*مساء الخير *
"رغم كسرت قلبي احببتك"
ملاحظه /موعدنه بعد فطور يوميه بارت حتى نكمل القصه لان قربنه على نهايه
يمان: نزلي زهرة احنه مراح نوصل لحل اذا ضليتي بهذا عنادج
روحي للببيت
زهرة: نزلت وعفته فتحت باب وهو ماراح لحد ماسديت الباب دخلت للبيت
ازهار :شلابسه ولج هاي شصاير بيج وين عباتج
زهرة :انباكت هي والاب كوت
ازهار :يا عزه شلون انباكن
زهرة: مدريني عفتهن دقيقه رجعت ماكو
ازهار: غير تنتبهين ياامي شجاج غراضج خليهن يمج مو شمريهن وين مجان
زهرة: اوف ماادري ماما عوفيني تعبانه وفوك تعبي حساسيه موتتني
ازهار :مو اكلج احجزلج ماتقبلين تعاي خل ادهن جسمج بالعصارة
زهرة: اي فدوه تعاي موتني
صعدت لغرفتي ونزعت وهي جابتني دهن ودهنته اليه وراه خلتلي ماي زمزم
ازهار: منينلج هاي سترة منين جبتيه
زهرة :اهو نسيت انطيه ليمان نطانياه لان جانت سترتي مبلله وبردانه جنت
وشمسيه ويه العباية جانت ونباكت بعد
ازهار :شعجب اجاج يمان وين مرتضى
زهرة :سيارته عطلانه شنو ماتدرين ورايحله احمد يساعده بتصليحه
ازهار :اوف منه هذا ميت مرة كلناله بيعه واشتري غيره مجلب بيه وهي كلسا مسويتله سالفه
زهؤة :غير ماعندع يجمل عليه هم خطيه لو عنده من زمان باعه
ازهار :مو كتله انطيك ذهبي بيعه وجمل وبعدين رده اليه هو معاند
زهرة :تعرفين مرتضى مايقبل ياخذ فلوس من اي احد
ازهار :اي راسه يابس مثلج وراثه عنادكم
اكوم اني اسويلج غده
زهرة :يمه
ازهار: ها
زهرة: يمان
ازهار: شبيه
زهرة: يريد ياخذني للدكتور العصر
ازهار: اي شتردين
زهرة :شريد غير استأذن منج
ازهار :يمه احنه مالنه حق عليج هو صاحب الحق
زهرة: مو انتي كلتيلي لاتحجين وياه ولاطلعين وياه
ازهار :ياامي اني من احجي واكلج ابتعدي ولاتحجين وياه لمصلحتج مااريد اي احد يحجي عليج ويذمج وياخذ عرضج
زهرة :يعني اروح
ازهار: روحي يمه
زهرة :تعاي وياي
ازهار: وشعندي وياكم رجال ومرته شكو داخله بالنص اني
زهرة :مو اخاف اخاف يخطفني مو امان هو كلشي يسوي خاف يجبرني ارجعله
ازهار والله انتي دواج هيج مايمشي وياج تفاهم
زهرة: اوف هسة شكلتي
ازها:ر ولي ويه رجلج مااروح اني
زهرة: عافتني ونزلت انتظرته جابت الاكل تغديت ونمت والنومه نومه محسيت على روحي الا على صوت تفلون يدك جوه راسي رفعته بدون مااشوف منو نعسه بعيني مااريده طير فتحته وكلت الو
يمان: وينج انتي صارلي شكد ادك عليج ليش ماتردين وين مخليه تلفونج مدام
زهرة :شكو شكو تصيح خبصتني شتريد
