر الرد حتي جاءه صوت رجل خشن ملهوف قائلاً :الو
عمار بجديه:فارس القاضي معايا
فارس بصوت اجش:ايوة معاك
عمار بتوتر:انا اعرف مكان مراتك ايلين
فارس بدهشة:طيب منا عارف
عمار بإستغراب:عارف إيه؟
فارس بغضب:انك خاطف مراتي وعايز ٥مليون جنيه واحب اقولك المبلغ جاهز
عمار بدهشه:استني بس انا مش خاطفها انا عايز اساعدك ترجعها
فارس بإنصات واهتمام:معلش انا مش فاهم فهمني بالراحه
عمار بجديه:انا اسمي عمار وانا مع مراتك ايلين هنا وبحاول اساعدها تهرب بس المشكله في حراسه كتير وبلاوى متلتله مش هاعرف اخرجها بس هي قالتلي انك هتقدر تخرجها من هنا
فارس بفرحه:ايوة اقدر اديني العنوان
عمار بسعادة وهو يمليه العنوان:كتبته
فارس بنيران تشتعل داخله:حفظته
عمار بجديه:متتأخرش ارجوك وياريت لما تيجي متأذينيش انا معملتش لايلين حاجه وكمان مش بخلي حد يقرب منها
شعر فارس ببعض الغيرة لنطقه اسمها بهذا الشكل المتكرر ولكنه تجاهل غيرته لحين وصوله اليها .......
فارس بإمتنان:اولا شكرا ليك ثانيا متقلقش محدش هيقدر يقربلك ثالثا عايز اسمع صوت ايلين علشان اطمن عليها
عمار بخيبه امل :للاسف مش هينفع اصلي بتكلم من كشك بعيد عن المكان اللي هي فيه
فارس بحب:طيب قولها اني مش هتأخر عليها وخلي بالك منها لحد ماجي
عمار بجديه:متقلقش
اغلق عمار مع فارس واشتري علب سجائر ثم عاد الي ايلين مرة اخري
******************************
اغلق فارس مع عمار واخبر الجميع بما حدث وفرح الجيمع بإقتراب رجوع ايلين واتصل مراد بفاطمه ويمني واخبرهم .....
يمني ببكاء : مراد انا جايه معاكم
فارس بغضب حين سمعها:تيجي معانا فين هي رحله
يمني بإندفاع:انا عايزة اشوفها يا فارس ارجوك
مراد بجديه:معلش يا يمني مش هينفع الخطر هيكون كبير ادعولنا بس
فاطمه ويمني:ربنا يرجعكم بالسلامه وهي معاكم
فارس ومراد:امين
ثم اغلقوا معها ولكن رن هاتف فارس من جديد فنظر للشاشه وعندها تأكد انه نفس الرقم الذي اتصل وأخبره بالمبلغ المطلوب فديه لايلين فأجاب بلهفة مصطنعة:الو
الشخص :جهزت المبلغ
فارس بعصبيه:ايوة جهزته بس ايه اللي يضمنلي انك خاطفها فعلا انا عايز اسمع صوتها واتأكد
الشخص:ساعه وهكلمك اخليك تتأكد
فارس بغضب:الو ،الو
اغلق فارس وقال :بيقولي ساعه وهخليك تتأكد
جواد بهدوء:سيبه ساعه نكون وصلنا احنا كمان
فارس بشر :بالظبط نكون وصلنا
****************************
في مكان اخر
كانت تجلس وتهز رأسها بتوتر قائله:اغبياء انا بتعامل مع شويه اغيباء
الشخص :يا هانم انا ذنبي ايه انا نفذت كلامك بالحرف الواحد هو اللي طلب يسمع صوتها
هي بغضب وهي تمسكه من قميصه:تقوم تقوله ساعه واكلمك اكيد شك فيك يا غبي
الشخص :يا هانم طيب اعمل ايه
هي :انا اللي هاعمل
ثم امسكت بهاتفها واتصلت به بغضب :الو انت فين
هو :متنيل لسه خارج من المستشفي عايزة ايه
هي :يوسف مش وقته كل ده انا محتجالك معايا كل حاجه بتبوظ
هو بغضب:اعملك ايه كل الخطط مكنتش بتعجبك تقومي تروحي تنفذب خطه غبيه زيك علشان شويه ملاليم ابقي قابليني ان دفعلك جنيه
هي بفخر:لا متقلقش فارس وافق يدفع 5مليون جنيه كله علشانها ثم اكلمت بحقد :علشان عيون السنيورة والله لاحرق قلبه عليها بس اصبر
يوسف بسخريه:الله الله روان هانم لسه بتغير علي فارس
روان بحقد وغل:بحبه يا يوسف ومش هيكون غير ليا
يوسف بسخريه وغضب:بتحبيه ولا بتحبي فلوسه
روان بحقد:الاتنين ومهواش عيب
يوسف بإحتقار :غورى في ستين داهيه ملكيش دعوة بيا
روان بغضب:لا مش هتسيبني وتهرب زي زمان اتصرف وقولي اعمل ايه
يوسف بسخريه:سهله يا غبيه هانم مش هتروحي انتي ولا هتظهري انتي هتبعتي حد من المنيلين بتوعك يضربها ضربتين حلوين تصرخ صرختين جامدين يتوجع قلبه علي حبيبته
روان بصراخ:متقولش حبيبته
يوسف بسخريه:مراته ويدفع الفلوس
روان بغضب:غور يا يوسف من وشي بس اسمع لو الخطه ديه باظت مش هاسكت وهانفذ اللي بعدها وساعتهت مش هتفضل متنيل هربان فهمت
يوسف بغضب :فهمت سلام
اغلق معها والتفت هي للرجل ...
