*مساء الخير *
"رغم كسرت قلبي احببتك "
زهرة :كعدت صبح بالكوه كمت ميته نعاس فزيت ولكيت يمان ماكو رحت للحمام وماجان هناك دخلت سبحت ولبست قفطان وتمكيجت مكياج خفيف ولبست حجابي ويمان ماكو استحي اخابرة وميته جوع كمت طلعت كباب البارحه همزين اكو مايكروف بالغرفه حميت الاكل وكعدت اكل لان ميته جوع وبارحه ماشبعت استحي منه جاي اكل واختنكت من حجاب كمت نزعته وكملت اكلي اني واكل فتح باب الغرفه واجه يمان حرت وين اضم الاكل ضليت بمكاني متجمده
يمان: كملي اكلج ماعليج بيه
زهرة: تاكل
يمان: لا مااشتهي
زهرة :اني خصلت راح اشيل الاكل
يمان :حضري روحج حتى نروح
زهرة :اي دقايق كمت لفيت الاكل وطلعت الي بالثلاجه لفيته حتى ناخذه ويانه لبست حجابي وعباتي وطلعنه
طريق كله يمان ساكت واني هم ساكته وصلنه للبيت وجانو منتظرينه زلم برة واكو ذبيحتين هم جايبهن عمي نزلت اني ويمان وعمي ماقبل نفوت الا يذبح ذبايح ذبحوهن ودخلت للبيت استقبلونه بالهلاهل والجكليت وكفلات بيبية يمان جان اكثر وحده فرحانه وهوساته من كل گلبه يمان عافني وطلع واني استلمني سلامات متت كعدت بالصالة ونزعت حجابي وعبايتي شوية واجت امل صعدتني فوك لغرفتي اعدل نفسي رتبت شعري وطوخت مكياج واخذت شال خاف احد يدخل ونزلت يم الناس كامو يوجبوني حتى اشخاص مااعرفهم وكله واجب جان ثكيل مالحكت احفظ شكلهم سوو غده وصبو واني شبعانه مااشتهي كتلهم صاعده فوك صعدت فوك مسحت مكياجي وصليت ورجعت لبست غير لبس لبست فستان طويل لون وردي فاتح جان ارداناته شفافه وكلهن ليلو حيل حلو شوية وندكت باب جنت اسوي بشعري تسريحه بسيطه طلعت من منزع ورحت فتحته جانت ام يمان
_هلا عمه فوتي ليش دكين باب
ام حسين: كلت خاف تبدلين
زهرة :لا خلصت تفضلي دخلت وكفت نص غرفه الباب مفتوحه ماسديته اني ردت اسده كالت عوفيه راح انزل اني مااتاخر
ام حسين :شلونج بارحه شلونج خو مامتأذيه
زهرة :زينه الحمد لله
ام حسين :وين نيشانج
زهرة: يانيشان
ام حسين: اقصد بياضج وين فهمتي عليه لو اوضح بعد
زهرة: ها ها فهمت اي شبيه
ام حسين :فتحي مخج وياي بنتي وينه راوينياه امج ماسألتج عنه مانطيتياه
زهرة: لا ماسألت ولاانطيته
ام حسين :اي خوش جيبيه خل اشوفه
زهرة :ارتبكت حيل مااعرف شجاوبه وشلون اقنعه وهي كأنو داخله تحقيق وياي كتله اول فكره خطرت بالي _مو عندي
ام حسين: جا وين عدمن مو كلتي مانطيته لامي
زهرة: يمان يمان اخذه
ام حسين :شيسوي بيه يمان شعده ماخذه
زهرة :ماادري هو اخذه واني ماسألته
ام حسين :يلة اني احاجيه اخذي راحتج
زهرة: عافتني وطلعت من طلعت جان يمان ستوه صاعد وكفت تحجي وياه
ام حسين: تعال انت شعندك ماخذ نيشان البنية
يمان: أي نيشان
ام حسين: نيشان مرتك مالت عرس ليش ماخذه غير هو لازم عند بنية يظل شكو مخليه يمك
يمان: منو كلج يمي
ام حسين: مرتك ستوني سألته وكالت يمي
يمان: اذا خلص يمي شكو تسالين عليه
ام حسين: راوينياه اريد اشوفه
يمان: هاي جديده يوم من يمته دورين هيج سوالف انتي
ام حسين: وشبيه عادي امك اني من حقي
