*مساء الخير *
"رغم كسرت قلبي احببتك"
زهرة: نمت والليل كله احلامي مخربطه مافهمت شيء منه وبس بردانه وجسمي احسه متكسر ويوجعني حيل كعدت على صوت يمان يفززني
يمان: زهرة شو كعدي كومي اخذي علاج
زهرة علاج مالت شنو
يمان :مصخنه واجه نار كومي اخذي هذا الدوه
زهرة: مدلي ايده بيه علاج اخذته وشربته ورجعت خليت راسي على مخده نعسانه بس وجع راسي وجسمي يمنعوني من نوم شفته كام راح ماادري وين وره شويه كماده بارده على راسي نزيت من بروده مالته ودفعت ايده
_اشه بارده يمه وخره فدوه مااكدر
يمان: مو زين عليج حرارتج عاليه
زهرة :بردانه حيل مااكدر غطيني بعد
يمان: لا غطه واحد كافي مو زين عليج
زهره: يمان فدوه بردانه
يمان: اش حاولي تنامين
زهرة: بيش الساعه هسة
يمان: بالخمسه الصبح
زهرة :جاانت شكعدك هيج وقت
يمان: سمعتج تونين من الصخونه فزيت على صوتج نامي عيني هسة شويه وينطي مفعول العلاج
زهرة :نام انت اني زينه
غمضت عيوني ونمت فزيت على شيء تخله بحلكي فتحت عيوني يمان مخلي محرار بحلكي يقيس حراره جسمي تعبان ومابيه اي طاقه ورجفه لسة بيه وبردانه لو ادري هيج يصير ولااسبح
سحب يمان المحرار وقراه وكام شال الغطه عني وشالنه بالكوه حجيت وياه احس بلاعيمي مطوبكه وتوجعني _و. وين ماخذني
يمان :للحمام اسبحج
زهرة: لا لا مااريد بارده بردانه رجعني للجرباية فدوه
يمان :سكتي حرارتج عاليه ومجاي تنزل مو زين لاتنشمرين
زهرة: لا يمان فدوه والله بارده اتأذه اكثر
مارد عليه وسكت اخذني للحمام وكفني جوه دوش بس مافتحه طلع لبرة واجه جايب وياه مناشف كبار اثنين علكهم وسد الباب تقدم يمي فتح الدوش نزيت من برودت المي الي نزلت على جسمي الحار وخلتني ارجف من اثرة بردت حيل وماكدرت اوكف جوه هالماي البارد ردت اوخر بس هو ماخلاني لزمني بقوه جوه دوش بحيث تنكعنه اثنينه واني لزمتني نفاضه جسمي كله يرجف واسناني تصطك من البرد شويه وخر الدوش عنه وطفاه سحب خاولي صغير ونشفلي راسي ولفه اليه واني بيده مثل الطفل مااكدر اسوي اي شيء دور اجه رفع تشريت التراك وسحبه نزعه واجه للداخلي ينزعني لزمت ايده _شجاي تسوي عوفني
يمان :ملابسج ناكعه لازم انشف جسمج
زهرة :اطلع عوفني اني اكمل وابدل
يمان: لا متكدرين ادوخين
زهرة: لااكدر اطلع فدوه
يمان: اشش سكتي
زهرة: يمان فدوه لاتخجلني اني اكمل حباب
يمان :وعلى شنو خجلانه ترة كلشي شايف وحافظه بعقلي
زهرة :يماااان
يمان: اش كافي لاتستبردين
زهرة: مشه الي براسه ونزعني واني ادفع بيه بقوه ضعيفه امتلكه لان صخونه نهتني وتعبتني نزعني كل ملابسي خلاني اتلوى من الخجل منه صح هو زوجي بس لسة استحي منه ومامتجرءه وياه بشيء نشفلي جسمي ولف المنشفه عليه واني مغمضه عيوني من خجلي مااكدر احط عيني بعينه
يمان: طلعي لغرفة التبديل انتظريني بس اتنشف واجي
زهرة: فلتت بسرعه وطلعت ركض لغرفة التبديل لازمه منشفه من جهة صدري لاتوكع دخلت وبسرعه سحبت تراك طويل وردان حتى ماابرد ولبستهم بسرعه هو فتح باب شافني مبدله ابتسم
يمان :ليش ماانتظرتيني البسج
زهرة: ترة مابيه شيء اكدر البس وحدي
يمان: حبيت ادللج تعاي اشسورلج شعرج
زهرة: بدل لاتستبرد اني اشسور
