ترويضـ فآرسـ ❤️ (مكتملة)

بارت 30

ترويض فارس
الجزء الثلاثون
(بارت هديه )🌸❤️
كان الجميع فالمنزل استقبل الجميع ايلين بترحاب وحب واشتياق وجلسوا يحدثونها وهي اخذت تحكي لهم عن تفاصيل اختطافها حتي قطع ذلك كله دخول هذان الشخصان وقف فارس بدهشه:انتوا ايه اللي جابكوا ...
ريناد ببكاء: كمان مكنتش عايزنا نيجي
فارس بغضب:انتي عرفتي من مين
ثم نظر لوالدته
رباب بخجل :والله غصب عنى كنت بعيط وهي اتصلت وانت عارفهت هاتك يا زن لحد ما قولتلها
فارس بغضب وعصبيه:يا امى دول مكملوش اسبوع عسل
سليم بحزن:٦ايام يا اخ
فارس بغضب:اخرس انت
شيماء بضحك:الله يا ابيه فارس اديله
ريناد وهى تحتضن ايلين بدموع:ايلين حبيبتي عامله ايه انتى كويسه صح؟
ايلين محاوله تهدئتها :متقلقيش يا روحي انا زي الفل
سليم بسخريه:واللي علي وشك ده قرص نموس
مراد بضحك:لا قرص جاموس
ريناد بعصبيه:اسكتوا بقي شويه
امجد وهو يحتضن ريناد: حبيبه بابا ممكن تهدى شويه
ريناد وهي ترتمى بحضنه:يا بابا ازاى محدش يقولى علي اللى حصل
جواد بضحك:مانتى كنتى في شهر العسل
سليم بسخريه وحزن:بلا عسل بلا بصي يا خويا
مراد بضحك ومزاح:مالك يا سولى
سليم بمزاح:والنبي يا ختى تسيبيني فحالة احسن انا علي اخرى وهنفجر
ريناد وهى تضع يدها في خصرها:وعلي اخرك ليه يا شابه
سليم وهو يوجه حديثه لامجد:اول ما سافرنا ودخلنا الجناح لقيتلك ديه هاتك يا عياط وصويت والا بالدين توديني عن ابويا وامي دلوقتي وإلا هاصرخ واقول خاطفني وانا اهدى فيها ابدا فين بعد تالت يوم خدنا علي بعض شويه ولا كإننت كنا خربينها قبل الجواز المهم لسه بهزر معاهت وببوسها في خدها وعينك ما تشوف الا النور خدت بوكس في عيني قعدنى بقيت الايام مش قادر افتحها فلما جت بتقولى امبارح نرجع علشان ايلين مخطوفه مكدبتش خبر ونزلت اصلهت مش فارقه ....
ضحك الجميع حتي ريناد وجلسوا يتحادثون قليلا وجاء كلا من يمني وفاطمه حتى مر النهار بإكمله ...
ثم قام الجميع لتناول الغداء ...
علي طاوله الغداء كان فارس جالس بجانب ايلين ومراد امامه فاطمه ويمني تجلس بجوار شيماء وريناد تجلس بجانب سليم وامجد ودولت وعاصم يترأسون الطاوله وبجانبهم نجلاء ورباب وجواد يجلس بجانب فارس علي الجانب الاخر ....
