مساء الخير *
"رغم كسرت قلبي احببتك "
زهرة :فزيت من نوم امي تكعدني ماما ازهار مسولفتله هم كعدت تلوم بيه ان اني مقصرة وماادري شنو اني اعصابي تلفانه وامي تلوم بيه وترزل حجيت وياه
_كافي يوم تعبانه وجاي تزودين تعبي كافي تلومين بيه شسويلة اربطه واكله لاتروح فوك ضيمي تزيدين عليه
ام مرتضى: اني اعرف من سوالفج شرد شعنده ولد طفر بعد شهر وهو عريس العرسان مايطلعون للشغل وهو من ثالث يوم راح للشغل
زهرة: كافي حسي بيه كافي شسويتله ذبحته كتلته بشنو مأذيته اني فوك زينتي شايلة ابنه واداريه مثل ابني
ام مرتضى: تعلميني بيج ولج الله يعلم شمسوية وطمطمين راح تسودين وجهي وتفاشلينه اني وابوج ويه اخوه ومرته
ازهار: كافي ام مرتضى ترة بنية مامسوية شيء شله علاقة اذا رجله سافر ولد خابرني وكال رحت لان عندي شغل مهم مو مال اعوفه لاتلحين عليه
ام مرتضى: جا صارله شهر من عرست وتردلي زعلانه شتكول وادم علينه ياكلونه بكشرنه كومي بدلي اوديج لعيالج
زهرة: مااروح مااروح
ام مرتضى: تنجبين وترحين غصبا عنج تردين تفشليني كومي حتى من يرد رجلج انتي بيتج مو هنا
زهرة: ماارجع ولا اروح شعندي رايحه عافني مثل جلب بدون مايكلي ولايسأل عليه صارلة شهر من سافر تلفون مارفع عليه واني كلشي مامسويتله رجعه ماارجعله سمعتو لو لا رجعه ماارجع لاتلحون عليه
ام مرتضى: من اكلج ازهار ولد زعلان ورايح تكليلي لا جا شعنده مايخابرة اكيد اكو مشكله وهاي السزز ماتحجي
زهرة :كافي عاد كافي لشوكت تضلين هيج مو موتيني بدال ماتوكفين وياي تحجين عليه كافي طلعن برا مااريد اسمعكم طلعو
كمت الطم على وجهي ونهاريت عليهن امي طلعت وعمتي لزمتني تبوس بيه وتهديني مددت على جرباية جسمي كله يون عليه من وجع نطتني عمتي علاج وطفت ضوه وطلعت نمت على هدوء كعدت نص ليل على تلفوني يدك جانت ساعه ب١٢ جان متصل يمان نطيته رفض ورجعت نمت للصبح فزيت صبح على صوت ضحى تكعدني نزلت وياه تريكت وراه كعدت بالصالة صافنه على حياتي بعدنه شهر واحد ومشاكل من كتله احنه مامناسبين جان يضحك طز بيه وبزواجه اطلك منه واخلص اجت ضحى كعدت يمي
ضحى :شلونج شلون صرتي
زهرة: الحمد لله انتي شلونج حمل شلونه
ضحى: زينه الحمد لله رجلج ماتواصلتي وياه راح يرجع لو لا
زهرة: لا مااتواصل وياه ولااريد احجي وياه كله من جوه راسه مشاكل
ضحى: سمعت عمه ازهار تحجي وياه يمكن راح يرجع
زهرة: وشلي علاقه خل يرجع عساس راح اهتم اله مايهمني ولااريد اشغل بالي بيه
ضحى: هدي زهرة بعدكم بداية زواجكم ومشاكل تصير عاديه بين متزوجين
زهرة: اوف مرات احسه مجبور يتزوجني مو هو الي جبرني يعني مجاي افهم عليه ابد
ضحى: وشلون حسيتي يجوز احساسج غلط هو كتل روحه عليج ليش مايريدج اذا هيج
