زهرة :كعدت العصر وطلعت ويه مرتضى ورحنه لمحل واشتريت فستان جان لونه وردي فاتح حيل ومن ستن عجبني كلش بي عيبه حيل دلع وصلوخ ويلطش على جسم هسه امي تلعب بيه فلك من تشوفه رجعت للبيت وبيتنه صاير خبصه ملتهين بالعرس وتجهيزاته ويتفقون وسوالف دوخه كومه كعدت ويه بنت خالتي ضحى اسولف بالغرفه سوالفنه عاديه
زهرة: شلونج بيت عمج مرتاحه
ضحى: على الله هم حبابين بس حياتهم ماتوالمني بس شسوي
زهرة: وشصار على هذا الي تحبيه مو كلتي حيتقدملي
ضحى :يايتقدم هو من سمع بسالفتنه خترع كال انتم اصحاب طلايب وشرد
زهرة :يا عابت صدك شصار على سالفتكم ماعرف سجاد الفاعل
ضحى: لا والله حتى ملف قضيه نسد ضد مجهول وماعرفنه وسجاد دور كومه وماحصل شيء ولاعرف عنهم
زهرة: الله يساعده زين ليش مابعتو بيت وشتريتو غيره وكعدتي يمه احسللكم
ضحى: مايقبل يكول ماامن عليج وحدج الله يفرجه
زهرة: هو لو هذا الاثول متقدملج جان احسللكم
ضحى: شسوي هم قسمتي والله احبه ورايدته بس خذلني لان جبان خاف لا عدنه ثار ويتأذه اوف روحي موجره منه
هالجلب
زهرة :الله كريم ربج يسهل
ان شاء الله تجيج قسمه زينه
ضحى: والج هم وانتي بشري شلونج ويه يمان
زهرة: لاالي لون ولا غيره يمان حتى حبه اتلاشه عندي صرت من اشوفه مااحس بشيء
ضحى :ها معقوله هالدرجه
زهرة :اخر موقف حز بخاطري كلش وجرح مشاعري وكرامتي وحلفت اذا كلبي مانساه احركه بس هو بده ينساه وتلاشه
ضحى: حجي معقوله بهالسرعه نسيتي هسة بس تشوفيه كدامج تحنين اله
زهرة : احن لاسلوبه لو حبه اليه اشو مادري شلونج انتي من حوره شايفته من يعاملني تكول شيء مقرف ويريد يتخلص منه مرات احسه يشوفني ذبانه
ضحى :ههه لا مو هالدرجه
زهرة: واكثر عوفينه منه موضوعه يضوجني ويكبت نفسي
جاي نسولف وماحس غير كبت عيطه بالبيت وصياح مرتضى مله مكان خترعت ونزلت اركض وضليت واكفه بالصالة اباوعلهم
مرتضى: افتهمنه نطيتج كلمه بس مو بهالسرعه كتلج اضبط اموري اكول لمرتي مو اصدمه
الام :شسبيتنه بمرتك انت مو لعبته لنفسي خابصني بيه هاي لو انت ماتخلف جان ركعتك ميت جلاق وراحت تزوجت مو مثلك اتوسل بيك صارلي اشهر
مرتضى : ياصبر ايوب ياصبر ايوب يمه ليش مجاي تفتهميني ليش مجاي تستوعبيني اني احبه مااكدر اجرح مشاعره مااطيق هالفكره مو ترديني بيوم وليلة احققه مااكدر اضيع مرتي من ايدي مااكدر
الام: انت انطيتني كلمه خو ماتريد ترده شغله لخ مرتك اذا مستصعب تفهمه اني اروح لاهله واحجي وياهم واكول لامه لو ولد من ولدج هيج ماعرستي من صبح شوف مرتضى اني بزعت رويحتي منك اذا ماتزوجت وجبتلي حفيد صدكني اغضب عليك ليوم دين واوصيهم على جنازتي ماتوكف لان ماسمعتلي واني اريد مصلحتك
مرتضى: ياربي شلون تشوط باعصابي تردين تجلطيني انتي ليش وياي شانه الحرب بس اريد اعرف مو جنتي دهن ودبس وحبايب ويه ايناس شغيرج
