زهرة: ضليت سبت كله متكأبه وبس نايمه تخابرنه اني وبنات حتى نفسيتي تستعدل
امل :يرادلنه جمعه نسولف اتصال مايفي بالغرض
زهرة :تعالن يمي
بتول: كل مرة تتجمعن ببيوتجن اني هالمرة اريد يمي عود ليش اني اجي وانتن ماتجن
امل :ياعلي كامت تعيط عمي نجي نجي شرايج زهرة
زهرة: مااعرف يوم امي كالتلي ميصير اطلع بدون مااكول لسجاد
امل :اي صح صار زوجج
بتول: والشغل شلون زهورة
زهرة: كايل لامي عادي بس بعد زواج ماكو بس تعين دوله ماكو شغل ثاني
امل: شوكت عرسكم هم سوه ويه مرتضى وضحى لو وحد
زهرة: لا مو سوه مرتضى مكمل اموره بس سجاد لسة بعده يريد يدور بيت قريب على اهلي واثاث بيت مااعرف شوكت
امل :ان شاء الله يلكه الله يوفقه
بتول :مو تغلسن على جيه
امل: لا ان شاء الله
زهرة :ان شاء الله
اجه الاحد ورحت للدوام لبست قميص بيج وبنطرون اسود وربطه بيجي امي ماتقبل الا اول طلعه البس ابيض هاي عاداتهم وبالكوه اقتنعت البس بيجي وصلت وبنات شافو حلقه وباركولي بديت شغلي وخابرتنه سكرتيره نجيب ملفات للمدير اخذتهم اني جان يمه كرم سلمت عليهم وردو سلام
كرم: الف مبروك زهرة ماشفتج الجمعه
زهرة: الله يبارك بيك يوم الك
يمان: على شنو تباركله شنو طلع تعينج زهرة ؟
كرم: لا مو تعين بس زهرة الجمعه عقدت وباركتله
يمان باستغراب: عقديش
كرم :عقد قرانه الجمعه جان
يمان: تزوجتي زهره !
زهرة: بس عقد بعدني ماسويت عرس استاذ
يمان :كرم اطلع بره
كرم :خير خويه شسالفه مو جاي نشتغل
يمان: كرم كوم اطلع بعدين نكمل
كرم :يلة اني طالع زهرة خلصي وتعاي اخذي ملفات من مكتبي
زهرة: اي طلع كرم وسد باب ماحسيت الا انجرت ايدي اليمنى ونعصرت عصر وحلقة بيه نعفست على صبعي
زهرة :اخ اخ يمان ايدي
يمان هاي شنو مو جاي احجي هاي شنو
زهرة: لاتصيح شنو هي حلقه غير
يمان :تلعبين عليه زهرة مسويه فلم وتردين اصدكه
زهرة :فلميش شبيك انت منو يمك منو جارك هدني
يمان: خطوبتيش هاي عقديش شو لاسمعنه لادرينه فلم لو مو فلم
زهرة :لا موفلم اهلك كله اجو شنو مادريتو حتى امل تدري من زمان
يمان :ماحجتلي امل
زهرة :عادي مو شيء مهم
يمان :مو مهم مو مهم منو هذا العريس الغفلة
زهرة: ابن خالتي سجاد
يمان: هذا ابو الثار الي بالمستشفى جان حاضنج
زهرة :اي هو
يمان: مبين اصلا جان حاط عينه عليج ومن زمان بعدين عمي شلون ينطي لواحد عنده ثار وطلايب ابوج شبيه
زهرة: شعليك انت والله حلوه بنته بكيفه ينطيه
يمان: امشي ولي لمكتبج
زهرة: لاتحجي بهالاسلوب وياي يمان
اني اصلا بس هالشهر وياكم
يمان: ليش
زهرة :زوجي مايقبل اشتغل
يمان :زوجج اخ كوليلة خل يدفعلج شرط جزائي وروحي
زهرة :يدفع عادي مو اشكال
يمان :روحي لمكتبج زهرة امشي وغصبا عنج تكملين شغل
زهرة :عفته وطلعت رحت لكرم اخذت ملفات وكلت بعد اذا صارت جمعه للملفات لااروح ولااوصل رجعت للبيت تعبانه صغدت بدلت وتغديت
