#صباح الخير #
"رغم كسرت قلبي احببتك "
# ياسمين :حياتي ماشيه بهدوء اني واحمد متفاهمين وحتى من تصير مشاكل نكدر نحله واغلب مشاكلنه على جهال احمد يريد طفل واني رافضه لان ابنه زغير وبالكوه مسيطره عليه شلون احبل بعد
كعدت يوم احمد بالشغل والجهال نايمه كمت نظفت شقتي ورتبته وسويت ريوك كعدت جهال وكلتهم وسبحتهم وبدلتلهم ملابس مرتبه وهم نزلو جوه ماعدى طه مانزلت زغير الا انزل وياه اني سبحت على سريع لان طه لسة نايم وبدلت وكعدته وكلته ونزلنه يوم غدانه يم عمتي هي عازمتنه نودزلت اساعده بتول بالدوام وروان هم جهال تلعب بالصالة ساعدت عمتي بالطبخ
ام احمد: عمة كلي السمج عما اصلي واجيج
ياسمين :اي عمه جاي احضره
ام احمد :هاي جهال دخليهم لجوه لايتوصخون وسدي باب مطبخ من تكلين لاينترس البيت ريحه سمج
ياسمين: تدللين عمة طلعت دخلت جهال وغسلت ايدهم مطينين روحهم خليت طه بالحجلة والبنات وديتهم يم عمتي ورجعت اكمل طبخ شويه واجو ولد ومرت سجاد لان جانو بالمستشفى بالعلاج الطبيعي ايديه تحسنن وصارت تكدر تكمش الاشياء بس بعدهن متقوسات شويه ساعدتني بتخليص الغدى وفرشنه واكلنه وبتول غسلت ماعين وسوت جاي صعدت لشقتي اني وجهال احمد ماكو مااجه على غدا خابرت ومارد ضليت الح بالاتصالات ومايرد انتظرته وصار الليل اكلت الجهال ومااجه ضليت بدون عشى ومنتظرته صارت ١٢ قلقت عليه كلش ونزلت لعمتي
ياسمين: عمه احمد ماخابرج اخابره مايرد
ام احمد :خابرني يمه كال يم جماعته يتاخر لاتنتظريني شنو ماخابرج
ياسمين: لا ماخابرني واخابر مايرد ولادزلي رسالة قلقت عليه من صبح طالع
ام احمد: هذا احمد يمه مايركد بالبيت تكول يكرصه روحي نامي يمه لان اذا كال يتاخر صدك يتاخر
ياسمين: تصبحين على خير
ام احمد :وانتي بخير
طلعت من بيت عمتي ورحت لشقتي كعدت بالصالة انتظره ماجاني نوم وهو ماكو لل١ ونص انفتحت باب واجه
احمد مساء الخير ها كاعده كلت راح الكاه نايمه
ياسمين: وين جنت احمد انتظرتك هواي ليش مانطيتني خبر
احمد :جنت يم اصدقائي عندج مانع
ياسمين :ماعندي بس على الاقل بلغني كلي ليش عايفني هنا ميته خوف وقلق كلت صارله شيء
احمد :مامتعود احد ينتظرني ويقلق عليه غير امي
ياسمين :مالي علاقة قبل شجنت متعود هسة الي دخل لاتتاخر بعد احمد اول شيء وكت مو امان ثاني شيء اني اخاف وحدي
احمد: ماشي دور ابلغج حضريلي حمام اريد اسبح
ياسمين: تمام رايد عشى لو متعشي
احمد :لا متعشي جهال نامو مو
ياسمين :اي من ١٠ نامو يلة رايحه احضرلك الحمام حضرتله حمام ورحت للثلاجه طلعت تفاحه اكلته وكعدت امشط شعري طلع من حمام يدندن ويغني شو مزاجك اليوم عالي
احمد: لا عادي مثل كل يوم
ياسمين :مدري حسيتك فرحان
احمد :وماتكيفين افرح
ياسمين: لا طبعا اكيف بس جاي اسأل
احمد: مانعستي خل انام
ياسمين :نعست شلون ماانعس
احمد: باجر رايح لبغداد
ياسمين :شنو شعندك بغداد
احمد :هيج ونسة ويه اصحابي
ياسمين: وكم يوم تضل هناك
احمد :٥ ايام او اكثر بعدنه مامحددين
ياسمين :وشعندك هالوقت كله هي شبيه بغداد وتضل ٥ ايام
احمد: ياسمين رايح اتونس لاتنكدين عليه يلة تصبحين على خير
ياسمين: دار وجه ونام خلاني بضوجتي فوك سوالفه يوم رايح لبغداد هم ماارتاحيت لاصدقائه نمت وكعدت الصبح جان يحضر جنطته عفته ورحت للحمام سبحت وبدلت وكعدت جهال وتريكنه سوه ودع جهال ونطاهم مصروف يشترون ونزلو واجه عليه باسني بشفتي وكال