زهرة: مااعرف بس تصرفاته تدل بالعرس جان ضايج ومزعوج وحتى للقاعه مااجه وبليلة عرس ماتمم زواج
ضحى :شنو وهسة لسة ماتام زواجكم
زهرة :اي لسة ماتم ومااشوف عنده بوادر يعني لسة احنه منفصلين بالنومه وقليل كلام وياي بس من يريد شيء وهسة عافني وماسأل عني وبدون مايكلي احسه بس يريد يشرد مني
ضحى: لا مامعقوله يجوز عنده اسباب او مثل ماكال شغل
زهرة :ماادري اني حايره بيه ومجاي افهمه
ضحى: الله يهونه عليج انتي هم انطيه مجال كعدي احجي وياه مو كله صد بصد
زهرة: هو وين اشوفه حتى اكعد احجي وياه اوف ماادري شلون تفض
ضحى: ان شاء الله
زهرة :شلونه حمل وياج
ضحى: زين بس اعراضه موتتني حسرة تثبت بطني اكل
زهرة: مارحتي للدكتورة ماكتبتلج علاج شيء
ضحى: رحت واخذت علاجات بس مايفيد وهي تكلي بس هالكم شهر وتروح
زهرة :اي هن فترة الوحام بس بالبداية شلونه مرتضى اكيد فرحان
ضحى :اي حيل فرحان ومكيف بس بنفس وقت خايف عليه عمتي تكلي لان هواي اطفال راحوله بيه خوفه
زهرة: اي خطية اخر مرة وصلو للسابع وراحو ماتو الله يتمملكم على خير يارب
ضحى: امين
زهرة :ايناس درت لو بعده
ضحى: لا ماتدري خالتي ماتقبل نحجي
زهرة: لشوكت تضلون تخفونه بس تكبر بطنج تبين
ضحى: الله كريم عما تبين بطني لسة بعدنه بداية حملي
زهرة :الله يسهله عليج ان شاء الله
ضحى: امين يوم الج حبي
زهرة :دسكتي خية خل يرجع الشارد ونتفاهم
ضحى: يرجع وداعتج قابل يضل طول عمره هناك
زهرة :اوف اني الي داقني خو اخذني وياك نخلص من كل مشاكل اشو حتى ابنك مسويلة جواز سفر شنو عذرك بس ويامن تحجي ويه واحد راسه يابس
ضحى: يلة زهرة لاتقهرين بروحج بعد صارت وبكت تنحل من يرجع
زهرة: ان شاء الله مددت على قنفه تواصلت ويه امل اسأل عن يوسف وكالت ان صايرة مشكلة بيتهم وامه وابوه متعاركين وامه رايحه لبيت اخته ام زينه والحجيه رايحه لبيت ابنه ويوسف عند مرت حسين اداريه كلت هسة يكولون شهر واحد وسوت مشاكل بالبيت واني لايمهم ولاكرباهم مر اسبوع اني بيت اهلي يمان مااتصل بعد هذنيج اتصالاته وعمي دوم يجي علينه ويزورنه وينطيني مصرف رغم مااقبل وازعل منه واهلي مايقبلون بس هو يختمه بنتي واصرف عليه وره الاسبوع الثاني اجه عمي وجاب يوسف هالمرة وياه
محسن :بوية خلي هالطفل يمج متعود عليج وكام يتنحس ويبجي هواي ومرت حسين ماتعرفله وهو هم مامتقبله اذا ماتقبلين عادي بنتي اخذه مااجبرج ولااريد اضغط عليج
زهرة: لا عمي عادي بالعكس اكيف بيه اصلا اني قلقانه عليه
محسن: خاف زحمه من اهلج مايقبلون
زهرة: لا عمي اني احاجيهم عوفه يمي والله افرح بيه