ام مرتضى: مو تنامين سجاد عصر يجي
زهرة :شعنده جاي
ام مرتضى: نريد نجهز جهاز ضحى وكتله يجيبه وهو يودينه بما ان عطله عنده
زهرة: اي شا شعليه اني حتى ماانام
ام مرتضى: غير خطيبج جاي تشوفيه يشوفج تسولفون انتم حتى بالخطوبه ماسولفتو
زهرة :يمه تعبانه خلي يجي بالعطلة
ام مرتضى: اكلج لاتسويلي سالفه مالي خلكج ضلي كاعده وسكتي من يروح انطمري وكومي بدلي ملابس حلوه مو طلعيله بتراكج
زهرة: اوف ياربي كايمه كمت بدلت ونزلت لل٤ اجو امي نطتني ضيافه ورحت لسجاد اخذت نفس طويل ودخلت للاستقبال سلمت ورد سلام نطيته ضيافة وكعدت مقابيله
سجاد :شلونج زهرة
زهرة: الحمد لله انت شلونك
سجاد :الحمد لله زين اسف خربت العقد اتاخرت عليج ومالحكت ابدل
زهرة :لا عادي ماصار شيء
سجاد: مااعرف شحجي بس اعرف امج ضغطت عليج حتى توافقين ضحى حجتلي كلشي
زهرة: شنو حجتلك
سجاد :ان انتي ماراغبله للزواج وامج لحت عليج وضغطت عليج اني راح انطيج وقت كافي للخطوبه حتى تقتنعين واني هم اقتنع وراه نتزوج
زهرة: شوف اني مو رافضتك لسبب
سجاد: لاتبررين هي صارت خطوبه ركض مافتهمنه منه كلشي باعي اني هم مثلج مابدي اتزوج دوامي خطر وحياتي خطره مااريد اعلق احد بيه مااعرف شلون اوصله الج بس جنت احب اضل حر ومااخلي احد يتأذه عليه اذا متت
زهرة: لا اسم الله عليك لاتحجي هيج
سجاد :هذا طبع شغلنه بالموت لهذا ارفض زواج بس عمي خلاني امام امر واقع وخله عليه يمين اله اخطب كلت خل اجي نسولف حتى نتعرف على بعض اكثر وحتى نفهم على بعض
زهرة :صح وجهت نظرك
سجاد :خلي نكون صريحين زهرة اعتبريني صديقج خلال هالفترة خلينه نقوي علاقتنه حتى نكدر نتزوج باعي اني اريدج صريحه وياي واني هم اكون صريح اذا عندج شيء بيه ماعاجبج كولي حتى احاول اغيره متفقين
زهرة :متفقين
سجاد: ها بس لاتكليلي عوف وظيفتك اطلكج ومااعوفه هههه
زهرة :هههه لا مااكول
سجاد :يلة كومي شوفيلنه وين صارن حتى اوصلهن وراي شغل
كمت وبلغتهن وطلعو رجعت للغرفه ونمت مشت حياتنه روتين عادي صار تواصلي ويه سجاد بالمراسلات بس صدف لان دوم دوامه مابيه تغطية ومن ينزل يجي النه مرة ومرات مايكدر مر فترة شهرين وتحدد عرس مرتضى وضحى وسمعت ايناس اجت سوت مناحه بيتنه وعركه ويه امي وراحت هاي جانت قبل ليلة العرس مرتضى كلش انقهر وماكدر يحجي شيء دخل غرفته ونام ثاني يوم العرس كعدنه نحضر خواتي راحن صالونات واني مارحت بالبيت رتبت روحي لبست فستان ماروني وتمكيجت بس لبست بوشيه لان سجاد ماقبل اخذنه مرتضى للقاعه وسوو دخوليه اتعس عرس شفته عرسان عبارة عن تمثالات جامدين كلش وثنينهم مو طايقين بعض كله حست ومصورة رادت تنتحر من وراهم بالكوه كملت تصوير واشك راح تعتزل بعدهم التصوير طلع مرتضى وبلشن نسوان تركص اجت الزفه رحت للحمام مسحت مكياجي ولبست عباية وحجاب وطلعت
