امل :صح نوم كومي اكلي لو تنانين الغده
زهرة :مااشتهي عوفيني اتاني الغده
امل: براحتج خابرو اهلي كالو وصلو لمطار جده وطلعو بسيارة للمدينه
زهرة: ها زين ماخابرتهم شويه وادك عليهم فاتت زينه كمت سلمت عليه جانت بطنه كبرانه شويه وهي لابسه ضيك حاصرته كلش كرم من شافه دنك وكام صعد لغرفته وحجيه استلمته
الحجية :بلة هذا لبس حاصره روحج بههالثوب شنو قلة قماش
زينه ؛شبي ثوبي حلو ليش تحجين عليه
حجية ادري مصخم حلو بس فشلة كدام حموينج هيج لابس هاي كرم كام من شافج جا شلون يضلون يطافرون من تنزلين
زينه :واني كلتله يكوم يجوز تعب مو الا مني
حجية: انجبي ولد جان متاني غده جوعان كومي غيري لبسج
زينه: مااغيره عاجبني عوفيني بيبي لاتدخلين بملابسي شنو حتى بيتي ماارتاح
حجية: لاتمسلتين مكاعده بيت وحدج حتى هيج تلبسين واني عليه حذرتج هسة يجي رجلج ويهرجنه هرج ودور اذا ردتي احاميج لو تموتين مااحاميج
زينه :ديلة مانريد مساعدتج
زهرة: فتحت حجابه ونثرت شعره الاحمر جان شعره اشكر وحلو كلش من صبخته احمر خربته حيل شويه ونفتح باب وفات يمان
يمان: السلام عليكم
الحجية: عليكم سلام هلا يوم شونك
يمان :الحمد لله شلونج حجيتي مشتاقلج من امس ماشفتج ولا كعدتي صبح وتريكتي وياي
حجية :شويه تعبانه تاخرت بالكومه
يمان: خير ليش تعبانه بسلا متهاونه بادويتج اخذج للدكتور
حجيه :لايمه مااحتاج بس رتاحيت راح تعب
يمان :عساج بخير شنو كرم وين
مااجه
زينه: لا اجه فوك بغرفته
يمان :يلة صبو غده خل ناكل جوعان
زينه :اي بعيوني هسة نصب
يمان :اني صاعد ابدل ملابسي
زينه :اجي وياك حبيبي ؟
يمان: لا مايحتاج
زهرة: كامت زينه للمطبخ وكام يمان يبدل ورة شوية نزل لابس تراك اسود وزينه تحضر بالسفرة هو شافه وخزره خزره اني من يمي خفت عاط بيه
يمان: زينه شكم مرة كايل هاللبس الطايح حظه ماينلبس امشي بدلية
زهرة :زينه ركضت للدرج وراحت مبين تخاف منه حيل هو صح حتى اني خفت كمت وية امل نحضر سفرة جانو مسوين برياني صبينه واجت زينه لابسه دشداشه مستوره نزل كرم همين كعدنه على ميز طعام صار يمان مقابيلي هو وزينه واني يم امل وامل كرم يمه من شفتهم وكانو مواجعي الي ادفن بيهن رجعلي مدري لان احس بالغربة والوحده نسدت شاهيتي على رغم معروف عني اكل هواي ضليت انقش بالتمن ومالي نفس حيل متانية بس احد يكوم اكوم وياه لحد ماكامت امل اجاني فرج كمت وياه غسلت وشلت ماعوني رجعته
زهرة :تشربون جاي اذا اسوي
امل: اي يمان ورة كل وجبه يشرب جاي سوي مانكول لا
زهرة :يلة حسوي سويت جاي وكعدت بالمطبخ اتاني اجت زينه جابت مواعين وغسلتهم وراحت ماتحجي وياي ابد بس تخوزر بيه تكول بايكه رجله كملت جاي وصبيت على العدد وجبته للصالة وقدمتلهم واخذت استكاني وكعدت اشربه وهم يسولفون عن شغل وية حجيه ومافهمت شيء من سوالفهم بعدني اول يوم ومليت اريد ارجع لبيت اهلي امل لمت الاستكاين واجت عليه صعدنه فوك بغرفته