وصدك عمي عافه حاجيت ابوية وماحجه شيء وامي هم ساكته بعد اخر عركه تعاركناه اخذت يوسف لغرفتي وهو خانس بدلتله ورتبت ملابسه بكنتوري ونزلته طبختله اكل وخليته بالحجله يلعب يمي واني اطبخ واعزل بطريقي مطبخ كملنه يوم سوه اني وياه ونمنه ثاني يوم كعدنه سبحته وهو انتعش وخليته بالصالة ويه العاب رتبت بيت ورجعتله تخابرنه اني وامل كامرة وهي تسولف وياه ومتونسه وياه وهو فرحان ويسولف بشوق اله شويه نعس اخذته نومته بالصالة وكعدت يمه اكلب بالتلفون دخلت على حساب يمان بالانستا جان ناشر ثور بمطاعم وصور اوراق واجتماعات وناشر صوره ويه اصدقائه وراه منشور لكوب كهوه كامشه بيده وبأيده جكارة ومخلي اغنية حنيت المقطع جان حنيت لحظنك الي امس منه لحظه انا مامليت
استغربت من اغنيته المن حان يمان معقوله اتذكر حبيبته الاولى لو المرحومه والله يايمان اتمنه افتح مخك واعرف شتفكر طلعت من حساب واجاني واهس انشر نشرت صور بالحديقه ورد وراه نشىت صورت يوسف بالحجله بالحديقه هم وعفت تلفون ورحت احضر ويه امي الغده صبينه وتغدينه وصعدت فوك نمت اني ويوسف للمغرب كعدنه نزلته يم ماما ازهار ورحت سبحت لبست تراك وردي ٣ قطع ستره وبجامه وفانيله تعلاكه اجه بالي اسوي كيك دخلت للمطبخ ووياي يوسف بالحجله يلعب ويباوعلي ويضحك نزعت سترتي وسديت باب مطبخ وبديت اشتغل واخبط بالكيكه شعري رفعته كعكه عاليه كملت كيكه وخليته بالاوفن وبلشت بالصوص الككو دخلت ماما ازهار تسولف بالتلفون ماركزت وياه جانت تصور بيوسف مانتبهت ويامن تحجي الا لمن دارت كامره عليه وصار يمان كدامي مااعرف منين طلعلي اني من شفته وطفرت البس الستره واحجي على ماما ازهار وهي تضحك _غير تكليلي فاتحه كامره
ازهار: يا جاهو غريب غير رجلج
زهرة :حتى لو اني طالعه عفت مطبخ وطلعت وهي كملت مخابرته وصاحتلي اجيته كتله _شعده مخابرج
ازهار: دوم نتخابر اني وياه سمع من اهله يوسف هنا وخابرني يسأل عليه عوبه ليش ماتردين على رجلج من يدك عليج
زهرة :ليش هو وين مخابرني اصلا
ازهار :كال دكيت عليه وماردت
زهرة :وليش يدك شريد
ازهار: وعابت طفشي الرجال على هذا اسلوبج غير خابر علمود يشوف ابنه يحجي ويه مرته العوبه الخبره
زهرة: اكول صارله بالشهر ونص مايسأل عليه بس كولي لان دره ابنه هنا دك عليه هو وين معبرني
دارت وجه وعافتني كملت كيكه وبردته طلعته وره عشى ويوسف كام يهمش عليه ويلطع بأصبعه بالككو مالته وعمتي تصور بيه اعرفه تريد تدزله صور وفديوهات لابوه شلته وغسلتله ومسحته لليل دك تلفوني جنت كاعده يم عمتي نطته اليه
ازهار: ردي عليه لا اطيح حظج
زهرة: ما مااريد لاتدخلين فدوه
ازهار: والله هسة اكول لامج ومايحتاج اكلج شتسوي
زهرة :يمه شبيج عليه ترة اني بنتج مو هو ابنج
ازهار :انتم كلكم جهالي اعتبركم ماارضه عليج وماارضه عليه