يمان: تعاي لاتخافين عليه اني مو مثلج متعود بس انتي مناعتج ضعيفه
زهرة: اي اني دوم انشل جنت بيت اهلي كل شهر اتمرض بس هسة شويه احسن
يمان: لان انتي هامله نفسج واكلج مو صحي اطلعين من حمام وشعرج منكع وماتجففيه واكثر من مرة منتبهلج
زهرة: مو مااحب شسوار
يمان: مو كيفج دور اذا ماشسورتي ازينج صلعه وفنج تسبحين نص الليل دور سبحي صبح من تكعدين
زهرة: سكتت عنه وجففت شعري بس بداخلي فرحانه لان هو خايف عليه وقلقان ومهتم اليه تصرف واحد منه يخليني سعيده نشفلي شعري وراح بدل وطلع اني مشطته و لفيت شعري بحجاب ورحت يمه جان مدد على جربايه خطية من وراي مانام وملاحظه على يمان شيء اذا يفز باليل مايكدر يرجع ينام ويظل هيج لحد مايتعب كلش وينام اجيت يمهةمددت على جهه ثانيه من جرباية
يمان: شبيج شارده تعاي تقربي يمي
زهرة: لا هيج احسن
يمان: شنو احسن تعاي
زهرة: مو اخاف اعديك وتتمرض اني منشوله فخليني هنا حتى مااعديك وهم اني راح ادور وجهي عنك حتى نفسي مايجيك وتتمرض
يمان: تحجين صدك لو تشاقين
زهرة: اي والله شبيك تتمرض من وراية ونشلة غثيثه ومزعجه
ضل رافع تك حاجب ماعاجبه كلامي من خلصت ادنه يمي لزك بيه لزك دفعته وهو لزم ايدي لواه لوره بخفه وتقرب جر شفايفي بشفايفه بقوه اذاني حيل ومن حس بأذيتي رخه شويه لحد مااختنكنه فصله خلاني الهث ونفسي متقطع حجيت وياه بالكوه _ليش هيج ليش تبوسني
يمان: اريد انعدي منج
زهرة: يمان مو
يمان: اش نامي كل عقلج تحجين واذا نعديت شنو فد شيء مهم كله نشله
زهرة: اخاف عليك غير
يمان: وعليمن خايفه يابة اني مناعتي قويه مو مثلج مكضياته صفنات جهازج المناعي
زهرة: سكتت عنه وهو جرني اله نمت وراسي بصدره ويلعب بشعري بأصابيعه واني هالحركه ادمنته منه اذا مايسويه ماانام بعد فزيت صبح وحدي بالغرفه بلاعيمي مأذيتني وراسي هم وصدك نشلت وضليت هيج ٤ ايام صخونه وبلاعيمي بس يمان جابلي علاجات وايضل سهران وياي باليل كمادات ومرات يسبحني اذا كلش صعدت ماقصر وياي ابد محسسني بنته وصغيرة وادلل عليه يوسف بعدته عني خفت ينعدي وهو طفل ظل يم امل وبس متنحس ورة ٤ ايام تحسنت وطبت وصخونه راحت كدرت انزل جوه واهتم ليوسف واداريه وهو هم جان مشتاقلي ويريدني سبحته لان جان محد مسبحه ونيمته بغرفتنه واني سبحت وجلفت لان صارلي ٤ ايام ماسابحه بالشامبو طلعت من حمام اشسور شعري دخل يمان راجع من شغله _الله يساعدك حبيبي
يمان: ويساعدج شلونج يوم
زهرة: لا الحمد لله طبت وصرت احسن
يمان: الحمد لله هم سابحه ماتشبعين من سبح بطه لو شنو انتي
زهرة :خو مااضل وصخه مااكدر
يمان: لاتسبحين هواي مناعتج مصفره وانتي فد وحده لا تهتمين روحج ولاتسمعين كلام
زهرة: لا والله سمعت كلامك وجففت شعري وبعد دور كله اجفف
يمان: جبتلج فيتامينات تشربيهن وغصبا عنج خل الكه حباية ماشاربته اتصرف وياج غير تصرف
زهرة :عوجت حلكي ماعاجبني كلام وهو بدل وطلع وصدك نفذ كلام حاربني حراب مايقبل اسبح باليل وملابس خفيفه مايخليني البس فيتامينات يوميه هو ينطيني بس جانن حبايتين ومن اسئله يكلي حتى تقوه مناعه ومايعوفهن بالبيت بجيبه مخليهن مرات احسه يتحاذر ومايخليني اشوف شكل العلاج خلاني اشك بيه بس بعدت شك وكلت قابل شراح ينطيني ماهتميت ولاركزت للموضوع يوم قررت انطيه هديته لان مانطيته اله رحت لبست سيت نوم حلو لونه وردي وتمكيجت وفتحت شعري وسرحته اجه هو ومن شافني ابتسم حضني لصدره بقوه من قوة حضنته رفعني عن الكاع _شبيك احسك فرحان اليوم
