السلام عليكم اهلا بيكم بالبارت الجديد حبايبي بارت مليئ احداث استمتعو 👋🌻💙
##زهرة :
من راحو بيت عمتي انتظار باتت يمنه بتول فباتت يمي اني وماما ازهار اما بيت عمتي انتصار فباتت عمتي يمنه هي ومنى وزوج منى اما زوج عمتي فقرر يروح لاخوه يرتاح هناك على الرغم ابوية ماقبل بس هو اصر يروح للمنه البيت ونظفناه وصعدنه نمنه.
¥في _الغرفه
زهرة: اكول بتول
بتول: نعم كولي
زهره: مرت احمد مارجعت
بتول: لامارجعت
زهره: هو شنو سبب المشكلة
بتول: والله يختي كولي اسباب مو سبب
زهره: ياا شنو كولي
بتول: خيه بس نوم واكل صارت جنه هايشه وجهاله ماتهتم بيهم يعني بناته ينامن يمنه وتبديلهن وسبحهن اني لو امي ومرات روان وروان تدرس بيهن تتونس وياهن وغير احمد الي هاملته لاملابس لااكل تصبله يعني هيج عايشه وحده حتى طه متهتم بيه بحيث متسبحه ماما تسبحه وغير هذاك اليوم صيحت على امي واحمد سمعه وشاط طاحله دك ووداه لاهلهه .
زهره: خرب هاي شبيه قذره ويعع مقرفه
بتول: واكثر واكثر
زهره: اي وماناوي يرده
بتول: والله امي كالتله كلله عوفيني مرتاح منه
زهره: ها بس اكيد بالنهاية يرجعه
بتول: الله كريم
زهره: خلي انام باجر ورانه روحه للمقبره
بتول: اي بال٦ يطلعون
زهره: منو يروح
بتول: والله اني وامي نروح وروان متروح
وابويه ميروح ومؤمل ميروح وسجاد هم
زهره: هو سجاد دوم ميروح حتى للعزيمه مااجه شبيه مخبل
بتول: والله يختي شغل وبالجمعه يكظيه ويه اصدقائه يعزموه
زهره: ها زين شلون تكفي السياره
بتول: والله مدري الصبح تدبر
زهره: الله كريم يلة تصبحين على خير
بتول: وانت بخير
في _الصباح
¥ياسمين :
كعدت الصبح بال٥ رحت للحمام توضيت وصليت ونزلت جوه لكيت عمة ازهار وايناس كاعدات ويسون ريوك سويت ريوك وياهن سوينه بيض سلك وبيض طك وكليت طماطه وطلعنه جبن وقشطه ومربى سوينه الاكل على شكل صواني ابوية واخويه ومرته وامي صنيه وعماتي واني ومنى صنية كلنه وسألتهم
ياسمين: يمه منو يروح وياكم للمقبره
الام: يمه اني وابوج وعمتج ازهار وانتصار
ياسمين: ومنى ومرتضى ميرحون ؟
الام: لا يمه
ياسمين: شعجب منى ؟
منى: والله تعبانه واذا اروح محمد وعلي يجلبون بيه خلينه كاعدين احسللنه ونقره الفاتحه هنا
ياسمين: يمه جا اروح وياجن اذا تكفي السياره
الام: يمه اني وابوج وعماتج بسيارتنه واحمد حيجيب امه بس فشوفي وين ترحين ويامن
ياسمين: لعد اروح وياكم
الام: ماشي روحي شوفي خواتج منو تروح
ياسمين : صعت فوك ورحت لغرفتنه اني وجوري وكتله كالت متروح ماله خلك تريد تنام ورحت لزهرة وبتول وكالو يرحون بعده رحت ابدل ملابسي لبست بنطرون جينز ازرق ولبست وياه قميص ماروني طوخ واخذت وياي جاكيت ازرك وبيه ماروني وياه شال جرجيت بيجي وحذاء ابيض وبيه ماروني رياضي وعبايه وخليت مكياج خفيف بس واقي وشويه باودر لان راح نزور الامام علي عليه السلام كملت ونزلت جوه كعدت اسولف ويه بنات اختي كاعدات من الصبح يتريكن لان نامن من وكت .
