*مساء الخير *
"رغم كسرت قلبي احببتك "
ام حسين: تعال انت شوفلنه حل ويه مرتك شلون احنه نضل هيج شوف شمسويه بالبنات كاتلتهن وموتتهن
حاطه كوره من كورهن مو عيب شتكول عليه اختي
خلتهن يمي واحنه طايحيلهن دك
يمان :حقج عليه يمه لاتنقهرين اني اعتذر نيابة عنه وهسه اخليه تعتذر هم منهن ويتصافن هن خوات ماكو زعل ان شاء الله
الام :ياخوات تحجي انت هو هذا تصرف خوات ولك هذني عدوات مو مثلهن هي مرتك خلت اخوه دباوع لوحدتهن تكول هاجم عليه جلب ياعض ياخراميش حتى ملابسهن مشككه شنو حلبة مصارعه عندي
مرتك طلعته من ماعونه وزهكتنه
حتى بيتي ماارتاح اني شهالعيشه هاي خطاري ينهان اذا ماتكدر على مرتك يمه كلي اني اتصرف هسة ادزه لاهله يشوفون شبيه بتهم متخبله
يمان :استغفر الله مو هيج يمه هن بنات بينهن وصارت مشادات ليش تدخلين
بعدين لاتنسين بنات اختج تجاوزن على مرتي وهسة هاي الي دافعيله دافعته ومركوع راس يوسف يعني هن الي بدن العركه وتقارشن وياه واخذن نصيبهن
ليش تذمين بس بمرتي
واني رغم تجاوزهن ماحجيت ودخلت كلت هي اخذت حقه ليش نكبر سالفه
الام :يدافعله يدافعله مكيف على صلافته وكاحته انت راح تخبلني هاي شمسويتلك وساحرتك عاميتك عمي يكلي تعاركن وياه حتى لو يتعاركن اسمهن ضيوف عدنه تتحمل وتسكت مو تجي تهين ضيوفي بيتي اني هالحجي مااقبل بيه بنات اختي يكعدن معززات مكرمات وغصبا على الكل
محسن :كافي يمعوده دوختينه سويتيه فرد مرة عساس بنات اختج بريئات ملائكه نازله من سما
ترة محد يقتنع بكلامج هذا
الام :خو انت تكيف من تشوفهن مضروبات منتعش عوزك بس تكوم تصفك لبت اخوك وتكلله اي عاشت ايدج اني حجي مو وياك اني ويه ابني احجي شوف يمان تكول لمرتك الي خاتله وراك ومسويه روحه خايفه
تعتذر هسة منهن وتروح لاهله عما ترجع خالتك وتاخذ بناته وهاهي فضت راحت
خل نرتاح شويه روسنه ثالت
زهرة :اني سمعته هيج كالت تخبلت اني شهر مارحت لاهلي ولاوصلتلهم وهاي تريد تطردني
ويبقه يمان هنا يم هذني مسمومات هلو احتمال ارجع الكاهن مختصباته يباو
ندست يمان من ظهرة باوعلي بطرف عينه _ ترة مااروح لاهلي من هسة اكلك
دار وجهه عني بلامبالاة بسلا صدك يسويه ويوديني غير اذبحه
الام :ها شو صافن شكلت
يمان :هاهي يمه اني اتصرف مو تردين ترتاحين اني هسة اريحج واعذرينه اذا ضوجناج زهرة تعاي اعتذري منهن
زهرة: ها
يمان :شنو ها اعتذري منهن ماتسمعين
زهرة: م م ما
يمان: نعم شكلتي ماسمعت علي صوتج
زهرة :ما مااعتذر