يمان: اي ربحت صفقه مهمه وجانت عليه منافسين هواي
زهرة: الف مبروك الله يتممه ويرزقك بيه
يمان: تسلمين شنو يوسف نام
زهرة: اي من زمان تأخرت اليوم انت وتدري اني مااخلي يسهر مو زين عليه
يمان :التهيت بالشغل ضلي هنا هسة اجيج بس اسبح لان عركان
زهرة :تسهر على فلم وياي لو تعبان تنام
يمان :لا اسهر وياج خلي فلم حلو هسة اجي
زهرة: راح للحمام واني طلعت فلم حضرت وياه جباسه وببسي وكرزات هو اجه يمي بس بالبجامه كعد واني اجيت يمه طلعت الهديه اله وهو مستغرب وعاقد حاجبه
يمان :شنو هاي
زهرة: هديتك تمرضت ومانطيته الك وبعد التهيت يوم تذكرته
يمان: تصدكين نسيته شو جيبي اشوفه
زهرة :اتمنى تعجبك
فتحه بسرعه وشافه جانت سبحه وساعه سبحه منقوش عليه اسمه بلعربي لبس ساعه بيده اليسرى لمحت ايده مابيه حلقه ضليت صافنه عليه شوكت نازع حلقه مالته مامنتبه اله
يمان: حلوه عاشت ايدج
زهرة :مارديت عليه واني تفكيري يشتغل اريد اذكر شوكت نزعه ليش مانتبهت اله معقوله من زمان مو حاسه اني كطع صفنتي من تقرب عليه يبوسني بشفايفي واني دفعته عني حتى احجي _وين حلقتك
مارد عليه وغلس عن كلامي او يمكن مامركز بكلامي منزل راسه يبوس بركبتي ويفتح بروبي يمكن يحاول يلهيني بس اني هيهات ولاانسى سحبت نفسي عنه ورجعت لوره هو عقد حاجبه وخزرني ماعاجبه تصرفي
يمان: شبيج
زهرة: سالتك ومارديت وراح ارجع اعيد وين حلقتك
يمان: حلقتيش
زهرة: حلقتيش ! شنو شبيك يمان حلقت زواجنه وينه
يمان: شمدريني
زهرة :شنو شمدريك لاتخبلني وينه وين نازعه او بالاحرى شوكت نزعته اشو مامنتبه
يمان: تعاي عوفيه بلة كاطعه سالفتنه علمود حلقه مخبله بابا
زهرة :يعني اذا انزع اني حلقتي مراح تسألني ولاتهتم راح تكون بارد مثل هسة
خزرني وعيونه احتدت رد عليه بنترة
يمان: اكص اصبعج اذا سويتيه
زهرة :عجيب انت حلال واني حرام ليش مااكص اصبعك اني لا وياريت تجاوبني جواب يريح ماتدري بيه وين شامره
يمان: لسانج لزميه و اني مااحب البسه اتضايق لهذا نزعته
زهرة: مو لابس محبس ليش ماتنزعه لو بس حلقتي تبزز اذكر قبل بزواجك الاول ماجنت تنزعه
يمان: اهو على طلابه هاي مامتعود عليه يابة شجلبتي
زهرة : عساس اني انخلقت وبيدي حلقه واتعود عليه مو اني هم مثلك اتضايق وتاذي ايدي وتكص بأصبعي وحتى دمي يجري منه ومانزعته لاطلع اعذار من جوه كاع كول الحقيقه
يمان :كافي عاد بزعتيني ترديلج بس سالفه حتى تتعاركين مو عيشه هاي كلما نكعد كعده مالت اوادم تسويلج سالفه تكرهيني بكل شيء
زهرة :طلعت هسة اني الصوج بيه وادور مشاكل خوش هين ماطول هيج وماطول ماتحجي ليش نازع حلقتك خلص اسوي مثلك وهاي حلقتي شوفه خليه يمك وقت تلبس مالتك البسه
شمرت حلقتي على ميز يمه وكمت من يمه لان نرفزني ومخلي حق عليه وهو من ساسه لراسه غلط بغلط رجعني بقوه لازم ايدي وعيونه تنطق شرار