روان:هتروح تاكلها قلمين كده وتتصل بيه تسمعه صوتها فهمت
الشخص: امرك يا هانم
روان بحقد:اسمع اضربها في وشها شدها من شعرها اللي فرحانالي بيه ده ووشها اللي شايفه وش ملاك سامعني عايزاك تورمها مش عايزة يبان ليها ملامح فهمت
الشخص :فهمت يا روان هانم
ثم ركض من امامها فقالت بحقد وشر وغل دفين داخلها :خلينا نشوف حبيبه القلب يا فارس بيه هيجرالها ايه...
وديني يا فارس مش هتتهني بيها علي جثتي .....
******************************
ذهب عمار لايلين واخبرها بما حدث ففرحت كثيرا بقدوم فارس ...
ايلين بفرحه وامتنان: بجد يا عمار جاي هو قالك كده شكرا يا عمار بجد شكرا
عما بفخر:العفو. يا بنتي علي ايه
ايلين بضحك:طيب متفتخرش اوي كده
عمار بضحك: أيوة يا ستي مين قدك جوزك زمانه جاي وهيرحمك من القرف ده
ايلين بحب :ايوة فعلا اخيرا هاشوفه ده وحشني اوى يا عمار
عمار بضحك:من لقي احبابه نسي صحابه
ايلين بضحك وهي تمشي ناحيته:مقدرش يا عمار انت جدع اوي وشهم بجد حساك اخويا كده واكيد هنفضل صحاب مش هنساك يعني
عمار بتمثيل:تشكري يا هانم
ضحكوا سويا ثم قطع ضحكهم صوت رجولي ضخن ياتي من الخارج
فقال عمار بقلق:ايلين انا هاطلع اشوف فيه ايه متتحركيش
ايلين بخوف:حاضر
خرج عمار فوجده أمامه ذلك البغيض المدعو مرتضي يصيح به بغضب:الزفته ديه صاحيه ولا نايمه
عمار بخوف :صاحيه عايزها ليه
ازاحه مرتضي من امامه ثم فتح الباب بقدمه فإرتعبت ايلين وعادت للخلف فقال لها مرتضي وهو ينظر لها نظرات شر احست بها كالرصاص يخترق جسدها فقالت:انت مين
مرتضي بضحكه صفراء:انا ملك الموت يا قطه عرفاه
كان مرتضي ضخم الجسد مخيف الشكل اسمر اللون وكان شعره طويل يخيفك من الوهله الاولي
ايلين بخوف:وانت عايز مني ايه ؟
مرتضي بضحكه سمجه:روحك
عمار بشجاعه لم تلائم الموقف:انت عايز منها ايه يا مرتضي؟
مرتضي وهو ينظر اليه بسخريه:وانت مالك يا روح امك
عمار بغضب:ليا فيه وليا اوى اولا انا الدكتور المسئول عنها ثانيا انت عايز ايه بردوا من كل اللي بتعمله ده
مرتضي بغضب:انفذ الأوامر
عمار بسخريه:وايه هي الأوامر ديه بقي
مرتضي وهو يتجه نحو ايلين بسرعه:هي ديه الأوامر
ثم ضرب ايلين لكمه قويه في وجهها فإختل توازنها ووقعت علي الارض ثم صرخت متألمه من شدة الألم الذي تشعر به بينما تجمد عمار في مكانه وكأن الزمن عنده توقف من الصدمه لم يستطيع التحرك شعر وكأنه متجمد لكن سرعان ما افاق حين وجد مرتضي يمسك بشعرها ويجذبها منه بشده وهي تصرخ بإسم عمار لكي ينجدها
فأستيقظ وانقض علي مرتضي لكي يجعله يترك ايلين وبالفعل امسك مرتضي بأيلين ثم رماها علي الارض ولكم عمار لكمات متعددة خلف بعضها فلم يمهله الوقت للدفاع عن نفسه واخيرا وقع عمار علي الارض ووجهه مغطي بالدماء وايلين تصرخ بإسمه وجسدها يرتعش خوفا من اقتراب مرتضي منها .......