زهرة: ترة اني بنتج الي مربيتني واني باللفه مو هو الي اجه قبل كم سنه ليش تزعليني منج
ازهار : دكومي ولج ردي عليه
زهرة :كايمه كايمه
كمت اخذت جهازي ورحت للمطبخ ارد عليه فتحت خط بنفس مسدود حتى مااعرف شكول بس الي اعرفه اني كارهته هسه كتله بس الو
يمان: الو شلونج ليش مجاي تردين
زهرة :ماسمعته جنت اشتغل
يمان: شلونج
زهرة: الحمد لله
يمان :اني هم زين الحمد لله
زهرة: شرايد يمان
يمان: باين مستعجله
زهرة :اي والله نعسانه
يمان: اوف ماعرفتج من ٨ تنامين
زهرة :اي تغيرت
يمان :يوسف شجابه يمج
زهرة :عمي جابه واذا ماتقبل اكله يجي ياخذه
يمان: لا شعليه اهم شيء راحت يوسف
زهرة: اي هو بس هذا الي يهمك وزهرة طبه نعل
يمان :علي صوتج لادردمين
زهرة: يلة اني اريد اروح من رخصتك
يمان: لحظه لحظه شهالملابس الي لابسته بالبيت بسلا لبسج عدهم كل يوم هيج
زهرة: لا بس مطبخ حار ونزعت واني قافله باب
يمان: مو عمتي فاتت الج شلون قافلته
زهرة: محد بالبيت ترة بس اني وعمه
يمان: وين ابوج ومرتضى
زهرة: مرتضى بيت مرته ثانية وابوية وامي جانو يزورون الامام علي عليه السلام
يمان: خوش بس هاي اخر مرة تلبسين هيج بيتكم وهسة روحي الله وياج
زهرة :سد تلفون بوجهي غميت روحي لان رديت عليه كلت هسة الكاه ندمان يعتذر تالي يرزل اشتهه يرزل اجه للحايط النصيص مشيت للصاله وعمتي اشرتلي يمه
ازهار: بشري اتصالحتو
زهرة: اي كلش ابن اخوج دك رومنسيات بحيث مااكدر اوكف من رومنسيته
ازهار: صدك همزين الحمد لله
زهرة: باع هاي صدكت اشتهه يرزل خابرني رزلني وطفه تلفون
ازهار: يا ليش عليمن هم تعاركتو
زهرة :والله شنو لاتلبسين هيج بيت اهلج بطران
ازهار: ترة صدك حقه يمه شافج مدنكه ونص صدرج طالع على رغم محد بالبيت بس حتى لو مو بغرفتج يمه وهو هم حجه وياي وكال شنو هالبس وكتله محد بالبيت
زهرة: ماطول يدري شكو يخابرني والله بطران
ازهار :ماسألتيه شوكت يرجع
زهرة: لا
ازهار: تضلين غبره دسألي كليله اشتاقيتلك شبيج جامده
زهرة: لابلة لو يموت اصلا ليش اجذب مامشتاقتله
ازهار: كومي من يمي لا انزع نعالي اكطعه عليج
زهرة :فلتت من يمه اني ويوسف بدلت ليوسف ملابس نوم فتحت كنتور اجه كبال عيني طقم اشتريته من تركيا مالت منام من زمان جان ماروني شورت قصير وكيمونيه دلعه عجبني لبسته ولبست روب طويل عليه نزلت جبت مي وصعدت عمتي نامت جوه يم ضحى لان هالايام متخربطه تنزف وطفل مهدد بالاسقاط ويخافون عليه تسقط كلهم يمه صعدت طفيت الاضويه ونمت نص ليل فزيت على صوت تلفون جوه راسي كعدت مخترعه ويوسف كام ينوص ويتحرك كبل فتحت تلفون بدون مااشوف الاسم حجيت بصوت بالكوه يطلع _منو انت الي ماعندك دم ومستحه مخابر نص ليالي ماتكول وادم نايمه وادم عده جهال والله لو كاعد الطفل جان اجيت ودست بنص مصارينك ازعاج