الام: لان نطيته فرصه ٥ سنوات منو تتحمل كدي وهسة خلص هاهي مشيئة الله بعد شلون كوه تحبل يعني كتلك تخطب ورجلك فوك راسك اني بس يخلص عرس اختج اخابر اخوه البنية واروح لاهله واخطبه وانتهت
مرتضى: ومنو تعيسة الحظ بلة
الام :هاجر بنت خالتك
مرتضى :شنو شنو عيدي ماسمعت
الام: شنو صرت اطرم ضحى بنت خالتك شبيك
زهرة: اني درت وجهي لضحى لكيته صافنه بوجهي والكل مصدوم مثلي ومرتضى كب وجهه احمر من عصبيه وصيح
مرتضى: اخذ وحده بكد جهالي يوم شبيج ضحى بكد زهرة مالكيتي بهالكون كله غيره
الام :تربية اختي وحيدته المرحومه وصتني عليه اراعيه ولو اموت ماافرط بيه للغريب
مرتضى: جا وصتج تراعيه تذبيه يم واحد كد ابوه وج يمه شبيج وياي ماتكليلي كل سالفه تشوطني اكثر من الي قبله
الام: اسمع مرتضى تقلباتك هاي اني مااقبله وشوف غير ضحى ماتصيرلك مرة ثانية وحتى ايناس اهججه اذا ماتاخذه وخنشوف حجايتمن تمشي
زهرة: امي عافتنه ومشت لغرفته وابوية كاعد ولادخل بالسالفه كله ومرتضى ضل محتار بامره دار وجه علينه اني وضحى واستغفر وطلع واني سحبت ضحى ورحت
ضحى : مصيبه اذا صدك
زهرة: امي قافله
ضحى: بس تخطبني من اخويه يكيف سجاد صديق مرتضى ومناه يخطبني واحد مثله
زهرة: شحسوين
ضحى :مااعرف مااعرف راح اراسل عبد الله بكت يغير ويخطبني والله حرت يارب ساعدني
شلون اتزوج اخوج واني احب غيره يارب
زهرة: الله يكون بعونج امي قفلت عليكم والله يستر
ضحى الليل كله مانامت واذا نامت تفز حيل قلقت وخافت وصبح خابرت حبيبه ومارد عليه ودزتله رسايل ومارد للعصر جان وضع هادي وماكو شيء وباجر العرس وجاي يحضرون وملتهين ضحى مابطلت دك على عبد الله ووماكو رد
ضحى: راح اخابر اخته
زهرة :يمعوده لاتتورطيلج بسالفه كعدي وسكتي اخوج لو سمع يذبحج
ضحى: جا شسوي ماتكليلي لازم الكه حل مجاي يرد عليه لازم اوصله خبر بكت يغير رأيه
زهرة: خاف تتورطين هاجر
ضحى: لاان شاء الله ماكو شيء
زهرة: دكت عليه وراحت للحمام تحجي وياه لزمت فون وكعدت اكلب بيه امل ماكو خبر منه وماراسلتني بعد واني صراحه مرتاحه حيل مااريد ازعاج ومشاكل شوية ورجعت ضحى
زهرة: هابشري
ضحى: تكلي خاطب وعاقد مومن ومحكمه وعرسه هالشهر زهرة مجاي اصدك اني شسوي وج عافني بساطه
زهرة: يلة شتسوين حبيبتي مو قسمتج الله يعوضج كافي يعمري لاتبجين مايسوه تقهرين روحج عليه
ضحى: والله احبه مااكدر ماتحمل يتزوج غيري هو وعدني نتزوج وبنينه احلامنه سوه تالي هيج بلحظه يعوفني ليش هيج سويت والله روحي مامتحمله
زهرة: كافي حبيبتي لاتنقعرين مامكتوبلج مسحي دموعج
ضحى: فوك قهري وروحت امي هيج يسوي بيه فوك مصايبي خاف عايزه
اوف شسوي ماادري منا خالتي ومنا هذا
زهرة :كافي لاتقلقين امي حتى لو تصر مرتضى مايقبل
