#مساء الخير #
"رغم كسرت قلبي احببتك "
زهرة :
صحت _والله اتزوجك موافقه والله موافقه لاتسوي هيج فدوه لاتغضب الله
رفع روحه شويه وحجه
يمان: حلفي قسميلي
زهرة: والله والله والله فدوه عوفني حباب لزم فك وجهي وحجه
يمان: باجر اجيب سيد نعقد اذا كلتي لا تعرفين شسوي ماضل اليه صبر جنت مستعد اضل طول عمري انتظرج تقتنعين بس هسة مااكدر بعد
كام عني يمسح بوجه واني كمت ركض للغرفة قفلت باب وكعدت وراه ابجي بعلات صوتي متت خوف على شوية جان نهى كلشي الله نقذني منه الحمد لله مو هو نفسه يمان الي اعرفه هذا واحد ثاني ضليت للصبح ارجف وانفض براسي وابجي وبنفس الزاوية كاعده للصبح دك باب
يمان: كومي زهرة بدلي السيد اجه
زهرة: سكتت وخنست بمكاني
يمان: زهرة لاتخليني اكسر باب وتصير مو خوش بينه انتي قسمتيلي
زهرة: كمت فتحت باب شفته وطيكته بجيه _يمان فدوه
يمان: غسلي وجهج وهاي عباتج لبسيه وتعاي خمس دقايق والكاج جاية زهرة اذا صارت اكثر ااذيج
زهرة: ليش هيج فدوه
يمان: روحي زهرة
زهرة: عافني وراح واني متت بجي دخلت للحمام غسلت ولبست عباتي دخلت للصالة لكيت كرم هنا واني شفته لو شفت طوق نجات جان هو ويمان يحجون واثنينهم عصبين ركضت لكرم ابجي
زهرة: كرم فدوه كله مااريد قنعه
كرم :انت شبيك هاي بلسانه ماتريد ليش هيج تسوي
يمان: لاتدخل كرم بينه هالشيء
كرم :ليش تجبره يمان حرام عليك حتى عقدك باطل لان بالاكراه
يمان :مو باطل برضاته
كرم :وين رضاته بنت فحطانه بجي وتكلي مااريد هسة اخابر ابوية يجي يتفاهم وياك
زهرة :اي خابرة فدوه خابر عمي خل يخلصني منه
يمان :لاتخابرة لاقسم بالله مااحسبك بعد اخوي
كرم: استغفر الله ولك ليش هيج تسوي يمان خاف الله بيه مو عدنه خوات
يمان: ليش شمسويله اني معززه مكرمه هنا تاكل وتشرب شمسوي
كرم :كل هذا ومامسويله شيء خاطفه يمان خاطفه ليش تجبره ياخوية
يمان: غصبا عنه تزوجني اني اريده كيفي راح يجي سيد سدو موضوع
زهرة: كرم فدوه مااريد رجعني لاهلي
يمان: زهرة مو قسمتيلي بارحه
زهرة: اصوم عنه فدوه يمان لاتسوي هيج حجيت هيج وهو تخبل رجع نفس ملامح البارحه متت خوف لبدت وره كرم كامشه بقميصه ويمان هجم علينه دفع كرم وسحبني من ايدي للغرفة ضليت مجلبه بالتخم وهو شالني من بطني كمت اصيح
زهرة: كرم لاتعوفني كرم فدوه تعال خلصني منه دفعني للغرفه ودفع كرم برة وسد باب بالسرقاطه متت خوف كلت هاهي راح يكمل عليه اجه وحصرني بالحايط وحجه
يمان: لاتخليني ااذيج زهرة
زهرة: اشهك واحجي فدوه اسمعني خل نسولف اني اني
يمان: اعزج بس ابني اعز مستعد ادمر كلشي علموده
زهرة :واني شذنبي
يمان: ذنبج هذا
زهرة :يحجي ويأشر على گلبي كمل كلامه _طيب وحنين وشما اسوي يرجع يفيض حنان راح يحتوي طفل متعلعل ومتبهذل