رباب بتحذير:ايلين حته الفرخه ديه لو مخلصتش كلها هنزعل مع بعض
ايلين بهدوء: ربنا ميجيب زعل يا ماما بس ديه كبيرة مش هاقدر اخلصها
فارس وهو يمسك بيد ايلين :هتاكلها كلها يا امى
خجلت ايلين وحاولت نزع يدها من قبضه فارس ولكنه مال علي اذنها وهمس:متحاوليش يا ليو مش هاسيبها ده انا مصدقت
كست الحمرة وجه ايلين فلاحظ مراد ذلك فقال :مالك يا ايلين وشك احمر ليه
ايلين بإحراج:ابدا الجو حر بس
سليم بسخريه:حر ايه بس يا حاجه ده انا متلج
فاطمه وهي تنظر لمراد بتحذير:اسكت شويه يا مراد
مراد بضحك:من عيوني يا قمر
امجد بغضب مصطنع:ولد عيب انا قاعد
مراد وهو يغمز لوالده:من عيوني يا بوب
امجد بجديه:فاطمه حبيبتي عايز اقابل بابا علشان نحدد معاد كتب الكتاب
مراد بصراخ:ايوة بقي يا ميجو يا جامد
فاطمه بإحراج وخجل :حاضر يا عمو
امسك فارس بقطعه دجاج ووضعها في فم ايلين فنظرت له بإحراج :فارس بطل كفايه انا هاكل لوحدى
فارس بضحك وهو يمسك بوجنتها :لا انا هأكلك يا قلبي
ايلين بإحراج عظيم وهى تحاول مداراة خجلها :فارس مالك في ايه؟
فارس بهمس :وحشتيني
رقص قلبها فرحاً عند سامعاها لتلك الكلمه منه وابتسمت وظلت تأكل من يديه حتى انتهي الغداء وجلس الجميع يتحدثون حتي تأخر الوقت فطلب امجد من اهل فاطمه ويمني ان يبيتا الليلة وبالفعل وافقوا وصعد الجميع للنوم ........
******************************
ادخل فارس ايلين للغرفه ثم اجلسها علي السرير وجلس بجانبها ثم قال وهو يمسك يدها برفق :بصي جدتي عايزانى هانزل اكلمها واطلعلك على طول ومتناميش عايز اتكلم معاكى الاول ...... هزت رأسها بمعني نعم فقام فارس بتقبيلها علي جبهتها ثم تركها وخرج من الغرفه قفزت علي علي السريى تصرخ :بيحبني طلع بيحبني وانا ايه مش بحبه انا بموت فيه وبعشقه وانا بقيت مجنونه بيه .....
ثم قامت لتأخذ حمام (شاور) ....
*****************************
نزل فارس لجدته فوجدها فى غرفتها فطرق الباب ثم دخل اليها فوجدها نائمه علي السرير فقالت : تعالى يا فارس اقعد جنبى هنا
اطاعها فارس وجلس بجانبها فقالت له :قولتلها
فارس بإستغراب :قولتلها ايه وهي مين ديه اللي اقولها ؟
دولت وهي تلكزه في كتفه:متسطعبطش عليا يا واد
فارس بضحك:والله مش فاهم
دولت بحنان:ايلين يا فارس افهمني يا حبيبي العمر لحظه والله اعلم ايه اللى جاى اعترفلها يا فارس بحبك ليها وخليك جمبها واتمتع بعمرك وشبابك جمبها
فارس وهو يقبل يدها:هاقولها صدقيني انا خلاص اتشجعت وهاقولها كل حاجه اصلي بصراحه خايف يجرالى حاجه او بعد الشر هى تبعد عنى وساعتها اتدم واقول ليه ماقولتلهاش جايز مكنتش بعدت
دولت بحب وحنيه: انت عارف يا فارس انا كنت بحب جدك اوى عرفت من اول لحظه ان هو ده الشخص اللى نفسي اكمل معاه عمرى اللى هابقى مطمنه جمبه وفحضنه وهو اعترفلى على طول بحبه وقالى انه عاوزنى ابقى شريكه حياته فالحزن قبل الفرح والعجز قبل القدرة والايام المرة قبل الايام الحلوة واقفت على طول واتجوزنا كنت معرفش انام غير لما يكون جمبي ومنامش غير فحضنه علشان بحس بالامان جدك مكنش بينان ابدا وهو مزعلنى مهما حصل حتى لو كنت غلطانه كان بيصالحنى مش علشان هو ضعيف بالعكس علشان هو قوى وراجل وحنين وعلشان كان عارف انى باجى بكلمه وبتصالح بوردة فهمت يا حبيبي ..