يمان :شيلي حلقتج لااجنزج لبسيه على سريع لاتخليني اسوي شيء نندم عليه اثنينه
زهرة :ماالبسه ولااشيلة ومثل ماتسوي اسوي مو بس انت تحاسبني اني من حقي احاسبك هم ماطول زوجتك
يمان: انتي شبيج يوم ناويه على كتله جلدج يحكج لو شنو سالفتج
زهرة :لا بس كول انت تريد تضيع سالفه عليه وهسة وخر عني لاتلمسني
دفعته من صدره وكمت مشيت لنص الغرفه وعاط
يمان: اذا مارجعتي واخذتيه اكوم اجنزج كافي نطيتج مجال هواي رجعي اخذيه وستري على روحج اخر فرصه الج
زهرة :نززني صوته ودرت عليه احجي بهمس _صوتك شبيك يوسف نايم لايفز لاتستفزني بعياطك ماراح تخوفني ولاراح اتنازل
يمان: انعل ابوج يابو يوسف وياج والله الا اخليج تندمين صبريلي
زهرة :كام طفر اجاني حرت وين انهزم بروحي ركضت اريد اروح لغرفة التبديل بس جان اسرع مني جرني من شعري شاغت روحي وصحت بس هو اسرع مني وسد حلكي بقوه هد شعري ولزمني من بطني بقوه وحضني من وره حجه بأذني وانفاسه الحاره تضرب بيه
يمان: وج منو انتي وتحطين راسج براسي وتتحديني ليش تخليني ادوس عليج وانعل ساس اهلج تالي وياج ويه صلافتج ماتوبين
زهرة: وخر ايده عن حلكي واني كمت ادفع بيه عني بس هو جبل مايهزك ريح ماتزحزح من مكانه لازمني بقوه وايده الي على بطني اذتني حيل لان لازمني بقوه حجيت واني ارفس بيه من كله جهه والهث _وخر عني لاتلزمني وبعد تحلم تلمسني ماطول ماتلبس حلقتي يعني اني مو مرتك خوش
يمان: لا بلة من كل عقلج ومنو يمنعني ان المسج انتي
زهرة: اي اني ويلة وخر عني
يمان: اريد اشوف شلون تمنعيني
زهرة: جرني من بطني بحيث شالني منه واني ارافس وادفع بيه واحجي بهمس مااكدر اصيح يوسف لايفز اخذني للقنفه عدنه بالصالة مالت غرفه مثل باب سحب سلايت احنه نعوفه مفتوحه ولامرة سديناه لان مانكدر نشوف تلفزيون ولان غرفه مابيه شباج وصاله بيه شباج حتى تدخل الاضائه هو جر الباب السحب وغلقه حتى مااشرد او يمكن حتى صوتي مايطلع نزلني على قنفه وراح يم قنفه مادري شيسوي اني من شفته هيج كمت على سريع اريد اطلع هو رجع سحبني بسرعه من ردان روبي ونزعه اليه ورجع شمرني على قنفه بقوه ورجع كمل شغله بالقنفه ماادري شيسوي بيه ردت اكوم مرة ثانيه بس مالحكت اجاني ونام فوكاي خنكني بثكل جسمه انتبهت قنفه عرضت وصارت اوسع لان هي بيه زياده بس مااعرف اسويه اني
يمان: اريد اشوف شلون تمنعيني منج
زهرة :وخر عني لو تموت مااخليك
يمان :مااوخر لحد مااخذ حقي مو بكيفج
زهرة: لو تموت ماالك اي حق يمي
يمان: نشوف منو كلمته تمشي
زهرة: هجم عليه يبوس بقوه واني ارفس جوه واضرب بيه وادفعه عني بس مااكدرله ضخم وقوي واني مو بقوته وهو هم حقير ربط رجليه برجليه قيد حركتي خلالي بس ايديه ادفع بيهن صار يتجرء ويبوس بركبتي وبداية صدري ماتحملت كلمته تمشي عليه ويهني وينفذ الي براسه كمت خرمشته بأضافيري من ركبته رفع روحه عني لازم ركبته وعيونه شاطت غضب ندمت وخفت منه على عملتي سوده بوجهي هسة يتخبل ازيد وفعلا تخبل لزمني بقوه وخنكني اكثر بجسمه خلاني مااكدر اتحرك كام يتلمس بجسمي ويريد ينزعني سيت نوم واني مااقبل واضربه وارفسه برجلي ومن كثر رفضي واصراره نشك الثوب وهو استغل الفرصه وسحبه بقوه مني وربط ايديه لفوك لان اذيته بيهن هواي خرمشته بظهره وصدره وركبته ونفذ الي براسه وتقرب مني بقوه واني رغم كلشي ماستسلمت اله وضليت رافضه استلمته عض وتخرمش ورفسات كل قواي طلعته ورغم ضخامته مجان يكدر يسيطر عليه لحد ماخلص روحه طلعت مني