زهرة :شمدريك يجوز ااذيه
يمان :حافظج بصم اني وهسة توافقين لو استخدم اساليبي مثل بارحه
زهرة بجيت بحركه: يمان
يمان: لاتبجين مراح اضعف ابني بارحه هد حيلي عذريني زهرة كتلج ابني اعز
زهرة تقرب يريد يفتح ملابسي واني عطت خلاص خلاص موافقه
عافني وطلع كرم تعارك وياه وهو كله روح شوفه كالتلي موافقه وصدك اجه سالني وكتله اي اجه سيد واني بالغرفه ضليت ابجي عقد النه بالكوه انطيت موافقتي صوتي مبحوح خلص وطلع شهدو كرم وعلي صديق يمان طلعو ويمان اجه فتح باب وكال
يمان :حضري روحج راجعين للبيت
زهرة :تاخذني لاهلي
يمان: اي
زهرة :لبست بنطروني وقميصي وحذائي وعبايتي وطلعت كرم يسوق سيارة وعلي بالصدر واني ويمان وره من صعدت علي بارك النه ويمان رد عليه اني مابيه حيل احجي بعد
يمان: كرم وصل زهرة وبعدين وصلنه
كرم: اي تدلل
زهرة: وصلوني قريب بيتنه نطاني يمان جنطتي دخلت للبيت مجان احد موجود رحت لغرفتي فاحطه بجي اضرب بوجهي شسوي تورطت وياه بعقد شلون افسخه حتى لو كلت لاهلي مايسولي شيء بالعكس يحاسبوني شلون عقدت كمت الطم من حركتي وابجي واني بحالة انهياري فتحت باب غرفتي ضحى
ضحى: زهرة شجابج شبيج ليش تصيحين فزيت من نوم على عياطج شهالحالة شصاير
زهرة :مصيبة ضحى الحكيلي يمان عقد عليه
ضحى :اوكفي مجاي افهم شنو عقد
زهرة :يمان تزوجني عقد مؤمن عليه
ضحى ليش مو رافضته انتي شلون وافقتي
زهرة :جبرني نذل وج اني كل هالفترة جان خاطفني بيت بستان وموهمكم اني بيت عمي ومتفق وية امل عليه جان زين لحد بارحه ابنه تخربط واجه متسودن لو تعقدين لو اخذج بالحرام وج متت خوف متت الله لايوفقه الله لايوفقه حقير
ضحى :اهدي حبيبتي اهدي خل افتهم
زهرة: نذل غدرني ليل كله مانايمه من خرعتي
ضحى :سوالج شيء ولج احجي
زهرة :لا بس راد يسوي لو ماالله ستر عليه وخلاء يهدئ ويوخر
ضحى: سوده بوجهه ادبسزز لاتسكتيله احجي لاهلج عنه الحقير هذا
زهرة :شكول ضحى شكول خاطفني وعقد عليه وج اهلي يذبحوني اهل يمان ماينطون بيه ومستعدين يشهدون اني جنت عدهم مو عنده اخ ربي اخ ماادري شسوي ورطني بعقد شلون افسخه لو اموت مايفسخه الحقير
ضحى :هسة كافي موتي روحج بالبجي ارتاحي لااهلج يجون ويشكون بشي وهو اكيد راح يرجع يتواصل وياج احجي وياه روحي لعمج احجي وياه
زهرة :عوفيني ضحى وحدي
طلعت ضحى واني مددت بفراشي للظهر مااحس بروحي بردانه حيل وارجف ضحى فوك راسي تسوي كمادات واني اون من وجع جسمي لزمتني صخونه
ضحى :حبيبه كومي اكلي شويه حتى انطيج علاج ميصير على معده فارغه
زهرة: ماكدر اكل معدتي نار
ضحى :جا شلون ولج حراره قوية لاتنشمرين
زهرة: عوفيني ضحى مااريد
نمت وعفته للعصر فزيت بعدني بردانه وحدي بالغرفه مااكدر اكوم وانزل اجتي ضحى _اهلي وين ضحى شو ماكو صوت