امل: تعاي ويانه زهرة
زهرة: لا سجاد يجي عليه
امل: ها شنو يجي مو عرس اخته
زهرة: لا مايروح للزفه يرجعني للبيت
امل: ليش ولج زفة اخوج
زهرة :مايقبل سجاد
يمان :شكو واكفات بالباب صارلي شكد ادك عليج امل ليش ماتردين
امل :صامت ماسمعته والله
يمان: يلة امشن للسيارة صارت ازدحام اريد اطلع
امل: يلة مع السلامه زهورة
يمان :ليش ماتجي ويانه زهرة ؟
زهرة: لا اروح ويه سجاد
يمان: تعاي ويانه ماشفته اجه خو ماتضلين تنتضرين حضرت جنابه بالشارع
امل :شبيك حبيبي هسة يجي هو
زهرة: اي خابرته كال هنا بس ماعرف وين
امل: هذاك هو اجه
زهرة :يلة حبيبتي امل الله وياكم باي عفت ورحت لسجاد جان جاي مشي وعايف سيارته بمكان ثاني رحنه مشي للسيارة اجن ويانه بنات عمة يوم يباتن بيتنه وصلت للبيت دخلتهم بالصالة والله شوية واجت زفة زفتهم بيتنه صارت كعدوهم بالصالة وهوسات وكذا وزفوهم بعدين للغرفة صعدت بدلت ونزلت جوه صبينه عشى وغسل ماعين هلكت خلصت وكبل نمت من تعب كعدت صبح على هلاهل نزلت لكيت العرسان نازلين يتريكون كعدت وياهم اتريك صبتلي عمتي قشطه والهم كيمر
زهرة هاي شنو ليش هم كيمر واني قشطه بديتي تفرقين ازهار
ازهار: عابت كولي ماما لاتصيحين باسمي خلص كيمر جاب سجاد كومه بس خطارنه هواي
زهرة :اريد كيمر جا اني اطيب شيء كيمر صباحيه
مرتضى: شبيج تدردمين من صبح
زهرة: ترضاه مااحصل كيمر بصباحية عرسك تقبله بلة
مرتضى: تعاي اكلي وياي راح ناكل بالمطبخ
ازهار :عوفه يمه اتريكو انتم خاف مايكفيكم
مرتضى: لاشطلعت هواي خير من الله
زهرة :بعد قلبي ابو الروض
مرتضى: لج لادلعيني هيج دلعج يجيب جالي
زهرة :والله حلو
مرتضى: امشي منيلة حلو
زهرة: رحت للمطبخ صبيت جاي واجيت يمهم مرتضى سوالي لفات واكل منه وهو مااكل ولا شيء
زهرة: اكل مااكلت
مرتضى: مااشتهي بس جاي شربت
زهرة :مو زين عليك من امس ماماكل
مرتضى: معدتي مأذيتني شويه اكلي انتي اهم شيء تشبعين كيمر ام بطن
زهرة: اي لازم كيمر ومن فليسات خطيبي ومايبقولي شلون صايرة هاي
ضحى: الف عافيه
زهرة :الله يعافيج حبي اكلي خير اخوج هذا
ضحى: هههه جاي اكل
زهرة: كملت اكل وغسلت ماعين وبلش الغدى وطلايبه مر فترت العرس والواجبات بيوم خابرتنه امل ولحت الا نروح يمه نتجمع خابرت سجاد وماعترض رحت اني وبتول الهم وصلنه مرتضى تونسنه حيل وياهم واكلنه سوه بالغرفة وللعصر ضلينه سوه كتلهن راح انزل اسوي جاي النه نزلت بالدرج شفت زينه داخله بشهر ثامن وبطنه كبرانه حيل
زينه: يوم هنا من زمان ماشايفيج
زهرة: اي امل عزمتنه شلونج شلون حمل
زينه: متعب كلش وجاي اهلك بالحمل وطلبات يمان
زهرة: الله يساعدج
زينه: شوكت عرسج مو كأنو طول
زهرة :هو مطول لان لسة مالكه سجاد بيت
زينه :بيت وحدج زين زين
زهرة: رايده شيء اريد اروح اسوي جاي