يمان :كافي ماتعبتي
زهرة :وخر وخر مااريدك شنو كوه
يمان :بس اني اريدج حقيره مشتاقلج
زهرة :ما وخر
يمان: اش سكتي
زهرة: ورة فترة كام عني راح لبالي للحمام كمت اني لبست الروب رجع هو وبيده مي نطانياه صفنت عليه شبيه هذا بسلا شخط الرجال
يمان: هاج شربي فيتامينات مااخذتيهن اليوم
زهرة :مااريد
يمان :زهرة لاتعاندين عركتنه شيء وصحتج شيء ثاني
زهرة: مااريدهن اني جاي اكل شسوي بيهن
يمان :حتى لو تاكلين الاكل مايعوض كل نقص اكو فيتامينات ماموجوده بالاكل يلة تعاي
زهرة :مااريد مااريد
يمان: مو كيفج غصب عنج
زهرة: اجه جرني ولزم فجي بقوه خله الحباية الصغيرة بيه وشربني مي وسد حلكي خلاني انجبر اشربهن ورة ماشربته دفعته عني _اشو بس حباية وحده مو كل مرة اثنين
يمان :لا هاي مهمه اكثر من ذيج
زهرة :شنو هاي الحباية شسمه
يمان :هي فيتامينات هم مو كل مرة تاخذيه
زهرة ماكو فيتامينات هيج حجم حبايتهن صغيرة بس مع هذا مراح ادقق ولاادور وراك لان واثقه بيك بس يمان اذا طلع الشيء الي بالي صح تأكد راح تخسرني لان دقيقه مااضل
يمان: شبيج انتي يوم ادورين عركات هي فيتامينات اخذيهن وسكتي
زهرة :خوش راح اسكت عفته ومشيت للحمام سبحت وطلعت لفيت راسي ونمت كعدت الصبح قبله جان حاضني ومخلي راسه بركبتي شكد احبه واحب نومتي بحضنه ورغم عركتنه بارحه بس مااكدر احقد عليه كعدته للدوام كام للحمام واني كمت وياه اكوي ملابسه بارحه ماكويتهن عود زعلانه مااحاجي ولاصبحت عليه هو اجه يبدل ويعدل بروحه واني مدنكه اسمعه يدردم بصوت مسموع عليه
يمان: ادري متزوج بزون لو مرة شنو هالخراميش شيحجون عليه بلة هسة غير اصير حدث اليوم
زهرة :رفعت راسي شفته يكلب بركبته خطية كله خراميش وعض حتى سنوني طابعات بيهن وهو محتار همزين جو بارد لبس مشمر ولفه على ركبته وغطاهن طلع وراح لدوامه واني كملت كوي وشكلت غسالة ورجعت امدد ماجايني نوم لحد ماكعد يوسف نزلنه
من رجع سويت روحي زعلانه ومااحاجيه بس جذب بداخلي مااكدر احقد عليه لهيت روحي وماصعدت الا من يوسف تنحس وراد ينام صعدت نومته وهو يراقب حركاتنه جان كاعد على تلفزيون لاسلمت عليه ولاحجيت وياه وهو هم ماحجه وياي كام نام على جرباية واني رحت نزعت ملابسي ولبست تراك ردان كامله هيج عناد بيه واجيت مددت بمكاني ونطيته ظهري هو كام يحوص اعرفه لان ماحاجيته ولان مانمت بحضنه يضل هيج بس ابد مايعترف ويكول متعود عليج ماينطي نقطة ضعف عليه ابد
يمان :راح توكعين من جرباية شبيج
زهرة :معليك لاتخاف مااوكع واذا وكعت مااتكسر
يمان: تعاي هنا جرباية شكده حاصره روحج بالطرف ليش
زهرة :لان مااريد انام يمك خوش
سكت عني واني هم سكتت حاولت انام بس ماكدرت متعوده عليه النذل وهو هم متعود عليه لان ساعتين متمددين لااني ولاهو نمنه اخر شيء استسلم هو وتقرب يمي وحضني من ظهري وجرني عليه _ها خير
يمان: اشش صوتج
زهرة: جاوخر عني لاطلع صوتي
