#مساء الخير #
"رغم كسرت قلبي احببتك"
زهرة: جان خبر موت زينه الله يرحمه صادم للكل انقهرنه عليه كلنه لان بعده صغيره وعافت طفل صغير ماحس بحنانه وحبه وامومته الله يرحمه ويغفر اله رغم شكد اذتني زينه بس موته فطر گلبي حزنت عليه هواي سمعت خبر من ماما ازهار رغم اني بعد اخر حادثه مااتواصل هواي وياهم لان زعلانه منهم بس بيومه مدري جنت ضايجه ورديت سمعت الخبر الصادم بغلت عمتي واختي وحجزنه للاسف ماحصلنه حجز قريب وحجزنه على اقرب حجز وصلنه يوم ثالث من فاتحه الله يساعدهم جانو كلهم مدمرين عليه الله يرحمه ضلت عمتي يمهم وكالت اضل لاول جمعه وارجع اسافر اني رحت لبيت اهلي لان ناوية ارجع ويه عمتي اشو تعين ولسة مافتحو المن اضل هنا هناك الجو غير غير من نفسيتي ومزاجي وعمتي وزوجه واختي وزوجه مامقصرين وياي بحيث فلوسي الي جامعتهم من رواتبي يم يمان صرفتهن ملابس واحذيه وجنط رحت يم اهلي جنت مشتاقتلهم حيل حضنتهم وصالحتهم وضحى هم جنت مشتاقتله وايناس سلمت عليهم ورحت لغرفتي الي مشتاقتله اكثر رتبت ملابسي الي اشتريتهم من تركيا وغراضي ووزعت هدايا الهم جنت حيل تعبانه نمت على سريع كعدت ورة ٥ ساعات نوم نزلت يم اهلي شفت ضحى واكفه تسوي عشى وحده _ ها شو وحدج ماكعدتيني اساعدج
ضحى: لاحبيبه شعندي هن مقليات مايرادلهن شيء
زهرة :شجاي تسوين
ضحى :كبه وبورك وكباب وطماطه كلي
زهرة: الله مشتاقتلهن
ضحى: شنو مايسولج هناك
زهرة: خية سكتي عمتي واختي متعلمات على تركيا بحيث اكلهم كله تركي وحتى حجيهم خلوني اضبط لغه هناك كد مايحجون تركي
ضحى: شلونه المعهد كملتيه لو عفتيه
زهرة: لا كملته قبل اسبوع انطوني نتيجة التخرج وضبطت اللغه سهله لغة تركيا
ضحى: بس انتي ماتحتاجيه هواي
زهرة :هيج بس اتونس شافني ابن عمتي ضايجه كالي تونسي بيه طلعات واصدقاء احسن من ماكاعده
ضحى :اي هم صح احسن مبين جو هناك موالمج حليانه
زهرة: اي يخبل هناك وحتى من تضوجين ترحين للبحر تنسين كل همج بالهوه النقي الي تاخذيه
ضحى :الله يريح بالج
زهرة :حبيبتي تسلمين وانتي بشري شخبارج ويه مرتضى
ضحى: مالي كل اخبار
زهرة: ليش
ضحى: مرتضى مايحبني زهرة هاي صارله شهر مااجه وشافني تدرين شفته من اخذنه للفاتحه تخيلي شهر رجلج ماتشوفيه وعايش حياته ويه مرته طبيعي واني مايسأل عليه حتى مصروفي يجي ينطيه لخالتي
زهرة :معقوله مرتضى هيج يسوي زين ليش
ضحى :لان مايحبني يحب ايناس واخذني بس حتى يسكت امه جابني حالي حال قطعة اثاث بالبيت وركني على صفحه والله ساعات افكر اولي لبيت اهلي وساعات انعل شيطان واسكت مااريد ازيد هم على اخويه
زهرة :وانتي ليش ساكته ليش ماحاجيتيه شنو بكيفه شكو يتزوجج اذا مارايدج