يمان: لاعذريني مو من حقج امي على العين والراس بس هذا شيء خاص بيني وين مرتي وتعرفيني كلش زين اني مااحب اسولف بهالسوالف ومااحب احد يدخل بيه
ام حسين: وهي شبيه ترة لاعيب ولا حرام ليش صرت عصبي
يمان: مو عصبي اني بس شويه تعبان من دوخة العرس ثاني شيء كتلج واعيد شيء خاص بينه مااراويجياه
ام حسين: ولك بسلا ماتممت العرس بارحه لو تمته وتستر عليه ليش ضامه عني
يمان: يمه شجاج شهالحجي مو مرتي ليش تحجين عليه بعدين اني قبل ماطلبتي تشوفيه ولا خليت المرحومه تراويه شنو اختلف
ام حسين :اختلف هاي مرتك جانت قبل عاقده خاف ويه خطيبه خذاهم واهس و
يمان :يمه كافي كافي تحجيه كدامي هم شبيج عليه يوم انتي
ام حسين :مااسكت لحد ماتراوينياه لو والله اكول لابوك
يمان: حتى ابوية مايرضه على حجيج هذا
ام حسين: والله هسة انزل جوه واكوللهم ماعده نيشان امشي راونياه
يمان: استغفر الله استغفر الله انتظريني هنا
ام حسين: اجي وياك
يمان: لا مو كدامه لااكدر اكسر بيج ولابيه اني اجيبه
زهرة :جنت واكفه وره باب سمعت حجيه كله حصرتني دمعه لو بته صاير وياه نفسي جان حجت هيج عنه تشكك بتربيتي واخلاقي نزلت دموعي من قهرتي بصباحية عرسي هيج تصير ليش شمسويه اني من سمعت خطواته تقرب دنيت عن باب ورحت لغرفة تبديل اجه هو هم غرفة تبديل اني جنت كاعده على ميز مراية صافنه وهو طب دور بجنطتي الي فاتحته طلع قطعة القماش اجه فتح جرار بالكنتور وطلع ماادري شنو وكام نزع قميصه اني كل هذا اشوفه بالمراية اشو هذا طلع سجينه جرع ايده من جهت زنده لفوك خله قماش عليه اني كبل صحت ودرت وجهي عليه فازه _شجاي تسوي ليش جرحت روحك
يمان :صوتج لاتفضحينه بعدين افهمج
لبس وكام جاب شسوار جفف قماش وطلع راح دقايق ورجع شمره بالزبالة ضليت صافنه عليه انتظره يشرحلي
يمان :نخلص من ملحت الناس سويت هيج حتى محد يدخل بحياتنه بعد
زهرة: اني ...... اني ماخليت سجاد يلزم ايدي جان كلما يلزمني ارفض ومااقبل اذا ماتصدكني روح سأله كل الي جمعني بيه بس سوالف وحتى قليلة اني مستحيل انزل راس اهلي على رغم الي جان بينه حلال
يمان: استغفر الله انسي زهرة سالفة ماتسوه نضوج عليه وهسة انتهت
زهرة: لاتسوه امك شككت بتربيتي اذا ابوية منطيني ثقه اطلع وافوت براحتي مو معناه اني ماعندي اخلاق اني مقدرة ثقته وماغدرته ابد اذا ماتصدك اسأل سجاد
يمان: لاتبررين زهرة اعرف كلشي واعرفج امي مو هيج اكو من يقره براسه لاتقهرين روحج وسدي موضوع وكأنو ماانفتح خلص
زهرة :عافني وراح للحمام يسبح واني نسدت نفسي من العرس والاجواء كله عدلت مكياجي وكعدت بصالة الغرفه على تلفزيون هو خلص وفرش سجاده صلى واجه مدد على جرباية كال
يمان: لاتكعديني على الاكل مااشتهي راح انام
زهرة: تمام شوية وهدى صعدت الاكل كتله مانريد يمان نايم نزلت اني نعست حيل مددت على تخم ونمت عليه للعصر كعدت على دك باب بالكوه كمت فتحته جانت امل
امل: يلة عروستنه نزلي جاين خطار عليكم وكعدي عريس وياج اصدقائه اجو يوجبونه هم ونسوانهم
زهرة: اي هسة اكعده
امل :شهالفستان اليجنن حيل حلو عليج
زهرة :والله يعني ماابدلة
امل: لا حيل حلو ولبسي ذهبج وياه يطلع احلى
