ترويضـ فآرسـ ❤️ (مكتملة)

بارت 20

ترويض فارس
الجزء العشرون
كانت ايلين تجلس علي السرير وتبكي من ما فعله فارس بها الي ان رن هاتفها وجدته يضئ بإسم اخيها رامي فرحت كثيرا وردت بلهفه قائله : رامي حبيبي
رامي بفرحه مماثله:  قلبي عامله ايه
ايلين بحب وحنان اخوي:  وحشتني اوي يا رامي هتنزل امتي
رامي وقد احس ان بها خطب ما:  مالك يا ايلين
ايلين وقد شارفت علي البكاء: محتجالك يا رامي حاسه اني تايهه وضايعه مش حاسه بالامان او بمعني اصح كل ماحس بيه يختفي كأن الدنيا مش عايزاني ارتاح انا تعبت انزا خدني يا رامي معاك وريحني من كل ده
رامي بحزن علي اخته الوحيدة:  طيب اهدي بس اهدي ايه اللي حصل لكل ده فارس عملك حاجه
ايلين ببكاء: ليه بتقول فارس ليه ميكونش شادي او امل العقربه مثلا او عادل ليه ميكونش العيب فيا انا ايوة صح العيب فيا انا ...انا الغلط انا النحس اللي محدش بيحبها انا نفسي اموت يا رامي بابا واحشني اوي عمري ماحسيت اني تايهه وهو موجود عمري محسيت بعدم الامان وهو عايش وماما حضنها كان بالدنيا كلها وانت كنت بتبقي سندي حتي انت سيبتني بعد موتهم
رامي بحزن شديد علي حالها:  ايلين انا هحاول انزل في اسرع وقت يا قلبي اهدي ومتحاوليش تعملي اي حاجه غبيه اهدي علشاني انا لو مش علشانك
ايلين بإبتسامه مريرة:  هاعمل ايه يعني انتحر مثلا علشان اموت كافرة علشان اتعذب بقيه حياتي متقلقش مش هوصل للانتحار متخافش يا رامي
رامي بدموع:  ايلين اهدي طيب وممكن تحكيلي ايه اللي زعلك كده انا كلمتك من يومين ومكونتيش كده ايه اللي جد
تذكرت ايلين كلمات فارس:  ( ملكيش دعوة متدخليش انتي مين اصلا انتي تسكتي خالص هما كان يوم ليكي هنا تقضيهم وبعدها تمشي فهمتي )
ثم اكملت بدموع كالسيول:  متفرقش يا رامي انت عارف انا كنت بستغرب ليه محبتش حد طول عمري زي بقيه البنات وكنت بقول عادي العيب مش فيا لكن طلع العيب فيا انا متحبش اصلا ثم انفجرت في بكاء شديد وعلي الجانب الاخر رامي يحاول تهدئتها وفجأة شعرت بسحابه سوداء تسحبها وجسدها يرتعش وكأن روحها تنسحب منه شعرت بخفنها يثقل رغما عنها واخيرا استسلمت لكل ذلك لتبقي فاقدة وعيها ورامي ينادي عليها ولا يوجد رد ...............