ضحى: خالتي ام علي هي ورجله مسوين حادث وبالمستشفى واهلج وياهم وعمتج ويه ابن يمان داخله
زهرة: يا خطية شلونهم
ضحى: زينين بس رضوض بس لازم يضلون خاف تصير مضاعفات اجيبلج اكل تاكلين
زهرة :اي فدوه خاف اتعبج
ضحى: لاتعبج راحه بس نزلي يمي غسلي تنفسي شويه بكت تنزل حراره
زهرة: اي نازله نزلت جوه وياه وهي راحت صبتلي شوربه اكلت بالكوه بلاعيمي مطوبكه
ضحى: خابرج يمان
زهرة :فزيت بخوف شريد
ضحى: يسأل عنج كتله مريضه ومصخنه كال امر اخذه للمستشفى كتله اذا شافتك تتخبل هو هم افتهم وسكت كال نطيه علاج وراح
زهرة: خل يولي بعدين اني مو حاضرته شلون دك
ضحى: اكيد فاتح حظر هو مو تكولين تلفونج جان عنده
زهرة: صح بس بية رمز وبصمه شلون سواه اوف تعبانه حيل
ضحى: كومي حبيبتي ارتاحي
زهرة :كمت نمت باليل حسيت امي اجت باستني وتشوف حرارتي رجعت نمت للصبح فزيت نزلت اتريك جانت رسالة بتلفوني قريته من يمان للسبت تخلص الاجازه مالتج جنه يوم ثلاثاء دور راجع كاتب احجي ويه صديقتج حتى تلغي مشيه لاتصير يوم جمعه اذا ماحجيتي بالمشيه اكول عاقد عليه
اوف منك ومن اسلوبك راسلت جمانه وحجيتله ان مااكدر واني احب يمان ومااكدر انساه وهي بالكوه قنعت وكالت براحتج بيت فارغ بس اني وضحى للعصر صفنات ندك باب بيت راحت ضحى تفتحه اجت ودخلت وراه امل اني شفته لو جني ركبني كمت اعيط
_شعندج جاية هنا شتريدن ماكفاج الي سويتيه انتي واخوج مااريد اشوفكم مااريد
امل :زهرة بس سمعيني والله يمان جبرني
زهرة: وج اني صديقتج شلون تبيعيني اني واثقه بيج تتحايلين عليه وتتأمرين ويه اخوج
امل: والله كالي بس نسولف ماكال يخطفج جان ماخابرت
زهرة جا من جان خاطفني ليش ماحجيتي ليش ماكلتي لعمي لو لكرم
امل :كلت لابوية بس مااعرف مكانه ويه مجان يرضه يكلي
زهرة: روحي امل گلبي شايط منج ومن اخوج
امل: هو كال مااذيه بس نتفاهم واقنعه
زهرة :اخوج جبرني بالغصب عقد عليه هددني وج راد يرتكب الحرام راد يعتدي عليه كرهته ومااطيق اشوف وجهه
امل :شتحجين زهرة مستحيل يمان يخاف الله مايسوي هيج
زهرة: اي كلش شلون دين نص ردن عنده روحي امل كافي ماريد احجي بعد
طلعت امل وراحت كعدت بالصالة مااعرف شسوي لليل اجو اهلي عرفنه ابن يمان طالع من مستشفى بس وضعه مو تمام وخالتي ورجله هم طلعو ثاني يوم مر روتين عادي لليل اجو بيت عمي محسن جنت بالمطبخ طبو جانو كلهم ماعدا اسراء كعدو بالاستقبال امي اجت وكالت حضرن ضيافه حضرنه ضيافه بس ماعدنه احد يقدم واني لو يموتون ماقدم بس حضرت وصعدت لغرفتي سويت روحي نايمه صعدت ضحى وكالت
ضحى :عمج يريدج
زهرة: ضحى اني مااكدر احرك روحي مو دور انزل واشوف يمان مااكدر مااطيقه
ضحى شلون شكللهم جا امج دزتني
زهرة :كوليلهم زهرة مريضه اشو يومية اتمرض اني يصدكوج
