ترويضـ فآرسـ ❤️ (مكتملة)

بارت38

ترويض فارس
الجزء الثامن والثلاثين
دفعت ايلين بكل قوتها فوقعت ايلين من على السلالم دوى صوت صراخها فالمنزل وتجمع من كان فالبيت فصدموا حين شاهدوها تسبح فى بركه من الدماء ...
صرخت رباب بفزع :الحقوووني ايلين فوقى ردى عليا حد يطلب الاسعاف بسرعه
كانت روان قد إختبأت بغرفتها وقامت بالتمثيل بإنها كانت نائمه وخرجت على صوت رباب فقلت بنعاس لريناد التى خرجت من غرفتها بسرعه متوجهه لوالدتها :ايه يا ريناد فيه إيه
ريناد بقلق:معرفش يلا ننزل نشوف
نزل الاثنان فصدمت ريناد من منظر الدماء وايلين التى تسبح فى تلك الدماء فصرخت:ايلين ...مالها يا ماما
رباب ببكاء:معرفش معرفش اطلبي الاسعاف بسرعة اتصرفي
ريناد وهى تبحث عن هاتفها فى جيبها :هاتصل بفارس
رباب بصراخ:بلاش فارس ممكن يكون سايق العربيه اطلبي الاسعاف الاول
ريناد بقلق:حاضر حاضر
ابتسمت روان إبتسامه مريضه مثلها وهى ترى ايلين فاقدة لوعيها امامها
كانت نجلاء فى الحديقه ودخلت للمنزل على صوت رباب فظلت تلطم وجهها وصدرها بشدة وتحاول أفاقه ايلين ولكن دون جدوى حضرت الاسعاف أخيراً وتم نقل ايلين للمشفي
**********************************************
عند فارس كان يهنئ الجميع جواد فتمت قراءة فتحته على ندى وتم تحديد موعد كتب الكتاب فهو لا يريد الانتظار اكثر من ذلك اعترض والد ندى فالبداية ولكن وافق فى نهايه الامر وتم تحديد الموعد بعد اسبوع وسيكون عرس مراد وفاطمه ايضاً فرح الجميع ثم إستأذنوا حتي يعودوا الى منزلهم ولكن اصر والد ندى عليهم فتناولوا العشاء معهم ثم إنصرفوا كان فارس فى ذلك الوقت يحاول الاتصال بإيلين ولكنها لا تجيبه فظن إنها مازالت متضايقه منه وهذا هو سبب عدم إجابتها عليه ولكن مراد أفزعه حين قال له:فاري انا بتصل بتليفون ماما مش بترد وريناد كمان انا قلقان
فارس بقلق:اكيد مش سامعينه بقولك ايه احنا كده كده ماشيين اهو خلاص وبعدين منا قولتلك اترزع معاهم
مراد بغضب:مهو جواد عايزني معاه
فارس بتوتر:طب خلاص اقول لجواد الرومانسي ينجز خلينا نلحق نروح جدتك تعبت يلا .....
**********************************************
عند جواد كان يقف مع ندى يعطيها الهدية التى إشتراها لها ...
ندى بخجل:مكنش فى داعي
جواد بإبتسامه:ازاى بس ماهو الحلو لازم يلبس الحلو
ندى بتوتر :يووه كفاياك بقي
جواد بضحك:مفيش طيب كلمه حلوة كده تحت الحساب
ندى بضحك:تؤتؤ
جواد بصدمه:تؤتؤ هى حصلت
ندى بضحك: بطل بقي
جواد بغمز:ابطل ايه ..ابطل احبك
ندى بفزع:اوعاك ده انا اموتك فيها
جواد بمزاح:بهزر يا ندوش
ندى :بحب الدلع ده منك
مراد بسخرية:بجد والله
جواد بإستغراب:صوتك تخن كده ليه
ندى بدهشه:انا مقولتش حاجه اصلا.
جواد وهو ينظر لمراد: هادم اللذات ومفرق الجماعات ايه اللى جابك
مراد قاصداً إغاظته:فارس بيقولك يلا يا زفت
ندى :متقولش عليه زفت يا مراد
جواد:بتخافي عليا
ندى : طبعاً
جواد:بتحبيني
ندى بخجل:يووه
مراد بسخرية:متكسفهاش بقي
جواد بغضب:انت واقف بتعمل ايه عندك
مراد:احنا ماشيين انجز
جواظ وهو ينظر لها: حقك عليا هابقي اكلمك
ندى وهى تلوح له بيدها:هستني مكالمتك خلى بالك من نفسك
مراد وهو يتحدث مع نفسه:هو انا بتكلم كده مع طمطم معقوله انا لزج كده ييييع مش عايز أتخيل
جواد بضحك:الحمدلله انك عرفت انك لزج
ركض مراد خلفه ثم ركبوا السيارة وانطلقوا الى طريق العودة....