فارس وهو يقبل يديها :فهمت يا اعظم جدة فالكون كله
دولت بضحك:يلا يا بكاش قوم اطلع لمراتك وافتح قلبك يا فارس ومتخفش مش ديه اللى تجرحك خليك فاكر كلامى كويس يا فارس
فارس وهو ينهض ويحتضنها : فاكر يا حبيبتي فاكر
ثم خرج وتركها لتناجى ربها وتدعو لمن امتلك قلبها زوجها الراحل بالرحمه والغفران وجنات النعيم .....
******************************
علي الجانب الاخر كانت تصرخ وتقوم بتكسير اى شيئ تقع عيونها عليه
روان بغضب:بيحضنها وقاعد بيأكلها كمان
يوسف بنظرات شهوانيه لصورة ايلين :الصراحه البت زي القمر
روان بصراخ جنونى:انت عايز تجنني
يوسف بسخريه:لاسمح الله انتى مجنونة لوحدك اصلا
روان وهى تمسكه من قميصه:متعصبنيش يا يوسف
يوسف وهو يمسك بيدها ويبعدهت عنه كإنها قذارة :وهاعصبك ليه روحي شوفي فارس بيه اللى معصبك اوى كده
روان بحقد:قاعد بيأكلها وماسك ايديها كمان
يوسف بإحتقار:انتى مالك انتى بكل ده هو مش اللى يهمك الفلوس بتاعته وبس
روان بصراخ:لا طبعا فارس يهمني اكتر من الفلوس
يوسف بتصفيق :واو يا فنانه صدقتك الصراحه مش عليا الشويتين دول انا وانتى عارفين ان الفلوس هى اهلك وناسك واهم من اى حد تانى
روان بإحراج :لا طبعا
يوسف بملل:المهم هتعملى ايه
روان بحقد:الزفت اللى اسمه مرتضي ده بيعالجوه اهو والدكتور اللى انا جبته مش اللى انت جبته وطلع زباله بيجهزلى التحاليل والاشاعات
يوسف وهو ينهض ليرحل:تمام لما يجهزهم بلغيني
روان وهى تلعب في ازار قميص يوسف:متمشيش خليك شويه
يوسف بسخريه:ايه ده مش كان من شويه فارس وبتاع
روان وهي تقبله في وجنته:سيبك من فارس دلوقتي
يوسف بضحك:نسيبنا من ابوه
ثم ذهبوا ليفعلوا ما حرم الله
(ربنا يحرقكم انتم الاتنين علشان نرتاح😒)
******************************
صعد فارس لايلين فكانت ايلين تجلس علي الاريكه بتوتر تريد ان تعرف ماذا يريد فارس منها اقترب فارس منها وامسك بيديها وجعلها تنهض ثم خرجوا الاثنان للشرفه فأجلسها فارس ثم جلس بجانبها علي الاريكه الموجودة فالشرفه وقال بحنان :بصي يا ايلين انا متأكد انك قلقانه وعايزة تعرفى انا عايز اقولك ايه صح
ايلين وهى تهز رأسها :بصراحه ايوة
فارس بإبتسامه:طيب يا ستي احب اقولك ان انا حابب اعترفلك بحاجه كده
ايلين بلهفه: حاجه ايه؟
فارس بضحك:اهدى شويه بس علشان تطلع الاول قبل ما اقولك اي حاجه عايز اسألك سؤال
ايلين بهدوء:اسأل
فارس وهو يشدد من إمساكه ليدها:عمرك حبيتي قبل كده يعني كان فيه حد فحياتك قبلي يعني
ايلين وهى تضع يدها علي فمه:خلاص فهمتك فهمتك واحب اقولك مكنش في حد فحياتي لكن بصراحه حبيت وكان اول حب فحياتي كلها
فارس بغيرة واضحه:بجد والله كان امتى الكلام ده
ايلين:من شهر تقريبا
فارس بغيظ:يعني واحنا متجوزين
ايلين وهو تحاول كتم ضحكتها:ايوة
فارس بغضب:وبتعترفي كمان يا بجاحتك
ايلين بغضب:متشتمش
فارس بعصبيه:مين الحيوان ده بقي
ايلين بعصبيه مضاعفه:متشتموش
فارس وهو يقف بغضب:مش هشتمه وبس ده انا هاموته
ايلين بصراخ:وانا مش هاسكتلك
فارس وهو يمسك بيدها بقوة:مين يا ايلين انطقي
ايلين برومانسيه:انت
فارس بإندهاش :نعم؟!