زينه :اشو تمشين بالبيت وتردين تسوين جاي وكأنو بيت بيتج ثكلي حبي ثكل حلو
زهرة: ليش شمسويه هو كله جاي
زينه :مااقصد جاي اقصد تصرفاتج تصرفين وكأنو بيت بيتج ولو انتي تتمنين تعيشين هنا
زهرة: شبيج وياي انتي شنو هالحجي
زينه :مايعجبج كلامي لان يجرحج بس هو واقع انتي رايده هالبيت ومخططه وراسمه عليه
زهرة :شمخططه شراسمه شنو شاربه انتي يمكن حمل مأثر على مخج
زينه: لا مخي اصحى منج بس كولي اني كشفتج وعرفت شرايده انتي تحومين على يمان وتردين بس ختله وياه حتى تورطيه بيج وهاي شوفي اشتغلتي بالشركه حتى تكابليه
زهرة :احترمي نفسج شهالحجي الي تحجيه واعيه انتي شنو ادور ختله وياه شايفتني ماعندي تربيه واخلاق
زينه: وانكس هم يمان حجالي كلشي شلون اجيتي اعترفتيلة انتي تحبيه وشلون نهرج ورزلج وهانج بس مع كل هذا تركضين وراه شتردين منه واحد متزوج ومرته حامل
زهرة: زينه لاتتجاوزين اني لايمج ولاصوبج ولامأذيتج
زينه: مأذيتني وهواي هم واريد اكطع رجلج عن هالبيت ومن شركه هم خل اهلج يلموج بدال ماتفترين على بيوت العالم
زهرة :بيوت عالم هذا بيت عمي مو غريب ماجايه الج اني من يصير بيتج حددي منو يجي ومنو يروح
زينه: اني اعرف شلون اخلي بيت كله نظره ماينظرولج احترام مايحترموج ويطردوج بيدهم من بيت لاتتحديني
زهرة: لادوخيني وخري عن طريقي
زينه: لسة مابلشت لعبتنه زهرة خانم شوفي شراح اسوي بيج
زهرة: حجت هيج وشمرت روحه من درج احنه جنه واكفين على درجه ثالثه ونسولف صح مسافة قليله بس ممكن تأذي اذا حامل صارت تصرخ بعلو صوته نزلت اله اركض
زهرة: شبيج شبيج ليش شمرتي روحج هيج
زينه: يمه الحكولي يباوووو راح الولد يمان يمان يمه بطني راح اجيب
زهرة: نزل يمان يركض بالدرج والكل طلع على صوته وهي تعيط
يمان: شبيج شصار شنو واكعه
زينه :ياريت لو واكعه ياريت ولكم
محسن: كوم يمان اخذه للمستشفى شمنتظر
زينه: مااكوم مااكوم لحد مااخذ حق ابني
محسن: حقيش شبيج
زينه: بنت اخوك دفعتني من درج ومتعمده هم شوفو شسوت بيه حامل وبطني شكبره وتدفعني وكعت من درجه العاشره واني احمي بطني بايديه يمان دفعتني تريد تكتل ابني تريد تكتله وتكتلني حتى بعدين تزوجك
زهرة: شهالجذب والله مادفعته هي شمرت روحه من درج والله مالي علاقه
زينه :جذابه حقيره شتردين مني عينج على رجلي تردين تنهين حياتنه
زهرة: والله مالي علاقه مادفعته عمي والله مادفعته ماحسيت الا راجدي قوي على خدي باوعت شفت يمان ضربني
يمان :تالي وياج انتي شتردين مني وصلت بيج وقاحه تردين تكتلين ابني ومرتي لج شنو من بشر انتي فهميني شنو من بشر
محسن :يمان شيل ايدك عنه
يمان :مجاي تسمع بوية دفعته من درج وهي حامل شوف بنت اخوك وين وصلت بالنذاله
محسن: احترم نفسك ولاتجاوز مستحيل زهرة تسوي هيج