طفيت تلفون بوجهه ورجعت نمت رجع دك رفعته مرة ثانيه وفتحته جان اتثال كامرة صار بوجهي يمان
يمان :اني زوجج الي ماعنده مستحه
زهرة :ها يمان شرايد شبيك
يمان :ردت اخابر اطمن عليكم
زهرة: زينين الحمد لله يلة مع السلامه
يمان: وين ولج جاي احجي
زهرة: نعسانه حرام عليك ليش ماتحس بيه
يمان: صحصحي خل نسولف
زهرة: من صبح لليل ماعندك وقت تخابر تخابر بال٢ باليل ليش ياظالم
يمان: عجبني اخابر هيج وقت
زهرة: واني شذنبي والله تعبانه
يمان :والله ذنبج مرتي شغلي ضوه ليش هيج ضلمه مجاي اشوف عدل
زهرة: يوسف نايم يكعد اذا اشغله
يمان: لا عادي قبل جنت انومه على ضوه واشتغل يمه كومي شغلي وطلعيلي ملابس يوسف شوفيلي قياسهن شكد اريد اشتريلة ملابس بس قياسه مااعرفه
زهرة :كمت شغلت ضوه وخليت تلفون على ميز مرايه ورحت للكنتور جان كنتور مقابيل ميز مراية جبت ملابس واجيت نطتيه قياس وهو صافن كلت نت علك بكت حتى اطفيه وانام بس بعدين حجه
يمان: شوفيلي قياس حذاء
زهرة :مااعرف ماجايبين حذاء
يمان: قيسيلي رجله بأيدج
زهرة: لحظه عندي فيته اجيبه واجي
رحت لمجر المكتب ادور فيته لكيته قست رجله ورجعت انطيته قياس
_ها خلص لو شنو
يمان: اي خلصت
زهرة :يعني اروح انام
يمان :روحي
زهرة :يلة مع السلامه رحت للتلفون شلته ونتبهت بالمراية اني شلابسه عزه بعيني عزه صارلي ساعه افتر كدامه هيج شبع شوف يمان صخام ولطام مشيت طفيت ضوه ونمت صبح كعدت على صوت عمتي مثل كل مرة تكعدني كملت يومي عادي مشة روتين حياتي عادي وممل لحد مامرن ثلاث شهور على غياب يمان ورجع كطع مخابراته واني هم مااخابر لحد مااجت عمتي ام احمد هي وياسمين وكالو انو يزوجون بتول وكرم بعد ماطلعت دورة سنة زينه الله يرحمه جان زواجهم يوم خميس وهم محدديله من زمان نخبصنه بهالخبر لان ورانه بدلات وتحضيرات باليل خابرت بتول الي مجهزه اموره احسن مني كضيته ركض بركض وحتى بدلات بأستعجال اخذت باليل وصيت اخويه يجيبلي كيكه صغيرة وشغلت شمعه ليوسف الي صار عمرة سنه ومحد متذكره صورته يم كيكه ونشرته بس امي ماقبلت على كيكه كون ولادته نفس يوم موتت امه لهذا قررت اذا عايشين ان شاء الله اسوي يوم زواجي اني وابوه عيد ميلاد اله بس تكفيني فرحت يوسف بالكيكه وتصفيكه اله حبه حيل وهو صاير يخبل مدنفش خلال هال ٣ اشهر وكبر وسنونه طالعات صاير يجنن يعرف يكول كلمات ويصيحلي ماما بس لسة بابا مايعرف يكول بس داده وماما واني حقيره مااعلمه يكول بابا جياد بأبوه ههه
