امل : رحت اركض لغرفة يمان ادك الباب
زينة :شكو شبيج اكو واحد هيج يدك الباب هجمتيه عليه
امل :يمان هنا صيحيلة اريده
زينه: لا مو هنا نزل جوه
امل :عفتة ورحت لكرم اركض كرم الحكلي كرم
كرم :خير شصاير ليش تصيحين
امل :زهرة مااعرف شبيه بس تتقيأ من صبح لسة ودايخه وتصيح من بطنه
زينه: كلشي مابيه تلكيه تمثل تعلمني بهالسوالف
امل :انتي لاتدخلين كرم امشي ناخذه للمستشفى
كرم :يلة بس ابدل ملابسي وانتي هم حضري روحج
امل :عفته ورجعت لغرفتي مالكيته رحت للحمام ولكيته واكعه بيه زهرة زهرة شو كعدي يمعوده زهرة طلعت اركض لبرة كرم تعال زهرة واكعه بالحمام وماتكعد
يمان :شبيه زهرة
امل :ماادري يوم متخربطه حيل وهسة واكعه بالحمام
يمان :عافني وراحله يركض رحت وراه
يمان :تعاي نطيني مي شو زهرة تسمعيني وين صرتي امل
امل :اجيت اجيت هاك
رش عليه ماي وماكعدت يمان خل ناخذه للمستشفى فاقده هاي
يمان :روحي ركض جيبي سويجي من الغرفة
امل: شاله وطلع من غرفه واني لبست عباتي واخذت عباية لزهرة وجبت سويج ونزلت لكيته منزله على قنفة الصالة هاك هذا سويج وهاي عباية خل البسه
يمان: يلة امشي لانتاخر
امل :طلعنه واجه كرم ويانه هم خلوه ورة واني يمهه ويمان ساق بينه للمستشفى
امل: يمان خل نخابر ياسمين او جوري لايصير شيء
يمان: مو هسة خل نطمن عليه بالاول حاولي تخليه تصحى امل دكي على خدوده
كرم :اذا هي متخربطه من زمان ليش ماكلتن جان ماخذيه للطبيب
امل: هي ماقبلت كالت صرت زينه بس قبل شوية رجعت تخربطت
يمان :ماكو شيء ان شاء الله وصلنه
امل :نزل يمان وفتح باب وشاله واخذه للطوارئ ونزلت اني وكرم كال اخذ السيارة اخليه بالكراج وصلنه للطوارئ ودكاترة ماقصرو فحصوه ونطوه مغذي وكالو هبوط ضغط قوي ومن تستعدل وتفيق نفحصه مرة ثانية ضلينه فترة لحد ماخلص مغذي كعدت زهرة
زهرة :بطني يمه راح اموت بطني اه
امل :هسة اكل ليمان يصيح الطبيب طلعت بلغته واجه دكتور يفحصه وهي تصيح من بطنه وتذب من راسه خلص وكال هاي زائده دوديه ملتهبه عده حولنه سونر وسويناله وتبين صدك الزائده وكال دكتور عملية فورا يمان راح يحضرله اوراق العملية وحجزله بالخاص وتحولنه لغرفة ننتضر سراه حتى يجون ياخذوه شكلوله علاج مسكن ونامت عليه واني خابرت خواته وهن خطية اجن ماتاخرن
ياسمين: سوده عليه زهورة يومية سالفه شكل
جوري: شوكت عمليته
امل :كالو اكو قبله اثنين هم كالو يجون عليه
ام احمد: شجاه البت مثل الورد جانت ربي يكومه بالسلامه
ياسمين :دور حضه اهلي ماكو تعبناكم ويانه بس شكد كتله تعاي يمي ماتقبل
امل: لاشسالفه ياسمين زهرة اختي
ومرتاحه يمي ومتونسه
ام احمد :هدي يمه ياسمين ان شاء الله مايصير شيء ماتطول عمليته بسرعه ان شاء الله
جوري :الله يكومه بالسلامه خل اخابر اهلي يدعوله
ام احمد: لا عوفيهم اذا درو يرجعون خل تخلص زيارتهم وبعدين نكول الهم
ياسمين :اي عوفيهم
جوري: خوش اكلج ياسمين اني رايحه اجيب ملابس اله لان تحتاج نبدلله شيء نطيني مفتاح بيت اهلي