يمان :مااوخر اعرف انتي ماتكدرين تنامين بدون حضني
زهرة: لابلة منو كلك
يمان :ولج شهالبس
زهرة: شبيه لبسي
يمان: يعني نايمه يم رجلج لابسه تراك كنتور راح ينفجر من ملابس شكد عندج ملابس نوم وجبتلج من دبي وكل هذا وتجيني بتراكج شتحسين
زهرة: عاجبني ومرتاحه بيه ومعليك انت بيه خوش
يمان: نامي نامي وين اكدرلج اني
زهرة نام هو واني هم نمت للصبح هو راح واني بقيت نايمه بعدين كعدت وسويت روتيني ممل بحيث طكت روحي من ملل اريد شيء جديد اجت امل من دوام ونامت ومحد بالبيت يسولف وياي اسراء قليل تنزل ومرات احنه نصعد يمه شوية سوالف وبتول دوام جامعه هم ماتسولف هواي وياي ملتهيه صعدت فوك يمان جان جاي وكاعد على حاسبه دخلت خليت يوسف يمه ورحت جبت تلفوني وكعدت على قنفه ثانيه اراسل خواتي خواتي اتفقن نروح للصالون ياسمين تريد تحف وتغير لون شعره لعبت بعقلي اكص شعري واصبغه لان امي ماتقبل دوم ترزلني من اكول اله اتفقنه غلى صالون يوم العصر بس شلون وكول ليمان واحنه متعاركين خاف يعاند ومايقبل بس شسوي بنفسي هيج جمعات واريد اروح اتونس وياهن قررت احسن حل ادز مسج اله راسلته بالتلي وكتله اريد اروح للصالون ويه خواتي
وصله الاشعار اخذ تلفونه وعقد حواجبه بأستغراب
يمان: فرق بينه نص متر ماتحجين شكو تراسلين
زهرة: مااريد احجي وياك
يمان: ها خوش لاتحجين ماكو روحه
زهرة: يمانن
يمان: وسم لاتعيطين كم مرة اكلج صوتج
زهرة: اريد اروح
يمان :ماكو روحه
زهرة: مو من حقك تمنعني
يمان: جا حق منو مدام منو زوجج تمشين بكيف وشور رجلج مو صح
زهرة :والله مختنكه انت ماتحس تطلع من صبح لليل اني مخنوكه بين اربع حياطين حتى طلعه مجاي اطلع قبل جنت اطلع وية مرتضى وي ونسني بس هسة انت ماتطلعني ولاتخليني اروح ويه اهلي
يمان: كتيلي وماطلعتج
زهرة: مو الا اكلك مفروض من ذاتك بس انت ماحاب هالشي ولاتريد تطلع ويانه لان احنه نزعج مثل حلقتنه
يمان: كامت تجفص اخ ربي راح تجلطيني حضري روحج اخذج للصالون ارتاحيتي
زهرة: اي اخذ يوسف وياي لو ماتقبل
يمان :بدليله اخذه وياي
زهرة: اخ عمي لو صايرة يوسف لو بتك مو احسلي يوميه مطلعه وتفرفر بيه واني حابسني
يمان: مرات احسج بتي فعلا على كد ماتتنعوصين امشي بسرعه بدلي لااغير رأي
زهرة: رحت ركض ماصدكت لبست على سريع ولبست يوسف بحيث ماطولنه حتى هو نصدم لان خلصنه بسرعه وبقينه منتظريه كمل ونزلنه راح للحجيه بلغه وطلعنه للصالون
يمان: ديربالج تكصين شعرج لو تغيرين لونه
زهرة: يا جااني المن رايحه
يمان: نعم بسلا تردين تكصيه ماكو ممنوع هسة ادور وارجع
زهرة: شنو مااكصه شعليك بيه انت شعري هذا اريد اغير شكله مليت منه طويل ويجزعني
يمان: انجبي كيفي والله لو تكصين سانتيم واحد اكسرج
زهرة: اهو انت شعليك بيه شنو بكيفك قابل اني مدخله بشعرك مو تروح تزين كتلك يوم لاتزينه ليش حاط دوبك وياي
يمان: لاتعاندين زهرة كلت ماتكصين يعني ماتكصين خلص سدي موضوع
زهرة :اني مااخلص من امي تطلعلي انت جاشعندي رايحه للصالون شعندي موليه اذا ماتقبل اكص واصبغ شكو اروح اشو وجهي مسويته ليزر اروح اصفن بوجوهن واكللهن والله رجلي مايقبل اسوي شيء