ايلين بضحك :انت يا فارس حبيتك انت كان اول حب فحياتي اول مرة قلبي يدق اول مرة اعرف يعني ايه حب كان جمبك وعلي ايدك
فارس بضحك وهو يلكزها :مش تقولي
كده نشفتي دمى
ايلين قاصده استفزازه:بتغير عليا اوى يعني؟
فارس وهو يمسكها من ذراعيها :اكتر مما تتخيلي كمان تعرفي انا بغير عليكي من مراد وجواد وسليم وابويا وعمي ومن ريناد كمان وشيماء واصحابك بغير عليكي من رعد تخيلي بقي من رعد لما بيشوفك بحسه بيفرح وده بيضايقني اوى عمرى ما غيرت علي حد كده ابدا بس ده حصل معاكي انتي مش عايز حد يشوفك غيرى مش عايز ضحكتك لحد غيرى دموعك كمان من الاخر مش عايز حد يشوفك
ايلين بهمس :والغيرة ديه ليه بقي
فارس وهو ينزل لمستواها ويهمس برومانسية:علشان بحبك يا ايلين بحبك اوى يمكن من اول مرة شوفتك فيها حسيتك مسئوله منى خوفت اوى لما شوفت خالك بيضربك ودمي فار ولما شوفت الزفت شادى وعادل كل دول كانوا بيحركوا الغيرة جوايا علي طول يمكن انا حبيتك اكتر بسببهم
ايلين بدهشه: ازاى بقي
فارس وهو يمسكها ويجلس بها:علشان كنت بغير من غير ماحس وساعتها لما سألت نفسي بغير ليه عرفت انى كده بحبك
ايلين بتوتر:يعني انت حبتني قبل الجواز ولا بعده
فارس وهو يجذبها لاحضانه :بصراحه بعد الجواز يمكن قبل الجواز مكنتش متأكد من مشاعرى لكن بعده اتأكدت
ايلين وهى تحاوط خصره بذراعيها :يعني مكنتش مجبور
فارس بضحك:مجبور مين بس انا اللي الفكرة جات علي هوايا
ايلين بضحك:بصراحه انا كنت خايفه تكون مجبور
فارس وهو يشدد من احتضانه لها:عمرى ما كنت مجبور علي اى شيئ يخصك يا ايلين علشان كان قلبي بيختاره وبيختارك دايماً
ايلين بهمس:بحبك اوى يا فارس
فارس برومانسية:انا بحبك اكتر
ايلين وهى تنهض وتصرخ:عايزة اصرخ واقول لكل العالم انى بحبك وبعشقك
فارس وهو يدنو لمستواها:طيب ما تصرخى مستنيه ايه
ايلين بإحراج:لا اتكسف
فارس وهو يقرص وجنتيها:حبيبي بيتكسف ياناااس
ايلين بضحك:طيب ممكن ندخل علشان بردانه
فارس وهو يغمز لها:وديه تيجي حبيبي يبرد وانا موجود
شقهت ايلين حين حملهت فارس ودخل بها حتي وصل للفراش ثم انزلها وجلب لها جاكيته والبسها اياه وظل لعدة دقائق يتطلع بها ...
