*مساء الخير *
"رغم كسرت قلبي احببتك "
* اعتذر عن التأخير بس جان عندي ضرف صحي
زهرة : نمت وفزيت على صوت ابن بتول خرب بأبليسه شكد مزعج مايرضه يسكت كعدت ماشبعانه نوم ومطنكره حتى يمان فز من صوته
يمان :صباح الخير
-: صباح النور
كام لبس ملابسه وطلع للحمام كمت لميت الفراش وعزلته ونتظرته حتى يجيب ملابسي من حبل مااكدر اطلع اجه للغرفه جان سابح وينشف بشعره
-: يمان اريد ملابسي
يمان: هسة بس اكمل اطلع اجيبهم
على الرغم ملابسي حلوات عليج بس شنسوي جيت كرم كطعت عنه الكهرباء
-: وين حلوات ماعجبني ومابيهن فايده متت برد بيهن جيبلي ملابسي خل ادفى
يمان :برد ضلوعج يحتاج حضني حتى اشبعه دفو بس انتي حقيرة حتى ويه نفسج تتحملين برد وماتجين
-: خلي الك يلة امشي جيبلي ملابس
عافني وطلع مبتسم جاب ملابس وراح اخذت تبديلة ولبسته وطلعت يم بتول صبحت عليه وسويت جاي تريكنه سوه اني وياه
-شنو وين يمان وكرم
بتول :كرم يريد يفتر بالبستان واخذ يمان وياه ولج انتم شلون كاعدين هنا
اني مااتحمل راح ارجع لبيت اهلي كلت لكرم
-: ليش شكو
بتول :شنو شكو بيت قطعه من ثلج موت برد وفوكاه بطانيتين ومادفيت
اني اخاف على ابني صغير لا يتخربط عليه وانتي هم لاتضلين روحي لاهلج ومن يرحن ردي
-: روحي خية حقج مكان مو مالت سكن وشكد حجيت ردت يمان قافل مايقبل نرجع وصلت وياه كتله اجر النه فندق وماقبل
بتول :يا هذا شبيه شسالفه قحط فندق واصلا عليمن فندق شبيج زهرة روحي لاهلج وهو يم اهله فضت راحت
-: واعوفه يمهن يمكن ارجع الكاه متزوج عليه دسكتي خية وج هذني مسمومات مامنهن امان
بتول: شسالفه يمعوده مو لهلدرجه
-: واكثر وج كلشي يسون هذني عدهن جذب شربت ماي ويتحلفن عادي مو بعيده يسوللهن مكيده اله حتى بس تلزك روحه بيه نسيتي امهن شكالت اذا امهن قابلة تسوي مكيده ليمان جا هن شتترجين منهن
بتول :خوفتيني ولج واني مامحسبه هالحساب زين شسوي بيت ماينحمل بارد وخدمات ماكو انتي شراح تسوين
-: شسوي كاعده وساكته وراضيه بقسمتي وين اروح يعني اذا يمان احجي وياه لابسني
بتول: خل نحاول اني وياج نقنعهم نأجر فندق او نروح بيت اخوهم الجبير حسين
-: مااريد اقطع واهسج بس رجلي واعرفه ماراح يقبل
بتول: ادري ليش شسالفه
-: ماخذ كعدته هنا اجازه اله مسترخي بعيد عن ضوضاء على كولته اريد ارتاح من متاعبي وضغوطاتتي
جابنه لتلفات الدنيا علمود يرتاح
