#مساء الخير #
"رغم كسرت قلبي احببتك "
زهرة: نصدمت من ضربته اليه ونذهلت رفعت راسي واني ايدي على خشمي الي ينفر دم ماكدرت استوعب الي صار كلشي جان بسرعه يمان رجع سحبني من راسي بقوه شمرني بالكاع قريب جرباية جربايتنه جانت تركيه حوافيه مسننه صارت خاصرتي عليه احسه زرفت خاصرتي عطت بصوت من قوة الضربه رجع عليه جرني بقوه
يمان: وسم صوت لاطلعين لا اكمل عليج مااريد ولاواحد يسمع صوتج
زهرة :جر حجابي بقوه مني طك دنبوس ملخ ركبتي كتمت صوتي بداخلي خفت منه حيل جان عصبي كلش مستعد يذبحني بوقته كل الي كلته اله _ ليش تضربني
يمان: واكسر راسج هم وج انتي شنو من ياطينه مخلوقه شهالصلافه والجسارة منو انتي وتنزلين راسي كدام امي وخالتي اني تالي عمري يكولون مرته فالته ولج لو اشرب من دمج ماابرد اليوم
زهرة: ماسويت شيء والله
يمان: شالج الله وخلصني منج بلوه ونزلتي عليه ماسويتي شيء مو مدام فقيرة انتي ماتحتكين بأحد تتعالين صوتج على امي بكل وقاحه مانخلقت الي ترفع صوته على امي اكص لسانج والله
زهرة: سكتت خفت منه جان نار يفتر بالغرفه ومايكدر يطلع صوت قوي لان مايريدهم يسمعون ماادري ليش على رغم اني عركتي كله درت بيه ماعدى عمي جنت واكفه يم ميز بصف جربايه مستنده وهو كلسا يريد يهجم عليه ويتراجع
يمان: وحق الله اعيد ترباتج من جديد واخليج تخافين من خيالج اخليج من يجي طاري اسمي تخترعين بس صبريلي امشيج على صراط مستقيم ازوعج دلال ابوج وامج وعمتج اخليج تتحسرين على ايامهم كل تجاوز على امي وخالتي اطلعه من عيونج
زهرة: ماتجاوزت عليه اسمعني خل احجيلك
يمان: ماتجاوزتي ولج لاتخليني اسكطج وادخل بخطيتج وج انتي بلاترباية بلاترباية لان لو عندج تربيه جان ماحجيتي على مرة ميته حتى وهي بالكبر ماخلصت منج وج انتي شنو من ملة
زهرة :هي استفزتني
يمان : شكتلج اني من رحت شوصيت مو كتلج مااريد مشاكل المن مكعدج مثل السطل واحجي وياج بس لا عرامتج وصلافتج لازم تمشي بس ماتصرف يمي مو اني الي اسكت ادوس عليج بقندرتي واطيح حظج
زهرة: كافي انت تحكم بس من وجهت نظرهن ماتسمع مني حرام عليك اني مو تايهتلك تغلط وتضرب
يمان :انعل ساس اهله الي يجي وراج ابوج لو مزحم نفسه شويه وكاعد مربيج ومتعب نفسه مو احسله بدال ماتسودين وجهه كدام العالم وينجاب طاريه
زهرة: احترم نفسك اني مترباية لاتتجاوز على ابوية والله انزل اكول لعمي كلشي وهو يتصرف وياك
يمان: تهدديني ولج بنت ابوج روحي اذا مااكسر كل عظم صاحي بيج مااطلع يمان ولا ليش نزلي احسن خل نشوف عمج يرضى بسوالفج هاي لو لا
زهرة :مامسوية شيء هن الي عالن بيه
يمان: ياالله لسة تكول مامسويه شيء وج انتي شنو فهميني حايرة شحاجيه وشخارطه ودور طاردتهم من بيت اهلي وفوكاه تعيرين خالتي بالمصرف الي انطيه اني اله اني مو انطيج مصرف هم فد يوم عيرتج تسودين وجهي وتفشليني ليش
زهرة: مو هي كالت انتي تردين فلوسه فأني حجيت هيج ماتحملت
يمان: ميت مرة كتلج كل مشكلة تصير خابريني اني احله بس لا مطي متمدد براسج لازم تمشين كلمتج ماكو وحده بهالبيت تكسر كلمتي وج حتى امي بس انتي بكل صلافه رحتي كسرتيه ودستي عليه ماكو شيء يشفعلج
