#مساء الخير #
"رغم كسرت قلبي احببتك "
زهرة: عمتي قررت ترجع لتركيا واني هم رحت وياهم كون تعينات لسة مافتحت ورة مدة مرت حوالي ٣ اشهر نزلو روابط تعينات وقدمت ورة فترة نزلت مباشرة مالتنه رجعت للعراق حتى اسويه واستقر بعد رحت اني ومرتضى وسويت معامله وبلشت دوام طلعنه اني وصديقاتي نفس مستشفى وداومت اول يوم جنت متوتره حيل ومجتمع جديد بلشت دوام وتعودت عليه ومر شهر على دوامي خلال هالفترة حيات الكل ماشيه بهدوء مرتضى نظم حياته شويه كام يضل ٣ ايام يم ضحى واربعه يم ايناس شويه امي وضحى سكتن وياسمين وجوري حوامل ونفس الشهر بالرابع ياسمين بيه ولد وجوري بنية حياتهم مؤمل هم مرته نور حامل وسجاد هم مؤمل بعد زواجه اجر وطلع كون بيت صغير واستقر بحياته وشغله
عمتي ازهار الي بعد صدف اشوفه ذبت اقامه يم بيت عمي محسن دائما مرت عمي تخابره علمود ابن يمان مرت عمي من نوع ماتستقر بالبيت وتطلع وتفر وطفل على امل وهي ماتعرفله وهم مافارغه يوم خابرت عمتي وكالت تجي يمنه تبات حضرت عشه وتعشينه وهي ماكو لل١١ جابه كرم النه
ام مرتضى: جا لبالنه تجين على العشى وانتظرناج وماجيتي سبقناج
ازهار: والله ماقبل محسن اطلع بدون عشى
ام مرتضى :شلونهم هم طفيل شلونه
ازهار: الحمد لله زينين وطفل هم زين بس بعده نويعم وضعيف حيل
ام مرتضى: لان من ايد لايد ماعنده احد يداريه هاملينه
ازهار: صدك هامليه يعني يمان رجال عنده شغل وامل بنية تروح للدوام الصبح وطفل على بيبيه يرجعون يلكونه طفل وصخ مامرضعته ملتهيه عنه مرات احسه ماتحبه ماتريده
زهرة: معقوله يمه هذا حفيده مااتصور
ازهار :جا شني سوالفه هاي هو كله ٤ اشهر مايحتاج تعب وهي عده مساعده بس احسه ماله خلكه
زهرة: اي هي ماتحب جهال مرة امل سولفت عنه كالت طلعت اخوية حسين بيت وحده حتى تخلص من بجي بنته
ازهار: الله اعلم اني يوم حاجيت محسن ومرته وحتى يمان حاجيته وحده ودور عدت موضوع يم اهله
ام مرتضى: بشنو حاجيتيه
ازهار: علمود زواج كتله تزوج واخلص احسلك شوفلك مرة تخاف الله تربيلك هالطفل المتعلعل متبهذله بيه امل تكول ابنه للصبح ماينام وسهرانه وتعبانه وياه البنية شذنبه
ام مرتضى: اي صح كلامج لازم يتزوج الي متى اهله يدارون بالطفل متشوفين طفل من مرضه لمرضه
ازهار: اي مو مثل وحده متفرغتله وتحسه مثل ابنه اني شكد حجيت وهو يكلي بعد وكت ومو هسة ورحت يم اهله حجيت وهم كيفو وكالو علواه يقبل
ام مرتضى: خاف لان قبل دورة سنة مرته
ازهار: جا كايلته يطربك بعرسة هو عرس بسيط وسكيتي اريد احاجي مرتضى: واحمد هم اصدقائه كلش بكت ييحاجوه
ام مرتضى :اي شوفيهم بكت يقنع
زين منين تخطبله
ازهار: اني كتلهم يوم اني بالي روان بنت ام احمد ومحسن ومرته مااعترضو بعد خل يقبل وسهله الخطبه
ام مرتضى: الله يوفقه ويسهله
ازهار :امين قاهرني حيل يمان شلون حاير بالهطفل ويداري ويبدله ويغسله تكول امه
ام مرتضى :جا شيسوي هم مايريد يثكل على اهله بيه