زهرة :اكلج امل شو اسراء ماكو حتى على غده مانزلت
امل: هي من يروحون امي وابوية ماتنزل وتضل فوك وحده وتاكل وحده
زهرة: بس هيج مايصير انتي ليش ماتحاولين وياه
امل :شحاول تضل تصيح وتتعارك واني ابتعد مااحب مشاكل
زهرة: هي حالته نفسيه تعبانه حاولي تتقربين منه امل هاي اختج شلون عايفته اذا تفرضين نفسج عليه فترة وتتقبلج ودور تسولفلج وتفضفضلج حاولي ماكو شيء مستحيل
كملت شرب جاي وصعدنه اني وامل للغرفه ضلينه نسولف وراه خابرت خواتي واهلي هم وراه مليت كمت طلعت من غرفه رحت لغرفة اسراء اريد اشوفه دكيت باب ودخلت جانت كاعده على كرسيه ويم ميز مالته ترسم
زهرة :بسلا ازعجتج وقطعتج
اسراء :لا ماكو ازعاج تفضلي
زهرة :شلونج ماشفتح على الغده
اسراء: مااحب انزل
زهرة :ليش تتونسين ويانه ماتضوجين من غرفه والله اني مرات اذا ضليت بيه كم ساعه اختنك هاي عود اني عمتي وياي مو وحدي بالغرفه
اسراء: اني متعوده مااحب اختلط هاي طبيعتي
زهرة: زين لاتختلطين عاد بس بالاكل نزلي خل نشوفج شنو رايج نصير صديقات وازورج هنا ونسهر على شيء فلم
اسراء: تمام موافقه بس مو رعب اخاف منهن
زهرة :حتى اني اخاف منهن اطمني
يلة رايحه اسبح من رخصتج
طلعت من غرفته ورحت لامل سولفتله شتفقنه ولازم يوميه نسهر يم اسراء خطية وهي ماكالت لا وصدك بلشنه ويوميه احنه يم اسراء نسهر ونحظر افلام والفلم نختاره بعد مانسوي قرعه اسراء تحسنت شوية وكامت تنزل على الاكل وهالشيء فرح اخوانه كلش كرم ويمان جانو طايرين بيه ومكيفين لان نزلت وحتى حجيه مر سبوع يم بيت عمي تونست وية بنات يمان صدف اشوفه لان نتاخر بالسهر ونكعد الظهر نتغده بس على الاكل نشوفه والعصر تجي مرت حسين وبنته ونكعد بالحديقه على رغم كعداتنه وسوالفنه جانت زينه مو ويانه وماتجي واكثر من مرة تصيحه امل وماتقبل تضل وحده بغرفته مرة دخلنه من حديقه للصالة جانت حجيه تابع تلفزيون ويه دخلتنه نزلت زينه يمه كعدنه بالصالة امل كالت تعاي نسوي عشه يوميه اني وامل نسوي عشه وزينه عليه غسل الماعين وتساعد ام هدى بالغده وهدى عليه تنضيف البيت سوينه عشه اني وامل جان كباب طاوه وحضرنه الزلاطه واللبن اجت زينه اخذت سفرة تريد تفرشه دخلت اسراء
اسراء :شوفي زهرة يوم خلينه نسهر بالحديقه الجو حلو ونحضر شاميه
زهرة :اي بكيفج حبي واذا تحبون نسوي جاي هم
امل :انتي شكو حاطه جاي بالنص نجيب ببسي شرايج اسو
اسراء: اي ببسي مااحب جاي
زهرة: خلص عمي ببسسي
اسراء :يلة اني رايحه اختار الفلم
زهرة: كون اكشن مااحب رومانسي
طلعت اسراء واحنه وراه اخذنه الاكل وزينه اجت تجاهنه مادري شلون نضربت رجله بكرسي اسراء المتحرك وهي عاطت