ضحى خوش
زهرة: نزلت ضحى عرفت راح تصعد امل طفيت ضوه ونمت ورة شوية صدك صعدت امل كعدت يم راسي
امل: زهرة لاتزعلين عليه والله ماادري ولاذنبي اني وحتى يمان ماكلي ولافهمني وترة يمان استفسرت منه مجان قصده يسوي هيج وياج بس كال اني ردت اخوفه حتى تقبل انتي تدرين يمان يستحرم مستحيل يسوي هيج كلي ردت اخليه توافق باسرع وقت خوفته شويه ولو رافضه وماقابلة بالزواج جان عفته وطلعت دوري وجهج حاجيني ادري كاعده
زهرة: حتى لو بس تخويف اني متت من رعب بسبب اخوج صارلي يومين مريضه من الخرعه
امل :هسة سامحتيني
زهرة :مااكدر عوفيني هسة اني ضايجه واضوجج بكلامي من احجي الافضل ترحين
امل :براحتج
زهرة: كامت امل نزلت ورة ساعه راحو بيت عمي صعدتلي ضحى وكالت ابوج يريدج نزلت اله ورزلني لان مانزلت لعمي وكتله مريضه وسكت جان موضوعه عمي رجع خطبني ليمان وابوية يريد موافقتي بكلبي حجيت شحجي وشكول وهو عاقد عليه ومطمن ماراح ارفضه طلبت مهله حتى والدي مايشك وكلي الج بس يومين طبعا اني اهلي بلغتهم اني فسخت خطبتي من محمد اخو جمانه مرن يومين وبلغت والدي بالموافقه امي كامت تهلهل تكول عرسه وعمتي تصفك وياه كرهت الزواج كلش لان اجباري صار ردو موافقه لبيت عمي ويمان نفس يوم دز امه بيده مهر ضلينه صافنين شسالفه عليمن هالسرعه
ازهار :علمود ابنه خطية متبهذل من ايد لايد
ام مرتضى: جا زهرة عده دوام وين فارغتله
ازهار: يكول اخذله امومه
ام مرتضى: يا شلون هي مو امه شلون يرهمه
ازهار :مدريني خية هو هواي واصطات عنده مااعرف بعد
زهرة :العصر اجت ام يمان وخالاته ونسوان خواله جايبات مهر
ام حسين :هذا مهر زهرة دزه يمان وطبعا هو حدد سعر احنه مادخلنه انتم بعد كيفكم تردون اكثر كولو
ام مرتضى :لا حبيبه هاهي هو الولد اكيد مقدر البنية صح
زهرة :فتحو مهر جان ٢٥ مليون كلنه نصدمنه بالعاده يكتبون بالعقد ٢٥ بس ماينطوه لان ياخذون غرفه وهيج بس يمان دزهن كلهن وهذا شيء ضوجني شنو مشتريني هذا مدري اني اتحسس
امه كالت
ام حسين: وليدي عنده بيت بصف بيتنه بعده ماكامل بناء يريد يستقر بيه والله بيت سناح رناح ٢٠٠ متر بس هالفترة يضل بيت ابوه عما يكمل وصاني احجي غرفته مايبدله
ازهار :جا شنو يضل على غرفة المرحومه
ام حسين: لا حبيبه غرفته نطاه صدقه على روحه اقصد غرفة يمان قديمه السوده يريد يضل عليه
ازهار: ها مو اشكال هاي غرفته حلوه مو هيج يوم زهرة
زهرة :عادي ماما مو مهم
ام حسين :وانت هم همن ايدجن بالتجهيزات بس شهر كدامجن يمان يريد عرس بعد شهر
ام مرتضى: عليمن مستعجل حبيبه خل فترت خطوبه
ام حسين :هو بعد يريد يستقر وعقد الجمعة التجي كالي ابلغكم بالصحن الامام علي عليه السلام
زهرة: اني من كالت هيج نلوت بطني احنه عاقدين شلون نعقد بعد يصير لو شنو مافهمت