زهرة :اي تمام عفته ورحت لبست ذهبي وعدلت نفسي ورحت ليمان اكعده _يمان يمان
زهرة: اهزه من كتفه وماكو مايرضه يكعد لوين اني احاول دور كعد
يمان: ها شكو منو انتي
زهرة :عزه فقد رجال الذاكره على حظج يزهرة كتله اصدقائك اجو يباركولك كوم ينتظروك
يمان: ها اي كايم
زهرة: كام غسل وجهه وبدل واني نزلت قبله سلمت على خطار زوجات اصدقاء يمان واصحابين شركات دوخة نطوني واجب جان عبارة عن قطع ذهب كلاده لو سوار طلعو قبل عشه واني اخذت غراض لغرفتي نزلت يمهم اهلي هم بلشو يطلعون ياسمين واحمد ودعوني ونطوني كلاده صغيرة من ذهب منهم وجوري ورجله جابو تراجي وخواتي بقيه نطني فلوس و مرتضى محبس وعمتي وابوية وامي اشتركو بتخم ذهب وسط جابوه اليه هدية صارن كل غراضي ذهب بحيث غركت بالذهب حتى امل هدتني محبس واسراء تراجي اما عمي وزوجته وكرم وحسين جانو مبلغ من مال بس هم هواي يعادل ذهب بيبية يمان نطتني معضد مالته مهم جمعت كل واجبات بكنتور خاص لمهم هن وذهبي صار ليل نزلنه تعشينه جوه ويه الخطار الباقي اهلي طلعو قبل عشه ماقبلو يتعشون اكلنه وسولفنه اني وامل وبنات وللعشرة باليل صعدت انام طفيت بدلت لتراك من ستن يصير بجامه وتشيرت تعلاكات ووياه روب عليه لونه احمر لبست روب ومسحت مكياج رحت انام على جرباية يمان لسة مااجه مددت وباوعت لكاروك يوسف يوم يوسف ماقبلو يخلوه يمي بقه يم امل اذكرت صور الي طكيتهن وياه بالقاعه خذته بديل عن ابوه ههههه وصورة بالاستديو اني وياه وابوه حيل حلوه جانت وقررت كلت اجومه من تجي ان شاء الله واني افكر انفتح باب ماجنت قافلته دخل يمان بس كال مساء خير ومشه للمنزع بدل واجه مدد على قنفه وجايب بطانية ومخده وياه من غرفة منزع
زهرة: يمان تعال نام هنا واني انام على قنفه
يمان: لاماترتاحين تتكسرين
زهرة: لا عادي اني تكفيني انت رجليك طالعه
يمان: نامي زهرة مرتاح هنا
زهرة: سكتت وكمت طفيت اضويه بس ضوه منام شغال نمت اني وغفيت لنص ليل فزيت عطشانه شربت مي وكمت للحمام ورجعت نزعت روب ومددت بفراشي جفي من نعاس شويه وحسيت حركه بالغرفه ويمان فتح فراش ونام يمي على جرباية اني فزيت وكعدت على جرباية _ها اجيت هنا اروح مكانك
يمان : بنعاس نامي تكفينه اثنينه شكو منفصلين
زهرة :اروح انام اني بالقنفه
يمان: نامي زهرة هنا لاتعليني اريد انام
زهرة: درت وجهي انطيته ظهري وذكرت اني نازعه روب وتيشريت بلا ردن ودلع كمت من جرباية اريد اجيب روب الي خليته على جربايةيوسف بعدني ماكمت سحبني يمان من ايدي
يمان :كتلج نامي هنا ليش تعاندين
زهرة: مااروح بس اجيب روب نسيتك انت هنا لبالي بغرفتي بيت اهلي براحتي جنت
يمان :وهسة هم عادي ماتغير شيء يلة نامي اريد انام مااكدر انام وانتي تتحركين افز بسرعه
زهرة :عفته ونمت للصبح فزيت واني وحدي بالجرباية كمت غسلت وبدلت لبس حلو ونزلت صبحت عليهم تريكت ويه امل وهم خطار مستمر اسبوع واحنه هيج حولت يوسف يمي استقر شويه بلشت ابحث عن نظام غذائي مفيد اله لان كلش ناعم وكمت اطبقله واوكله وهو حباب مايعترض او يبجي يوسف حيل هادئ ومايزعج احد وحتى باليل مايكعد للرضاعه اني موقته منبه واكعدله ودوم منبه مكعد يمان هم خطيه بس شسوي مااكدر اكعد الا منبه وهسة هالفترة اجازة عرس فموقته منبه لكعدت صبح وياه