زينه :اخ يمه رجلي ثول ماتشوفين دور علينه معوقات يفترن بالبيت شكو نازله جوه
زهرة :هي كالت هيج ومانحس غير يمان ساحله من حجابه وضربه كدامنه خلاه تصرخ وفقد يضرب بيه وهي حامل كلنه اخترعنه من شكله وركضت امل توخره عنه حجيه طلعت من غرفته بجادر صلاة وتدفع بيه وهو محد يكدرله والبنية صوته راح من صياح ماعرف شسوي حتى لسة الاكل بيدي ركضت شمرت الاكل على الميز ورحت للدرج اصيح كرم وهو هم شكله نازل من سمع صوت
كرم: شكو ليش هالصياح
زهرة: يمان جاي يضرب بزينه تعال وخره راح يكتله
دفعني كرم ونزل يركض نزلت وراه وهو بالكوه جره من زينه وهذاك يهد ويعد ماسكت
يمان :هدني كرم خل اربيه شكله نست روحه
كرم :شجاك خوية مرة حامل مو هيج
يمان: طبه طوب تستاهل اكثر مية مرة كايل اله اسراء ماتتجاوز عليه ولاتحجي وياه كلمة تجرحه اليوم اني اعوقج حتى من تصيحله معوقه تباعين لروحج هم
كرم :يمان كافي تعالي خل نطلع برة شوف وجهك شلون احمر يمعود لايصيراك شيء
يمان: مايصيرلي شيء هدني كرم
زهرة :دفع كرم ومشه للحديقه وكرم لحكه رحت اني وامل كومنه زينه وجه ماينشاف من دم ماتعرف منين
حجية :شخبله هذا علينه شمصخمه يالمصخمه
زينه :مامسوية شيء هو اجه عليه
حجية :انجبي يمان مايضرب مرة الا اذا دايسه بطنه
زينه :هاي بدال مادافعين عني ضاربني واني حامل تجين تكولين اليه شمسويه شبيج بيبي وياي
حجية :اني وية الحق واعرف يمان شنو لاتظلين تمسلتين امشن صعدنه لغرفته اشوف الولد شبيه هاج علينه
زهرة :كومناه وهي دفعتنه اني وامل ولاتكول ستوه مكتوله وراحت لغرفته درت وجهي لاسراء لكيته يم باب مطبخ تبجي وخايفه اجيت يمه
اسراء: صعديني لغرفتي زهرة فدوه
زهرة: اي حبي وديته لغرفته وساعدته تتمدد بجربايته وهي لسة على فرد بجيه
اسراء :كله بسببي يمان ضربه بسببي بسلا يصير شيء للطفل
زهرة: وانت شلج علاقه هي ماتلزم لسانه
اسراء :لا اني ضربته برجله بالكرسي بس مو قصدي
زهرة: اي وانتي كلتيه مو قصدج خل تولي اصلا تستاهل شنو ماتفتح عيونه وتباوع وين تخلي رجله لاتبجين حبيبتي
اسراء :حقه اني معوقه ومن انزل اعيقهم بالحركه ويتاذون مني لهذا سبب اني ماانزل
زهرة: لا عيني انتي صح كاعده على كرسي بس هذا شيء مايمنعج تتحركين وتنزلين وتفترين ترة بيت ابوج هذا لاتخلين هيج اشياء تعكر مزاجج وترجعج للوحده
اسراء :لا اني ماانزل بعد ولااطلع بعد من غرفتي هاي بسببي يمان تعارك ويه مرته وضربه وهاي اول مرة هيج يسوي
ماانزل بعد ابد
زهرة: والله خية مرت اخوج تستاهل لان ماعده ذوق ولا عده اسلوب وشغلة ثانية اني كتلج وراح اعيد انتي من حقج تعيشين حياتج مثل ماتردين وغصبا عن الكل بيت ابوج هسة انتي تعبانه من موقف الي صار ارتاحي وباجر نحجي راح ادزلج عشه بيد امل نزلت وعفته ترتاح ودزيتله عشه وكعدنه وية حجية نتعشه مر يومين بهدوء واسراء مانزلت بيهن ويمان يروحله ويحجي وياه وماكو فائده اني ماحاولت وياه متانية هي تاخذ قراره