احمد :لاتضوجين ياسمينه هي صح روحت ونسة بسهم عندي شغل اريد اتسوك من بغداد
ياسمين: انت مو تسوك من صين شجاب بغداد
احمد: لا مو نفس بضاعه عندي فلوس اريد افتح محل واخلي بيه بضاعه غير شيء يلة اني رايح هذا مصرفج وكلشي تحتاجيه كولي لسجاد او مؤمل يلة ادعيلي ولاتضوجين
ياسمين: الله يوفقك وترجع بالسلامه
احمد :حبيبتي تعاي اريد حضن
اروح فدوه هالعيون
ياسمين: حضني وراح ومشت ايامي عادي خلصن ٥ ايام ورجع احمد وفد يوم جنت كاعده باليل نسولف كال رايح للحمام يسبح واني جنت اخابر بزهرة كامرة بتلفوني كملت المخابرة وخليت تلفوني على شحن واخذت تليفون احمد حتى اخابر اهلي فتحت تلفون ودخلت للواتس لمحت من برة صديقه كاتبله هاي صورتك ويه الحاته عمي محظوظ دخلت للمراسله دازله صورة وهو كاعد مكان وبنية تقدم ضيافة لازمه فخذ رجله ومدنكه عليه نص صدره طالع وتنورة قصير حيل وهي سمينه تخبلت اكيد هاي بغداد لان وين ياخذه منيلنه هنا ماعدنه بنات نازعات الحجاب بالنجف دكيت الباب عليه _احمد احمد اطلع
احمد: خلصت جاي
ياسمين: طلع واني اروح وارد بالغرفه تخبلت ومتت قهر هاي تاليه يخلي هيج نماذج تلزمه ويصور وياهن طلع وهو ينشف بشعره
احمد: شكو شبيج تصيحين
ياسمين: هاي شنو
احمد :شنو صورتي كاعد بمطعم
ياسمين: اعرف صورتك اشوف اني بس الي وياك هاي منو
احمد: شمدريني نادلة تقدم اكل
ياسمين: وشلون تخليه تلزمك شوف شلون لازمتك
احمد: واني شمدريني تلزمني قابل ادري حتى مااخليه
ياسمين وصاحبك شكو يصورك اصلا ليش تدخل هيج مطعم بالاساس
احمد: ماادري الولد اخذوني وهم صورو ماادري بيهم
ياسمين: احمد وين رحت بغداد عددلي كل مكانات الي رحتهن
احمد :شبيج ياسمين صورة عاديه لاتخبصينه
ياسمين: لا مو عاديه مو عاديه هذا مكان مو عادي اني حاسه مو عادي كلي هذا وين نادي ليلي لو شنو
احمد: يانادي تخبلتي انتي مو نادي وكافي جيبي تلفون وامشي
ياسمين :لا مااجيبه انتظر لحظه فتحت محادثه ودزيت رسالة لصاحبه هاي وين صورته الصورة
احمد: شجاي تسوين ولج جيبي تلفون ياسمين
ياسمين :ماانطيه اريد اعرف وين هاي صورة بس صدكني اذا طلع نادي ليلي الا ماظل هنا دقيقه ماطول ماحجيت
احمد :جيبي تلفون لاتعصبيني ياسمين وسوالف جهال عوفيهن
ياسمين: ماانطيه
اجه سحلني من ايدي يريد ياخذه واني كامشته بكل قوتي راد مني افتح ايديه ماكو واحنه نتعارك دك جهاز اشعار رسالة هو هدئ واني استغليته فرصه سحبت جهاز وابتعدت وفتحته جانت من صاحبه مكتوب _شبيك شنو نسيت بالملهى
ياسمين: يابوية نار وشبت بصدري بحيث احس راح ينفجر وكع مني تلفون وهو شاله وشافه بدون كلام فتحت كنتور وسحبت جنطه صغيرة وبديت الم كم لبسه اليه
احمد: شبيج ياسمين لاتتخبلين وين رايحه بهاليل خل نتفاهم
ياسمين: عوف ايدي مااتفاهم وياك اني وخر عني جذاب
احمد :لاتتجاوزين ياسمين خليني محترمج
ياسمين: ليش كايله شيء غلط مو جذبت عليه وكلت مطعم وسالتك رايح لنادي كتلي لا من فوك ماداخل هيج اماكن وتجذب عليه وبعد وبعد هسة الكاك نايم وياه هم
احمد :لا تتبلين عليه
ياسمين: اتبلى ليش الي يدخل هيج اماكن شيريد ها الي يروح ملاعي مو يريد نسوان