**********************************************
عند ايلين فالمشفي كانت ريناد تجلس بجانب رباب تهدئها وروان تجلس بجانب نجلاء وتتخيل ان ايلين ستجهض جنينها ولكن ماذا اذا قالت لفارس كل شيئ يجب ان تتخلص منها الان وهنا فالمشفي ختى تبتعد الشبهات عنها ولكن كيف ذلك ما كان يشغل تفكيرها بينما رباب تبكي ثم سألت ريناد:محدش منهم إتصل بيكي يا ريناد
ريناد بحزن:لا يا ماما مراد اتصل بيا كذا مرة وسليم كمان بس هرد اقول إيه
نجلاء ببكاء:اتصلي بيهم وقوليلهم يا ريناد لازم فارس يجي
ريناد:انا كلمت رامي وهو زمانه جاي
رباب:هو مش كان فالبيت
ريناد:لا يا ماما راح يشوف شغله
رباب :ربنا يقومها بالسلامه ياروحي ديه لسه عارفه إنها حامل جيب العواقب سليمه يارب
روان بحزن:اه يا طنط ادعيلها ربنا يقومها بالسلامه بجد زعلانه عليها اوى
رباب:وقعت ازاى بس محدش منكم شافها
ريناد:انا كنت فى اوضتي وخرجت على صوت صويتك وروان كان شكلها نايم
روان بسرعة:ايوة فعلاً كنت نايمه وخرجت على صوتك يا طنط ...
رباب ببكاء :يارب نجيها مش قادرة انسي منظرها ياروحي وهى غرقانه دم ووشها كمان ربنا يسترها معاها يارب
روان :امين يارب
نظرت ريناد لها ثم نظرت لنجلاء وتجاهلت ما شعرت به للتو. ..
*********************************************
كان جواد يقود سيارته ومعه جدته ووالده وعمه بينما يقود فارس سيارته ومعه سليم ومراد ...
فارس بقلق:حاول تاني يا سليم
سليم بتوتر:ديه رابع مرة
فارس وهو يضرب المقود بيده:هيكون حصل إيه بس
مراد بعدم فهم:اهدوا بس
سليم وهو يعاود الاتصال:يا فارس ان..
قاطعته ريناد على الجانب الاخر وهى تجيب :الو
سليم بغضب:ايه يا ريناد كل ده علشان تردى خضيتيني عليكي انتى كويسه
ريناد بتوتر وخوف:انا كويسه
سليم بتفكير:صوتك ماله
انتزع فارس الهاتف من علي أذنه فتابعت ريناد:سليم ارجعوا بسرعه ايلين وقعت من على السلم واحنا بيها فالمستشفى
وقع الهاتف من يد فارس واوقف السيارة بسرعه ....
مراد بفزع:فى إيه يا فارس
فارس شعر كإن الدماء إنسحبت من جسده رأه سليم فأمسك بالهاتف فعادت ريناد ما قالته فصرخ سليم:امتي حصل ده
ريناد ببكاء:من حوالى ساعه ونص
سليم بتوتر:طيب اقفلى احنا اصلا دخلنا البلد  مسافه السكه هنكون عندكم
اغلق معها ثم قال:فارس انزل انت هاسوق انا
نزل فارس ولم يكن يتحدث ركب سليم السيارة وامر مراد ان يتصل بجواد ويخبره وبالفعل توجه الجميع للمشفي القابعه به ايلين .....
**********************************************

عند ايلين خرج الطبيب من الغرفه فركضت اليه روان اول واحدة وخلفهت ريناد ...
روان ببكاء:طمننا يا دكتور
الطبيب: الحمدلله هى بقت كويسه هو يادوب جرح فالرأس والحمدلله خيطناه وكتفها اليمين اتخلع وردناه لكن الجنين
صرخت روان بحزن:اجهضته لا لا متقولش كده يا دكتور ارجوك
إستغرب الجميع رد فعلها حتي الطبيب ثم تابع :يا استاذه ممكن تهدى شوية انا مقولتش كده الحمدلله تم إنقاذ الجنين
روان بصدمه: الجنين ليه عايش يعني ايلين مسقطتش
الطبيب بسعادة:لا يا فندم الحمدلله
رباب بفرحه:احمدك واشكرك يارب
ممكن نشوفها يا دكتور
الطبيب:نص ساعه بس وهاسمح لكم بزيارتها متقلقوش
نجلاء:ربنا يبارك لحضرتك يا دكتور
ذهب الطبيب وتركهم وظلت ريناد تفكر فى رد فعل روان العجيب وصدمتها حين عرفت ان الجنين بخير..........