ام مرتضى: ان شاء الله
ام حسين: بس عيني ام مرتضى انريد عرس مو هوية سكيتي مثل ماتعرفين فشلة مرحومه ماطلعت سنته وفشله من اختي انتم سو الي تردوه بس زفه ماكو هو يجي ياخذه واحنه وياه وهاهي والقاعه تردن تحجزن بكيفجن بس اني كرايبي مو كله اعزم بس المقربين وهو هم مايجي
ازهار: شنو هاي ام حسين جاشذنب البنية هم تريد تفرح بعرسه بزفه بتصوير شنو مايجي هو كلج هيج ؟
ام حسين: لاهو ماكال بس اني اكول فشلة احنه حزانه
ازهار: لا مايصير جا زهرة شنو ماتفرح بعرسة اني احاجي يمان
ام حسين: بعد كيفكم اذا قبل اني اترخص
ام مرتضى :ضلي على العشى حبيبه
ام حسين: لا والله وراي شغل وعندي واجبه يلة مع السلامه
ام مرتضى: الله وياج
زهرة :طلعن النسوان وراحن كعدت على تخم ضايجه طبت ماما ازهار وامي وضحى
ازهار :لاتضوجين مو كيفه يمان اني احاجيه شنو ذنبج فوك ماعرس ركض ركض يريده سكيتي شنو بايك بوكه
زهرة :مااعرف احس مامرتاحه لهذا الزواج
ام مرتضى: لاتحجين هيج يوم تفائلي بالخير ادعي ربج يكون حياتج رزق وسعاده وصحه
زهرة: يمان مايوالمني مختلفين مااادري خاف مانرهم سوه
ازهار :يمه العشرة اطبع الاطباع بينكم وتتوالمون والله يجعل بينكم موده ورحمه كولي ياالله شفتي منه الولد
زهرة :ماادري اسلوبه مو حلو شنو داز هالكد مهر شنو يريد يشتريني بفلوسه
ام مرتضى: ليش تفكرين هيج ولد عنده فلوس ومتمكن ليش يقصر على زوجته ماتكيفين تكولين هذا مقدرني مقدر شهادتي
ازهار: اي صح حجي امج ولد يعرف ومقدر انتي دكتورة اكيد ماينطيج مهر ناصي
زهرة: اوف مااعرف
ازهار: عوفي سوالف باجر ان شاء الله من تردين من دوام نروح لمحلات ذهب نشتري ذهب
زهرة :شدعوه بعد وكت مو كالو عرس بعد شهر
ازهار :هم ياالله نلحك وراج عقد جمعه شلون يلبسج حلقه غير مشترين ونسوي حفله هنا هم يلبسج ذهب ودور نطلع يوميه نجهزلج
زهرة :راح تكربني واني مابيه حيل
ام مرتضى :جا غير جهازج لازم على ذوقج همزين عرسج بعدهن خواتج ماجايبات لانتورط بيهن هم يرادلهن خلك
زهرة :صاعده ابدل ملابسي
صعدت فوك بدلت ومددت تلفوني يمي دك شفته متصل يمان عفته يدك مارديت صارله يومين يدك عليه واني مامعبرته ماسامحه لو يموت لليل سويت عشه ونمت كعدت للدوام داومت ومن رجعت اخذنه مرتضى لمحلات الذهب نفتر جزعت وجزعتهم ذوقي صعب ومن اختار مايقبلن يكولن هذا خفيف وهذا يتكسر وهذا يخسر من تبيعيه متت اخر شيء كتلهن مااختار ومااتزوج عافني اختار وحدي براحتي اشتريت تخم جان نازك و اشتريت سوار وحجل وياه واخذت حلقه ساده وياه طلعنه متت تعب رجعت للبيت عندي بيج مالت ملابس حفلات وصيت منه فستان للعقد ابيض وبدلة عندي ماوصيت والله يومين وصل فستان صارت جمعه واني سبوع كله