يمان :خلص مانروح ماطول ماعندج شيء نروح غير مكان
زهرة: خلاني اشيط من غضب وافور واتبده درت وجهي عنه للجامه وفتحته احس وجهي صار نار من اعصابي ماخلصت من تحكم امي يجيني هو شدخلكم شعري وحره بيه ولو صوجي ماكصيته بالعرس اني هم غبره دمعت عيوني من دك تلفون جوري تتصل اكيد منتظراتني رديت عليه بالكوه مااريد ابجي _ها عيني لا مااجي مااريد خلوه غير مرة تونسو انتم بالعافيه سلميلي على البقيه
قفلت التلفون وضميته بالجنطه ورجعت اباوع للجامه يوسف مكيف لان طلعه وبالسيارة جان يصفك فرحان رغم زعلي وضوجتي فرحت من شفته وابتسمت على فرحته ويمان شغل اغاني اطفال اله شويه وفتح اغنية هيثم يوسف ليش الزعل حسيته يبسمر بيه بس رغم هذا ماعبرته من وصلت مقطع على صوت
زعلان اراضيك
بعيوني اخليك
برموشي اغطيك
شوف الحنيه
ارجع لاحضاني
حس بأماني
صير بمكاني شوف الاذيه
الزعل ليش الزعل
يمان: ليش زعلان باباتي يوسف مايلوكلك الزعل
يوسف: بابا بابا
يمان: ياروح بابا انت شهالجمال
زهرة: لزمتني ضحكه بالكوه بلعته مامتعوده على هاي سوالفه فاجئني لان دوم هو يغلط بحقي وبالنهاية نتصالح واني الي اتنازل اخذنه لمنتزه العاب وحدائق نزلنه ورغم الاغنية لسة زعلانه وماحجيت وياه هو اخذ يوسف ويلعبه واني كعدت على مصطبه صورتهم سوه واباوعلهم صافنه حيل حلوين سوه حنان يمان كأب كلش حلو وهنيال جهاله بيه ضلينه ساعتين وفوك بالحديقه لحد مايوسف تعب وبطل لعب وضاج كمنه اخذنه ورحنه لمطعم نتعشى طلب النه بيتز وفنكر وصاج وكلت يوسف واني اكلت بس قطعه وحده من صاج مالي نفس ومو كلش علاقتي قوية ويه بيتزا
يمان: اطلبلج غير شيء ماعجبج الاكل
زهرة: لا مااريد اني مااشتهي
يمان اخذي الحبايات هذول
زهرة: نطاني علاج اخذته منه ماشفته حتى من فتحهن استغل انشغالي بيوسف ورغم داخلي مامرتاح بس اخذتهن وبلعتهن طلب الحساب ورجعنه للبيت بالطريق اشتره كنافه للبيت نطاهم واخذ علاكتنه للغرفه اني ماصعدت ضليت جوه اسولف ويه بتول الي بطنه بينت وكبرت عمتي جانت يمنه وقريبه علينه جنت اسأل بتول على حمله وشلونه ووضع طفل
ام حسين :باجر راح احجز لبتول عده مراجعه واحجزلج رقم
زهرة: ها شسوي بيه عمه
ام حسين :راح يصيرلج سنه متزوجه ولسة ماكو شيء
زهرة :مو رحنه وكالت مابيج شيء
ام حسين: ونروح بعد مابيه شيء هاي غير دكتورة نسمع اراء ثانيه مهم كولي لرجلج وتحضري
زهرة :ان شاء الله
كمت صعدت فوك يوسف ماقبل يصعد ضل يم جده يلعب اني فوك ضوجتي اليوم زادت اكثر على سالفة الحمل ليش مجاي يصير عندي طفل وماكو اي مشاكل عندي يارب ارزقني مثل بتول فتحت باب يمان جان كاعد على تلفزيون يمان شافني وحجه
يمان: تأخرتي جنت منتضرج حتى نشوف فلم سوه
زهرة: مالي خلك راح انام
يمان: شبيج زهرة
زهرة: يمكن جنت محتاجه احد يكلي شبيج اطلع ضوجة هالايام وكأبتي كلهن التمن عليه طكيته بجيه بنص الغرفه حتى يمان اخترع لباله متعاركه جوه كام بسرعه اليه يستفسر
يمان: وج شبيج منو وياج
زهرة :عوفني مابيه
يمان: شو اوكفي وين رايحه بسلا زعلانه لان ماخليتج تسوين شعرج
زهرة: لا
يمان :جا شبيج ليش تبجين هيج مقهورة
زهرة: ماادري هن التمن عليه