******************************
كان فارس يجلب هديه ايلين التي اخذت منه وقتا ليس بقليل ابدا وعاد الي المنزل وجد الجميع يجهز للزفاف المنتظر فإبستم واتجه ناحيه سليم وقال بصوت عالي:  مبروك يا عريس
سليم بضحك مماثل:  الله يبارك فيك يا فيرووو
فارس بغضب مصتنع:  متلم نفسك ياض
سليم بخوف مصتنع:  خلاص يا عم انا عريس :ابقي قاعد جمبها بعيون ورامه
ضحك الجميع عليهم وظل فارس يبحث بعينه عنها فلم يجدها فتوقع انها بالاعلي تبكي فلاحظ امجد نظراته فإراد ان يداعبه فقال بمرح:  عينك هتطلع علي مين يا فارس
فارس بإحراج:  هاه ..ابدا مفيش
رباب بمرح:  يعني مش بتدور عليها
فارس بضيق : علي مين
امجد بضحك:  عليها
فارس وهو يحك رأسه بتوتر : عليها مين بس مفيش حاجه يا بابا
امجد بخبث:  طيب خلاص
سكت الجميع لكن تكلم فارس بإحراج:  طيب هي فين
ضحكت دولت ثم قالت بمرح:  انت مش قولت مش بتدور عليها
فارس بضحك:  خلاص بقي هي فين يا دولت هانم
امجد بمرح:  فوق منزلتش خالص
فارس وقد ادرك انها حزينه ولذلك لم تنزل فقال:  طيب هاطلع اشوفها
شيماء بخبث : ايه اللي في ايدك ده يا فارس
نظر لها فارس بغضب ثم قال:  مفيش يا اوزعه
شيماء بمرح كعادتها:  ايوة ياعم الله يسهله
فارس بضحك:  هلاقيها ميته اوعي كده من سكتي
ضحك الجميع ثم صعد فارس لها .....
******************************
كان يجلس في ملهي ليلي والمكان فارغ من حوله فلم يتم فتح المكان بعد ولكنه اصر علي المجئ وشرب ما حرمه الله كانت تجلس معه سهير وتتمايل عليه بدلع وقله حياء فنظر لها ثم قال:  بقولك ايه انا منفض معيش فلوس
سهير بضيق:  طيب وبعدين
شادي بغيظ:  لو اطولها بس
سهير بعدما خطرت بعقلها فكرة جهنميه:  واللي يجبهالك
شادي بضحكه شيطانيه:  اديله عينيا
سهير بضحكه خادشه للحياء: عينيك ايه ديه عايزة 2 مليون جنيه
شادي بدهشه:  منين
سهير:  سهله متقلقش وبسيطه وهتضرب عصفورين بحجر واحد كمان
شادي بإهتمام:  ازاي بقي
سهير:  اسمع يا سيدي
بعد دقائق
شادي بفرح:  يا بنت اللذينه ايه ده
سهير : ايه رأيك انفع
شادي:  ده انتي الشيطان تلميذك
سهير:  تسلم
شادي:  هننفز امتي
سهير:  لو تحب حالا
شادي:  خليها كمان يومين اكون اتصرفت فالفلوس اللي محتاجينها
سهير:  طيب مش يلا نمشي بقي ولا ايه ثم غمزته
فنظر لها ثم قال:  يلا يا قلبي
ورحلا معا وهم يدبرا لمكيدة جديدة
******************************
كان مراد يجلس بالكافيه ينتظر فاطمه ولكن وجدها تأخرت عن الموعد التي اخبرته به ايلين فقال بضيق :ده اللي مبتتأخرش ومواعيدها زي الساعه ايه الساعه حجارتها خلصت ولا ايه
واخيرا سمع صوت العامل يقول : البيتزا بتاعت الدكتورة خلصت ولا لسه
فرد عليه زميله فقال : خلصت تعالي خدها عالمستشفي يلا
نهض مراد بسرعه وتوجه ناحيه العامل ثم وضع ذراعه علي كتفه واخذه معه ثم قال له: بقولك ايه يا كبير كنت عايز اعرف منك معلومه كده
العامل : اؤمر
مراد بإبتسامته المعتاده : هي الدكتورة ديه اسمها فاطمه حمدي
العامل : ايوة يا باشا
مراد : طيب انا عايز البيتزا ديه انا اوصلها
العامل برفض : مينفعش يا باشا
