السلام عليكم ياحلوين واهلا بكم ببارتنا الحديد 💜😌🌻
€€زهرة : ضليت للعصر بيت عمي وادور اجه عمي علي رجعني ودخلت للبيت سلمت على ابوية واعتذرت وهو هم بوسني وعتذر وصفت الشغلة كله تقريبا مر سبوع كامل هادي الي عرفته ابوية بعد ملتقي بيت عمي علي بعمي محسن ومتصافين وياه ومسامحيه بس ابوية لسة يستصعبه يقابلة فمرة خابره عمي وعزمه على الغده وعزمنه كلنه وعزم بيت عمتي انتصار وعمي علي هم ورحنه كلنه دخلنه لبيتهم وعرف اهلي عليهم ورحنه للمطبخ نساعدهم احنه البنات لان النسوان كضنه دك سوالف بالديوان هن والزلم
امل: بنات عدنه شغل كومه بيجن حيل
زهرة: كولي يختي لاتخافين نكربهن اليوم
جوري: وليش مانكربج
زهرة: لاعيني اني المفروض الي ارتاح لان حصلت دك كومه علمود الصلح
امل: اي خطية اجتنه وجه مضروب بوكس
روان :والله تستاهلين اكو احد كلج تحشرين نفسج
زهرة: خالة روان لاتحشرين روحج
روان: خالة تخلخل سنونج
جوري: اهو سكتن خلي نشتغل
امل: حقسمكم جوري وبتول على الزلاطه حبي وروان وياسمين على المواعين حبي هدى طلعتهن بس غسلوهن حتى يصبون بيهن واني وزهرة على اللبن والخضره وايناس على الركي والي تخلص شغلة تساعد هدى
البنات: تمام
زهرة :بلشنه شغل وهن كلهن اجن حتى مرت حسين وامهم وساعدناهم بالصب جانو ذابحين ذبيحه ومسوين قوزي وياه مركة فاصولية ومركة بذنجان ودولمه ومقبلات فرشنه للنسوان واجه كرم اخذ سفرة الزلم وبدو الشباب كرم ويمان وحسين ينكلون بالاكل واحنه اناوشهم ودور حضرنه سفرتنه واجينه كعدنه صارت كعدتي بصف امل ومقابيلي روان يبوه شلون حيطب الاكل بمعدتي وغزه هم بصفه وهم كالبه وجهه وتخوزر بياسمين كعدنه ناكل ونبسبس اني امل ههه
امل: صدك هاي روان ماجرعته
زهرة :ابد ولاتنجرع باعي بتول شلون لطيفه ونور هم الا هاي
امل :اي صح كلش لطيفات
زهرة: اي اكلج كم خالة عندج
امل :٤ وخال واحد
زهره: ماشاء الله
امل :وانتي
زهره: ٢ ب٢
امل :حلوين ؟
زهره: هههه محلوين
امل: خرب كطعتي واهسي لا احنه ولد خالتي صاكين كلش
زهرة: اخذي منهم
امل :ابد عميان مايشوفون
زهرة: دوري بالدوام احسلج الاقرباء دوخه
امل: هو وين ماكو يحسرة صارلي ٣ سنوات سنكل ابجي طين
زهره :هههه لاحكه على الهم
امل :مامكبلة ؟
زهره: لا
امل: شعجب حلوه انتي
زهرة :مااطيق هالسوالف
الجده: ولجن زهيرة واميلة اكلن لاتبسبسن الاكل برد
امل :ها جده حاطه اذنج يمنه
الجده :لا شعليه بس كاعده تحشين براس الفرخه خلي تاكل هاج بيبي اكلي هذي الدولمه ادري بيج تحبيه
زهرة :حبيبتي تسلمين
امل: ها شو ادارين بزهره
الجده: والله يبيبي هاي حفيدتي الجديده احبه واداريه جيف هي خلت هالسفرة تلتم بناسه
ام حسين :اي والله تستاهل كل خير
ياسمين:
بيوم عزيمة عمي نظرات غزه مفارقني على ساعة تهجم تذبحني كرهتني بالجية كله لو كاعده بيت اهلي احسلي بس ماالومه اني لو مكانه هم هيج احس اصلا حاليا دااحس هيج واشتعل نار من اشوفه اغار منه اغار حيل بس مابيدي شيء مستحيل اكون انانية واهدم حياتهم علمود حبي ومستحيل انطي امل لأحمد كلشي مستحيل لهذه انكتب عليه اتعذب بشوفتهم وهسة شيخلص هاليوم التعيس هذه
امل: ياسمين ليش ساكته
ياسمين: شحجي
امل: خية شاركينه جاي نسولف
ياسمين: ماشي ان شاء الله