داخله انذار شلون نعقد واحنه عاقدين خاف ننفضح خاف مايصير كعدت صبح سبحت وبدلت امي ماقبلت الا البس ابيض لبست قميص وتنورة بيضه كبس وشال ابيض خليت شويه مكياج واخذت عباتي وحذائي ونزلت امي وماما ازهار يجن ويانه ومناك بس ام يمان لان العصر جانو معزومين على حفلة العقد الي راح تصير بيت اهل يمان عمي محسن ماقبل الا يسوي عزيمه بيته وحفلة بسيطه اليه هم نزلت انتظر اهلي يكملون كعدت بالصالة بدون ريوك بطني تمغصني من جوع مدري من توتر مااعرف شلون راح اتحمل اشوف يمان اني ماشايفته اخر مرة من جابني لهنا واني بصفنتي ندك باب
ازهار: روحي فتحي باب اكيد اجو
زهرة: معليه ما انتي فتحي استحي
ازهار: امشي لج جاي ابدل كوليلهم بس دقايق ونجي
زهرة :اوف ليش ماكعدتي من وكت طلعت ادردم عليه فتحت باب صار بوجهي يمان جان كاشخ بقاط اسود من فوك لجوه حتى القميص رايح لفاتحه مو عقد بس اني يلبسني ابيض جني جايه من حج وعطره سطرني سطر
يمان :صبح الخير شلونج
زهرة :صباح النور دقايق انتظرونه مامكملات عمتي وامي
يمان: لحظه ابلغ امي حتى تنتظركم جوه
زهرة :ضليت مرابطه وره باب انتظر امه اجت بوسته ودخلتهم للاستقبال رحت جبتلهم مي وعفتهم ورحت لامي ومامي ازهار ابلغهن
ام مرتضى: كملت اني رايحه اكعد يمهم وانتي على سريع كملي ازهار
ازهار :هسة بس حجابي
زهرة: اني العروس مكمله قبلجن وانتن نايمات
ازهار: انتي مستعجله على العرس احنه ماعدنه شيء
زهرة :ها هيج روحي زعلت منج
ازهار: تعاي عوبه اتشاقه امشي اسقي ورد من بارحه ماسقيناه ابوج بس يكعد يرزلنه
زهرة: ملابسي يدمرن ودور ملبساتني ابيض جاية من حج لو عمرة
ازهار :مايصلح غير عروس
زهرة: كدرتجن عليه هذاك عريس لابس اسود من فوك لجوه هو حلال اني حرام
ازهار: صدك الا ارزله شنو جاامه شنو ماتفهم مايصلح وموزين
زهرة: رايحه اسقي ورد استعجلي طلعت للحديقه فتحت مي وافتر بدون عباتي سقيتهم وسديت مي وكفت على مغسلة اغسل ايديه سمعت صوت طكه جنه طكت جداحه درت وجهي جان يمان هنا واكف وراي نفضت ايديه ومشيت لزمني من زندي دفعته ارتد لوره خزرني ورجع لزمني اقوه وسحبني اله اكثر
زهرة :وخر شتريد عوف ايدي
يمان :شلونج
زهرة :الحمد لله
يمان: شلون صرتي سمعت مريضه
زهرة: وشنو الجديد يوميه مريضه اني وخر هد ايدي حرام شكو لازمني
يمان: ترة مرتي انتي حلال
زهرة :اسكت لايسمعوك تريد تفضحنه انت
يمان :جا لاتنرفزيني
زهرة: اي يلة وخر
هدني واني عفته ومشيت رحت للصالة لبست عباتي وحذائي وطلعنه ركبت ورة يمان وعمتي بصفي ويمه امي وامه بالصدر من صعدت اختنكت سيارة كله عطره موتني فتحت جامه اتنفس
ازهار: يمان شكو لابس اسود مايصلح يمه يوم عقدك لازم ابيض على الاقل القميص ادري تحبه بس مو هيج كله اسود
