السلام عليكم حبايب شونكم اهلا بيكم ببارت جديد 🙂🙂🌻👍
ياسمين : اني حايرة بين صراع قلبي ومخي لسه احب احمد ماانكر بس هو فضل غزه من زمان عليه ليش اضل افكر بيه هم ولا شيء بالنسبة اليه عنده عائلة تريده واكيد مراح يعوف غزة علمودي احمد هالاهتمام بيه بس مجرد يتسلة ويضيع وقت واني الي عايفه كلبي يحترك ويتحطم يوصلني للسما ويعوفني اتحطم بالارض خلاص لازم انهي اي شيء لا كلام ولا نظرات مااسمحله يتجاوز اول شيء سويته حظرته من رقمه الجديد ونمت كعدت الصبح نزلت صباح الخير
ازهار: صباح النور
ايناس: صباح النور متأخره اليوم حتى تريكنه وعفناج
ياسمين: راسي يوجعني وين امي
ايناس: بالسوك
ياسمين: ها رايحه اسوي ريوك عمه تاكلين
ازهار: جانت تحجي بالموبايل لايمه متريكه الحمد لله
سويت ريوك واكلت واجيت يمهن بالصالة كعدت اكلب بالفون مالتي
ازهار: وهسه شراح تسون
اها اي هم احسن عنده جهال ميصير
الله يريح بالهم يلة روحي من تخلصين خابريني
ياسمين: ويامن تحجين عمه
ازهار: ويه عمتح انتظار
راحيه اليوم لمرت احمد وهذيج معنده ومتقبل ترد الا بيت وحده وانتظار تكول بالكوات قنعت احمد يطلع يكعد بيته يريد يطلكه
ياسمين: اي وشصفت
ازهار: راح يطلعه بيت وحده ويشوف عذره
ياسمين: الله يهديهم
اجت امي وسوينه غدة ومشه روتينه عادي وضل الوضع سبوع وكلشي طبيعي جنت كاعدة العصر بحديقتنه الصغيرة على المرجيحه واقره كتابي جنت لابسه دشداشه ماروني شويه مخصره عليه سمعت الباب اندكت رحت فتحته صار بوجهي احمد
ضليت صافنه
احمد: شنو راح تخليني على الباب ؟
ياسمين: اسفه لحظه بس اسويلك طريق
احمد :شونج
ياسمين: الحمد لله عن اذنك رحت جوه وكتلهم اجه احمد واخذت عبايتي وطلعت كتله تفضل للديوان
احمد: دخلت وكعدت _مرتضى مو هنا ؟
ياسمين: اي راح لبغداد يجيب بضاعة للمحل
احمد: خالي والبقيه وين
ياسمين: ابوية طلع ويه اصدقائة وعمتي وامي اجت عليهم عمه انتظار الظهر معرف وين راحو
احمد: اها راحن يجهزن للبيت امي كلتلي تعال لبيت خالك
ياسمين: اهلا بيك طلعت جبت الضيافة وكعدت جوري: اليوم معطلة سحلته سحل حتى مااكعد وحدي وياه
جوري: هلا احمد شلونك
احمد: الحمد لله انتي شلونج شلون الدوام
جوري: الحمد لله عالخير سمعت حتعزل لبيت وحدك
احمد: الخير يصيبج شنسوي نريد حل مرضي
جوري: الله يهدي القلوب
ياسمين: هي غزه رجعت لو متانية تكملت تجهيز البيت ؟
احمد: ها لا بعده
ياسمين: الله يسعدكم
احمد: ......
احمد بداخله :(لو بيدي ولا ارده والله اخاف ربي ومااريد اكسر ركبته بطلاكه جان طلكته وتزوجتج انتي بسرعه مثل ماسكنتي كلبي بسرعة )
اتصل موبايل جوري وطلعت ترد
احمد: ياسمين ليش حاظرتني
ياسمين: لان ماكو داعي وجود رقمك بموبايلي
شسوي بيه
احمد: ياسمين ليش هيج تسوين تره والله الدنيا داتصفعني كومه ودور تجين انتي عليه تدرين بيه ارتاح من احجي وياج مااريد منج شيء بس سمعيني لمن اكون مخنوك
ياسمين؛ احمد هذه غلط مرتك اذا شافتك شتكلله بلة
احمد :ماله علاقه هاي خصوصياتي
ياسمين :ماكو خصوصيات بين الزوجين
احمد: هسه شعليج بغزه يابة بس اريدج تسمعيني حتى لو لاتحجين شيء من اتصل بس سمعيني من احجي
ياسمين: اتصل بغزه وفضفضله هي مرتك ومن حقه تشاركك همومك اما اني مااكدر وهم مافارغه طول الوقت اسمع قصصك
احمد: هيج صار مافارغه يابة شطالب منج بس ساعة باليوم بس اسف شكلي زاعجج باتصالي
ياسمين :سكتت ورجعت جوري شوية واجت عمتي وضلو يسولفون وراه شوية وراحو واني كملت يومي طبيعي .