زهرة :هي هادئه دائما
امل: بس شكله محبوب
ياسمين: حبيبتي انتي المحبوبه
امل: ياسمين شعجب مكملتي دراسة
ياسمين: مااحبه
غزه: كولي التهت بالتمعشك وعافته
ياسمين :اشتغلت رحمة الله يعني طول النهار ساكته مانفجرت الا قريب طلعتنه امدا حظي
زهرة: عفوا ست غزه حجيتي شيء
غزه: اي سوي روحج طرشه حتى ادافعين لاختج
زهرة :حبي اني من اريد ادافع ماادافع بحجي لا اكوم اسحل الي يجيب طاري اختي بحرف واحد واعلمه شلون من يفتح حلكه ينتبه لكلماته
غزه: والله عشنه وشفنه جهال تهدد بابة بدال ماتحجين هالحجي الطويل والعريض هذه سألي اختج ليش ماكملة دراسة ليش تراسل واحد متزوح شعده وياه وهي بنية وهو عنده عائلة
ياسمين: غزه ممكن تلصمين وتفكينه من لغوتج السخيفه وتكملة دراستي هالشيء خاص بيه واراسل شخص هالشيء راجع اليه على الرغم اني مامراسلة احد فاذا جاية اتفتحين دفاتر وتحاسبين روحي لزوجج واستحي شويه احنه ضيوف هنا
غزه :ضحكتيني والله بريئه انتي اكلج ماما هالكلاوات مو عليه لج لو شريفه ماقبلتي تراسليه على كولتج هو يراسل حظريه كولي لاهلج لو كيفتي عانس ومحد داك بابج شكو بيه بلا رباية
زهره :لا لهنا وكافي خلصت المحولة عندي وطبكت وربي لاربيج اني ياطايحة الحظ احنه مامترباين كمت سحلته من حجابه وطحتله دكات على راسة ودفرات جنه كاعدين بالحديقه الخلفية للبيت بس البنات وياسمين وايناس وامل ونور وروان وبتول والحقيره وجان الباب مسدود فميسمعون صوت عياطنه فاخذت راحتي بكفشة ست غزه وروان خذته الحمية وضربتني ماحس غير امل طاحت بيه ضرب عود تفاككنه ههههه تفاكك وادافعلي بعد قلبي والبنات فاهيات ياسمين تسوحل بيه وايناس بغزه ونور طوله شبر ماادخلت لان تنجعص لا محالة
زهرة: وخرن عني وخرن ولجن من اجينه لسة ساكتله وهي تذب سموم مو كلام فخلي اطلع ضيمي بيه لا والله اطلعه بيجن وخرن
غزه: ايا كلبه ياطايحة الحظ والله اكسرح تكسر *****
زهره :اكلي نعل بيج حظ رفعي ايدج والله لاكسره
مندمجه بالضرب مااحس اله انسحلت من ايديه واحد سحل غزه من كدامي
زهره: وخرن ولجن هدني عليه مانشفه غليلي منه وخرن والله اطلع ضيمي بيجن وخرن
يمان: وسم صوتج شبيج كبيتي
زهره: خرب خربت كل عصبيتي درت وجهي شفته هو الي كامشني من ايدي واحمد هو الي ساحب غزه وراه
احمد :شبيجن تكافشتن احجن ليش ساكتات زعاطيط انتن كل وحده شطوله متستحن جايات خطار وتتعاركن
زهره: احمد لاتصيح علينه مالنه دخل روح حاسب مرتك هي الي تعدت علينه واحنه ردينه عليه ليكون تردوني اسكت
يمان: شسوتلج حتى هاجمه على المره هيج ومشوهه وجه شنو حلبات مصارعه عدنه وانتي امل شكو صافطه وياه وتكافشين يايوم احنه نضرب خطارنه ونهينهم هيج
امل: خويه والله ردت افاككهن بس هن هجمن ودافعت عن نفسي
يمان: حسابج بعدين امل ويلة اعتذري منهن وانتي هم
زهره: جان يحجي ويه امل وكامشني من زندي حيل تكول ضاربته مو ضاربه غزه وشدعواك خذتك الغيرة على غزه خانو اخخ والله لسة ماشفه غليلي منه بدي اكفشه خاتله وره رجله جنه سعلوه فززني من عركاتي ويه نفسي هزت يمان اليه حركني من ايدي الكامشني بيه
زهره: ها شكو ليش تباوعلي خير
يمان: احجي عدل وعيونج عدليهن لا افكسهن الج واعتذري من المره
زهره :يامره