زينه يومين هم مختفيه بغرفته ومعتزله وراه نزلت وتفتر بالبيت وتحاجي هدى ان تنضيف ماعاجبه مدري شنو ومن اجه يمان ضلت لاطشه يمه ااي فهمته من حركاته ان عود هم متصالحين ماادري بعد يوم كعدت نفسي تلعب واتقيئ وماادري شبيه بارحه اكلت جبس حار جنه سهرانين بغرفة اسراء رجعنه لسهراتنه يوم وضعي مخربط حيل كعدنه اني وامل ونزلنه جانو العائلة كله كاعده حتى اسراء نازله انصدمت هي صح رجعت ويانه بس ماتنزل المهم كعدنه وزينه فاتت من مطبخ
زينه: بعد وكت لو نايمات بعد ماظل شيء ويأذن الظهر جان طبكتن صلاة سوه
امل :شرايده منه اشو عطلة بكيفنه نكعد ونام
زينه: اي عيني شهامج اكو من يشتغل بدالج اني مكسور ظهري وحضرتج للظهاري تنامين
يمان: شهالغوه الزايده هاي
زينه :مو لغوه بس انت ماتشوف اني اكرب من صبح لسة وهن نايمات تكول على ايدهن نقش حنه مايردن يخربنه
يمان: كافي لاتصدعين راسي تقاسمن بينجن شغل وفضنه
امل: خوية هي شنو تشتغل اشو عشه اني وزهره نسوي ونظف حديقه وغده على ام هدة وتنظيف على هدى وهي تغسل بس مواعين وين شغل وهاي اخر يومين تعوفهن بالسنك البارحه غسلتهن زهرة
زينه: اي امل خاتون دافعين لبنت عمج وشكو عليه واذا اشتغلت تحلل اكله الي تاكله هنا لو بس بلوشي كاعده
يمان :راح اكوم اسكطج زينه انلصمي ماتردين تشتغلين لاتشتغلين
زينه :وشلون اعوف بيت جايف هاي لو ظل بيت عليهن يجيف
حجية :عوفينه جايف بس نخلص من لسنج تكول رشاشه كافي عاد بزعتينه
زهرة: زينه كامت وراحت لغرفته وهالايام حيل متخبلة مااعرف شبيه صبينه غده واكلنه واني بطني كامت توجعني مااعرف شبيه على رغم ستوني مخلصه شهرية مااكلت كملنه وصعدنه مددت واني مو مرتاحه بطني ومعدتي حيل اذوني
امل :وجهج اصفر اكعد يمان ياخذج للمستشفى
زهرة :لامابيه شيء اخذت علاج بكت اصير :احسن
امل :اذا مانقطع تقيئ اكله وناخذج
زهرة :اي
للعصر نزلنه جوه امل سوت جاي وشربنه اني ماشربت كاعدين يم حجية نزل يمان يمنه
يمان :انتي شسالفتج كلسا متعاركه اريد يوم واحد هدوء ماكو
زهرة :اني ؟
يمان: اي انتي قابل خيالج
حجيه: يمه شبيك متحلم وجاينه البنية كاعده يمي وين متعاركه
يمان: متعاركه ويه زينه وضاربته كعدتني من نوم خده احمر وشعره منكوش اني شلغيت وياج مو كتلج لاتحجين وياه
حجيه :يمه هاي شوكت البنية من عصر يمي هي وامل
يمان :مدريني شوكت متعاركات وانتي ماتحجين شنو نكص لسانج لو تسوين الطلايب وتظمين راسج
زهرة ؛اني شوكت متعاركه اصلا مرتك يوم ماشفته من كعدنه وبعد ماشفته ويوم كله ويه امل اني هاي امل اسأله
