فتحت عيوني وضليت افر براسي هاي اني وين مو غرفتي هاي غرفة مستشفى رفعت ايدي مضمديه والثانية مشكلة بكانونه درت راسي ويه فتحت الباب دخلت ماما ازهار وابوية
ازهار يروحي كعدتي شلون صرتي يمه
حسن باباتي شلونج
زهرة خالتي ماتت مو
حسن حد يومه بابا وهالانذال نحاسبهم بس نعرفهم بالاول
ازهار: يلة ماما كومي اكلي خسرتي دم هواي حتى حطولج بطل دم
زهرة :خايفة ماما هم مراح يكتلوني مو
ازهار :اسم الله ماما شعدهم وياج اني يمج محد يمسج لاتخافين
زهرة :اخذيني للحمام ماما
ازهار :من عيوني
زهرة: سندتني ماما وكومتني بالكوه امشي رجلية جامدات ورجفه بجسمي اخذتني عمتي للحمام غسلت وبدلتلي عمتي ورجعتني للغرفة رجعت مددت شوية اجت الممرضة بدلتلي الكانونه وحطتلي دوه بالمغذي -ماما شصار خالتي دفنوه لا
ازهار :اي اخذوه الصبح
زهرة :شوكت دريتو
ازهار :خابرنه يمان باليل من اجاج واجينه خطية امج فرفحت من شافت اخته ادور كامت تفرفح عليج من شافتج مدده ونايمة لسبالة متي بالكوه قنعته ترجع للبيت كلسا وضغطه معلك علينه
زهرة :زين ماعرفتو منو هذوله
ازهار: والله يمة ماادري منتظر ابن خالتج كال اني ماشفتهم والته هم بدفن امه الله كريم لاتشغلين بالج انتي يوم
زهرة :الله كريم شوكت اطلع اني
ازهار :اليوم نبات الدكتور كال من تستقر حالتج نطلعج
زهرة: ليش شبيه
ازهار: عندج انهيار عصبي وفاقدة دم هواي خلية اليوم هنا احسن
زهرة :الله كريم
ضلينه اليوم هنا والصبح اجه علينه بابا وطلعنه للبيت قريب البيت سيارات كومه وهوسة بالشارع سألت ماما كالت الفاتحه هنا نزلتني ماما ازهار ودخلت للبيت جانن خواتي بالمطبخ المتمن عليه يسلمن صعدتني ياسمين لغرفتي ونيمتني شوية واجت ايناس جابت ريوك وغصبني اكل ضليت على هالحال اسبوع واني اخاف اطلع من البيت وضعي متخربط حيل بنت خالتي عدنه ضلت والي سمعته من البنات ان بيتهم مكتوب عليه مطلوب على الرغم منتظر ماعنده عداوات واصدقائة قليلين وخطية هو حتى ماخذ اجازه يريد يعرف منو سو هيج ومكضيه يم عمامه اني ورة فترة يلة رجعت لصحتي صح بية الخوفه لسة واخترع بسرعه واذا صار الليل اركض ورة عمتي مااضل بمكان وحدي وين جنت وين صرت صرت جبانه بشكل رجعت للصيدلية ورجع روتيني الطبيعي بس صارت عندي جرت اذن مااطلع ولاابات عند احد كلشي وارد شكد توسلت بيه امل اجي ابات عدهم ابد ولاقبلت وزعلت مني رحت راضيته وحجيتله وضعي وقتنعت وضلينه كل فترة وحده تسير على الثانية بالنسبة لخواتي هم حياتهن طبيعيه ماشية ياسمين بعد احمد قافل علية ويريده وهي صح ماترضى بس بينه وبين نفسة تحن اله ونظراته نفسة تفتر وراه وبدت تقتنع ماما ازهار قنعته واحتمال قريبا يزوجون احمد حكيعد عند اهله وهذا طلب ياسمين بس هو اشتره بيت ومأثثه ويكول بس فترة الاولى وراه ينتقل هم حقة يريد يستقر بحياته وهو جبير مو صغير اما اختي جوري حددت زواجه وموتت خالتي اجلت كلشي واحتمال ورة ماتمر فترة على موتته ايناس للاسف الاطفال حيل تعبانين ومانعرف اذا حمله حيعدي او لا قبل فترة تخربطت وهسة عند اهله وهاي احنه حياتنه جاي تمشي مكضية بين دوام وشغل وطلعات بيوم جان عمي محسن عازمنه بس بيتنه على العشى ورحنه ابوية وامي وماما ازهار وياسمين وجوري اني جنت بالصيدلية ودزو علية كرم ياخذني ووصلني لبيت عمي ومرت عمي مامخلية شيء مامسويته من اكل بيت وبرة ساعدناه وهالمرة فرشنه كلنه سوه لان احنه ماجاي ويانه مرتضى فرشنه بالصالة سفرة شطوله وكعدنه كلنه سوة ناكل فاجئنه كلام عمي خلة حتى الاكل ماينبلع ووكف بلعومي
محسن: ابو مرتضى اريد باجر تجي وياي نخطب ليمان
حسن: بيه الخير الف مبروك وليدي منو الرايده نعرفهم ؟
يمان :الله يبارك بيك عمي ربي يحفظك
محسن :اي بنت خالته
حسن :الله يتممه على خير تدلل
محسن :اني كلت لعلي امس من عزمته واريدك انت اخونه الجبير ونتفق بعده على المشية
حسن :ان شاء الله
زهرة :عيوني نملت دموع مو كادرة استوعب صدك يريد يخطب هو مو كاره الزواج لا ودور يخطب بنت خالته معقولة نفسة الي يحبه صافنه بوجه وهو يحجي بأريحيه ومبين فرحان اكيد يفرح منو يمه قابل روحه متشعوطه لو قلبه مضروب مثلي رفع راسة التقت عيونه صفن بوجهي ياترة حضل ييمان محتركه بحبك وانت مو مهتم ياترة طرقنه مفترقه ومراح تلتقي بيوم اه يبن عمي شورطني وحبيتك وانت حبك مثل النار تشعل ومااكدر اطفيه وبعدي عندك يحركني بالنار اكثر اتمنى لو شعرة من حبي تحبني بيه اتمنى
دنكت راسي ووكعت دمعتي سويت روحي اكل واكلب بالاكل شكد ماجنت احب هالاكلات وجوعانه بس نفسيتي حتى المي مامتقبلته ولااكلت لكمة وحده بس كامت مرت حسين كمت وراه بسرعه للحمام ابجي واني فاتحه المي يضيع صوتي اني استاهل اني استاهل كلشي بس مو ذنبي والله مو ذنبي احبه وهالشيء مو بيدي امنعه لوبيدي امسح هالمشاعر واخلص منه لو بيدي انساه اه اه ليش جاي اتعذب ابجي واخنك صوتي بيدي ياريت مارجعتو لحياتنه ياريت ضليتو بعاد