احمد: ماردت اروح اصحابي هم الي لحو ووداعتج وغلاتج ماسويت شيء بس نص ساعه كعدت وطلعت لعبت روحي
ياسمين: لا صدكت كلش صدكت
وخر عني احمد اني ضله هنا مااضل لو شتسوي ورايحه لاهلي
احمد: لاتكبرين موضوع ياسمين مايسوه
ياسمين :لا هو موضوع جبير من الاساس
بس انت ماتحس بيه
احمد: ماكو طلعه ياسمين
ياسمين: اروح يعني اروح رضيت رفضت مايهمني مااضل يمك دقيقه تريد تخوني مدري خايني واني غافله وماادري
احمد: ياطلابة يامحمد ماخنتج كتلج نص ساعه شلحك اسوي بنص ساعه
ياسمين :واني شيضمنلي باقي نص ساعه وحتى لو يكفي دخولك لهيج نجاسه ونظرك كافي
احمد: يامحمد ياعلي شلون تفض هالطلابة يوم ياحبيبتي اهدي وتعاي عدي اليل على خير نامي والصبح نتفاهم على كلشي تمام
ياسمين: لا مو تمام ومااريد اتفاهم وانت مااريدك هم ومااضل دقيقه يمك تريد توديني لاهلي لو اروح لمؤمل لو اخابر اخويه
احمد: كافي عاد مصختيه وعلعلتي كلبي طلعه منا ماكو واريد اشوف شلون اطلعين اكسر رجلج
ياسمين: مو كيفك مو كيفك هسة اخابر اهلي واولي عفته ورحت للغرفه اجيب تلفون من شحن وهو ماادري شيسوي فتحت تليفون وانسحب من ايدي _شجاي تسوي جيبيه عوف تليفوني احمد
احمد: كلت طلعه منا ماكو وروحي اندفسي نامي لاتحجين كلمه اعصابي تلفت
ياسمين: والله مو كيفك اني مااريد ابقه هنا مو اجبار
احمد :اجبار وغصبنا عليج هم شتردين سوي
ياسمين: راح للغرفه قفل باب بالمفتاح وخلاه بجيبه وراح نام على جرباية
احمد: خنشوف شلون اطلعين يوم
ياسمين :افتحلي باب احمد هي مو كوه مااريد ابقه يمك فوك شينك كواة عينك افتح الباب
احمد: لو تعيطين منا لباجر ماافتح تعاي انخمدي
ياسمين: كوم كوم انطيني مفتاح مو كيفك
رحت عليه ادور بجيوب بجامه مالته سحلني لنص جرباية وربطني بين ايديه ورجليه اريد اتحرك ماكو اختنكت
ياسمين: وخر عني احمد ماطايقتك وخر نطيني مفتاح اريد اولي
احمد: ماكو صخام انخمدي لاتضوجيني
ياسمين: وخر هدني ماطايقتك لاتلمسني
احمد :بعياط ياامة الاسلام نامي ياسمين :لاتخليني اتخبل عليج بهاليل نامي
ياسمين: سكتت بس ضليت ابجي ماطايقته كلش وكرهانته
حلني ماراح اشرد
احمد: مااكدر
ياسمين: شنو ماتكدر وخر عني مااريدك تحظني ولاتلمسني كارهتك احمد
احمد: مااكدر ياسمينتي متعود احضنج وانام شلون انام هسة اذا عفتج عطرج ادماني حظنج مخدتي احبج هواي
ياسمين: اي كلش تحبني ورايح ملهى تتونس ياسمين مامكفيتك وخر لاتخليني ادوس بالحجي
احمد :دوسي وتعاركي بس بحضني وبيتني لاتهدديني بروحتج لان مااخليج تعتبين باب
ياسمين :سكتت عنه وهو نام بدم بارد واني ليل كله ابجي وكاعده ودمي محترك وادفر بيه اريده يوخر وهو ماكو لل٤ الفجر انحصرت واريد اروح للحمام دفعته وهم ماكو بالعكس قوه الحضن عليه _احمد اكعد احمد
احمد اممم شكو عوفيني مااروح للشغل
ياسمين: مو شغل هدني اريد اروح للحمام وخر
احمد :كومي
ياسمين: المفتاح جيبه
احمد :هاج
ياسمين :طلعت للحمام وراه رحت للبنات اطمن عليهن نايمات رجعت لكيته بوجهي بالصالة
احمد: كلت راحت شردت اتاخرتي
ياسمين: هزيت ايدي ومشيت نمت على جهتي بالطرف اجه هو نام وحشك روحه يمي _وتالي احمد عوفني مراح اهج ترة ساعة ٤ لاتخاف
احمد :اش مااعرف انام الا هيج
ياسمين :واني شنو ذنبي تجعصني
احمد: كافي سكتي اريد انام لاتطير نعسه
ياسمين: سكتت عنه ونمت وغفيت .