يمان :مستحيل شنو مو كدامك مرتي هاي كدامك مدده بالكاع شنو تشمر رزحه من درج هي
محسن :اخذ مرتك للمستشفى وبعدين نفتهم سالفه
يمان :والله ثم والله اذا صار شيء على ابني والله ادفنج زهرة ادفنج وياه اذبحج مثل ماكتلتي ابني
زهرة :والله يمان مادفعته والله جنه نسولف على درج وهي شمرت روحه
يمان :يمه حضري روحج وتعاي ويانه
زهرة: اخذوه وراحو واني كعدت بالصالة ابجي لافت سالفه عليه كله ومحد مصدكني بس عمي وهم مايكدر يحجي شيء عمي كلي اجيب اغراضي حتى اروح للبيت
صعدت اجيب اغراضي حتى اروح للبيت
امل: اخر شخص اتوقعه يسوي هيج انتي زهرة ولج حامل مارف قلبج للطفل ماكلتي خطية شنو مجرمه انتي ليش هيج سويتي
زهرة :ماسويته امل والله تجذب
امل: سولفيه للمخابيل ياام تضحي بأبنه وتشمر روحه من درج في سبيل جذب ماتوقعتج هيج جنت اكول انتي حبابة وروحج صافيه وطيبه بس طلعتي شيطانه
زهرة: امل ليش ماتصدكين والله ماسويته
امل :مجرمه انتي ولج طز بالحب طز بكلشي لو تحبين يمان من صدك ماتأذيه وتلجمين قلبه على ابنه ومرته انانية انانية
زهرة :كافي كافي ماسويته والقران ماسويته كافي
امل: اش فوكاه ام راهي هي تصيح طلعي بره زهرة لاتراويني وجهج مااريد اشوفج بعد ولا اريد بنت هم مجرمه مثلج روحي لاهلج خل يعيدون تربيتج بكل مرة اوكف وياج واكول ماتسوي هيج بس طلعت معمي على عيوني
زهرة :راح تندمين بس تعرفين حقيقه وكلكم تندمون
امل :امشي برة طلعي منا
زهرة: اخذت اغراضي وطلعت وصلني عمي طريق كله ابجي وصلت للبيت ورحت لغرفتي نص ساعة وطبت امي بعودة الماسحه كسرتني تكسر بيه واني اصيح ماادري ليش ضربتني وعمتي وياه تضرب هم
ام مرتضى: وج حقيرة شلون دفعيه من درج ولج سالفه مامرباية يوم اربيج من جد وجديد
زهرة :مادفعته والله تجذب يمه صدكيني
ام مرتضى: جاقابل شنو شمرت روحه هي وين اكو عاقله تسويه يوم اموتج تموت اني اترزل من مرت محسن تكلي ربي بنتج يوم السعج تلسع صبريلي
زهرة :ماما ازهار والله ماسويته جذابه هي تكرهني والله
ازهار :نزلتي راسي زهرة اني الي ربيتج ونطيتج دلال وشكلي دلالي خربج ليش ولج ليش تفشليني ويه امج وبيت عمج امج تكلي تربيتج هاي زبالة ليش هيج سويتي جان استحيتي على روحج عينج على رجال متزوج وعنده عائلة جان اختشيتي ها جزية ابن عمج الي يطارد بيج للدكاترة وبتركيا تجازية تخلين سجينه بنص قلبه هيج
زهرة والقران ماسويته والله ماسويته لاتضلموني ليش ماتصدكين اني مو مجرمه
طبت امي بيده خاشوكه محميته
ام مرتضى: يوم السع ايديج الي دفعنه اني اعلمج بت حسن صايرة صلفه
زهرة: يمه سمعيني ليش تحكمين عليه قبل ماتسمعين مو جاي الحلفلج ماسويت لاتجويني يمه والله ماسويته
ام مرتضى :لزميه ازهار
زهرة :اجت عمتي لزمتني اله واني كمت ارافس وامي تريد تلزك الخاشوكه بيدي ماتكدر تالي صارت بمتني من كدام وجوتني كمت اصيح واعيط على صوتي اجه مرتضى وخره مني