ازهار: اي يلة امشي انام تعبت
ام مرتضى: تصبحين على خير حبيبه
زهرة :كامت عمتي واني كمت صعدت نمت بغرفتي صبح كعدت جان عندي دوام خابرت امل كالت عده امتحان بالجامعه وامه طالعه ماعده احد تخلي طفل يمه ويمان بغداد مو هنا اخذع اجازه وطلعت للبيت جابته يمي لان عمتي ازهار متخربطه ضغطه نازل وماتكدر وحده عليه نزلت انطته اليه وراحت هو خطيه جان نايم نيمته بالصاله وكعدت يمه اصور بيه صلوات حيل حلو وملامحه مرسومه
ضحى :الله يحفظه حيل حلو يجنن
زهرة: اي كلش كيوت
ضحى: بس حيل ناعم هذا
زهرة :يجوز عودته هيج
ضحى: خية ابوه ضخم حيل شو هذا كتكوت
زهرة: ابوه تحسيه ضخم لان يلعب حديد وجم
ضحى: لا عيني شنو طويل قالب
زهرة :شمدريني خيه مهم هذا كتكوت يمنه نتونس وياه اريد اكعده بس اخاف يكعد يبجي يستغرب مني
ضحى: خل نتانيه هو يكعد
زهرة: وره ساعه كعد يبجي سويتله ممه وضحى شربته لان اخاف اني خاف يغص ودور شبع وعمله على روحه وضحى بدلتله وغسلتله وغيرت ملابسه ونطته اليه راحت تسوي غده واني اباوعله وهو صافن عليه ناغيتله وكام يناغي ويضحك
زهرة :يمه فدوه اروح يوسف الحلو حبيبي اغو شهالجمال ولك شنو بنية انته
ضليت اسولف وهو يناغي ويرطن ماافهم عليه واني اسوي كفلات واغني وحرت شسوي لل١٢ وياه تونس وماحسيت بالوقت وهو هم تونس بحيث نام من كثر لعب اجت امل عليه
امل :هواي اشكرج زهرة نقذتيني ماتدرين شجان صار بيه امتحان مهم والحمد لله امتحنته بفضل الله وفضلج
زهرة: لا خية شسالفه خوات احنه واذا تردين خليه بعد ونسني هو
امل :لا خلصت رايحه اني
زهرة: الله وياج سلميلنه
رجعت للبيت وتغديت ونمت
كعدت نزلت يم ضحى جانت تعبانه ومصخنه مدري يمكن مستبرده متخربطه نطيته علاج ومددت كمت سويت العشى وكعدنه ناكل مرتضى اجه يمنه اليوم على رغم اليوم لايناس بس يمكن متعارك وياه لان جان كلش ضايج وينافخ وكلما تصد عينه على ضحى يخزر بيه اباوع لضحى ولايمه ولاباله تاكل ومامهتمه خلصنه عشى وهو صعد يبدل عنده طلعه ويه احمد ويمان مثل ماصعد نزل شايل قميصه
مرتضى: اني كم مرة كايل ملابسي اريدهن مكويات بالكنتور ليش ماكاويتهن
ضحى: كاويتهن بس هذا بارحه لبسته انت ومالحكت اكويه البس غيره
مرتضى: اني اريد البس هذا وهسة تصعدين تكويه واذا تكررت هالحالة ماتلومين الا نفسج
ضحى: والله اني مو خدامه عندك روح لمرتك الثانية واكعد اتشرط عليه مو جاي عليه حايط نصيص اني
مرتضى: ماخصج بمرتي ثانيه من اكون هنا البس ملابس منا مو اضل طالع راجع وهسة يلة امشي اكويه بلا لغوه زايده
زهرة :مشت سحبته بقوه منه وصعدت تكويه
ام مرتضى :على كيفك وياه يمه هم خطية بيت كله عليه شتلحك
مرتضى: يمه لاتدخلين بينه رجائا هي هالفترة تعاند واريد أأدبه
ام مرتضى :وشمسويتلك يمه مامقصرة البنية لاويانه ولا وياك علمود قميص خبصتنه
مرتضى :مسويه مسويه