زهرة: دفعني على جرباية كعدت عليه ابجي واناشغ مانطاني مجال احجي ولسة محيرني منو كايله امه لو خالته هو راح جر تلفونه مدري شسوه واجاني
يمان: كومي حضري سلاباتج ولي لاهلج رجعه ماترجعين لهنا الا لمن تتعلمين الادب والاخلاق لان تربايتج زفت
زهرة: من كال هيج فرت دم صعد الراسي احس شعوطت صحت بصوت عالي _مترباية احسن منك لاتحجي على اخلاقي مااسمحلك صار ساعه تهين بيه كلمه ماخليتني انطق وادافع عن نفسي بنت خالتك وحده طايحت حظ وحقيرة هي الي بلا اخلاق مو اني
يمان :صوتج بنت الكلب منو انتي وتعلين صوتج عليه اكص لسانج
زهرة: رجع ضربني راجديات ويعت بشعري كلبت الغرفه صريخ وعياط وادفع بيه هو ماكو نگلب وحش فقد صوتي نبح من عياطي وين طبت امل تتدفع بيه وتصيح عليه وكرم اجه جره من فوكي بس شنو اني بالكوه اجر النفس اختنكت حيل وعيوني مااشوف بيهن من كفخاته كل الي حسيته غواش اسود ونمت
امل: شجاك شبيك ليش هيج مسوي بيه
يمان: سكتي انتي مالج علاقه طلعو بره يلة
امل: وين نطلع بره دشوفه ماتجر نفس
ركضت عليه اكعد بيه دخلو ماما وبابا وبيبي وبتول جانو جوه يمان لسه كرم لازمه ابوية من شافه هيج تخبل لزم يمان وجابه بوكس بوجه بس يمان لاتأثر ولااهتز بس شفته طكت دم
ام حسين: اوكف محسن شجاك خل نفتهم شصاير
محسن: شفتهم مو كدام عيني بنية ضاربه مجنزه ولك شنو تضربه منو سمحلك من شوكت نضرب نسوان احنه تتقاوه عليهه يانذل
امل: ابوية بالكوه لازمته امي وبتول وهو يريد يلزم يمان ويمان مامهتم عيونه نار وشرار ويباوع على زهرة بده يكوم يرجع يخلص عليه اني صحت _كافي يابة خل نحير بزهرة فاقده عوفه
امل: اجت امي اخذت دولجة الماي وتصب بيده وتغسلله نكعته تنكع فتحت عيونه وترجع تسد ماتكدر
محسن: امشي اطلع برة مااريد اشوفك والله اذا يصير شيء بنت اخوي اكتلك وراه
امل: نزل كرم يمان وابويه شال زهرة اخذه للحمام واحنه وياه غسلله وهي صحت تبجي بكل قوته وابوية يتعذر اله ويبوسه
محسن: والله اني اله اني اكسر ايديه على سوايته بس لاتبجين بوية دموعج تهد كلبي والله اخذلج حق كل دمعه
ام حسين: اطلع محسن خل نبدلله لاتتمرض
امل: بدلتله لتراك وهي ترجف ماادري من برد او من خوف اخذته للفراش اني وامي ماقبلت وهي تبجي وتناشخ صاحت
زهرة: مااريد مااريد ودوني لاهلي اريد ماما ازهار مااريد اضل هنا
ام حسين :على كيفج يمه ارتاحي وروحي بعدين اذا شافوج هيج تصير مشكلة شكبرة
الحجية :اي يمه حجي عمتج صح ارتاحي وانتظري عمج هو يحلهويجبلج حقج اذا رحتي راح تصير اتعس واهلج مايسكتون لخاطر عمج لاطلعين
زهرة: مااضل هنا مااضل مااريد يمان مااريداشوفه
امل: تعاي يمي بغرفتي
ام حسين: اي يمه يم امل ماتشوفين يمان ولايجي صوبج اني مااخليه والله اطيح حظه
امل: اخذته لغرفتي نومته وغطيته نطيته مسكن الم وهي ترجف وتصيح بردانه غطيته بطانيات اثنين وهي شويه ونامت ماتجرءت اسأله شبيه وياه من نامت نزلت جوه كابه عيطه ويه يمان