ايلين بتوتر:فارس
فارس بحب وهيام:عيون فارس
ايلين بخجل:عايزة اسألك سؤال
فارس بإستغراب:اسألي يا قلبي
ايلين بخوف:هو انت كنت بتحب روان
بدأت ملامح فارس فالانقباض فأمسكت ايلين بيده وقالت بسرعه:لو مش عاوز تجاوب خلاص
فارس وهو يحاول الضحك:لا يا قلبي احنت هنبدأ حياتنا سوا ومينفعش نبدأها غبر علي صراحه زي ما بيقولوا نبدأ علي ميه بيضاء ..بصي يا ستى روان انا كنت فاكر انى حبيتها لكن بعد ما قبلتلك عرفت انه كان مجرد اعجاب وانبهار مش اكتر عايزك تعرفي ان الحب الحقيقي عرفته معاكى وبس اما روان فكانت تجربه بحمد ربنا انها فشلت وإلا مكنتش زماني قاعد جمبك دلوقتي وبحبك اوى كده روان كانت يتيمه فكنت بحس انها غلبانه وملهاش غيري خالها كان كلب فلوس وملهوش دعوة بيها تقريباً فمرة فمرة اعترفتلها بحبي واتقدمتلها كانت بتعمل تصرفات مش لطيفه يعني تحضن مراد تهزر جامد مع جواد واكتر حاجه كنت بعديها وديه كانت غلطتي كلامها وطريقتها مع يوسف مكنتش طبيعيه لكني كنت بعدى
ايلين بإستغراب:مش لطيفه ازاى يعني
فارس بعصبيه:يعني تمسك ايده تهزر معاه فتقوله يا قمر يا حبيبي كنت بقول اصلها معتبراهم اخواتها كده يا ايلين فهمتيني كذا مرة اروحلها البيت تعزم عليا ادخل وانا لسه خطيبها مكنتش برضا ادخل بس بستغرب ازا. بتعمل كده واعدى واقول عادى يا فارس لكن لما عرفت انها خانتني مع مين صاحبي واخويا وعشرة عمرى يوسف اتجرحت اوى يمكن مش منها علي قد ما إتجرحت من يوسف وملخص لكل ده انا عمرة ماحبيت روان علشان الحب اللى بجد كان معاكي يا قلب فارس من جوا وعيونه وكل حاجه فيه ...
كانت ايلين كالمخدرة من كميه الرومانسيه الموجودة في حديث فارس ولم تشعر الا بكميه مشاعر رهيبه تهاجمها كانت تشعر بها لاول مرة
وكان فارس لا يختلف عنها كثيراً وفالنهايه اقترب منها فارس وكان ينوي تقبيلها وظل يقترب يقترب وفجأة نهضت ايلين فالملدوغ تقف بخوف وتوتر فوقف فارس بخوف عليها وقال: مالك يا ايلين
ايلين بتوتر :بص بصراحه انا لسه مش واخده عليك اصلا ومش مستعدة اننا ناخد خطوة زي ديه دلوقتي
فارس بصدمه:مش مستعده
ايلين بخوف:افهمني بس يا فارس انا خايفه ده يادوبك انا وانت لسه معترفين لبعض اننا بنحب بعض
فارس بتفهم وهو يجذبها لحضنه ويربط علي ظهرها :خلاص خلاص يا ليوو انا فهمتك ومتخافيش ممكن بقي ننام
ايلين بخوف:ننام مين قصدي فين قصدى ليه
فارس بضحك:هننام جمب بعض ومتخافيش مش هاجي جمبك بس بصراحه انا مكنتش بنام الايام اللي فاتت خالص ومصدقت انك رجعتي لحضني فنامي فحضني مش طالب منك غير كده
ايلين بهدوء:حاضر
وبالفعل نامت ايلين بحضن فارس وهى تشعر بالدفئ يحطيها والامان ايضا وكان هو يدفن وجهه في شعرها يستنشق عبيرها الدى طالما تمنى ان يتنفسه ومنذ ايام ذهب في سبات عميق وهي في حضنه .....

ياترى ايه خطه روان ويوسف؟
ايه اللى هيحصل بين فارس وايلين الايام الجايه؟
كل ده الفصل الجاى من ترويض فارس ❤️🔥