ضحى: وج زهرة سجاد بس يفتحون وياه الموضوع يكيف حتى بدون مايسألني يوافق لو مرتضى عنده عشر جهال هم يوافق صديقه ويعرفه وهو دوم يمدح بيه شلون اذا خطبني
زهرة: كتلج مرتضى مايوافق لان يحب ايناس ومايفرط بيه
ضحى: ادعي كون الله وايناس تحبل وخالتي تفك ياخه مني ومنه
نمنه باليل وكعدت ثاني يوم صبح من وكت رحت للصالون ويه ياسمين واخذت فستاني وياي هناك ابدل واخذت عباية بدون جبة لان ماعندي بس وحده واخذته ضحى وصلنه للصالون المتفقه وياه ياسمين وبلشت بالعروسه اول شيء وضلت فترة طويلة ضهري تكسر وحيل بطيئه الي تشتغل مدري العروس هيج يطولون بيه ضليت اكلب بالتلفون عما تخلص اني هم جنت حاجزه يمه مكياج بس شعر صففته بالبيت ماحبيت اسوي بيه شيء ورة فترة صاحتني وبلشت اختار مكياج اليه جان مكياجي لبناني هادء شوية لان فستاني فضيحه ماردت امي تتخبل عليه ولو هالفترة ماتشوف كدامه من ورة مرتضى خلصت البنية وشفت شغله يجنن حسيت نفسي متغيرة حيل شكد اتمكيج بالاعراس بس مو مثل شغل صالون حيل عجبتني ورسمة عين جانت تجنن احس كبرت بمكياجه مدري انطاني شعور اني جبيرة تشكرت منه ورحت لحمام بدلت لفستاتي ولبست حذاي الكعب جان مثل الشفاف تصميم حذاء سندرلا حيل حلو كملت ولبست عباية على جتوفي طلعت وجانت ياسمين مكمله وطالعه تخبل
صلوات على محمد تجننين
ياسمين: صدك شو احس مبالغه بالمكياج
زهرة :دسكتي غير عروس اصلا تجننين اذا بعرسج ماتخلين مكياج شوكت تخلين
ياسمين :مدري شو من توتر حتى مااعرف شكلي شلونه
زهرة: لايابة تخبلين يوم احمد يتخبل عليج هو من غير مكياج ومتخبل مو دور هيج
ياسمين: كافي حبابة زهرة اني هسة مت ترة وخايفه وانتي تزوديه عليه
زهرة :ديلة سكتت راح اخابر مرتضى يجينه
خابرت مرتضى واجانه لبست ياسمين برنص واني لبست عباتي وبوشيه وطلعت صعدته ورة وصعدت يم مرتضى وصلنه للقاعه ونزلنه وعافنه وراح دخلنه للقاعة جان معازيم بعدهم مو كلهم جاين دخلته بغرفة الاستراحه ورحت نزعت عباتي وشال ومشطت شعري وعدلته لان من صففته ولفيته مافتحته بعد عدلت روحي يسمونه راح اطلع من تحتاجين شيء دكي عليه
ياسمين :روحي حبيبتي بس جيبيلي مي متت عطش
زهرة: تردين اجيبلج اكل هم ؟
ياسمين :لاحبيبتي مو جوعانه
زهرة: يلة طالعه خنشوف شسوو بغيابي
طلعت برة ورحت يم خواتي وضحى جانت يمهن ها حبيبه شكو ماكو خو ماصارت عركه وراي
ضحى :لا ماكو شيء البيت هوسة اصلا وامج ملتهية بالتوزيعه
زهرة: اي همزين
ضحى: طالعه حلوه ولج شهالفستان يجنن عليج
زهرة :حبيبتي انتي هم مقاصرة
بلشت معازيم تجي حتى ايناس اجت بس ماتحجي ويه امي لخاطر ياسمين اجت وامي تفح عصبيه منه لان ماسلمت شويه واجو بيت عمي محسن وحتى زينه جاية اجت امل يمنه وهم كعدو بغير طاولة
زهرة :شبية مرت اخوج شعره احمر صاير
امل :دستي وخليه على يوم تجلط يمان بسوالفه الحمل مخبله لدرجه مو طبيعيه