مراد : ايه اللي منفعوش بس
العامل : اضمن منين انك هتوصلها
مراد وهو ينظر لنفسه : ليه شكلي باين حرامي بيتزا ازي كده
العامل : ابدا يا باشا بس ده شغل
مراد : بص بصراحه كده انا خطيبها وعايز اعملها مفأجأة
العامل : اه فهمت انا كده يا باشا
مراد وهو يعطيه حفنه من المال : ابو المفهوميه كلها والله
العامل وهو ينظر للمال بفرحه : اؤمرني
مراد بضحك : تعالي معايا يا كبير
بعد مرور نصف ساعه كانت تنظر في ساعتها وتمتم بغضب فهي تأخرت عن ميعاد طعامها اخيرا وجدت العامل يخرج من المصعد فوقفت بغضب وذهبت اليه وهي تقول: اول مرة يتأخروا كده
وقف العامل امامها وهو ينزل رأسه للاسفل فقالت له وهي تأخذ البيتزا : ليه التأخير ده عايزه اعرف لو سمحت
شهقت بصدمه حين رأته أمامها بوسامته وابتسامته الجذابه فقال لها: مستعد اشتغل اي حاجه علشان خاطرك حتي لو هانفخ بلالين
ضحكت علي كلمته فقال : ايوة هو ده
فقالت فاطمه بغضب مصتنع : ايه اللي جابك هنا انت مجنون
مراد بهيام : مجنون بيكي
لن تنكر ان قلبها خفق لتلك الكلمه وخصوصا انها شعرت بصدقها ولكنها ارتدت قناع الجمود فقالت : وبعدين
مراد بحب صادق : بصي انا عارف اني صايع وضايع وانتي شايفاني مليش لازمه بس والله من يوم سفرك وانا اتغيرت ابتديت اشتغل مع بابا بجد وكمان بطلت كلام مع كل البنات وقطعت علاقتي بيهم كلهم
فاطمه ببرود : وعايز ايه بقي
مراد برومانسيه : عايزك ومش عايز غيرك من الدنيا كلها انتي الوحيده اللي قلبي دق ليها بصراحه كده مكنتش اتخيل اني احب وادب علي بوزى كده بس يلا بقي حظك يا ستي ثم غمز لها واكمل قائلا : بصي يا ستي انا مش عايز منك غير حاجه واحده فرصه صغيرة تشوفي انا اتغيرت ولالا وقبل كل ده عايز اعرف شعورك ناحيتي واوعدك اذا كنتي مش بتبادليني نص الشعور حتي مش كله هابعد عنك ومش هتضايقك ابدا
نظرت له ولاول مرة تهاجمها تلك المشاعر مرة واحده فلم تستطع الحديث فقال مراد بحزن : شكلي لتاني مرة بضايقك انا اسف يا فاطمه بس والله بحبك
ما ان سمعت تلك الكلمه حتي ابتسمت عليها فدق قلبه لإبتسامتها وبدون سابق انظار امسك يدها وقبلها وقال بفرحه : ضحكت يعني قلبها مال صح ولا ايه ؟
ضحكت هي ثم قالت : هديك فرصه يا مراد بس الفرصه ديه عبارة عن خطوبه انا مليش فالعوج
نظر لها بحب ثم قال : وانا من يوم ما شوفتك مبقاش ليا فالعوج كله فالسليم يا ام تميم
نظرت له بعدم فهم فقال لها بضحك : تميم ابننا ان شاءالله
غزت الحمرة وجهها فقال لها : حدديلي ميعاد مع الحاج بقي
فاطمه بخجل : طيب اوعي ايدي بقي
نظر لها وقال:بكرة مش هاسيبها
ضحكت ثم وجدته ينتزع البيتزا من يدها فقال : انا جعان انتوا بتاكلوا فين ولا بتوصلها بالأجهزة وتوصلكم بالبلوتوث
ضحكت ثم ذهبوا معا للكافيتريا
******************************
عند جواد كان يجلس بالمزرعه ينتظر تلك الطبيبه الجديدة فقد قرر فارس عدم عمل ايلين بالمزرعه وأخيرا وصلت تلك الطبيبه فوقف جواد ليستقبلها فوجدها فتاه جميله بسيطه ولكن ملفته عيونها بنيه لامعه عيونها واسعه ومرسومه بيضاء ملكه محجبه يزين وجهها ويضيئه الحجاب رقيقه ذات جسد رشيق