ضحى: شحجي زهرة خالتي ماخلت كلمه ماحجته ويوميه عركه كام للبيت مايدخل ويضل اسبوع مايشوف امه تالي ملت منه وسكتت تخيلي حتى من يجيب المصرف مالتي مايسال شلونه ميته عايشه مريضه مصخمه هذاك ليوم وصلت للموت صخونه ونشلة تخابره خالتي يكلله اجري تكسي وروحي مو انتي الي ردتيه وهي ماكالتلي حتى ماتجرحني بس اني سمعته ضيم زهرة وكله بالعته وساكته
زهرة :وليش ساكته ضحى بيه نتيجه سكوتج مو جاي يزيد ويدوس عليج بعد
ضحى: ساكته لمن تخلص طاقتي بعد انفجر
زهرة :وبرايج هذا شيء صح بالعكس اكبر غلط انتي مرته والج حقوق مثل ماايناس اله ولازم يعدل بينجن
ضحى :مايكدر اعرف نفسه مامتقبلتني بس شسوي متانية اخوية يرد هالفترة بالموصل خل تخلص واجب موصل واروح اله
زهرة: تريدين احجي وياه
ضحى: وشيفيد خالتي ورجل خالتي حجو ومافاد وحتى عمتج هو قافل اني مااعتب عليه لان حب مو بيده بس اعتب على ذبته اليه بهالشكل تكول شيء مقزز مايريد يشوفه قبل ماتجي ايناس جان زين يسولف وياي صح جان كل سوالفه عن مرته بس على الاقل محسسني اني بشر يسال عليه يكلي شلونج اني هسة اذا طلعت للطارمه وشافني صدفه من يطلع يدور وجه ويمشي بدون كلام تكول عدوته
زهرة: كافي حبيبتي لاتبجين خل يولي هو الخسران كل هالجمال والاخلاق وعايفه سوي الي ترديه والي ترتاحين اله لاتضغطين ولاتجبرين نفسج على شيء خابري سجاد او عمج وروحي يمهم
ضحى: خل يرجع سجاد اخلي يشتري بيت واطلب طلاق
زهرة :استغفر الله كلت لامي مايرهم هالزواج وهي عاندت
ندكت باب مطبخ وفات مرتضى هي دارت وجه للسنك ماخلته يشوفه وغسلت وجه وراحت للطاوه تكلي بس وجه احمر حيل
مرتضى: ها زهورة مشتاقين
زهرة :واني الاشوق شلونك ماشفتك يوم من اجيت
مرتضى: اي عطلة يوم جنت نايم
زهرة :على الخير على سيارة الجديده حلوه بالعافيه
مرتضى: خير الي يصيبج يوم الج
زهرة: ان شاء الله
مرتضى :شنو شمسوين عشا ميت جوع
زهرة: شنو تريد تاكل هنا
مرتضى: اي ايناس وديته لاهله امه متخربطه
زهرة :ها عده العافيه يلة روح للصاله راح نصب العشى
راح مرتضى واني اخذت سفرة فرشته وصحتلهم صبينه عشى كعدت يم عمتي ومرتضى مقابيلنه ويسولف ويه ابويه على شغل اجت ضحى كعدت يمي تاكل بس جذب تنقش بالاكل مرتضى رفع راسه شافه ورجع كمل اكله وهي شويه وكامت سوت جاي كملنه اكل وشلت غراض وغسلتهم ووزعت جاي وكعدت اسولف وياه اغير عنه الجو وهي ضايجه
ضحى: لو انتي مو هنا مانشوفه
زهرة :جا من تروح ايناس وين يضل
ضحى: يروح يسهر يم ولد عمه او عمته ودور يرجع لبيته ينام
زهرة: مايجي ابد لهنا
ضحى: ابد من رجعت ايناس واني ماشايفته صدف بس
زهرة: الله يهديه يجوز يبات هنا
ضحى: لا مااتصور هسة يروح اكلج اني صاعده اسبح واخلص اجيج تراويني صوغتي الي مانطتينياه