يمان: احجي خبلتيني منو وياج احد حاجاج جوه انزل اشوفهم
زهرة: لا اوكف بس اني
يمان: انتي شنو احجي
زهرة :اني ليش مجاي يصير عندي اطفال معقوله عقيمه وماكشفوني
يمان: بهت وصفن بوجهي حسيته لثواني ارتبك وراه رجع طبيعي جرني لحضنه وحضني بقوه لصدره
يمان: اش تحجين صدك تبجين ومتخبله لان ماعدنه اطفال لسة بعد وكت ماصار سنه متزوجين
زهرة: مو بتول حبلت من وكت اني قبله متزوجه بس انت ماجنت ما ماجنت تتقربلي بس هسة ليش ماصار طفل
يمان: كافي لاتبجين ويولي الطفل مااريد هسة هو رزق والله يرزقنه لاتنقهرين مو تكولين يوسف ابني لو تغير حجيج
زهرة: لا والله اعتبره ابني بس هم اريد طفل احس بيه بداخلي احمله بطني اعيش تفاصيل حمله واولده احسبله الايام من يجي واحضرله هم بخاطري اخو او اخت ليوسف
يمان: يجي وقته لاتبجين كلشي بوقته حلو
زهرة: عمتي تريد تاخذني للدكتورة باجر
يمان: هنا السالفه اكول شذكرج كوليله يمان مايقبل ماترحين
زهرة: لا حباب يمان اريد اعرف ليش مجاي يصير طفل فدوه خلي اروح
يمان: اوففف روحي
زهرة: رجع حضني بقوه ويبوس براسي وجر ايدي لبسني حلقه وباسه
يمان: لاتنزعيه زهرة لو شيصير والله ازعل منج
زهرة :ما مااريده مو انت ماتلبس اني هم ماالبس
يمان: وج ام عقل الصغير حلقتي ضيكه عليه وتحز بأيدي ماصارت فرصه ابدله بس اوعدج ابدله باقرب وقت وماانزعه خوش
زهره: اي
جرني عليه يمسح بدموعي الي غركت وجهي من شكله جان مقهور عليه وضايج حاول ينسيني ويسولف بس اني هم ضايجه على موضوع طفل جرني وباسني من شفايفي وخلاني على جرباية تقرب مني بحنيه واسف وكلسا يحضني ضلينه متحاضنين سوه للصبح كعدت جان هو ماكو اني كمت سبحت وبدلت نزلت ليوسف شفته جان نايم يم بيبيته وجده دوم يشتاقلهم ويروح ينام يمهم التهيت وياه للعصر رحت للدكتورة جنت متوترة وخايفه حيل ودانه كرم واني جسمي صابته رجفه شايله يوسف بحضني وايدي ترعش دخلنه اني وبتول وعمتي الدكتورة رحبت بينه بلشت بتول وفحصته ومن كملت اجت عليه عمتي شرحتله حالتي وهي تستمع اله
الدكتورة :يعني ماحبلتي ولا مرة
زهرة: ولا مرة دكتورة
الدكتورة: خل افحصج واحولج تحاليل وسونرات نشوف سبب واذا ماكو شيء ننتقل لزوجج يمكن يكون هو عنده خلل
زهرة: لا دكتورة زوجي صار عنده طفل هذا ابنه جان متزوج قبلي ومرته توفت
الدكتورة: ها زين هسة خل نشوف وضعج
زهرة: كومتني وفحصتني وحولتنه تحاليل مثل مكالت وسونار من طلعو رجعناله اني وعمتي وبتول قرتهن واني گلبي يرعش وريكي يبس _ها بشري دكتورة
الدكتورة: على كيفج ماما الي يشوفج يكون صارله ٢٠ سنه بدون طفل
كلشي مابيج وسليمه وحتى بيضاتج حجمهن مناسب وجاهزات للاخصاب بس هو رزق ولسة مااجه رزقج اني راح اكتبلج مقويات وهالفترة بالاخص خلي زوجج يتقربلج حتى يصير الحمل
زهرة :شكرا دكتورة طلعنه منه واني مطمنه المهم ماكو اي عراقيل من ناحيتي رجعنه للبيت وعمتي باليل لزمت يمان هي والحجيه يوصن بيه ويشرحن اله سوالف متت من خجل عفتهم وصعدت ورغم كلامهم يمان ماهتم واجه نام وحضني صفنت عليه مااعرف شيفكر على رغم امه لحت عليه ان هالفترة مهمه ويصير حمل بيه بس هو ماهتم اله خله شكي يزيد اكثر ولازم اكشف سالفته مو خالي يمان