ام حسين: لا هو حزنان بعده على زوجته
زهرة :من كالت هيج التفتت اله وهو هم رفع عينه عليه درت وجهي ومدري شبيه ضجت حيل واختنكت يمكن صدك حزنان عليه ويحبه هو صوجه ماانطه نفسه مجال يتقبل موته ونسيانه
يمان :لا مو هيج اني من يوم يومي البس اسود شنو نسيتي يمه شنو جديد بالموضوع وعذريني عمه مااعرف مايصلح وعاداتكم ماادري بيه محد كلي جان غيرت
ازهار: براحتك يمه هي عادات مو صحيحه مرات
زهرة :صار هدور بالسيارة ورة شويه وصلنه نزلنه وتمشينه للتفتيش امشي ورة امي وعمتي الي اخذتهن سوالف ويه مرت عمي ويمان يمشي قبلنه دار وجه وكف ومن وصلت يمه مشه وياي بدون كلام دخلنه للامام واني لزمتني رجفه شلون بينه هن قبلنه وهو يمشي بصفي لزمت ايده وهو دار وجهه عليه لباله تخربطت يمكن حجيت بسرعه
زهرة :شلون احنه عاقدين شلون يصير
يمان: اهدي شبيج خايفه خليه عليه
زهرة: خاف ننفضح خاف يدرن احنه عاقدين
يمان: ماعليج كتلج خليه عليه
زهرة :جرني من ايدي وصلنه للمكان العقد كال الهن
يمان: اني وزهرة ندخل نعقد انتن ضلن هنا
ام حسين: ليش وليدي عادي يقبلون ندخل
يمان: لا يوم شوفي ازدحام وتدرين بيه مااقبل
ام حسين :براحتك يمه
زهرة :جرني ودخلنه كعدنه ننتظر سرانه وصل سرانه وهو حجه ويه سيد وكله احنه عاقدين وراواه ورقه وكله جانت مجبوره ومعرف ايش ضل هواي يحجي وياه ومهم سيد عاد النه عقد لان جنت مغصوبه اني طلعنه وامي وامه طشن جكليت علينه شعوري مااعرف شنو لافرحانه ولاالي لهفه ماادري شبيه طلعت عمتي الحلقات وهو ماقبل يلبسني حلقتي الي اشتريته طلع من جيبه علبه جانت بيه حلقه بيضه تجنن جنه محبس تركي وشذرة تلمع لمع تجنن لبسني وباس راسي وكال
يمان: الالماس للالماس عجبتج ؟
زهرة: الماس هاي ؟
يمان: اي
زهرة :ليش كلفت روحك ماله داعي اشتريت اني
يمان: اني بلغت امي بس نست تكول بلغته ماتشترين لان حلقه اني اجيبه
ضميه تفيدج بس ضلي لابسه هاي حلوه على ايدج
زهرة :شكرا حيل حلوه
يمان: عفوا وين حلقتي لبسيني
زهرة :لبسته حلقته ورحنه زرنه وصلينه ورجعنه بالطريق اشترانه عصير ورجعنه للبيت رحت لغرفتي اشسور شعري واحضره للحفلة واجت ضحى مكيجتني لبست فستاني جان مستور وامي شافته تخبلت
الام :ماتلبسي لو تموتين شنو هذا مستر ومخنوك تردين رجال يشرد
زهرة: خلو ونازك يمه مو ضروري الا مفتح
ازهار: لا زهرة مو حلو مكبرج حتى
زهرة :اوف انتن الا تردنه مهلع وماعندي غيره
ام مرتضى: لبسي فستانج بعرس ياسمين حلو
زهرة: لابسته وشايفي ماالبسه
ضحى: لبسي بدلتي حمرة اني مالبسته بس بالصباحيه ومو كله شافته
ازهار :اي عفيه وحلوه عليط
زهرة: بس هاي فضيحه ظهر كله طالع
ام مرتضى: اي وهي حفلة نسوان منو جاي
زهرة: ويمان
ام مرتضى: رجلج صار
زهرة: اهو اذا تقفلن تموتن .