زهرة: لاصدك شنو صابغته مالكت غير هاللون
امل: لا مو صبغ مخليه حنه وكلب شعره احمر
زهرة :معقوله هالدرجه قلبته مبين صبغ
امل: لا خلته عدنه شفته حنه بس هي جابته عود حنه هنديه ولعبت بروحه لعب
زهرة :شجاه جان صبغت فوكاه
امل :تكول حلو وعاجبه
زهرة :مقتنعه كلش مبين اكلج شصار عليه بعده على سوالفه دور وراج
امل: اي بس كلت ليمان وهو تصرف وياه شويه هدأت بس هم تخوف بعد
زهرة الله يهديه
امل: اكلج مامدخله تلفونج خل نصور بفساتينه لان ملابسنه مالت تصوير
زهرة اي امشي نصور رحنه مكان بعيد عن ناس وصورنه تني وامل سلفيات وحدنه وسوه كومه صور صورنه وبلش العرس تونسنه اني وامل وبتول وضحى ركصنه وسوينه فقرات لياسمين وفات احمد وصور سوه وركصو واكلو كيك
تونست حيل بالعرس وغيرت جو حتى اهلي تونسو وامي هم شوية غيرت جو وتونست
خلص العرس وبلشنه نلملم بغراضنه الزفه جانت من قاعه وعمتي جابت كوستر للنسوان لبست شالي والعباية وبوشيه اخذته ايناس خففت مكياجي شويه لان مالابسه بوشيه وامي نطتني غراض كومه ارجعهن وياي للبيت صعدناه بسيارت مرتضى ورجعت للقاعة اشوف امي ها يوم اكو شيء بعد
الام: لا خلصت روحي لحكي حصلي مكان ويه مرتضى
زهرة: وين سيارته مقبطه
الام :منو صعد وياه
زهرة: ماما ازهار وايناس وامه واخته
الام :هذا صدك يحجي جا منو ياخذجن انتن
زهرة :مااعرف لكيت مكان لضحى بالكوستر وجوري راحت ويه رجله كتلهم يتانوني اجي وياهم
الام: يلة روحي وياهم ورجعي رتبي بيت شويه وديري بالج على بنت خالتج امانه يمنه
زهرة: لا شسالفه بعيوني يلة رايحه طلعت يم باب لكيت امل
امل :زهرة تعاي ساعديني كلشي مااشوف ولابسه كعب
زهرة: رفعي شويه بوشيه دنيا ظلمه منو يشوفج
امل :لا فشلة
زهرة: مشيته ورخنه للسيارات وصلنه يم سيارة يمان اكلج اني حدي لهنا مااطيق اشوف اخوج الصراحه
امل :معقولة اشو مجاي اصدكج
زهرة: ترة اخوج دايس بمصاريني اكيد مااطيق اشوفه
امل: هو كله راجدي شسوالج اخوي الفقير
زهرة: بطل حيلي على الفقير عمي اذا هو فقير اني شنو خاف اني الي ماذيته
امل: دنجبي وكافي تحجين عليه تعاي ويانه نوصلج
زهرة: انتي شنو شاربه زرنيخ شو اكلج مااطيق اشوفه تكليلي نوصلج امشي امل لا شوية احطج وادكج
امل :غير اريد مصلحتج ترة سيارات صايرة لحم وين ترحين الا تكعدين يم احمد وياسمين واحمد خطية صارلة صابر سنين يشيلج ويشمرج من جامه
زهرة :ددعبلي من كدامي شنو قلة سيارات لو قلة نسابة ترة عندي غير احمد ٢ هنا. وكلهم عدهم سيارات امشي ولي
يمان: صارلي ساعة متانيجن شنو ماحلت سوالف الا هنا متشوفنه شارع متروس سيارات وناس متجن تركبن وتفضنه
امل: اجينه خوية بس جنت احجي ويه زهرة حتى تجي ويانه نوصله وماقبلت
يمان: امشي نوصلج بطريقنه سيارات مقبطه
زهرة :شو هذا يباوعلي وصافن بوجهي خلاني اشك اكو شيء بوجهي دور يحجي بهداوه بدون عرك هذا شبيه خاف سكران هلو طلع يشرب