مرتضى: شبيجن وياه ليش هيج جويتنه
من مخابرة صدكتن هي مسويه هيج منو يكول ماهم جذابين
ازهار: شلون يجذبون مرة حامل باخطر شهر قابل راح تشمر روحه
مرتضى: وزهرة شعده تدفعه شدخله
ازهار :اسال اختك ليش دفعتيه جاوبي
مرتضى :طلعن برة يلة ومحد توصل اله يلة شحجيت
زهرة :طلعن كلهن ومرتضى وياهن دز بيد ضحى عصارة حروق بس متني مافاد وياه يسعر سعر عليه نمت وضحى ماطلعت من يمي واني صخنت وضحى ابتلت بيه يومين امي وعمتي ماشفتهم كله ضحى متكفله بيه ابوية سمع وصعد رزالني وضربني هم ومرتضى وكفلي وخره عني جنت مصخنه بيومه كلش سحب تلفوني ومنع عليه شغل وطلعه وحتى الاكل وياهم وكلشي ٤ ايام مرن مثل سم كضيته بس مريضه واجه نار بيوم خامس صعدت ضحى كالت سجاد هنا يريدج بالكوه نزلت بتراكي
سلمت عليه ومارد استغربت
زهرة: شبيك سجاد
سجاد :شمسويه زهرة
زهرة :شمسوية
سجاد :لاتردين كلامي بسؤال شمسويه
زهرة :مجاي افهم عليك شتقصد
سجاد :صدك الي كالته امج دافعه مرت ابن عمج من درج ومرة حامل
زهرة :لا مو صدك
سجاد: شلون بلة سولفي امج تجذب ؟ خابرتني مرة شايطه تكلي بنتي مامرباية تعال انت رجله ربيه
زهرة بصدمه: هي كالتلك هيج
سجاد: اي سولفي ليش هيج سويتي
زهرة :مادفعته هي شمرت روحه
سجاد: لو اصدك كلامج نطيني سبب يخلي مرة حامل تشمر روحه من درج في سبيل تهمج بس
زهرة :اذا ماتريد تصدك لاتصدك اني تعبت واني اعيد سالفه واكول ماسويته
سجاد: اني مصدك متسويه لان اعرفج شنو بس الي ناخر عقلي تصرف هذيج
زهرة :شتقصد
سجاد :مرة سالتج كتلج هم حبيتي وجوابج كلتي اي من طرف واحد صحيح لو لا
زهرة: اي صح
سجاد :يمان الي حبيتيه؟
زهرة :اذا انت تكول اني مصدكج ليش جاي شتريد
سجاد: جاي اعرف مرتي لسة تكن مشاعر لحبيبه الاول لو لا اريد اعرف لسة بقلبج لو لا لان لو اكو احتمال واحد بالميه اعوفج
زهرة :سجاد اني تعبانه ياريت نأجل نقاشنه لبعدين
سجاد :ماكو بعدين لاقبلين تحبيه لو لا جاوبي
زهرة :لاتصيح شبيك
سجاد: اي لو لا زهرة
زهرة :لا لا مااحبه لا
كام جاب قران اليه _انت شكاعد تسوي
سجاد حلفي
زهرة :شحلف شبيك انت
سجاد :خلي ايدج على قران واحلفي ماتحبيه اريد اصدكج حتى نبدي صفحه جديده واشك حلك كلمن يكول زهرة دافعته لمرت يمان
زهرة: مااحلف
سجاد: ليش جاوبي لاتسكتين
زهرة :لان سالفه ماتسوه حلف
سجاد: ماتسوه الج تسوه اليه صدكي لاراح انقهر ولا شيء لان كتلج اعتبرج صديقه ولا يوم راح اغير نظرتي عنج بس من يكولون مرتك هيج سوت وسوت لا مااكدر اسكت ومااقبله لان كلشي تسويه يمسني ماطول على ذمتي
زهرة :كافي فدوه كافي سجاد لاتضغط عليه
سجاد: ريحيني واحجي وخليني ادافعلج لاتخليني على عمه عيوني جوابج راح اعيد سؤال شنو اي لو لا تحبيه لو لا