**********************************************
وصل خبر فارس للمشفي نزل قبل الجميع ثم توجهه للردهه فوجد رباب تجلس وبجانبها ريناد وروان تقف ونجلاء تجلس أمامهم فركض اليهم ثم قال بصوت متحشرج قلق للغايه:امي ايلين عامله ايه
رباب بهدوء:اهدى يا حبيبي
فارس بغضب:يا امي ايلين جرالها إيه
ريناد :ايلين كويسه الحمدلله
فارس :بجد ولا بتقولي كده علشان اهدى
رباب:وحياتك عندى يا حبيبي ايلين كويسه
فارس وهو يبتلع ريقه:والطفل يا امي
ريناد بسعادة: بخير الحمدلله
فارس وهو يأخذ انفاسه:الحمدلله طب عايز اشوف ايلين
ريناد: الدكتور قال نص ساعه وهنشوفها
فارس بحزن:وقعت ازاى بس
رباب:ممكن تكون داخت
فارس :كله بسببي لو مكنتش زعلتها
رباب :كله مقدر وكتوب متقولش كده
دخل الجميع الى المشفي واستفسروا عن حالتها واطمئنوا جميعهم حتى حام موعد زيارتهم لها وبالفعل دلف الجميع
ولكن امر جواد ومراد وسليم روان ان تنتظر بالخارج..
*********************************************
كانت ايلين لم تستفيق بعد فجلس فارس بجانبها وامسك يدها وظل يمسح عليها بحنان ...
مراد بضحك:خطوبتك فقر يا جواد
جواد بغضب:بس يا بومه
عاصم بضحك:معاه حق
مراد:قصف جبهتك براڤو يا عمى
عاصم بضحك:انا اقصدك انت يا مراد انت بومه
جواد بضحك:قصف جبهه ثنائى الله عليك يا والدى...
ضحك الجميع ثم لاحظ فارس ان ايلين تحرك يدها وجفونها فنادي عليهت قائلاً:ايلين حبيبتي سمعاني
ايلين بتعب :فا..فارس
فارس وهو يضغط علي يدها:ايلين انا جمبك اهو فوقي
ظلت تحاول ان تفتح عينيها تدريجياً حتي فتحتهم بالنهاية وما ان رأت فارس حتي ظلت تبكي فإحتضنها فارس وظل يهدئ من روعها :اهدى انا جمبك
ايلين ببكاء:كنت هاموت يا فارس وابنك ثانيه واحده ابني جراله ايه
فارس بهدوء:هو كويس جدا الحمدلله
ايلين بهدوء: بجد طب الحمدلله كنت هاموت لو جراله حاجه
دولت:الحمدلله يا بنتي انها جت على قد كده
امجد:لازم تخلى بالك من نفسك اكتر من كده يا ايلين
عاصم :كلى كويس علشان الدوخه
ايلين بعدم فهم:دوخه ايه
فارس بهدوء:انتى وقعتي ازاى مش دوختي عالسلم
ايلين بغضب وهى تتذكر:مين قالكم اني وقعت من على السلم لما دوخت
ريناد:محدش قال لان محدش شافك وانتى بتقعى اصلا احنا بنفترض
فى تلك اللحظة طرقت روان الغرفه ودلفت ثم نظرت لايلين بخوف وقالت:حمدالله على سلامتك
مراد بغضب:مش قولتلك استني برا
روان بعصبيه:انا غلطانه اني هاموت و اطمن عليها
مراد بغضب :بقولك ايه
ايلين بهدوء:سيبها يا مراد تطمن انا موت ولا لسه
روان بخوف:ايه اللى بتقوليه ده
فارس بدهشه:ايلين انتي بتقولى ايه
ايلين بنظرة تحدى وغضب:روان هى اللى زقتني وقعتني من على السلم .....

ياترى روان هتعمل ايه؟
ياترى هيصدقوا ايلين ولالا؟
ايه اللى هيحصل بين فارس وايلين؟
كل ده الفصل الجاى من ترويض فارس ❤️🔥