خابرت امل حتى نروح نشتري فساتين اجت عليه هي وامه الي تصالحنه قبل شهر جابه عمي واعتذرت واني هم اعتذرت منه ونهينه موضوع بس اني ماقبلت ارجع الا يجي يمان اخذنه عمي ورحنه للمحلات افتر وماجاي احصل شيء حلو اشتريت ليوسف قاط اسود وبقيت بس اني افتر امل اخذت بدله وردي واني ضليت حايرة شلون قررت البس فستاني بعرس ياسمين لان جان كلش حلو بس عمتي ام يمان ماقبلت اطلع الا اشتري واخذتلي على ذوقه فستان احمر بدون ردانات كصه تفاحه صدر وهو قصير جوه ركبه وبيه فتحه لنص فخذ جان يشوفه يكول عادي مو مالت عرس اخذته ورجعت وبالي البس هذا وهناك ابدل حتى مااكسر بخاطر مرت عمي وصلنه للبيت وضحى شافته لحت عليه البسه لبسته بس جان على جسمي يجنن مقسم جسمي ومرتبه كأنو كاعد وزن عليه
ضحى: وج يجنن بالتعلاكه ولامبين ولابالعين
زهرة :حتى اني كلت شنو هذا يلعب نفس
ضحى: مرت عمج ذواقه باعي شكد بسيط بس ذوق خرافي
لبسي وياه مجوهرات بيض يطلع حلو
زهرة :اي صح صدك امل تروح للصالون ويه بتول واني هم اروح تعاي ويانه تمكيجي
ضحى :ان شاء الله
زهرة :ان شاء الله
للثلاثاء خابرتني امل
امل: ترة يمان رجع اليوم
زهرة: والله صدك تحجين
امل :اي والله وامي استلمته رزايل ومعاتب وابوية هم بس مهم هو خلص شغله هناك وكال عصر يجي عليج يرجعكم
زهرة: اوف اني مااريد ارجع شسوي
امل: يا حاتظلين طول عمرج بيت اهلج
زهرة :عساس اخوج كاتل روحه عليه من مخابراته عوفيني امل اشوفلي صرفه
سديته منه كمت لميت غراض يوسف بس غراضي عفتهم سبحت يوسف وهو صدك للعصر اجه اوف شكد مشتاقتله بس ابد كبريائي مايسمح حتى عطره اشتاقيتله احسه زايد ضخامه بسفرته وحليان عاجبه جو دبي شيهمه بالعراق زهره ام كفشه اجت ماما ازهار
ازهار :تعاي يريدج جوه
زهرة: مااروح هاج ابنه انطيهياه هذا الي يربطنه وبس
ازهار: لاتمسلتين يربطج عقد رجلج هذا والعباس امج حاده سنونه عليج لاتسويلج سالفه مالنه خلك
زهرة: دفعتني عمتي دخلت لجوه شايلة يوسف بأيدي كلت سلام عليكم وهو رد اجيت اكعد امي خزرتني
ام مرتضى: متسلمين على رجلج جاي من سفر بعد ٣ اشهر شبيج يمه
زهرة :درت نص دوره عليه من بعيد كتله شلونك ورحت كعدت على جنب مسافة قنفتين بينه عمتي اخذت يوسف انطته اله وهو شاله يحظن ويبوس بيه يوسف ضاج من لحيته كام يتنحس ويبجي ويصيح امه جان يريدني نزل من حظن ابوه وزحفلي اخذته بحضني امي طلعت واخذت ابوية وياه وماما ازهار كالت
ازهار: اتفاهمو وتصالحو ترة زواج مايخله من مشاكل لاتكبروه
يمان: مامتعاركين احنه عمه ولاعدنه مشاكل لاتشيلين هم
زهرة: بگلبي كلت شيهمك انت طلعت عمتي واخذت يوسف وياه وهو حجه
يمان: شلونج
زهرة :زينه الحمد لله
يمان :تعاي هنا يمي خل نسولف
زهرة: مااريد مرتاحه هنا
يمان: كتلج تعاي اني مامرتاح راسي كام يوجعني من دورتي عليج
