ترويضـ فآرسـ ❤️ (مكتملة)

بارت25

ترويض فارس
الجزء الخامس والعشرون
ارجع فارس عائلته للمنزل وصعد لغرفته لتغير ملابسه استعدادا ً للذهاب الي شادي ،كان فارس يرتدي قميص اسود وبنطال اسود وجاكيت اسود جلد وعيونه قاتمه من الغضب نظر للسرير وتذكر ذكرة جمعته بها .......
Flash back
فارس وهو يخرج من الحمام لينام علي السرير فهو وايلين يتبادلان الاماكن
فارس بتعب وإرهاق :انتي هتنامي علي الكنبه
ايلين بتعب :لا مش بعرف انام عليها هنام علي الارض
فارس بصدمه:نعم!
ايلين بتصميم:الكنبه بتتعب رقبتي
فارس بسخريه:ازاى ده حتي انتي اقصر مني
ايلين بضيق:ممكن بلاش تريقه
فارس بخبث:انتي ممكن تنامى جمبي علي السرير ومتخافيش مش بعض انا
ايلين بصراخ:انت اتجننت صح
فارس بضحك:انا عارف اني متقاومش بس من ناحيتي متقلقيش
ايلين بغضب:احترم نفسك
فارس وهو يرفع يده بإستسلام: خلاص براحتك انا هنام تصبحي علي خير
ايلين بغيظ:وانت من اهله
نام فارس وهو ينظر لها ويكتم ضحكه فهي تضرب الارض بغيظ ثم ذهبت واحضرت بطانية ثقيله وقامت بفرشها علي الارض ثم جذبت الوسادة من جانبه بغضب ورمتها علي الارض ثم احضرت غطاء ونامت ثم صرخت قائله: ياريت تطفي النور
فارس محاولاً اغاظتها :مش قادر
ايلين بغيظ:ده جمبك علي الكومود اطفي الاباجورة
فارس بتتاؤب:مش قادر اطفيه انتي
ايلين بضيق:طب مش هاطفيه ونام فالنور بقي
فارس بضحك:انا اصلا بحب النوم فالنور
ايلين بغضب:ده انت بارد
فارس بغضب وهو ينهض : قولتي ايه
ايلين بخوف : مقولتش
فارس بضحك:جبانه
ايلين وهي تضع يدها في خصرها:مين ديه اللي جبانه
فارس بخبث:انتي
ايلين وهي تتقدم منه:اياك تقول كده انا مش جبانه
فارس وهو يعود ناحيه السرير :جبانه
ايلين وهي تتقدم ولا تدري نا الذي يخطط له:بطل يا فارس
فارس بضحك:جبانه
اقترب من السرير ثم وقف فأقتربت منه هي وقالت:اعتذر
فارس بخبث:لا
ايلين بغضب:اعتذر
فارس بضحك شديد :لا يا جبانه
ضربته ايلين علي صدره ثم دفته علي السرير فأمسك بها ووقعا الاثنان علي السرير شهقت ايلين بصدمه حين وجدته يحيط خصرها بذراعيه ثم قال بضحك:حرااام عليكي انا كده اخاف علي نفسي منك
ضربته ايلين ثم وقفت وعدلت من ملابسها وكانت الحمرة تغرق وجهها فضحك فارس وقال:عليكي واحد
ايلين بغيظ:انت من امتي بقيت تافه كده
فارس بغضب:خلي الليله ديه تعدي واديني سايبلك الاوضه ونازل
توجه للباب ثم قال بخفوت هاجيب عصير اجيبلك
ايلين وقد سمعته:مش عايزة
فارس بغضب وهو يغلق الباب بشده
نظرت للباب بغضب ثم للسرير نظرة شر وقالت: وديني ماهتتني بيه يا فارس
ثم دخلت الي الحمام وامسكت الدلو وملئته بالماء وافرغته علي السرير حتي ابتل تماما ً ثم ركضت بسرعه ونامت علي الارض كإنها لم تفعل شيئا ً
دلف فارس للغرفه وهو يمسك بكوبين عصير فلم تهن عليه ان يشرب بدونها
دلف فوجدها نائمه فوضع الكوبين علي الكومود ثم امسك بكوب من العصير وشربه ثم قال بصوت عالى :انا جبت كوبيتين عصير ونسيت اني بس اللي هاشرب انا مش قادر اشرب التانيه فهسيبها هنا للي عاوز يشربها هاه هاسيبها وانام ثم جلس علي الفراش الذي هب واقفاً منه بسرعه لأنه وجده مبتل بالماء كله قبض علي يده بشدة ثم قال بهمس :ايلين
كانت هي تضحك في صمت حين سمعته يقف بسرعه لكنها انتفضت من مكانها حين قال بصوت عالي ممزوج بالغضب:ايــــلــــيـــــن
وقفت بخوف وتوتر ولكن تظهر وجهها البرئ قائله:ايه يا فارس بتزعق ليه
فارس بغضب وهو يشير للسرير:ايه ده
ايلين وهي تدعي الغباء:ايه مش فاهمه
فارس بغيظ :السرير متهبب مبلول كله ازاى اتبل كده؟
ايلين ببرائه :معرفش انا كنت نايمه
اقترب منها بسرعه بينما هي تراجعت حتي وصلا للكنبه ولكن تركته ايلين وركضت واصبحت هي بجانب الكومود وفارس قبالتها اقترب منها فأمسكت بكوب العصير الذي بجانبها ثم قالت:هارميك بيه
فارس وهو ينظر لها بحاجب مرفوع:نعم ،انتي مجنونه
ايلين بخوف وهي ترفع الكوب :ايوة