يمان: شبيج وين صفنتي مو جاي احجي
زهرة: لامشكور اروح ويه اختي جوري
يمان: وين تصعدين بهذا شكلج يلة صعدن تاخرنه
زهرة: كتلك اروح وية اختي
امل: يمان اخته منتضرته واخرناه وتاخرنه احنه هم
يمان: صعدي بالسيارة امل اوصله لسيارة واجي
زهرة: ماكو داعي مو بعيده
يمان: يلة امل امشي صعدي وانتي يلة امشي
زهرة :عافنه ومشه قبلي مشيت وراه قريب سبارة رجل جوري التفت عليه
يمان: لخاطر محمد شمسويه بوجهج وحتى ماماسحته شلون تصعدين ويه رجل اختج هيج
زهرة: اني مسحت وجهي قبل مااطلع
يمان: شماسحه تضحكين على روحج
هاج هذا كلينس مسحي
زهرة: ميروح بكلينكس عادي الا مزيل مكياج
يمان: استغفر الله ليش مالبستي لطام بوشيه مسويه عرس بوجهج وطلعين بيه عادي
زهرة: اخذته بنت خالتي بعدين مكياجي مو كلش قوي زين عادي واني خففت منه بالقاعه اخرتني عن اختي متانيني
يمان :اوكفي هذا عندج عادي مو قوي هاي لو امل اكسر راسة قبل ماتطلع بس مااعرف اهلج مايشوفون لو مغلسين
زهرة: انت شلك علاقه بية صارلي هواي ساكته واكول خل اعدية ترة طوخته
يمان :طوخته من احجي لمصلحتج بس انتي تكيفين من تشوفين واحد يباوعلج لان ماكلفتي نفسج تغطين وجهج حتى لو على كولتج اخذت بوشيتج بنت خالتج بس ماكلفتي روحج تسترينه بعباتج هو بس على مكياجج كل شويه عبايتج مفتوحه وتطلع رجلج من ساسج لراسج مخربطه هاي لو عندي اخليج تمشين على سراط المستقيم مو مثل اهلج على حل شعرج عايفينج
زهرة :عود طلع تحكماتك على مرتك واهلك ولاتقرب صوبي لان ماالك اي سلطه عليه خوش عفته ومشيت نرفزني حيل واني من يحجي هو مااعرف ارد وبس امشي عنه تطلع ردودي عوبه غير وصلت لاختي
جوري: وينج انتي زفه وصلو للفندق وانتي بعدج
زهرة: سكتي عني لعبت روحي من هاليوم اريد اولي للبيت ساعة كشرة اروح زفه
جوري: شبيج ليش هيج وجهج احمر
زهرة :طلعت روحي مرتضى عافني وراح وامي محملتني غراض شكثر واريد سيارة ماكو ونغثيت حيل وفوكاه جمله ابن عمج المصون يمان خاف عايزه اني
جوري: يلة سكتي مو نهدتي عليه اجه محمد بعدين نسولف
زهرة :وين ترحون للزفه لو لا
جوري: ما نروح لان تاخرنه حيل راح نروح لبيت اهلي
زهرة: بعد احسن متت تعب ظهري نكسم من وكفه
وصلنه للبيت وبدلت ملابسي لتراك ومسحت مكياجي وركض نظفت بيت ولملمته اني وجوري ورجعو اهلي قريب ١٢ كلمن راح لغرفته وضحى اجت مددت بغرفتي وبس تتكلب
زهرة :قلقتيني ضحى شبيج
ضحى: كعدي اريد اسولفلج شيء
زهرة شنو هاي كعدت
ضحى: بيت عمتج ايناس حاجتني
زهرة شكالتلج
ضحى: تكسر الخاطر زهرة تتوسل بية مااقبل واحجي ويه خالتي تسد موضوع بكت تسمع مني
زهرة: يعني مرتضى مسولفله
ضحى :اي وحتى كايله رجعي لان امي تريد تزوجني واني تعبت انتي من جه واهلي من جه وراح ترجع
زهرة :وانتي شراح تسوين