زهرة: بجي اي اي بس هاي قبل مو هسة ومرته قبل لاتشمر روحه لباله اني اريد اخرب زواجه
سجاد: مسحي دموعج
زهرة :اسفه
سجاد: كتلج جوابج ماياثر عليه بس ردت اساعدج بس قبل كلشي مااكدر اساعدج وانتي على ذمتي
زهرة: شنو
سجاد: انتي طالق زهره
زهرة: هاي ليش سجاد مو كلت مصدكني
سجاد: مصدكج صح بس مااكدر اتزوج وحده قلبه مو اليه
زهرة :مو كتلك نسيته مو كتلك
سجاد: حجي زهرة حجي
زهرة :انت مامصدكي انت هم مثلهم لبالك اني دفعته مو
سجاد: اني رايح واذا ردتي شيء خابريني
زهرة: اوكف وين خل نتفاهم لاتروح سجاد
طلع وماسمعني رحت للصالة شايطه حياتي دمرت خلال ٤ ايام ياريت مارحت لهجمعه صارت امي كبالي احس روحي احتركت منه نسيت هي امي
زهرة :ارتاحيتي خربتي حياتي هسة ليش خابرتيه ليش ليوم واحد اريد توكفين ويانه وماتشكين بينه يوم واحد تسندينه شكيتي بياسمين من اجت غزه وتهمته وسويتي حياته حجيم وهسة اجه دوري ليش انتي هيج ليش مو بناتج احنه ليش مخسستنه احنه مو بشر تجبرين بينه نتزوج الي يعجبج وتجين تخربين هالزواج ارتاحي يمه ارتاحي شمتي بينه الغربه بتج اطلكت ارتاحي هلهلي بس من تنكشف حقيقه لاتجن وتتبجبجن وسامحينه زهرة راح انسه انتي امي وانتي هم امي ازهار ومن يوم انتي عمتي لان ماصدكتي ربات ايدج تصدكين وحده بارحه اجت ٢٤ سنه وياج ماتعرفيني اني شنو تظلمني وتأذني واخر شيء توصلنه لسجاد تحز بخاطري جملته من خابرتيه تكليله ماعرفت اربي ربي مرتك وهو هسة خلص من مسؤلية مرته ورجعه عليج الا اخليجن تندمن بس تنكشف حقيقه ولا ليش انتظر تنكشف اني اكشفه صبرولي صعدت ركض على درج لبست حجاب وعباية وجواريبي
ضحى: وين رايحه زهرة دنيا راح تغورب لاتتخبلين علينه بهاليل
زهرة: كعديلي مرتضى اليوم اذا مااطلع جذب هالحقيره اموت كومي ضحى كعديه
ضحى: اهدي هسة اكعده بس كولي وين تردين
زهرة :مااكول كعديه كعديه لاتخبليني
ضحى: على كيفج لاتصيحين هسة اكعده بس عمي مايقبل اطلعين شلون
زهرة: مالي علاقه بعمج مو بكيفهم امشي يلة
ضحى :رايحه انتظري اني هم اجي وياج
زهرة: على سريع نزلت جوه نار تسعر بيه امي وعمتي بالصالة يحوصن يردن يعرفن وين اروح واني مااجاوبهن نزل مرتضى
مرتضى: ها خير وين تردين
زهرة: امشي بسيارة اكلك
طلعنه ركبت وره فتحت جامه وجهي نار صاير وجسمي كله يون عليه دايخه بس مااتنازل كافي يوم لو اني لو زينه خل يفيده جذبه ماطول طولت مشكله وكبرته يوم اخليه تنقلب عليه باذن الله
_خابر يمان شوفه بالبيت لو لا
مرتضى: شتردين منه
زهرة: اريد اكشفله مرته الحيه
مرتضى: شراح تسوين لاتتهورين زهرة مااتحمل اي احد يقلل من احترامج لاتخلينه نتعارك ويه ابن عمي
زهرة :لا ماتصير عركه بينه تصير بينهم يلة خابره
خابره مرتضى كله بالبيت بس ماكله جاين كله اني جاي عليك بشغله نزلت من سيارة رحت دكيت باب حيل وبستعجال فتحتلي باب امل