زهرة: كتلج الج حصة الاسد ماردت اشعل حرب بينج وبين ايناس روحي وتعاي يمي
ضحى: تمام
زهرة :كامت ضحى وراحت لغرفته واني هم صعدت لغرفتي احظر بصوغته ماطلعته لان خفت تزعل ايناس اني ضحى اشتريتله اكثر ملابس طلعه وقبوط وبوت وجنطه وحتى ملابس نوم لان ضحى اعتبره اختي وهي هم يتيمه فمعزته قويه عندي على رغم صوغة ايناس ماقاصرة تقريبا ساعه واجت مبدله ومشطه ظفيره وهي شعره طويل وسرح طالعه حلوه
ضحى: يلة راويني
زهرة :هذني شوفيهن
ضحى: كلهن اليه ولج
زهرة: اي
ضحى: يابعد گلبي زهورة هواي ولج تسلميلي
زهرة :تستاهلين الاكثر
ضحى :يمه اروح فدوه تعاي انطيج بوسه
زهرة :كومي كدري هالفستان عجبني وجبته اخر قياس اني ماصار عليه بكت يصير عليج حريمات
ضحى: اي ولج يجنن هذا مالت مناسبات
زهرة: اي حيل عجبني بس خلصان واخر قطعه جبته شكد دورت محلات عليه مالكيته اختفه
ضحى :يلة رايحه اكده بالحمام
زهرة: راحت تكدره جان فستان كلش حلو احمر صدره تفاحه ومفتوح ومابيه ردانات بس مثل وصله على ايدين صايره نازله ويه مستوه الخصر وقصير فوك الركبه لونه شعشاع اخذته وماصار عليه سحاب ماتنسد كلت ضحى اضعف مني بكت يصير عليه
ندكت باب وفتحته جان مرتضى دخلته للغرفه
مرتضى: شنو ضحى يمج
زهرة: اي بالحمام جاي تقيس ثوب
مرتضى: مو اكول ماهي بالغرفه
زهرة :ها ضحى وينج وين صرتي طلعي
ضحى: خلصت جايه بس اكلج هذا يرادله مكياج قوي حتى يبرز وجهي لونه عماني
زهرة: دطلعي خنشوفه
ضحى: اجيت
زهرة :طلعت ضحى ماتدري خطيه مرتضى يمي من شافته تبنجت بمكانه وهو هم ضل فاك حلكه عليه لان جانت كلش حلوه لون يشع عليه وهي بيضه صار يجنن الفستان كاعد وزن عليه ومفصله تفصل _مرتضى جاي يسال عليج
ضحى: ها شرايد
مرتضى: ها اححم لا بس ماشفتج بالغرفه من صعدت انام
ضحى: شنو راح تبات هنا
مرتضى: اي
ضحى: ها تصبح على خير ملابسك بكنتور الاول مخليتهم
مرتضى :جا شنو متجين تنامين
ضحى لا انام يم زهرة
مرتضى: ليش
ضحى: ارتاح اكثر وانت هم ترتاح اني رايحه ابدل
زهرة: رجعت للحمام ومرتضى ضل صافن عليه لحد مافاتت وراه طلع بسرعه واني ضاله صافه بينهم احس مرتضى مايل اله بس يستحي شلون هي اصغر منه بهواي مدري مجاي افهم مرتضى يريده ومايريده بنفس وقت طلعت ضحى من حمام
ضحى: اكلج لمي غراض وسويلي مكان انام
زهرة :شورطج يمي وين تكفي جرباية
ضحى: بالكاع فرشيلنه نام
زهرة :نازله اجيب فراشات
نزلت جبت وفرشت وضحى بسرعهنامت خطية تتعب بالبيت بس هي وعمتي مرات تساعده ومرات ماموجوده كعدت صبح على صوت باب بس ماكمت نعسانه كامت ضحى للباب
مرتضى :ملابسي داخليه وين اريد اسبح مالكيتهم
ضحى: مو كتلك اول كنتور بيه ملابسك
مرتضى: ماموجودات تعاي طلعيهم