******************************
كان فارس شارف علي الوصول للمكان الذي اخبره به عمار وكان معه جواظ ومراد فقط ...
ولكن فجأة شعر فارس بألم في صدره وخصوصا قلبه امسك صدره وبدون تفكير قام بالهمس قائلا:ايلين
لاحظ جواد فارس فقال بقلق:فارس انت كويس
فارس بغضب:كويس بس حاسس ان ايلين حصلها حاجه
مراد بحنان وهي يمسك يد اخاه:متقلقش يا كبير ان شاء الله خير
فارس وهو يربط علي قلبه:يارب خير يارب
لم تمر دقيقه حتي رن هاتف فارس بنفس الرقم فأمسك الهاتف جواد وقام بفتح مكبر الصوت ثم اشار لفارس فرد قائلاً:الو
مرتضي :فارس معايا
فارس بعصبيه:والله فارس والله فارس
مرتضي بسخريه:بتأكد بس ،دلوقتي دورك تتأكد
فارس بحيرة:قصدك ايه
في تلك اللحظة كانت ايلين شبه فاقدة لوعيها فقد ضربها مرتضي عدة ضربات في وجهها ومفترق جسدها حتي شعرت بالموت او لنقل انها شعرت بروحها تنسحب منها وان الدماء تهرب من جسدها كانت تستمع لكلام مرتضي البغيض ثم سمعت صوته الذي اطرب قلبها واسعدها وجعلها تشعر بالامان
ولكن فجأة امسك مرتضي بها وجذبها من شعرها فصرخت قائله : كفايه بقي ابعد عني
ما أن سمع فارس صوتها حتي انتفض قلبه وصاح بغضب:ايلين مالك ايلين ردي عليا
رد مرتضي البغيض:اتأكدت
فارس بغضب:اقسم بالله لو قربت منها لخليك تتمني الموت ومش هتطوله
مرتضي بضحك:استني بس هو انا لسه هاقرب ما خلاص بقي ابقي قابلني لو عرفت السنيورة بتاعتك او ميزت ملامحها
كلامه اشعل النار بقلب فارس جواد ومراد فصرخ فارس :هاجيبك ومش هارحمك
مرتضي بضحك :ابقي قابلني علي العموم ساعه وهاكلمك اقولك تيجب الفلوس فين
فارس بغضب وصياح:ايلين متقلقيش يا حبيبتي هجيلك ومحدش هيقربلك اجمدى يا حبيبتي انتي قويه
استمعت لكلامه ولكن لن تصدقه هل ناداها حبيبته الان هل قال لها حبيبته شعرت بالراحة حين اخبرها بقدومه وانه لن يتخلي عنها وكانت تلك القشه الاخيرة وفقدت وعيها ...كان مرتضي اغلق الخط ثم خرج وشدد الحراسه علي ايلين وعمار .......
******************************
بعد ساعه تقريبا وصل فارس ومراد جواد الي المكان الذي تتواجد فيه ايلين .....
فارس وهو يحمل مسدسه :هاجيبها ومش هاسيب الحيوان اللي أذاها
جواد بشجاعه: معاك يا ابن عمي
مراد:معاك يا خويا
فارس بشر وغضب:استعنا عالشقي بالله .......

ياتري ايه اللي ميحصل مع فارس وايلين؟
ياتري عمار جراله ايه؟
ياتري فارس هيعرف مين اللي خطف ايلين؟
ايه هي خطه روان التانيه؟
كل ده الفصل الجاي من ترويض فارس ❤️🔥