زهرة: نزلت ضحى وراحت للمطبخ وهو رجع صعد فوك يبدل نزل لابس غير قميص لو ضحى ركبه جني تخبلت طلعت تركض وراه للطارما تعيط فضحته
ضحى: اوكف ليش مالبسته مو صارلك ساعه تصيح اكوي واكوي وطلعتني مقصرة كلشي مااسويلك وتروح تلبس غيره
مرتضى: غيرت رأي ماعجبني
ضحى: مرتضى ليش هيج تخبث وياي شمسويتلك فوك مرضي وتعبي تزوده عليه
مرتضى:شنو شبيج مريضه ليش ماكلتيلي اخذج طبيب
ضحى: عساني بالموت عوفني
زهرة: رجعت للبيت وصعدت لغرفته اجاني مرتضى يسأل
مرتضى :شبيه ضحى
زهرة: مصخنه وبطنه مأذيته
مرتضى: ليش ماكلتو يمه يمه تعاي شبيه ضحى
ام مرتضى: ماادري يمه تشكي من بطنه صارله ٣ ايام ومصخنه
مرتضى: وليش ماتحجن حتى نوديه للطبيب يمه خاف هاي شسمه الشهريه
ام مرتضى: جاانت رجله ماتدري اجته لو لا سألته مخلصه قبل اسبوع
مرتضى: وشمدريني انسه اني صيحيله اخذه للمستشفى
ام مرتضى :عوفه يمه اني باجر ان شاء الله احجزله يم دكتورة نسائيه ونشوف
مرتضى: الله كريم
ام مرتضى :مو تنسه يمه احجي وية ابن عمك مثل ماكالتلك عمتك هم خطية تكسب بيه ثواب
مرتضى: ان شاء الله يمه يلة اودعناكم
ام مرتضى: الله وياك
اني صعدت فوك اشوف ضحى جانت مدده بالجرباية وعيونه حمر يمكن باجيه _شلون صرتي
ضحى: الحمد لله احسن على علاج
زهرة :شسالفتكم انتي ومرتضى بس عرك صايرين
ضحى: اسمحيلي اخوج خبل
زهرة: ههه ليش هيج تحجين عليه هو عصبي مو خبل اكيد اكو سالفه مضوجته
ضحى: اذا تعارك ويه ايناس يجي يطلع عركته كله بيه هذاك اليوم حتى ضربني واني مامسويتله شيء بس كتله روح لبيتك خل نخلص منك وباليل يتكافش وياي الا نتصالح يضربني ويريد كوه اتصالح وياه مو اكلج خبل
زهرة :هو هم الله يساعده شغل وتعب ودور متزوج اثنين يرادلجن خلك هالكبره
ضحى: مرتضى صارله يومين عرك اني وياه يريد يتمم زواجنه واني مااقبل
زهرة :لحظه لحظه شنو مامتممين زواجكم
ضحى :اي بليلة العرس كلي زواجنه على ورق واني انجبرت عليج وماقبل يتقربلي يكلي احسج بنتي
زهرة: جا والنيشان الي نطيتوه لامي شنو فلمه
ضحى: هو جرح رجله وضحك على امج حتى ماتلح عليه وخاف لبالج ايناس مارجعت الا من كلله زواجنه على ورق
زهرة: عزه عزه جا شغيره هسة
ضحى :مدريني هذا المصفني هسة يطالب بحقوقه الي هو تنازل عنهن من بداية وصلت بيه يكلي اوديج لاخوج واكله ماتنطيني حقوقي واني حايره
زهرة :زين انتي ليش رافضه
ضحى: لان اريد انفصل عنه هو مايحمل اي مشاعر اليه بس هيج يريد لرغبه مو شيء ثاني واني هالشي مايصرفلي اريد احسه زوجي بمشاعره قبل رغباته
زهرة :انطيه فرصه كعدي احجي وياه فهميه شتردين
ضحى :حتى لو كتله مراح يكدر ينطيني حب لان ايناس محتله قلبه كله اني مجرد وحده جابه يخلف منه بس
زهرة :وانتي هم ضحى گلبج مو اله يجوز يحس انتي ماراغبته
ضحى :زهرة احلفلج اني من تزوجته مشاعري كله تغيرت صرت ارغبله واحب اسولف وياه موده ورحمه انزرعت بينه بس هو جان رافض الفكره كله واذا سأليني هسة اكلج احبه واغار من ايناس واريده يحبني مثل مايحبه