يمان :باعي زهرة لاتستغبين لازم اعصابي بالكوه اعتذري وفضينه
زهره: وليش متعتذر هي هي الي عالت
يمان: وج بويه مشوهه وجهه وترديه تعتذر صاحية انتي
زهره :اي صاحية ومااعتذر محد كلله تندك بيه وهذه العندي وممكن توخر ايدك عني استاذ يمان دفعت ايده وبعدت عنه شويه
يمان: استغفر الله هاي يرادله دكه زينه
زهره :موتايهتلك
يمان :زهره اجفي الشر ولي من خلقتي لا راسج اكسره وعيونج نزليهن فتهمتي
زهره: لاتصيح عليه ومااسكت ولا اولي واضل اهنا وغصبا عنك مو بيتك بيت عمي يلة راويني شتسوي
يمان: ياا استغفر الله امل اخذيه منا
احمد: على كيفك يمان احنه جاين نهديهم لو نتعارك يمعود هاي متاخذ منه لاحق ولا باطل ترفع ضغطك ولا تجاوبك هدي يخوي
يمان: والله هاي لو اختي جا ربيته وخليته تحجي عدل
زهره :والله الحمد لله مو اختك اصلا منو كلك اقبل بيك اخويه جاغير اروح افصل النسب وانتمي لغير عائلة
يمان: لج لسانج ميسكت ابد ماتكدرين تنلصمين
زهره: لا مااسكت
احمد :زهره كافي عمي حتى مااريد اعرف السبب ولا العركه ولااريد اعتذار وعتبرو كلشي مصار هاهي يلة غزه جيبي اغراضج نروح تاخرت على المحل
غزه :لا والله وليكون اني اسكت والله ولا اسكت وافضحكم هنا شني انهان وانضرب وحضرتك تكللهم مانريد اعتذار ولا شيء لا عيني هذه يصرفلك بس مايصرفلي يجن ويطيهن على راسي ويعتذرن لا والله اكلبه كلاب عليكم واخلي اخوتي يهدمون بيت الرعنه هاي
زهره: بعد تردين نبوس رجليج حبي
غزه: لاتقصرين
زهره: هههه سمعي لج اعتذار مااعتذر لو تموتين لو تشعوطين مااعتذر وسالفة تهدديني بخوانج ماتمشي يمي دخلي يجون والله لا اني ادكهم مثل ماادكج وشتردين تسوين سوي وهسة دلفي من وجهي وجهج يسد العافيه
غزه: ايا كلبة ياحقيرة ولج اني سكتت كبل كلت بنات بيوت ماافضحهن بس هسة فلا اسكت ويابيت اطبله اكول عليجن خطافات زلم **& ***** ****
زهره: هي من غلطت لو شعوطتت اني ودك عندي ناقوس الهجوم ودفعت امل مسكينه هالبنت شبعت دفعات على دفرات بس الله شاهد دافعتلي كومه حبيبت قلبي المهم نرجع دفعت وهجوم خماسي على غزه وسحلته من راسه
زهره: والله انتي جبتيه لروحج شكلج مشتهية دكه مني ماممدكوكه قبل مبين اكول ياحقيرة نعال ياسمين يسوى راسج هاي السوالف ملاتج مو ملاتنه واجوو يفاككونه وانسحل اصلا بالمصطلع انشلت من الكاع من خصري ورجعت زهره: اهوو هم كمشتوني وخرو اريد ابسطه ماشفه غليلي وخرو
يمان :ولج انلصمي فضحتينه ماكو واحد ماسمع عياطج الديوان قريب اسكتي
زهره :مااسكت وخر ماالك علاقه عركة نسوان شتسوي بنصنه وخر
يمان: ياربي صبرك بنت الاوادم كافي ادفعين اركدي
زهره :دوخر وخر ادافع ويه كامشني من ايديه وايد الثانيه من خصري وخطية امل تهدي بيه واني احس تحولت جون سينا ادافع بيمان بس هو ابد ولايتزحزح واسمع هذيج الحقيره تلعلع غلط واحمد كلسا راكعه على راسه وهي تزود ماتقل
غزه: وخر احمد شكو تضربني وخر عني خلي اربي هذيج العايقه والله لاذبحه وخر
زهره: هاي منو تردين تذبحين يمه من جان جنه دجاجه منفوشه ريشاته قبل شويه
غزه: انجبي حقيره تعاونتن كلجن عليه واني وحيده وغلبتني
زهره: هاي شني صرتي وحيده جاتعالي يلوحيده خلي اراويج منو جان عصفور مشعوط قبل شويه وعطوبه واكفه