امل: شتسوين جايه هنا ماتوبين انتي
زهرة: ماجاية عليج اني جاية لاخوج يمان
امل :روحي زهرة يمان متحلف بيج وابوية بالكوه مسكته لاتخليه يأذيج
زهرة: واني هم متحلفه بيه وبمرته وخري من وجهي دفعت امل وفتت جانو ياكلون على ميز يمان من شافني نكلب وحش بده يكوم يكطعني
محسن: خير بنيتي شبيج شصاير بحالج ليش هيج وجهج اصفر مريضه ؟
يمان: انتي شجابج هنا شهالصلافة الي عندج شهالوكاحه
زهرة: فتحت جنطتي الي ماخذته طلعت قرآن بسته وخليته على ميز طعام خليت ايدي عليه وجهت نظري لعمي
_عمي وحق كلام الله اني لادافعه جنتكم ولا اذيته وهاي جاي احلفلك بالقران وكدامك هي شمرت روحه من ثالث درجه وجانت متقصده هم وكالت تريد اقطع رجلي من بيت
زينه: جذابه تحلفين جذب الله ياخذج شهالقابليه الي عندج
محسن :سكتي انتي
زهرة :مثل ماحلفت اني هي هم تحلف اني دافعته
زينه :مااحلف اني فوك مااني الي اتأذيت ترديني احلف
محسن: تحلفين حتى نخلص من هالسالفه ونقفله صارلج ٤ ايام كلما كمتي كعدتي تصيحين زهرة دافعتج ومتاذيه واني اشوفج جنج صل كلشي مابيج لو على حجيج من درجه عاشرة جان هسة بالانعاش انتي
زينه: تجذبني عمي هاي خالتي يمك واسأله شكالت دكتورة
محسن :خالتج اذا كلامج طلع جذب اله حساب ثاني لان اعرفه من تظم عليه حاجه تضل تلوب وهي صارله ٤ ايام تلوب
الحجيه: كومي حلفي مثل ماحلفت البت حتى تخلص هالسالفه مو تكولين مظلومه ليش ماتحلفين الا اذا صدم كلام زهرة وانتي شامرة روحج
زينه مااحلف خوش والله فوك صلافته وعرامته اني احلف
محسن: يمان تصرف ويه مرتك
يمان :كومي حلفي زينه
زينه :يمان صدك تحجي تصدكه
يمان بعياط: كلت كومي حلفي
زينه: مااحلف شتسون سو
يمان: قسم بالله اذا ماحلفتي او حجيتي حقيقه هسة ارمي يمين طلاق عليج كومي
زينه :مااحلف مااحلف اخاف على ابني
الحجيه :وشله علاقه الطفل بالحلف الا اذا جنتي جذابه وتخافين حوبة قران بس اكلج حوبة هالفقيرة ماتتعداج ترة
يمان: زينه شكلت اني
زينه: مااكدر احجي اني مااحلف اني شمرت روحي من درجه ثالثه مو هي دفعتني
محسن: ومثل ماتوقعت لهذا اكلك وليدي اتأنه بالحكم
زهرة :واخيرا حجت وتبينت حقيقه يمان ضربه وصار كرم حاجز بينهم وهي كامت تعد
زينه :اساله عمي ليش هيج سويت ابنك يعرف كلشي هالحقيرة حاطه عينه على رجلي تريد تاخذه منه
يمان :سكتي لاتسمعيني صوتج اسكتي
محسن: كلام فارغ لاتحجين ولي من وجهي زهرة بنيتي اني اعتذر وباجر اجي لبيت اهلج ونعتذر منكم على تصرفات هالرعنه
زهرة: تسلم عمي بس شيفيد الاعتذار جنتك خربت حياتي واني يوم جيت لان لأخر ذرة انهاريت بسبب جذبته اني طلكت يوم وخطيتي بركبته كسرة قلبي وقهرتي يوم المغرب بركبته ماابريله ذمه ابد دموعي كامت تجري عفتهم وطلعت مرتضى برة متانيني ركبت سيارة ورجعنه للبيت