زهرة: الله يهديه شكله مكتوب علينه التعلعل
ضحى: زهرة عوفيني اريد اضل وحده بلا زحمه
زهرة :براحتج حبيبتي طلعت منه ورحت لغرفتي اني وضحى ماعدنه حظ بهالدنيا حبينه اشخاص غلط
مددت على فراشي وماحسيت على روحي نمت كعدت ثاني يوم عندي دوام نسقت ملابسي ورحت للدوام مرتضى يوصلني ولان هو شغله من وكت فياخذني من وكت مرات اضل بالحديقه عما يبدي دوتم ومرات لا اروح لشغلي كملت دوامي جان روتين ممل ورجعت للبيت واخيرا اليوم خميس وباجر جمعه اريد ارتاح تغديت ويه اهلي
حسن :خابرني محسن كال مشتري قطعة ارض على الشط وعازمنه بيه على غده
ام مرتضى: شوكت
حسن: باجر ان شاء الله
ازهار: شتكولون ترحون
حسن :اني ماعندي شيء بس اروح ازور واجي
ازهار: كول لمرتضى حتى ياخذنه
حسن: هو يمان عازمه لمرتضى اكيد يجي يلة اني كايم اتمدد انتن هم حضرن شيء ناخذه خو مانروح ايدين فارغه
ام مرتضى: ان شاء الله شتكولين ازهار شنسوي
ازهار :بكيفج هم ماخذين ذبيحه شناخذ قابل خل نسوي كيك وفطائر حتى ناكلهم العصر
ام مرتضى: اي خوش فكره
زهرة: كمت صعدت لغرفتي اعزله صالي اسبوع مامنظفته رتبته لحد المغرب ونزلت اسوي عشى ويه ضحى عمتي وامي مسويات اربع كيكات وفطائر ويحضرن بالغراض حتى يرحن
زهرة :ترحين ضحى
ضحى: ماادري مرتضى ماشفته اصلا حتى اسأله
زهرة: ضلي يمي شتسوين رايحه
ضحى: شنو ماترحين انتي
زهرة لامااروح
ضحى: ليش ولج غيري جو بستان وشط يمه
زهرة :بيت عمي مااجتمع بعد وياهم ولاادخل بيتهم ماانسى شصار بيه ومن رحت لبيتهم للفاتحه جان اداء واجب فقط
ضحى :بكيفج حبيبتي سوي الي يريحج اكلج ماتجين وياي للدكتورة يوم خاله تاخذني
زهرة :اي عادي
ضحى: يلة حظري روحج اني رايحه ابدل
زهرة: اخذنه مرتضى للدكتورة وامي فاتت وياه ومن طلعنه اشترينه عشى وتونسنه طلع عده التهاب بالمثانة وصايره الصخونه والوجع منه شكلوله كانوله وابر خطية رجعنه للبيت وضحى كالتلهم ماتروح واني اضل يمه الصبح راحو اهلي للبستان بيت عمي وعافونه كعدت اني وضحى نتريك وكملت عزلت ونظفت البيت وضحى راحت تتمدد سويت غده عدنه سمجه كصيته واخذت نص وقررت اسوي مطبك سمج بعدني جاي اشتغل واسوي بالتمن دك تلفوني رفعته جانت امل اتصال كامره ثبته بالمطبخ واشتغل واحجي وياه
امل: ها بذاته تعوفيني وماتجين واني متأمله بيج
زهرة: والله تعبانه اني انتظر الجمعه بفارغ الصبر حتى تجي وهم ضحى مريضه مو مال اعوفه وحده بالبيت خاف تتخربط
امل: لا اعرفج انتي ماتردين صارلي شكد اتوسلج تجين وماتقبلين حتى صوغتي من تركيا مااجيتني وانطيتيه من اجيتج نطيتينياه
زهرة :دعوفينه من حجي شلونه البستان حلو لو لا
امل: هاي جاي اسوي جوله الج
زهرة: وشنو شفت اني بس راسج قلبي الكامره
امل: هاي شوفي
زهرة :دارت كاميرا بستان حلو حيل وعلى شط ومزروع نخل ونبك واشجار مااعرفهن راحت قريب الماي مزروع ورد