ضحى :شوف جرار مالت كنتور اكيد بيه
مرتضى: دورتهن كلهن ماكو
ضحى: اكيد اكو انت ماشفتهن ارجع دور
مرتضى: لاتخليني اصيح زهرة نايمه تعاي للغرفه ودوريهن مراح اكلج امشي يلة
زهرة: سحبه واخذه للغرفه واني رجعت نمت كعدت بال ١٠ غسلت ونزلت جوه محد بالبيت بس ضحى بالصالة تتريك _ها صباح الخير
ضحى: صباح نور
زهرة: شوكت كعدتي
ضحى :ليش اخوج يخلي واحد ينام من ٦ فززني يدور على ملابسه وهنه كباله
زهرة: خاف يجذب يريد بوسه حظنه خطيه جفاف عنده
ضحى: اي نعل مو بوس هو اخوج يمته شايف دربه من ورة ايناس عنده بس ايناس مرة احنه زلم
زهرة :هههه انتي مو ماتحبيه شكو ضايجه
ضحى: مااحبه وماضايجه بس زعجني صبح من كعدت ماكدرت انام بعد
زهرة :شو الاهل ماكو
ضحى :عمتج وصله مرتضى لبيت عمج محسن كالو طفل متخربط وبيبيته ملتهيه ويه اخته مو هنا فاخذته عمتج للمستشفى ويه امل وامج راحت للسوك
زهرة :شبيه متخربط شجاه
ضحى: يمكن ابو صفار ويتقيئ هم ينقهر طفل يحس بامه خطيه
زهرة: الله يرحمه
ضحى :الله يرحمه صدك بنت عمي نخطبت
زهرة: ياهي منهن
ضحى: الاصغر من جبيره
زهرة شعجب مااخذو جبيرة
ضحى: لان شكره هاي اخذوه
والله بدي اخطب جبيرة لسجاد بس كون يقبل
زهرة :اي خوش فكره حاجيه وقنعيه
ضحى :خو ماتزعلين زهوره
زهرة: لا ماازعل عليمن سجاد مثل مرتضى: معزته وزواجنه من بداية غلط
ضحى :الله يرزقج ابن الحلال الي يريح گلبج
زهرة: تسلمين حبيبتي والله يهدي مرتضى عليج
ضحى: مرتضى سالفته ماتنفهم ماتعرفيه شيريد على عموم العصر عقد مالته خابرت سجاد اذا لحك ياخذني واذا مالحك يجي اشوف عمي
زهرة :ومرتضى كلتيله
ضحى: لا اني اكول لخاله تبلغه
زهرة: كوليله يوصلج خو
ضحى: مااريد منه شي
زهرة: وج رجلج لاتسوين هيج وتتنازلين عن حقوقج
ضحى: كلهن اله حقوقي خل يرجع اخويه بالسلامه واأمن وازوجه وراه اجيه واذب حملي عليه
زهرة :اوف يامرتضى يرادلك عيون جدد ماتشوف انت
ضحى: خليه اعمى احسله باجر عكبه اطلك واتزوج غيره شنو اضل عليه
زهرة :كامت ضحى تسوي غده وامي رجعت من سوك رتبت مسواك للظهر صار غده اجة ابوية ومرتضى على غده
ام مرتضى: ها شو يمنه مارجعت مرتك
مرتضى: امه ضاربته جلطه ومشلوله جاي يدارنه عما ترجع اختهن الارمله من لبنان
ام مرتضى: يا شجاه
مرتضى: هي مريضه وهم علاج ماتاخذ
ام مرتضى: جا اختهن شعده بلبنان
مرتضى: تعالج ابنه مريض وقربت تخلص يمكن اسبوعين وترد
ام مرتضى: وهسة منو متناوب عليه غير ايناس
مرتضى: ايناس وبتهم الزغيره الي بالمدرسة ماتكدر وحده راحت ايناس وياه
ام مرتضى: الله يشافيه ويكومه بالسلامه
حسن: ماخابرتي ازهار وشفتي حفيد محسن شلون صار
ام مرتضى :خابرته كالت مدخليه بالمستشفى ولسة ماكتبوله خروج