يمان :لاتشهدين اختي على سوالفج من اجيتي لحد الان يومية متعاركه ويه زينه واني اقنع بية خطار وخطار طلعتيه من ماعونه تمدين ايدج عليه اكسرلج ايدج مو من تشوفيني ساكت تتمادين
زهرة: والله مامتعاركه وياه اصلا مااحجي وياه اني كلش قليل ومابينه اي حديث ليش تتهمني باطل
يمان :باطل روحي شوفي شكله ودور كولي باطل هالاعيب مو عليه زهرة اعرف شنو غايتج وشنو بداخلج فلا تغشمين روحج
زهرة: لاعندي الاعيب ولا غايات والله ماضربته حجيه مو اني يمج من عصر وين ضربته امل مو احنه مانتفارك ابد شوكت ضربته اني شوكت متعاركه
امل: اي خوية هي وياي وماتتعارك وية زينه ولاتحجي وياه
يمان :لاتخبلني يعني زينه تنثر شعره وتضرب روحه منيلجن هالكلاوات
حجيه: كلشي توقع منه هالحية الحمرة
يمان :يمه شجاج
حجيه: اني احجي حق الله ماشفتهن متعاركات
يمان: جا هي تتعارك كدامجن شوفي ولج ماباقي كم يوم ويرجعون اهلج فخليهن يعدن على خير لا اراويج نجوم بعز ظهر ماطايق روحي اني مو دور عليه انتي
كم يوم كعدي عاقله بيهن ودور ولي لاهلج وجفينه شرج كافي زهكتيني
زهرة :شوف يمان اني لامتعاركه ولاضاربه مرتك تريد تصدك صدك متريد مشكلتك هاي واذا على كم يوم وبالكوه طايقهن اني رايحه لبيت عمتي مامجبور تتحملني
يمان: انجبي وكعدي مكانج ماكو طلعه منا
زهرة: لاتتجاوز حجيت هيج وشفت زينه نزلت من درج شعره مكفوش وصدك خده احمر الي يشوفه يصدك مضروبه حتى اني الا شوية صدكت اني ضاربته وياهم على واهس كامت تبجي بالصالة وتضرب بروحه دراما فول
زينه :شفتو بعينكم شمسويه بيه تضربني وتغلط عليه وانتم من احجيلكم ماتصدكون شوفو شسوت بشعري تغار مني لان احلى منه ماتضل هنا هاي لو اني لو هي
يمان :شنزلج مو كتلج ضلي فوك
زهرة :شاورت امل _هاي منو ضاربه هيج
امل: يكولون انتي
زهرة: دنجبي احجي صدك اني شلون سوت شعره هيج وخده هم لا والقهر تكول اغار منه اغار من عطوب الحمر
امل :شفتي تغارين من جماله مع الاسف عليج زهرة
زهرة :مرت اخوج تصلح تمثل خوش تلزم ادوار
زينه: كتلك يمان لو اني لو هي هسه تخليه تروح لبيت عمته لو هسة الم هدومي واولي لبيت اهلي مااضل هنا بالبيت الي نهانيت بيه
زهرة :اني رايحه لاتسوين دراما باجر الصبح اخابر مؤمل وامشي
يمان: كلت محد يروح لاتعاندين
زهرة: والله استاذ يمان هالشيء مايخصك وين مايعجبني اكعد ويالنسبه اليه بيتكم بعد مااريد اضل بيه دقيقه بس شنسوي نتحمل للصبح
عفتهم وصعت بغرفت امل حيل ضجت منه اني مامسويتله شيء ليش تتبلى عليه وضجت اكثر من يمان الي مصدكه مددت والالم يزداد بطني وضعي حيل تخربط اكثر لعبان نفس زاد وكمت اتقيئ اكثر امل فوك راسي تفتر واني روحي سايحه مددت رجليه بالحمام مااعرف شبيه حسيت بدوخه قويه وفعلا انغمه عليه .