زهرة: والعباس مااجي ولااتحرك
يمان: هسة ليش تحلفين
زهرة سكتت عنه وضليت مكاني هو كام كعد بصفي لزك بيه ادنيت عنه ورجع سحبني عليه
يمان: خل نحجي لاتضلين تكمزين
زهرة: ترة اسمعك مو طرشه شكو لازك بيه
يمان: ليش زعلانه احجي كلشي عندج
زهرة :لا ابد ماكو شيء بس حضرتك رحت سافرت ٣ اشهر ماتخابر وتسأل وحتى مسافر بدون مادري ولو ماكاعده على عركة صبح جان مادريت اصلا
يمان: هسة انتي ضايجه لان سافرت لو لان ماكتلج
زهرة: لان ماكتلي لان سفرك اعرفه من زمان وادري شغلك ماتأمن بيه يم احد وهذا رزقك بس انو تلبسني وماتكلي ولاتخابرني هذا الي مضوجني
يمان: ماكتلج جنتي نايمه بوكته
زهرة :بس كلت لامل على عشى جان كتلي جان كعدتني من نوم باليل لو صبح مهم ماتخليني بموقف الغبيه الي ماتدري اي شيء
يمان: توقعت اذا كتلج تسوين مشكله نفس استغفر الله مهم اني كلت اخليج امام الامر الواقع
زهرة: قصدك نفس المرحومه خوش تمم ليش ماتخابر وتسأل ليش نفس يوم الكاك مخابر امل واهلك حتى من تريد تشوف يوسف تخابره تراويك الطفل بس اني لا شمسويتلك اني ليش هيج تتعامل وياي
يمان: مجان عندي وقت والله وامل هي تخابر ادك عليه اطمنه شفتج انتي ماداكه كلت يجوز مامهتمه
زهرة: بأستهزاء اي صح مامهتمه اني ابد على عموم شرايد انت
يمان :حضري غراضج نرجع للبيت
زهرة: ماارجع اني غراض ابنك حضرتهم تريد اجيبهم الك بس اني لا
يمان: وين تردين توصلين شنو ضلتج هنا بلة من حنت مسافر ميخالف هسة شنو
زهرة: هسة اريد اتطلك
يمان :هههه نعسانه انتي
زهرة: لا كتلك من بداية مانتوالم بس انت عنودي وشفت ماصارلنه شهر صارت مشكله شكبره
يمان: كافي سوالف بايخه على عموم اني رايح وماخذ ابني يخلص العرس وترجعين لاتوصلين سالفه لعمي يرجعج غصب اليه
زهرة :عافني وطلع صاح عمتي انطته يوسف وراح امي استقبلتي وكتله ورة عرس نرجع بس حتى اخلص من كلامه
اجه يوم خميس رحت للصالون استلمتني مكياج جنت قبل يوم يمهن تنضيف بشرة وهسة مكياج مكيجت مكياج بيج وحمرة حمرة بلون فستان ولبست ثوبي وعليه صاية اخذت بوشيه وياي شيخلصني من محاضرات يمان وصلنه للقاعه نزعت جبه ورتبت شعري الي شلته بتسريحه بسيطه وخصلات منه نازله لبست بس تراجي فضه وحجل برجلي وسوار وحلقتي الي جابه يمانةدخل عريس وسوه فقرات وياه وراه هوسنه لبتول وسوينه فقرات واني تونست حيل اكثر من عرسي ركصت وتونست خلص العرس لبست جبتي وعبايتي وبوشيه بس مانزلته طلعت همزين ماكو سيارات هواي بس سيارة عريس وسيارة يمان وراه جان يمان بالباب شايل يوسف بيده الي ملبسينه قاط الي جبته طالعين طقم سوه هو وابوه شافني اشرلي ابقه واجه عليه
يمان: شنو خلصتو
زهرة: اي طلعت اجيب يوسف كالت عمتي يضل عندي يوم لان مافارغتله هي