اقترب منها فارس فرمته بالكوب الذي لم يصبه انما التقته الكنبه المسكينه
فنظر فارس لها بصدمه وقال:افرضي كان جه فيا
ايلين بلهفه :لا مكنتش هاجيبه فيك طبعا انا كنت بخوفك بس مش اكتر
ابتسم فارس لحديثها ثم تصنع الغضب وتركها وابتعد ثم فتح الخزانه واحضر وسادة صغيرة ورماها بجانب وسادتها فقالت هي بغباء:انت بتعمل ايه ؟
فارس بضيق:يا ربي علي الغباء يعني هاكون بعمل إيه مثلا هاتخمد
ايلين بغباء مضاعف:هتنام فين؟
فارس بغضب:علي الارض مهو السرير مبلول والكنبه شرابه عصير مانجه
اروح انام فين بقي مفيش قدامي غير الارض
ايلين بهدوء:اه ماشي ثم انتفضت قائله :يعني جمبي
فارس بخبث:اه يعني شايفه مكان تاني ينفع انام فيه وبعدين لو مش عايزة تنامي جمبي عندك السرير والكنبه يلا تصبحي علي خير
ضربت الارض بقدمها ثم ضربت رأسها حاولت قائله :غبيه والله غبيه ثم استسلمت وذهبت بجانبه واستلقت علي الارض ثم قالت بخجل :ممكن تبعد شويه
فارس وهو يكتم ضحكته:اروح فين
ايلين بغضب:الارض واسعه اهي
فارس بغيظ:بس مفيش بطاطين علي الارض غير ديه والارض الباقيه مش عليها سجاد يرضيكي يجيلي برد
ايلين بلهفه:لا طبعا
ابتسم فارس ثم قال:يبقي تصبحي علي خير
بعد مرور بعض الوقت كان فارس يشعر بالتعب من النوم علي الارض فألتفت لها وجدها ترتجف ويبدوا انها تشعر بالبرد فوجد نفسه دون تفكير يقترب منها ويحتضنها ليبثها الدفئ والامان ثم وبدون مقدمات دفن رأسه في شعرها يشتم عبيره وشعر بمشاعر تهاجمه لاول مرة ولكنه استسلم للنوم شاعرا بها في احضانه. ...
Back
عاد فارس من ذكرياته علي صوت احد يطرق الباب فذهب الي الباب فوجده جواد فقال له :استني يا جواد هاجيب الموبايل وننزل
جواد بجديه:لا استني قبل ما تجيب الموبايل
فارس بإستغراب: إيه في ايه ؟
جواد بجديه وهو يدخل ويغلق الباب :انتَ ماضي علي محضر عدم تعرض للكلب ده
فارس بضيق:ايوة يعني اعمل ايه
جواد بخوف:يا فارس مش يمكن هو عمل المحضر ده فالوقت ده لسبب معين
فارس بتفكير:انت قصدك انه مكنش عايز فلوس ولا هيتسجن انما كان قصده يعمل مشكله علشان امضي علي المحضر وبعدها يخطف ايلين وانا مقدرش اقرب منه وكمان العين متبقاش عليه
جواد بتأكيد :بالظبط كده
فارس بغضب وهو يمسك بهاتفه ويخرج من الغرفه:يبقي هو الجانى علي نفسه
خرج جواد خلفه قائلًا:مجنون بس بصراحه انا نفسي اولع فشادي الزفت ده اومال هو بقي يلا ربنا يسترها
ثم ركض خلف فارس الذي اوقفه امجد وعاصم ......
امجد بجديه:فارس بلاش تهور
فارس بهدوء:انا هادى جدا عادى يعني مش حوار مراتي مختفيه ومعرفش عنها حاجه مش حوار عادي
عاصم بتفهم:مش قصدنا يا بني بس الناس ديه متعرفش ربنا ولا عندهم ضمير وممكن يكون ده فخ ليك ولايلين وساعتها مش هتنقذها ولا هتنقذ نفسك
فارس بتصميم:هي اهم مني المهم عندى دلوقتي هي
ابتسم امجد ورباب علي حديثه فلقد تأكدا من صدق مشاعر فارس نحو ايلين .....
دولت بهدوء:فارس يا حبيبي مراتك هترجع بس مش بدراعك بدماغك يا حبيبي
فارس وهو يقبل يدها:ادعيلي بس
دولت بحنان : بدعيلك بس علشان خاطري فكر واحسبها واخواتك معاك
فارس بهدوء:حاضر يت حبيبتي
دولت وهي ترفع يديها للسماء وتدعو :يارب يا فارس تلاقي ايلين وترجع سالم غانم يا حبيبي
جاء فارس ليذهب فوجد يمني وفاطمه يناديانه وكلتاهما تبكيان
فاطمه ببكاء:ارجوك يا فارس تطمني لو عرفت حاجه
مراد بمرح:ليه عدمتيني
فاطمه بضيق:ارجوك يا مراد مش وقت هزار ،فارس ارجوك رجعلي اختي ولو عرفتم اي حاجه تبلغونا علي طول
يمني بإندفاع :انا جايه معاك
فارس بغيظ:تيجي معايا فين بس مينفعش انا هابقي معاكم علي الفون وهبلغكم بكل حاجه تمم
يمني وفاطمه :تمم
فارس بتأكيد :المهم يا يمني متعرفيش رامي بحاجه
يمني بغضب:مش هاتنيل والله خلصنا
فارس بتفهم:تمم يلا سلام
فاطمه ويمني وشيماء:سلام
ركب فارس سيارته وبجانبه جواد وبالخلف مراد ومروان ثم انطلقا وهم يعرفان وجهتمها الي بيت شادي ......