محسن: شسوتلك ولك ليش هيج تضربه
لو سابتك ماتستوجب هالكد شبيك وياه
يمان: شيء بينه لاتدخل رجائا يابة
محسن: بينكم شنو ولك جارم بيه وجهه ازرك على احمر شلون كاوعك گلبك تضربه هيج لا وفوكاه مسويه عملية براسه ماخفت يصير بيه شيء وتموت
ام حسين :على كيفك محسن مو بالصياح خل نفتهم منه
محسن: ليش هو ابنج ينوخذ منه حق باطل ماتسمعيه يكول بينه
الحجية :ولك مكصوف الرگبه شجاك وياه هجت عليه ستوك راد من سفر بت حارت شتسويلك اليوم وفرحانه راح ترجع ساكنه مطبخ من صبح تالي هاي جزاته بيش قصرت وياك ماتستوجب هالشي
محسن: لا مقصره حجيه مقصرة جان شمرت ابنه عليه وكالتله حير بزريتك بس بت اخوج گلبه طيب ماهان عليه
يمان: كافي تلومني ترة هي مو ملاك بنت اخوك وحده صلفه مامترباية ووكحه تستاهل كل الي جراله من عمل ايده هاي امي كدامك الي دافع عنه هذاك اليوم معليه صوته عليه وطارده اخته من بيت ليش من شوكت هذا بيته تطرد وتخلي بي تعيرني بفلوس الي انطيهن لخالتي حتى مرحومه ماسلمت منه
امل: من حجه هيج كنكت وفهمت سالفه بس منو كله مااتصور امي لان جانت مصدومه مثلنه توقعته خالتي بس معقوله صدكه بسهوله
محسن: احترم نفسك اكص لسانك اذا تحجي عن اخلاقه وتربيته منيلك هذا الحجي كله امك كلتلك لو منو
يمان: لا مو امي خالتي خابرتني تكلي مرتك صلفه لاتحترم جبير ولاصغير اني من تالي اصير هالكدوتني كدامه ماكدرت انطق كلمه واني عود كعدت ووصيح وحجيت لمن انبح صوتي بس هي لا اذن من طين واذن من عجين تريد تمشي رايه
الحجيه: اوكف يمه جاانت كبل صدكت بدون ماتسأل وتستفسر منه لو من امك يجوز خالتك جذبت الفت
يمان: لا ماجذبت دزتلي تسجيل صوتي وهاي امي كدامكم سألوه يمه كلامي صح لو لا
ام حسين: اي هي صح علت صوته عليه بس اعتذرت مني وتصافينه وجانت بحالة عصبيه
يمان: لادافعيله يمه لادافعين بروح الحمزه
محسن: اوكف لاتخاذنه بصوتك العالي اكلج انتي من حجت وتعاركت عليمن سالفه جانت ومنو جان موجود وحاضر
ام حسين: اني وامل وزهرة وام زينه وبناته
محسن: عليمن العركه جانت ليش زهرة تطردهن اكيد اكو سبب
يمان :يابة انت عايف سالفه كله وحاير بهاي مهم هي طاردتهن شعليه العركه من الاساس هي مامحترمه احد
محسن: انت اسكت مااريد اسمع صوتك شكد اكول عاقل رزن بس هسة عقلك بكد الطفل بنت حسين اوعه منك
يمان:استغفر الله انت وين تريد توصل فهمني
محسن: احتمال خالتك جاي تجذب
يمان :اكلك تسجيل دزتلي تكلي تجذب انت كوه تريد تبري بنت اخوك
محسن :بلة شو افتحلي تسجيل الي خبصتني بيه
امل: يمان فتح تسجيل جان تسجيل مو كامل وانما مكصوص بس عركات زهرة وحجيه طالع وهن لو مرة لو مرتين حاجيات ومقطع مأخوذ من جانت زهرة تتجاوز عليهن حرفيا طابخاته ومدستراته زين وكأنو يعرفن راح تتعارك ولو اي وحده تسمع بحجيهن تتعارك
محسن: اشو مباشرتا صوته من متعاركه هذا مكصوص اكيد بعدين هن لو ماعدهن شيء ليش يسجلن هذني من زمان مخططات للسالفه
امل :يابة اكو هواي حجي مكصوص وهي ماحجت هيج الا لمن استفزنه وتجاوزن عليه اني جنت موجوده وسمعتهن