يمان: صعدي بالسيارة نتفاهم
زهرة :مرتضى يجي علينه اروح وياه
يمان: زهرة صعدي بسيارتي لاتعليني هسة اجي
زهرة: صعدت بسيارته وكعدت اجه بعد ساعه انشتلت شتل بالسيارة حتى عرسان طلعو ويمان ماكو اجه وحده
زهرة: يوسف وين
يمان: عند بيبيته ام امه مشتاقتله تريده يمه يبات
زهرة: خاف مايعرفله لو يستغرب
يمان: لا مايستغرب متعود عليه يشوفه كل اسبوعين حتى من جان عندج ويجي ابوية ياخذه تجي تشوفه هي
زهرة: خوش
نطلقت زفه جنه وحدنه امل واهله بسيارة عمي وحسين وكرم هو زف نفسه افترو بالشوارع وهوسو وراحو للفندق نزلو يركصون ويهوسون وراه رجعنه للبيت من طريق عرفته ماخذني لبيتهم كتله
زهرة: وين ماخذني مو طريق بيتنه هذا
يمان :واني شوكت احصل فرصه اصيدج بيه غير هسة
زهرة: ترة وثقت بيك
يمان :مرة ثانية لاتوثقين
زهرة: وصلنه للبيت جانو بيت عمي راجعين صعدت قبله نزعت عباتي وحجابي بقيت بالفستان بالغرفه دك تلفوني رسائل من امل تريد صور ادزهن اله دخل يمان قفل باب
يمان: ويامن تتراسلين
زهرة :ويه امل تريد صور
زهرة: ماحسيت الا وسحب تلفون من ايدي ودفعني على حايط حاصرني بجسمه وكال
يمان: طالعه حلوه
زهرة :تسلم شكرا اروح ابدل اختنكت من فستان
دفعته حتى اروح رجع دفعني وحصرني اكثر وكال
يمان: جبتلج هدية من دبي ماتردين تشوفيه
زهرة: بعدين خل ابدل
يمان: لا هسة
زهرة: ابتعد شويه طلع من جيبه علبه فتحه بيه كلاده ذهب يمكن على شكل ورده او زهرة تقرب حيل يمي لبسه اليه وكال
يمان: حلوه عليج
زهرة :صح حلوه عاشت ايدك
تقرب باسني من ركبتي واني احس رجليه بعد ماتحملني گلبي ينبض بقوه وجسمي يرجف
يمان :مشتاقلج
زهرة :تشتاقلك العافيه
يمان: ههههه وتشتاقلج العافيه هم ماعندج احساس ابد
زهرة: رجع باسني بمكان الكلاده وايده تمشي على طول ايدي شوية ونزلت تمشي على فتحة الفستان
يمان: من جابلج هالفستان الفاسق
زهرة: امك مو اني
يمان: صح طايح حظ بس حلو عليج
زهرة :دفعته وكتله اختنكت اريد ابدل بس ماانطاني مجال كبل دفعني وسحب راسي باسني بشفايفي بقوه جمدت بمكاني ماتحركت ولاانطيت ردت فعل وهو يبوس بيه برقه وساعه بقوه ابتعد عني بعد فتره وخله جبينه على جبيني وكال
يمان: اريدج
زهرة :ها شتريد مني شجيبلك
يمان: اريد اتمم زواجي منج مااكدر اصبر بعد
زهرة :اني اني مااكدر لحظه خل نحجي مو تريد نسولف
ماسمع مني وسحبني اله يحضني ويبوس بيه احجي وياه مايرد عليه اخذني للجربايه وكملت ليلته سوه كعدت واني حاضني بأيديه جسمه جان حار مدفيني وهو جان يلعب بشعري رفعت راسي اله باسني من راسي
يمان: مبروك
زهرة: الله يبارك بيك
يمان :نامي وقت متأخر نامي مااريد تفكرين ولااريد افكر بشيء .