امل ها شلونه
زهرة: حلو يخبل بالعافيه شايفين كل خير
امل: الله يعافيج حبيبتي هالمرة سماح مرة جاية تجين وغصب عنج
زهرة: ان شاء الله منو هناك بلة
امل: كله هنا
زهرة: منو كلهم
امل: اهل ابوي واهل امي ابويه عزم كل وذبح ذبيحه وماتصور تكفي
زهرة: لا ان شاء الله تكفي اكلج هم بيه بيت البستان لو لا
امل :اي بيه بيت مبني وحلو طابقين حتى غرف بيه
زهرة: ها زبن مو الا بالبستان تاكلون
امل: لا الكل قافل يريد برة على هواء الطلق
زهرة: شلونه يوسف
امل :الحمد لله زين
زهرة :بوسيلياه وين عايفته ماجبتيه اشوفه
امل: عند بيبيته ام امه خليه خل تشبع منه
زهرة :هم تودوه اله لو هيج تجي تشوفه
امل: بعد ماطابت يمان وداه الهم وهي ماقبلت تشوفه جان جرحه بعده ورة فترة طلبت من يمان تشوفه ورجع وداه وغثت يمان ورجعه وبعد كلما تطلب مايوديه الا اذا اشتاقتله تجيه
زهرة :بشنو غثته حجت على طفل لو شنو
امل: لا بس رادت من يمان ياخذ بنته الثانية حتى تربي ابن اخته وهو رفض وهي زعلت منه وحجت حجي يضوج يمان: وهو زعل منه وكالله بعد مااجيبه الج
زهرة: الله يهدي النفوس
امل: بشري ماكو واحد منا لو منا
زهرة: وين يحسرة حتى دوام صحراء قاحله كلهم لو معرسين لو مخطوبين
امل :يلة بعد وكت ماصارلج غير ٣ اشهر
زهرة: انتي بشري
امل: على حطت ايدج صدك ابوية بارحه قرر يخطب بتول لكرم وراح يروح يخطبه وعرس بعد دورة سنة زينه
زهرة: واخيرا كرم راح يعرس الف مبروك بس بتول ماحاجيتيه شنو رأيه
امل :ما كتله خل تنصدم بس شكد فرحت بتول راح تجي يمنه يوم الج زهورة
زهرة: امين بس شو بعد ماطلكت قسمتي وكفت
امل: لا لتحجين هيج تجي لاتسعجلين على رزقج اخخخ يوم الي تجين بيتنه هم عروس
زهرة: المن تزوجوني للحارس
امل: هههه لا تغشمين روحج تدرين المن واحتمال عندج فرصه جبيرة
زهرة: لااريد فرصه ولاغيره الي طلع من القلب مايراد بعد يلة اروح اني اريد اكلي سمج
امل: اوف يلة الله وياج
زهرة :سديت تلفون وكملت غده وصبينه للعصر اجو اهلي اجتمعنه بالصاله ابوية راد جاي سويت للكل وزعت جاي مكان صالة ضيك وكلنه مجتمعين صارت كعدتنه اني وضحى يم باب
ايناس :شنو هاي زهرة جايج مر حيل
زهرة: ليش هذا جاي حلو
ايناس: جا شنو مطيتني مالت عمي
زهرة :مااعرف جيبي هسة اخليله شكر
ايناس: لا حبيبتي كعدي اني احط
زهرة: كامت وصلت يم باب صار ظهرة للكاعدين وجه علينه اني وضحى ضحكت ومشت وماحس غير ضحى صرخت صرخه قوية وجاي كله متبدي عليه ضحى كامت تشيل روحه وتركعه ستكان كله وكع عليه وحار طفر مرتضى يشوفه وسحبه للمطبخ واني لحكتهم وامي وازهار لكيته رافع ثوبه وفخذه كله عبارة عن قطعه حمرة وهي خطيه فرفحت من بجي غسلنه اله بمي فاتر وجبت عصارة حروق دهنته خليناه بغرفت ماما ازهار وبدون غطه حتى ينشف
مرتضى: شلون اخذه للمستشفى
زهرة :خليتله عصارة هسة تصير احسن
مرتضى: جاي تأذيه شلون تضل هيج