يوم كعدت يمان مو هنا ماموجود بالبيت وحتى ماكال اليه وين هو بدلت ونزلت اني ويوسف الي بدلتله هم خليته يم الحجيه رحت سويت ريوك اني وحجيه مجان اكو احد بالببت بس اني وياه واسراء الي ماتنزل تريكنه وكلت يوسف الي صاير يحب الاكل ويتلهف عليه كملنه وخليته بالحجله يفتر واني صعدت اعزل غرفتي غسلت ملابسي وملابس يمان بغسالة طابق ثاني وشريتهم بالمنشر ونزلت جوه يم حجيه اسولف واخابر اهلي ويوسف يلعب يمنه
سالت حجيه _بيبي هم تدرين يمان وين
حجيه: اي يمه راح للشركه عنده شغل
زهرة: ها ماكالي قلقت عليه
حجيه :يوه يمان دوم هيج سوالفه يطلع بالخنسه اني صبح اصيده والزمه تحقيق
زهرة: هههه اكلج بيبي اسوي غده
حجيه :لايمه هسة تجي ام هدى تسوي غده لاتعبين روحج
زهرة :خوش
ضليت كاعده اجت ام هدى رحت اساعده وهي ماقبلت واني بالكوه وكفت اساعده بالخفايف لحد ماكملنه اجت ام يمان وراه اجو امل ويمان وعمي وكرم جنت اسوي بالزلاطه بالمطبخ دخل يمان
يمان :السلام عليكم
زهرة :عليكم سلام شلونك
يمان: الحمد لله
زهرة: اخذ بطل مي وطلع كملت ثرم وطلعت وراه للصاله سلمت عليهم واخذت يوسف من عمي غسلتله ايديه حتى نتغدى صبو غده ونقلو الاكل على سفرة واني المن بغراض يوسف الي بالصالة والعابه اجتمعنه على طاوله عمي براس طاوله وعلى يمينه عمتي وكرم واسراء ويسارة يمان واني وامل وحجيه بالركن ثاني من طاوله صبولنه الاكل وكمنه ناكل جان برياني دجاج وكلت يوسف خبز بالتشريب وهو مكيف بالطعم ياكل ويضحك لو يصفك
محسن :مكيف بالاكل حبيبي ها جدو
الحجيه: اي حتى صبح هيج صاير يحب الاكل زهرة خوش تطبخله اكل غريب بس طيب
زهرة :جاي اسويلة اكل صحي حتى يسمن ويكبر شويه
محسن: عاشت ايدج بنيتي كله بميزان حسناتج الله يوفقج
زهرة: تسلم عمي
كملنه اكل وغسلت ليوسف رجعت يمان ماكو ويوسف كام يبجي يريد ينام صعدته فوك حتى انيمه لكيت يمان مبدل ونايم على جرباية سكتت يوسف ونيمته خليته بكاروكه ورحت سبحت وبدلت لتراك صار حسره عليه البس تراك لازم كله فساتين لو دشداشات لان يمان مايقبل كعدت على تلفزيون ربطت فلم بيه واباوع للعصر اني هيج متت من ملل احس وحدي هنا يمان صدف يصير بينه كلام وامل خطية ترجع تعبانه من دوام تنام بس بليل تكعد يمي وهم شويه وتروح شوية كعد يمان راح يبدل ونزل مااعرف شبيه بس يشوفني يشرد مدري اني يتهيألي مشه روتين حياتي شهر هيج اني ويمان مانجتمع بس على الاكل وباليل مايجي الا من انام ومرات مايجي بديت اضوج من اسلوبه وتعامله بيوم كلت بس اكعد احاجيه على اسلوبه هذا واتفاهم وياه نمت والصبح سمعت صوت صياح وعرك نزلت مفزوعه بعد مالبست روب طويل وحجاب على ملابسي نزلت ركض جان عمي بالصالة يصيح على يمان الي واكف ويمه جنطة سفر
محسن :ماصارلة زواجك شهر من كتلي اريد اسافر لبالي ماخذ مرتك شهر عسل رايح وحدك شعندك
يمان: يابة شغل اني هذا شغلي وهي تعرفه شنو الجديد