يمان: لاتتدخلين امل صايرة شاهدة زور اله بكلشي تدفع بيج
امل :والله مامجذبه ليش ماتصدكني
محسن :اشو انت ماتعرف تحجي شنو شاهدة زور من شوكت اختك تجذب سهام التسجيل مكصوص لو لا
ام حسين: اي اكو كلام قبله اني ماادخل بخطية البنية رغم ماجنت قابلة على كلامه بس الحق ينكال
يمان: مهما كان تجاوزت وغلطت على مرة جبيرة مو حلوه بحقه هذا جان عقابه عود وديه لاهله يابه
امل :يمان عافنه وطلع كرم كام وراه ابوية صاح عليه ومارد كعد ابوية بتعب على تخم عفتهم وصعدت فوك لغرفتي زهرة لسة نايمه بتول كابلتني وكعدت وهذا يوسف خبلني يبجي عليه خطيه يروح يمه ويدحس روحه بصدره ويتلمس بخده ويكل ام اواه عود امي متعوره كلسا يبوس بيه نقهرت عليه شكد يحبه ومتعلق بيه معتبره امه وهي بحنانه اكو امهات ماتحن كده يوسف نام بحظنه وهو كامش ياخت التراك حتى من تكوم يحس عليه
بتول: خطية ماتستاهل الي صار وياه عساه بيش خالتج
امل: اوف سكتي نار مشتعله بيه هذني مايخافن ربهن مااعرف ليا درجه واصلات
بتول: الله الهن بالمرصاد وداعتج تنفضح كدام الكل انتظريه حوبة المظلومه هاي فوك مايردن يزوجن رجله يرده تسكت والله لو اني مكانه حتى سب اسبهن
امل: خلي يمان يقتنع بالاول راسة والف سيف هي غلطانه لايسمع ولايرضه نوضحله
بتول: يعضعض بأصابيعه من ندم بس يعرف عوفي هسة بحالة عصبية بس خوفج من هاي اذا كعدت والله ماتضل هنا وهسة تكبر سالفة اكثر
امل: اوف الله يعينه وج هو مرة وحده ضربني يومين اذني توجعني مو عاد مشبعه كفخات فوكاه عمليه براسه
بتول: اي خطيه ماتشوفيه فقدت بسرعه ماتتحمل
امل: دكت عمتي ازهار عليه اخذته رديت عليه اني
ازهار: ها جا زهرة وين
امل: نايمه والله من تكعد اكلله تخابرج
ازهار: يمه وقت غروب شعده نايمه كعديه مايصلح
امل: خطية تعبت يوم جانت تنظف وتشتغل مسوين حمله على بيت هسة شوية واكعده
ازهار: من تكعد كوليلة دك عليه شو كلبي فاير عليه ماادري ليش يمه خو ما بيه شيء
امل: لا عمه مابيه شيء هياته كدامي
ازهار يلة يمه الله وياج سلميلنه على اهلج
امل: الله وياج مع السلامه
بتول :ها شرادت منه
امل: قلقانه على زهرة وخابرت تطمن
بتول :حست بيه خطية
امل: اي تحبه عمه مرات امه مااحسه متعلقه بيه هيج لو تدري غير تخبص دنيا اوف اكوم اصلي
كمت صليت وبتول راحت لغرفته هم تصلي كعد يوسف متنحس جوعان نزلته يم امي تحير بيه مالي خلكه ابد امي اخذته توكله واني صعدت فوك يم زهرة طلعت كتبي اقرة واصفن عليه ماكو لسة ماكعدت هواي نامت بتول كل شوية تجي تشوفه وماما هم صعدت كم مرة شافته نفتحت باب جانت ساعه بال١٠ باليل ماما فاتت
ام حسين: ماكعدتيه يمه مو زين من عصر نامت لسة لااكل ولاشرب لاتتخربط
امل: ماكدرت اكعده كلت خليه مرتاحه
امي: حطت ايده على راسة تشوفه
ام حسين: عزه ولج هاي مشتعله نار مجمرة هاي صارلة شكد نايمه من صخونه
امل :يا صدك تحجين شلون هيج شصخنه
ام حسين: ولج غير تتفقديه تشوفيه اكيد استبردت جانت ترجف كومي نزلي جيبي ماي وكمادات وجيبي المحرار خل نقيس الحراره