زهرة :لا هسة انطيه مسكن نطيته مسكن وره فترة هدأت ونامت رفعت عليه غطه وعفته وطلعت ايناس ومرتضى ماكو راحو ورة شويه طب مرتضى شايط اجه عليه
مرتضى: زهرة انتي مو جنتي كاعده جانت متقصده ايناس لو عثرت صدك
زهرة: مامنتبه اله من عثرت ماادري
مرتضى :تكول ضحى ماده رجله وعثرت بيه
زهرة: لا ضحى جانت متربعه على تخم مامنزله رجله لان لو منزلته جان جاي وكع على رجله مو فخذه
مرتضى: بسيطه ايناس خل تكعد ضحى والله كريم
زهرة: عافني وراح لضححى يطمن عليه واني صعدت فوك لغرفتي نمت وكعدت ثاني يم طمنت على ضحى ورحت للدوام ومن رجعت جانت عالكه بين مرتضى وايناس وهالمرة طارده لبيت اهله واول مره يسويه مرتضى وامي هم متعصبه منه الا ضحى كلمه ماحجت ولا تعاركت ورة يومين اجت تتوسل بمرتضى ورجعت وشرط عليه تعتذر من ضحى واجت اعتذرت وراحت ايناس تخبلت بعد زواج مرتضى وسوالفه سوالف مراهقين تغار من ضحى شلون ضحى صغيرة وهي جبيره راحت سوت عمليت شد ونحت ومرتضى مجان قابل وراه سوت بوتكس وفلر ومرتضى بيومه سواه عركه عجه ضلمه وختمه اجه يم ضحى الي صاير عيونه تركض وراه وهالشي خبل ايناس ازيد يوميه صارت صبغه شكل لشعره وحواجبه وكلسه شاده وناحته خربت جماله قبل
مرت ست اشهور بالضبط بروتين ممل وعادي بيوم جانت جمعه عطله العصر ندكت باب وفتحته ضحى جانت مرت عمي محسن وامه وامل وياهن ابن يمان يوسف طبتهن ذكرتني بجيتهن من خطبني لكرم مااعرف ليش ذكرتني بيه على رغم كرم هسة خطب بتول ولبسو حلقات بس ماعقدو لسة قدمتلهن ضيافه وضلن يسولفن واني وامل نسولف عادي بس امل بس تبتسم وفرحانه جانت لحد مابدت حجيه تحجي
الحجيه: ام مرتضى انتي تدرين بينه وتعرفين شصار بيمان وشلون مرته ماتت وعافت هالطفل ومتورجين علينه تعرفون يمان شنو ماشنو اخلاق وتربيه وشاغول من يوم يومه حتى من جان بالمدرسه
ام مرتضى: نعرفه حبيبه قابل غريب يمان منين اكو مثله بس مافهمت عليج شرايده
الحجيه: اني من زمان جنت رايده هالشي وماصارت بعد بس هسة قفلت وماافرطه من ايدي ولو هو وليدي دزني
ام مرتضى: منو دزج. وعلى شنو حجيه
الحجيه يمان دزني الكم اني وامه واخيته حتى نخطبله زهرة على سنة الله ورسوله شتكولون
زهرة: الصدمه جانت واضحه عليه حتى وجهي بهت اعيد بكلامه وماجاي اصدكه امل تسولف وياي مااسمع منه شيء فززني صوت امي وهي تكول
ام مرتضى: ونعم منه اني اكول لابوه واشاور البنيه والله كريم
ام حسين :ابوه يدري البارحه اجاه محسن وكله انتم اتشاورو ودرولنه خبر بس ياريت على السريع احنه مثل ماتعرفون مستعجلين على زواجت يمان لان هالطفل خطية متبهذل وهم امل تريد تقدم ماجستير وماتكدر من وراه
ام مرتضى: حبيبتي ام حسين هذا زواج مو لعب انطو للبنية وقت تقرر حياته ومصيره
الحجيه: الكم كل الوقت يمه يلة احنه نترخص
ام مرتضى :ضلو على عشى
الحجيه: لا والله ورانه واجبه نكضيه الله وياكم
زهرة طلعو واني لسة بصدمتي عفت اهلي وصعدت لغرفتي .