محسن :جديد تعوف مرتك الي متزوجه قبل شهر وتسافر الله يعلم شوكت تجي انت صاحي لو مخبل بس فهمني يمان ليش هيج تسوي
يمان: يابة اني شغلي يطلب مني اسافر ومراح اوكف حياتي لان تزوجت اعذرني
محسن: ومرتك وين تعوفه ولك
يمان: هنا تبقه هنا واني ماخذله اجازه لحد ماارجع عن اذنكم
زهرة: باس راس ابوه وامه وبيبيته وسحب جنطته وطلع حتى نظرة وحده ماباوعلي ظليت صافنه بمكاني حتى ماكلف نفسه وكلي حتى ماودعني عفتهم وصعدت فايرة من عصبيه شنو قصده لوين يريد يوصل ليش هيج يسوي كله اسئلة ومااله جوابات روحي راحت من حركه مددت بفراشي ودموعي خانني كمت ابجي بكل قهر اني ليش حظي هيج حتى بعد مااخذت الي احبه انعليت كعد يوسف واني على هالحاله اخذته بحظني اسكته ورضعته ورجع نام واني نوم جافا عيوني كمت سبحت وخابرت ياسمين سولفتله كلشي وطلبت رأيه اطلع من بيت لو اضل
ياسمين :يجوز ساعة عصبيه صارات وماعبرج شوفي ظلي بالبيت هو اكيد راح يخابرج ويعتذر انتي لاتخابرين ولاتحجين وياه وهو من هيج تسوين راح يخابرج ندمان
زهرة: جاي افكر اروح لاهلي
ياسمين: لاتفكرين هيج المتزوجين عرايكهم ماتخلص خو مو كل عركه نروح لاهلنه هم نتحمل وزلم دوم هيج مايهتمون للمشاعر ساعت العصبيه بس بعدين يعتذرون ويجون يطلبون سماح لاتستعجلين بقرارج وهم لاتنسين كدام ناس شنكول زعلت عند اهله وماصارله شهر
زهرة :جا تصرفه مو يقهر لو بس اني حساسه ماكلف نفسه وكلي ماحجه البارحه ل٣ انتظره مااجه وصبح من كعدت جان محظر امورة ولاكأنو اكو كلبه هنا منتظرته
ياسمين :شنسوي ياخيه انتظري ونشوف لاتظلين تبجين وتقهرين روحج على الفارغ كافي حبيبتي
زهرة: طفيت تلفون وكمت غسلت سويت نفسي طبيعيه ونزلت اتريك اني ويوسف وامل امل من كعدت جانت تدري اخوه مسافر ومن سألته شمدريج كالت بليل كلي على عشى بوقته زادت شوطتي شوطتين يكول لامل ومايكلي صعدت فوك لغرفتي شايطه مر يوم كله واني مافهمت منه شيء بس مراقبه تلفون هسة يدك ويعتذر هسة يدز مسج وهو كلشي ماكو فتحت تلفوني وشفته ناشر صور بالمطار هو وعلي صاحبه وصور بالفندق طفيته ونزلت جوه اني ويوسف بعدني ماوصلت للدرج طلعت امل تخابر وتضحك كالتلي من شافتني _زهرة هذا يمان تردين تحجين وياه
زهرة :بسرعه حجيت بصوت عالي حتى يسمع وكتله لا وعفته ونزلت سمعت امل كلتله شنو متعاركين وبعد ماسمعت رده نزلت جوه يم حجيه الي صارت صديقتي بهالبيت دوم تسولفلي على اهل كبل واني استمع اله واتجاوب وياه وهي تكيف من تشوفني مهتمه كملنه عشه وصعدت اني ويوسف فوك يمان ماكو منه اي اتصال مر اسبوع وهو ولادك عليه ولا راسلني والي صدمني من اجت امل اليه فاتحه كامره وية اخوه وكالتلي يمان يرد يشوف يوسف حسيت بأحساس كلش مو حلو وكأنو اني مربيه هنا مو مرته الي الي حق اكثر من اخته بلعت غصتي بالكوه وكتله اخذيه وكمت للحمام من حرارة الموقف فتحت دوش بارد وسبحت بيه اريد اطفي ناري ماادري ليش هيج يسوي على رغم اني حجاية ماحجيت وياه جنت محترمته وماسويت شيء يضوجه تالي هيج جازاني حاسبني مثل خدامه تللون مايرفع عليه بساعة غضب كلت الا ماابقه هنا واروح لاهلي وفعلا خابرت مرتضى وكلي راح يجيني من نزلت بلغت عمي كال