حسن: الله يشافيه خطية هالولد
ام مرتضى: اي والله خطيه سولفتلي ازهار تكلي خطية ابوه يركض بيه وحاير بيه ومايعرفله وامل صغيرة ماتعرف للجهال ومرت محسن يم اخته ضاله
حسن :اختهه مو عده بنات جا هذا الولد شذنبه شامريه على امل
ام مرتضى: متبهذل هالطفل ماصارله اسبوع من اجه للدنيا وهيج متعلعل الله يكون بعون يمان حاير بيه
حسن: امين
زهرة :كملنه اكل وغسلت ماعين اني وضحى واهلي راحو ينامون ومرتضى هم صعد بغرفة ضحى ينام واني وضحى ضلينه بالصالة نتابع تلفزيون
وضحى خابره سجاد كالله ساعه واني يمج راحت لمت غراضه وبدلت ونزلت وودعته وراحت ويه اخوه للمغرب كعدو اهلي ومرتضى هم كعد
ام مرتضى :ضحى راحت
زهرة :اي اجه سجاد عليه
مرتضى: شنو وين راحت
ام مرتضى: يوم عصر عقد بنت عمه وراحت اله
مرتضى: وهاي شلون تطلع بدون ماتكلي شنو هيته هي
ام مرتضى :استأذنت مني واني كتله روحي
مرتضى: ليش منو رجله اني لو انتي غير تجي تكلي
ام مرتضى: جديده هاي مالت رجله اشو هذاك يوم اكلك مرتك مريضه راح تموت من صخونه تكلي وديه انتي مو انتي الي جبتيه
مرتضى: يمه جانت طالعه وياج هاي وحد بس مو تطلع ويه اخوه وماتكلي واكفه هاي
ام مرتضى: انت عقلك مو براسك ماتعرف شتريد
زهرة: عافته امي وراحت وهو ضل يدور بتلفونه اخر شيء اجاني
مرتضى: نطيني رقمه زهرة
زهرة: رقم منو
مرتضى: يعني منو غير ضحى صخام دزيلياه بسرعه اني طالع
زهرة :وين رايح بهالغروب
مرتضى: اجيب الخانم
زهرة: طريق خطر مرتضى صبح جيبه اصلا هي كالت لامي تبات
مرتضى :حلو كل هذا واني اخر من يعلم دزي زهرة رايح اني اسحله من بيت عمه
حاسبتني طرطور
زهرة :دزيت رقم وهو راح كبل خابرته ردت عليه _مرتضى جاي ومتخبل شلون طلعين بدون ماتكليله راح يسويه عركه شكله مايطمن
ضحى: خل يجي اني سولفت لاخويه كل شيء وراح يتفق وياه على طلاق
زهرة: ولج ليش هو منا عصبي وتتلكيه بيهج سالفه هسة ينفجر
ضحى: لاتخافين اصلا راح يفرح ويكيف
زهرة: لا مااتوقع مرتضى ضايج حيل لان عبرتيه وماكتيله مااتوقع راح يفرح بالطلاق
ضحى: مااعرف هو سجاد يتصافه وياه
زهرة: يلة روحي عيني رايحه اسوي عشى
سويت عشى ورتبته واكلنه مرت ٤ ساعات على طلعت مرتضى ولل١١ ونص ياالله اجه امي ماتت من قلق عليه وكلسا نتصل ومايرد لاهو ولا ضحى نفتح باب وجان كامش ضحى من ايده وينه ام طلاق والانفصال وهياته كدامي واكفه
ام مرتضى: وينك يمه طولت شغلت بالي عليك
مرتضى: سالي جنتج ليش طولت
ام مرتضى: خير يمه شصاير
مرتضى: فوك طلعته بدون علمي وشوري تروح لاخوه تسولف حجي ماصخ وتكله طلكني وهذاك المخبل مصدك ويريد يطلكه مني
ام مرتضى: ليش بنيتي هيج تسوين تزودين النار ليش توصلين لاخوج