احمد :ولجن كافي صدك متستحن ولابعينجن ثنين زلم واكفه يمان فدوه اخذ البلوه اليمك لغير مكان
يمان: امل روحي شوفي المطبخ فارغ قفلي الباب من جهت الصالة
امل :تمام
يمان :امشي يلة
زهره :وخر ماامشي لسة اريد اتعارك
يمان :اشو تعاي
زهره :هدني لاتكمشني وخر
يمان :كافي سكتي اذا سمعت صوتج اكسرج وانتن بنات دخلن للصالة يلة بساع وللي يسال عن هاي البلوة كولن ويه امل يلة
زهرة: هدني اروح وياهن
يمان :حتى تتعاركين بعد مو امشي بلا حرف
زهره: دخلني للمطبخ وكعدت على الكرسي خرب الهث خسرت ١٠ كليوات بهالعركه مجان احد بالمطبخ بس هو ويمكن امل راحت تتفقد الجو كمت رحت للثلاجه ادور ماي فحطتت
زهره: وين تحطون مايكم
يمان :مو هاي على الطبلة دولكه
زهره :حاره اريد بارد
يمان: مانشرب بارد شته
زهره :ياشته هذه متت حر اريد ماي بارد يرويني فحطتني هالحقيره
يمان :اي حقج طالعه من كيم مصارعه دامية
زهره :صبيت مي وشربت وكعدت ارتاح صدك تعبانه
يمان: انتي ليش تصرفاتج ماموزونه ليش هجمتي الى المره هيج مهما تسوي اكبر عقلي واغلس عنه
زهره: هذه طبعي مااكدر مااسمح احد يمس اهلي بكلمه وهي تعدت هواي على اختي من اجيناكم لحد ماانفجرت بالاخير
يمان :هاي متعدية على اختج وهيج مسوية بيه اذا عليج شتسوين ؟
زهره :تستلموه من قسم الكسور
يمان :ههعهههعه
امل :ها زهوره هديتي
زهره: اي اكلج اريد مي بارد عدكم ؟
امل :لا والله مانحط بالثلاجه لان شته
زهره: اها
يمان: اني رايح للديوان امل لاتخليه تطلع من المطبخ
زهره: شنو انحبس هنا
يمان: اي تنحبسين عما احمد ياخذ مرته ويروح
زهره: لا والله مو اني اضم راسي اطلع للبره وغصبا عليه
يمان: بوية بالكوه فاككناجن بعدين تردن البقية يسمعون صايرة عركه من الروس بينجن
زهره :لاتكول من الروس كول من راس المسمومه هذيج لان اني محد كدر يدنه يم راسي واطلع وغصب عن غزه بلة اريد اشوفه شتسوي
امل: زهره فدوه هذيج حتطلع زوجه كلله تاخذ اغراضه فعديه على خير وضلي هنا واني هنا يمج هم
زهره :اطلع يعني اطلع
امل :فدوه زهوره لاتفضحينه
زهره: ما ما اطلع
يمان :زعطوطه انتي
زهره: اي
يمان: سمعي لعد يالزعطوطه حروح للديوان قسما بالله اذا سمعت صوت عركه اجي هالمره مراح افاككجن لا يعيني هالمره اطبن واسحلج وادكج دكه تذكرج بيه طول عمرج اشش لاتفتحين حلكج دوختيني
زهره: طلع وعافنه واني صافنه وراه خرب صدك يخوف يحجي بعصبيه ونكلب كله احمر دخيل جعفر الصادق هذا جنه يحجي صدك
امل :كعدي وسكتي ولاترحين تره يمان اذا حلف ينفذ وصدكيني لايهمه لا ابوج ولا ابوه ويدكج يعني يدكج لاتوخرين هيبتج وتشمت هذيج بيج بعدين سألي مجرب بدكاته تره يضل اثرهن لشهر
زهره: خرب امل خفت اخوج انكلب وحش ماشفتيه شلون صار احمر شني هاي
امل: واكثر يخيه
زهره: صدك شويه وطلع احمد هو ومؤمل ورجعو ونفك الحضر عليه رحت للصالة جانو كاعدين سوه زلم ونسوان ويمان كلسا راكعني بخزره دروح شكد مليق
محسن: شرايكم نسوي زيارة لكربلاء ونزور كلنه
حسن ؛خوش فكره حلوه ان شاء الله
محسن :ضبطو وضعكم وكولولي
حسن: ان شاء الله
علي يلة احنه نكوم تأخرنه
محسن: بعد وكت شسالفتكم توه بال٤
حسن: والله عدنه شغل ومرتضة ومحمد عدهم محلات هم خطية يرحون يسترزقون