ضحى: ماادري مرتضى يوم من يباوعلي احسه عنده حجي وايناس من حجت كسرت خاطري حيل كلت راح اشوف خالتي والله كريم ادعيلي زهرة
زهرة: ان شاء الله تردين احجي وياه اني هم
ضحى :اي عفيه قنعيه وياي
زهرة :خلية باجر من ترجع من ياسمين نحجي وياه
ضحى: ان شاء الله هذا اخر امل لان اذا وصلت سالفة لسجاد نأيس منه
زهرة: لانستعجل قبل ماتوصل
مددت بفراشي وضليت افكر بسالفة شلون اقنع امي اجه بالي يمان والله صاير حلو وسمنان شويه صايرة عنده عضلات شو كلما يكبر يحلى واني ضالة من قهر يوميه حباية بوجهي تطلع وصايرة ضعيفه حيل حتى معالم انوثه مابيه
وقتت تلفوني حتى اكعد صبح اروح ويه امي وماحسيت على روحي غفيت فزيت ثاني يوم ب١٠ الصبح امي رايحه عود ردت اروح يحضي نزلت لكيت بس مرتضى: كاعد ها روضي شنو العائلة وين
مرتضى: ابوية بغرفته وامي وعمتي ستوني وديتهن لبيت عمتي ام احمد
زهرة :متريك لو اسويلك ريوك
مرتضى: لا والله محد معبرني
زهرة :لا شنو جا ليش ماكعدتني
مرتضى: لا خطية امس تعبتن يلة سويلنه ريوك سوينه ريوك وتريكنه امي ل١٢ اجت سوت غده وساعدته صعدت لضحى كعدته
زهرة :كعدي ولج محد بالبيت حتى تحجين وية امي براحتج
ضحى :جااهلج وين هجو
زهرة: كلمن راح يكضيلة شغله عمتي بيت عمتي ثانية وابوية طلع ويه ومرتضى ومااعرف وين كومي نهجم على امي
ضحى: يلة كمت بس الم كفشتي لاتخترع خالتي
زهرة :ماتخترع يلة
نزلنه يم امي نساعده واني اكرص بضحى: تحجي وهي خايفه واكرص وهي ماكو ملصومه لحد ماشاورته راح يجون يلة تلحلحت
ضحى: خاله عندي وياج موضوع فارغه تسمعيني
الام: تفضلي يمه ماعندي شيء
ضحى: خالة بخصوص موضوع اني مااريد
الام: ياموضوع يمه شبيج تأتأين
ضحى خالة مااريد اتزوج مرتضى
الام: ها ليش يمه ابني قاصر بشيء
بيه عيب يعني
ضحى: لا حشه بس اني اعتبرة مثل سجاد اخوية وهم هو جبير عليه وهم متزوج خطية مرته
الام :شلج علاقة بمرته هي هاجرته وعايفته وابني من حقه يتزوج مو خطية مرته هو الي خطية صارلهم ٥ سنوات سوه وهومن حقه يصير اب
ضحى :اعرف من حقه بس اخطبيلة غير وحده اني ماافيده
الام :شبيج ضحاوي ماتكيفين تكعدين عندي احسلج من ريف هناك وتعب وشغل يمي امن عليج بعدين مرتضى درة مالت الله وانتي تعرفيه احسن من غريب
ضحى :خالة اعرف بس مااريد مااحس اتوالم وياه ومااريد اقهر مرته وهو هم احسه مايريدني
الام :مالج علاقة بكلامه هاي ساعة عصبيه هو يحبج ويريدج
زهرة: يايمه سويتيه يحبه هو شسالفتج
الام: لاتدخلين زهرة وانتي ضحى سدي موضوع اني اعرف امس شخرطت ايناس وياج وشفته من حاجتج يمه مالج دخل بيه واني دباره يمي
وانتي زهيرة ام لسان امشي طلعي الخضرة لكطيه ولاتتحشرين
زهرة: فريتي سالفة عليه اعرف دوم مضلومه اني
الام : دكومي صارت مضلومه وهي بالمشاكل تركض ركض
كومي شوفيلج شغلة اشتغليه