# امل #
حاولت اشكد اتواصل ويه زهرة وماترد زهرة قطعت اخبارة عني وحتى بتول ماتعرف عنه شيء قليل ماتتواصل وياه واحنه بيتنه هم مافارغ من عرك بسبب يمان الي امي تلح عليه يرجع مرته وهو معاند وطبعا امي الي تلح عليه خالتي وزينه وابوية هم قافل ماترد بيته بيوم كاعدين ظهر وهم فتحت موضوع امي
ام حسين :شوكت ترد مرتك مو راح تدخل بشهره شنو منتظره تجيب
يمان :وين ارده ماسمعتي ابوي مايقبل ترد للبيت هنا هاي وحده وثاني شيء اني عايفه تتادب على سوالفه لان طلعت هاي مو اول مرة تجذب عليه وكومه سوالف عده واني اكثر شغله اكره الجذب والتاليف
ام حسين :كافي يمه تعاقبت وتعلمت درسه لايصير شيء بالبت جيبه يمك خاف تطلك شيء منو يمهن هناك اجر بيج اخذ المشتمل مهم رجعه
يمان :الله كريم يمه انطيني مجال ارتب وضعي وافهم راسي من رجليه
كرم :شصار على شغلك بدبي راح تسافرله لو شلون
يمان: اي ان شاء الله بس منتظر زينه تولد حتى اسافر مااكدر اعوفه بهيج وقت
كرم :ان شاء الله الله يكومهم بالسلامه
يمان: امين يلة اني رايح للشغل مع سلامه
ام حسين :مر على مرتك شوفه
يمان :اي ان شاء الله
امل :طلع يمان وراه كرم
ام حسين: هاي سوالف كله من وره زهرة راحت ولت لتركيا واني ابني ومرته متعلعلين
الحجيه :وشله علاقه البت يمج صوبج كرباج كولي هاي سوالف وفواين جنتج وانتي ادسترين اله بنية كاعده بكاعه هي تعيل بيه
ام حسين: ماتعيل الا اذا اكو شيء هي كالتلي حاطه عينه على رجلي وصدك ليش وحيده من خواته ساكنتنه
امل :غير صديقتي وبنت عمي يمه
ام حسين :سكتي انتي بسببج هم راح يخرب بيت اخوج
الحجيه: اشو انتي ماتعرفين سولفين وجاي تمخرطين الخراب هو من جنتج ماخافت على روحه ولا على الفرخ الي بطنه وتمثل ماتكول افاول على الفرخ وانتي بدال ماتكولين حقيقه تتفقين وياه يم دكتورة على المسكينه تدرين انتي وجنتج سبب طلاكه سواه البنت هسة متزوجه طلكتنه من ورة طلايبجن وحوبته ماتتخطاجن وبدال ماتكولين مسكينه واذيناه لا تهميه بخراب بيت ابنج والله عمي صلفات ولا ينكدر الجن
ام حسين: يمه مو هيج جااني كلت لرجله يطلكه شلي دخل بس زينه عليش تجذب اذا ماسامعه وشايفه شيء
الحجيه :حتى لو شايفه وسامعه مايحقله تسوي هيج بس اذا انتي متعيتله تشيخ علينه طبعا كومي امل سويلي جاي امج صدعت راسي سوالفه سوالف جهال
ام حسين: يايمه
حجيه :وغمه انلصمي .