امل: عفت امي وطلعت اركض نزلت بسرعه اخذت طاست ماي بارد وخاوليات ومشيت للدرج نفتح باب البيت كرم ويمان فاتو يمان من شافني صفن
كرم: شكو شبيج تركضين شهالماي شتسوين بيه
امل: امي رادته زهرة واجه نار يمكن راح تنشمر كد مامصخنه
يمان: شنو شتحجين انتي وين جنتو عنه شلون تصخن لهدرجه
امل :عافني وصعد قبلي يركض ولا تكول ستوه مشبعه كفخات ومن وراه صار بيه هيج اني اعرف زهرة جسمه ضعيف البنية ماتتحمل اذا نقهرت تذبه المرضه وتتأذى يمان سوه درج خطوتين راح ركض لغرفته لبالة هي هناك مالحكت اصيح وراه هو بسرعه طلع
يمان: وينه ماهي بالغرفه
امل: بغرفتي موجوده
هو بسرعه راح لغرفتي امي جانت تقيس حرارته واني جبت كمادات رفعت محرار امي من حلكه
ام حسين: عزه العزاني بت راح تنشمر ٣٩.٨ راح ادك بالاربعين
يمان: شو راويني يمه
اخذ محرار ورجع قاس ونفس شيء عاط بيه
يمان: شمرضه هيج ليش مامنتبه عليه اكيد مستبرده
امل: لا مو بروده هي هيج من تنقهر دوم تتمرض من زمان هيج حالته
يمان: استغفر الله
صاح كرم من وره الباب
كرم :خوية خل ناخذه للمستشفى مو زين عليه هيج لاتنشمر
يمان: مايحتاج شراح يسون مستشفى روح جيب قنينة براسيتول وكانوله ومغذي خل اشدله على السريع كرم
كرم: اي يلة رايح انتو سوله كمادات عما اجي
امل :راح كرم اني حطيتيله كمادات امي وخرت غطاه حتى يلوحه هوى
يمان: عوفيه مايفيدن وياه راح اسبحه احسن بس طلعيلي ملابس اله جيبي ملابس خفيفه لاتجيبين ثخان
امل: شاله واخذه لغرفته دخله للحمام عاف باب مفتوح زهرة ماكعدت لحد مافتح دوش فزت مخترعه بردانه تون بس صوته ضعيف تدفع بيمان وماتقبل بالكوه ثبته تنكعو اثنينهم سد دوش يمان ونشفله شعره نطيته ملابسه
يمان: روحي اني ابدلله
زهرة: وخر عني وخر
يمان: اش سكتي
زهرة: راسي موتني من الالم احسه يريد ينفجر فجي وخشمي مااحس بيهم هم كعدت على ماي ثلج نحط عليه جسمي يون عليه وارجف بردانه شفت يمان بوجهي شكد كارهته بس ماعندي قوه ادفعه بس من راد ينزعني ملابسي ماكدرت اسكت دفعته بكل قوه يمتلكه جسمي على رغم جانت قوتي لاشيء كدامه بس مهم مااتنازله صحت بيه وخرته بس هيهات يمان ينطي مجال البراسه يسوي يسوي نزعني ولبسني غصب عني لبسني دشداشه قصيرة لفلي خاولي على راسي وسحبني طلعني طلعت بالكوه امشي اخذتني امل نومتني بفراشي عيوني من وحده تقفل شفته اجه مغير ملابسه درت وجهي مااريد اشوفه اجه يمي يتلمس بكصتي وشوية جاب كانوله شكلي رغم شكد اخاف بس جسمي مابيه حيل حتى لخوفي مابيه حيل شكلي علاج نمت عليه فزيت ورة وين العلاج مفصول بس كانوله بيدي بس اني مابيه اكوم اريد الحمام بالكوه عنت نفسي شفته كاعد على كرسي نايم على تجوه مالته سندت روحي وقويته وكمت لو يموت مااريد مساعدته رحت للحمام ورجعت دوخه لازمتني بالكوه امشي الا شويه انجبح واني مانتبهت ضربت فازه وكعت فز مخروع يباوع مكاني ودور يتلفت شافني كامل ركض
يمان: ها شبيج خو ماتعورتي شكومج وحدج ماكعدتيني
زهرة :سحبت ايدي منه ورجعت قرفصت بمكاني تغطيت بهدوء ونمت