لبست بدله جانت كصة صدر تفاحه ونص صدرطالع وظهر ماكو لنصه مفتوح وكلوشه محنفشه حمره حمار دموي كلش حلو لونه سويت مكياج وياه وحمر حمرة صبغت اظافيري ولبست جبتي وبوشيه لان مكياجي قوي وعباتي اخذت فستاني هو جنه قفطان كلت من اضوج البسه وصلنه مرتضى دخلنه لكينه كرايب كله هناك بيت عمي علي وعمتي بس اهل ام يمان ماكو بس جهتنه كرايب سلمت عليهم وباركولولنه صبو غده زلم وحد اني تحنطت بدله وجبه مااكلت كتلهم مااشتهي واني مامتريكه ورة وين كملو تعزيل راحت امل تبدل طلعو زلم من الاساقبال للحديقه وعافولنه بيت حولنه هناك نزعت جبه وعدلت شعري الي شلته بتسريحه بسيطه ومكياجي وكعدت جابت هدى الكيكه مالت عقد وعصائر وبنات اجن صدت عيني على روان الي دمعه محصورة بعينه ذكرتني بنفسي من يمان تزوج ودخل للقاعه يركص وياه وجن اغاني وكامن يركصن بنات شويه وكالن اجه يمان يلبسه ذهبلان يريد يروح عنده شغل اني توترت احس بدلة مو مناسبه بالغت بيه اصعد بيه وهي ماكو ماتصعد صدري نصه طالع صحت لامل _شال فدوه
امل: بسلا تردين تلبسين من يمان ترة رجلج ولج خاف نسيتي
زهرة: لا مانسيت بس صدري طالع عيب
امل :دولي بابه خلي اخوي يتمتع ويشبع نظر
زهرة: وعابت جيبي ولج
امل: امشي مااجيب والله لاتحرمين اخوي
زهرة: شلون اكوم امعشه هنا هي واخوه
امل: ههه طلعي وكاحتج يم يمان اذا بيج حظ وكعتي بالفخ خنشوف لسانج بعد
زهرة: كون ربي توكعه بواحد اتعس من اخوه مثل ماوكعت اني
امل: هههه
زهرة :فات يمان مدنك اجه يمي صورتنه امل واني جامده مااعرف اتحرك بعد لبسني ذهب واني كلسا واجر بالبدله اصعده وهو يباوع لايدي ويضحك كطعنه كيكه وزعن الكيك واني ماخليت شيء بحلكي من توتر حلكي نشف بس اشرب مي معدتي انترست
يمان: طالعه حلوه
زهرة: تسلم
يمان :شبيج احسج مامرتاحه
زهرة: مااعرف معدتي مأذيتني شويه
يمان: شأكلتي
زهرة: مااكلت من صبح هي هيج
يمان: ماتغديتي خاف جوعانه
زهرة: ماادري
يمان :اكلي كيك شوية
زهرة: لا خاف اتخربط مااريد
يمان :انتي شماكله يوم من كعدتي لحد هسة
زهرة: ماماكله بس اشرب مي
يمان: صدك تحجين ليش مااكلتي مو زين لاتتخربطين بس تخلص حفله صبي غده واكلي
زهرة: خفت مكياج يتخربط
يمان: طز بالمكياج بابا صحتج اهم
زهرة: سكت واني سكت شوية وطلع وراه بشوية خلصنه حفلة كمت نزعت ذهب وصعدتني امل لغرفته بدلت للقفطان ومسحت مكياجي وخليت خفيف نزلت جوه ولبست حجابي .