ضحى: وليش مااسوي هيج خاله انتي اكثر وحده تدري بيه شدايصير بيه ابنج اني مااشوفه عايفني هنا ومايسال عليه وجودي وعدمه ماكو ليش اضل دافنه عمري ويه شخص مايريدني طلاق انسب حل
ام مرتضى :على كيفج يمه مو كلشي ينحل بالطلاق بالتفاهم
ضحى: ليش شنو جاب تفاهم مو كعدتي وياه وحجيتي شكلج ترة كلشي سمعته كالج مااريده جاهله طفله لو عندي جهال بنتي بكده
مرتضى: صوتج مااسمع لاتحجين شيء الله رحمج اليوم طريق طويل وهديت بيه والا على سوالفج يوم اكسرج تكسر
ضحى: ماسويت الا حقي اني مااريد اكمل هالعبه هاي واريد اطلك واذا كدرت تسكت سجاد هالمرة ماتسكتني اني
مرتضى :اسكتج واسكت عشرة منكم كافي لاطلعيني من طوري
ام مرتضى: كافي مرتضى هي هم حقه جا مسميه زواج هذا عايفه هنا ومكضيه يم ذيج امشي زهرة صعديه لغرفتج خل ترتاح
مرتضى :اوكفي زهرة وين رايحه ماتروح يمج تروح لغرفته وتنطم وتكعد بيه
ضحى: مااروح واني مايجمعني وياك مكان منا وجاي لحد مايجي اخوي ويحل هالزواج واخلص
مرتضى: تضلين بيه وغصبا عنج واريد اشوف شلون تنفصلين مني طلاك ومااطلك وركعي راسج بستين حايط
امشي ولي لغرفتج يلة
ضحى :ماصعد لو تموت
مرتضى :هيج الحجي خنشوف كلمت منو تمشي
زهرة :ركضله مرتضى وهي ركضت بس مالحكت كمشه اني لبالي راح يضربه ردت افاككهم بس طلع شاله على متنه بطنه صارت على جتفه واخذه وصعد وهي تصيح ضلينه اني وامي بس نضحك
ضحى: خاله تعاي لحكيني لاتعوفيني يمه مااريده خاله خابري سجاد فدوه زهرة خابري اخويه
مرتضى: الي تخابر اكسر ايده وانتي سكتي لا اشمرج من درج
ضحى :مااسكت نزلني مرتضى هدني مااريد خوموكوه وخر عني شهالبلوه جنت خلصانه منك شجابك عليه
مرتضى: ماشفتي شيء راح اصير كابوسج صبريلي
ضحى :وخر وج خاله وينج وخر مرتضى نزلني راح اتقيئ نزلني
زهرة: اخذه لغرفتهم وقفل باب وهي ضلت تصيح ودك باب شويه وسكتت يمكن اخويه نطاه بوكس نيمه بيه كعدت صبح وهي جوه متكترة وزعلانه حتى ماتحجي ويه امي شلون مادافعتله ومانقذته منه ومرتضى محرم عليه طلعه وتلفونه ساحبه ضاله منفرده خطيه مشه يومنه طبيعي لحد الليل اجت يمي نامت لل١٢ ندكت باب ودخل مرتضى جر غطه منه وسحبه من رجله وشاله
مرتضى: ماتوبين انتي شكتلج بارحه مو كلت ماتنامين الا بمهجومتج
ضحى: لو تموت ماانام يمك
مرتضى :غصبا على راسج اكسر راسج اليابس هذا وانتي زهرة اذا استقبلتيه بعد اكسر راسج هم
زهرة :يا واني شعليه هي تجي يمي
مرتضى: طرديه بعد
زهرة :شاله واخذه وهي بدت نوبة صياح وبجي مددت بفراشي وفتحت انستا اكلب شو على ساعه رجعلي شوق والحنين رحت فتحت حظر عن يمان اشوفه شناشر مالكيت شيء ناشره رجعت حظر مالته راسلت امل اطمن عن الطفل وماردت عليه تالي نمت وعفته .