محسن: بسلا زعلانه من يمان لان سافر بنتي هذا وضعه يمان دوم يسافر اكيد سامعه قبل بيه
زهرة: لا عمي صارلي شهر مارايحه لاهلي كلت اروح كم يوم الهم ازورهم
محسن: اذا هيج براحتج بنيتي
زهرة :صعدت لميت جنطه بسيطه وتعمدت اروح لامل لان ادري بيه تخابر بيه لسة دكيت باب وفتحته وحجيت _امل خلي يوسف يمج اني رايحه لاهلي
امل: صدك ليش بيج شيء زهرة شو وجهج اصفر
زهرة :لا مابيه بس تعبانه شوية عفته وطلعت نزلت جوه ورحت لسيارة مرتضى الي وصلني لبيت اهلي وراح لبيته واني دخلت سلمت على اهلي ماحجيت شيء وكأنو زيارة عاديه كضيت يمهم يومين ويم ثالث عمي خابرني
محسن: ها عمي امر عليج لو بعدج اشتاقينالج ويوسف يبجي عليج يكول داده وين ماتجين اله خطيه
زهرة :هاهي عمي مر عليه ماعندي شيء
وصدك مت لميت ملابسي وغراضي واجه عمي وصلني للبيت لكيت يوسف بالصالة يلعب بس شااني اجه يزحف ركض اليه ويرطن مافهمت عليه شيء بس الي فهمته جان مشتاقلي ومفتقدني كعدته بحظني ابوس بيه واحظن بيه وهو يشم بيه ويضحك ضحكته الحلوه صعدت لغرفتي بدلت وبدلت ليوسف ومشه يومنه عادي مر اسبوع ثاني على سفر يمان واي تواصل بينه ماكو كل تواصله بس ويه امه وامل يوم كعدت بطني موتتني من وجع واتقيئ اجتني شهريه نزلت جوه اني ويوسف وعمتي جانت بالمطبخ واني بالصالة اني وحجيه يوسف يلعب وجان يزحف واني كاعده بصف حجيه اكلب بالتلفون ويوسف وهو يزحف عثر ووكع على وجهه صرخ يبجي واني فزيت شلته واسكت بيه وهو يتهضم ويبجي طلعت عمتي من مطبخ
ام حسين :شبيه ليش يبجي شسويتيله
زهرة :ماسويتله شيء عثر وهو يزحف حتى سألي حجيه
ام حسين :جاانتي شنو هنا غير ديرين بالج عليه المن جايبج يمان هنا
زهرة :عمه شنو هالحجي ليش تعامليني هيج وكأنو اني خدامه اله
ام حسين :ليش مو خدامه اله انتي اشو ابني بس جابج شرد وسافر غير من وراج ومن وره سوالج شمسويتله وهججتيه
محسن: سهام شهالحجي هذا
ام حسين: ماحجيت شيء غلط من لفت علينه ووليدي مو على بعضه واخر شيء هج وشرد منه وكل مااخابره اكله ارجع مايجي ويضحك عليه
امل: يمه هي شعليه تدرين يمان شكد يسافر قبل شنو فرق هسة
ام حسين: انتي سكتي وانلصمي لاتدخلين
الحجيه: انتي شبيج شايشه علينه يوم شمسويه البنية طفل طاح من وحده
ام حسين: يمه رجائا لاتدخلين اني وجنتي
الحجيه: هيج الحجي جااني امشي بكرامتي احسلي واعوفلج بيت سرحي بيه
زهرة :حجيه كامت وعمتي لحكته تعتذر منه قبل مايحجي عمي كتله توديني لاهلي هو هم سكت وكلي حظري نفسج جمعت ملابسي لاعلى التعين وطلعت وياه لبيت اهلي من وصلت سولفت لماما ازهار كلشي وهي خابرت ام يمان وتعاركت وياه واني عفتهم وصعدت لغرفتي مددت ودمعتي على خدي دك تلفوني شفته جان يمان بعد وكت استوك اتذكرت عندك مرة هنا فصلته بوجه وغلقت التلفون اجت عمتي كالت
ازهار: هاج يمه رجلج على خط يريدج
زهرة : ببجي مااريد احجي وياه يمه مااريد اخذيه وطلعي فدوه عوفيني
زهرة: طلعت عمتي واني قفلت باب وراي وبلعت براستيمول ونمت .