محسن على راحتكم بس لاتكطعون بيه
علي لا مانكطع راح وقت الزعل والكطع يلة نروح
زهرة: ولان السيارة متكفي كال مرتضى ياجر تكسي النه
يمان: اني طالع للصيدلية بس تانوني ابدل واجي اوصلكم بطريقي
مرتضى: ها مو اني مستعجل راح اطلع كدامكم رجع البنات انت بعد مثل اخوهن
يمان: بكيفك
زهرة: طلع مرتضى وراح هو وابوية وامي وماما ازهار ومرته وبقينه احنه كتلهن كعدني بحضنجن ولا اروح ويه المتعجرف بس ماقبلن ولان حضرت خواتي يستحن واني اعرفهم فبقوني افف كعدنه نص ساعة عما يجهز حضرت البيك بس خرب بابليسه يجنن لابس بنطرون كابوي اسود وقميص اسود ضيق وستره جلد بيده وعطره ترس الصالة بس شنو من عطر يجنن مبين ماركه يسطر
يمان: يلة بنات امشن
طلعنه وراه وفتح السيارة وراح يفتح باب البيت الخارجيه واحنه صعدنه تصطرنه وره اني بالكرسي الي وراه بصفي جوري بصفي ياسمين اجه هو وركب ودار وجه علينه
يمان: خير بويه ماخذجن للروضه متصطرات هيج وحده منجن تجي تكعد بالصدر
زهرة: خرب بابليسة ضحكني بس قويت روحي وضميت الضحكه وسويت روحي العب بالموبايل ولا يمي بس ساد الصمت والسيارة متحركت رفعت راسي شفته صافن علينه وخواتي هم صافنات الثولات تكول جاي يعاقبوهن
يمان: احجي صيني شبيجن بويه كومن
زهره: هم ساكتات ههههه وهالمره ماكدرت اضم الضحكه
يمان: زهره عوفي التمضحك وكومي صعدي يمي
زهره :وليش اني
يمان: شنو ليش
زهره :مو اني اصغر وحده ميصير ردت اكمل ماحس الا بكرصة جوري بخصري اخخ الله ياخذج (بهمس)
يمان: كومي تره بطيتن مرارتي
زهره: مااريد كلت هيج ركعني خزره معدله فسويت انسحاب تكتيكي نزلت وصعدت بالصدر مثل الشاطره وهو حرك السيارة
وصلنه للبيت وراح نزلت كبل لغرفتي ارتاح نمت ماكعدت لل١٠ باليل حظرت ملابسي للدوام وسبحت وتعشيت وكعدت اقره راسلتني امل
〰️شلونه الحلو
▪️هلا والله شونج امل
〰️الحمد لله خرب لو تدرين حصلت رزالة غسل ولبس من يمان ادور سمع ابوية وهم رزلني رزالة معدلة
▪️ههههه الحمد لله محد من اهلي دره
〰️حظوظ يمان طيح حظي
▪️شدعواه هيج كاتل روحه على غزوه هي هاي تستاهل بلة
〰️يكول عيب ضيوف اي عوفينه باجر اريد اشوفج دزيلي رقمج
▪️تمام هذه الرقم وين نتشاوف
〰️شرايج بنادي العلوم
▪️تمام عندي ريست بال١٠ ونص
〰️اها يلة ان شاء الله نتشاوف باجر اروح اقره
▪️باي حبي
كعدت الصبح واجه مؤمل علينه ورحنه للحامعه تشاوفنه اني وامل واستمر الحال هواي يومية نتشاوف ونكضيه سوالف قوت علاقتي بامل كلش اني وبتول وامل صرنه ثلاثي المرح نكضيه سوالف وتصنيف واكثر من مره تجي لبيتنه العصر يجيبه يمان او كرم ونكضيه تحشش صارت علاقتنه قوية وصارت اخت النه وبنفس الوقت قوت علاقت عمي محسن ويه ابوية وعمي علي وصار محسن روحهم من الدنيا اني عفت شغل الصيدلية لان امتحانات عندي امتحانات اخر السنه امتحنت واجت العطلة كمنه نكضيه يوم بالسبوع بيت وحده من الصبح لليل اول يوم ابيتي سويتلهن كيك وحلويات وغده ومقبلات اجن نور وبتول وامل بس البنات شكد حاولت ويه اسراء رفضت وماقبلت المهم تونسنه حيل وجوري وياسمين هم ويانه وايناس هم ثاني اسبوع بيت بتول وهم تونسنه جانت غزه عند اهله وروان رايحه لبيت عمته وكضيناه ونسه ثالث اسبوع بيت امل واجن ويانه نور وجوري وياسمين .
