السلام عليكم واهلا بكم ببارت جديد
ياسمين: فزيت على صوت موبايلي جان المتصل بالواتس احمد اهو هسة يضل يتفلسف علية واني خلصانه منه صارلي سبوع مامخابرني ومرتاحه رديت علية
احمد: هلا ياسمين شلونج
: زينه الحمد لله انت شلونك الاهل شلونهم
احمد: زينين زهرة شلونه بشري ماكعدت
:لا والله لسة ادعوله بكت تكعد
احمد: ان شاء الله تكعد ماتستاهل زهرة
؛ان شاء الله
احمد: مشتاقلج
: -----
احمد: عاد كولي اني هم لو اني الاشوق ليش ساكته
:بس اني مامشتاقتلك ليش اجذب عليك عود من اشتاقلك اكلك
احمد :دجذبي عليه قابل عمي لو صرتي صريحه تستحرمين
اي عمي مرتاحه مني صارلج سبوع بالجذب لادكيتي لا راسلتي
:ليش هو اني شفتهمت من الاسبوع هذا كله من ردهه لردهه ومن غرفه للصيدلية ماعشت مثل البشر عود هاي احنه بتركيا وماشفت منه بس حديقة المستشفى
احمد: الله يعينكم الي عنده مريض كله تتمرض وياه وشدتكم صعبة باذن الله تفرج
:يالله كون تفرج باقل الخسائر خايفه احمد خايفه على زهرة اخر فترة جانت ميأسه ومودعه تخيل حتى تكلي رجعوني للنجف اذا متت ودفنوني يم بيبي لو تكعد توصيني بغراضه المن انطيهن مثل الطفل
احمد: لاتبجين حبيبتي تكوم منه باذن الله وتصير سوالف وزهورة قوية بس يجوز تشاقة وياج من وصتج
ماتعرفين طبعه
:ياقوية احمد ماشفته هنا بقت بالكوه تجر النفس وبس امدده وماتكدر تتحرك ومفروض عمليته السبوع الجاي وقدموه لان تخربطت وهسة هي بالعناية ومااعرف اي شيء عنه ومحد يقبل اروح هناك بس صورة يدزه يمان اليه سوده عليه محاوطه بالاجهزه والوجه نومية صاير اذا صار عليه شيء اتخبل اني مااتحمل
احمد: هي برحمت الله والله واسع الرحمه لاتفكرين هيج اني خابرتج اطمن عليكم لو اسكت بيج
يلة بنيتي سكتي تاذيني دموعج
:شلونك انت شو كطعت ماتصورت ماتخابر كلت كل ساعة يخابر لان سافرت
احمد: والله بدي اكطعج لان سافرتي بس شسوي زهرة تمون واني الحمد لله زين التهيت بابني مريض وماصحه ودخلت بية مستشفى بالكوه صار زين
:خير شبيه خو مامتاذي
احمد : اسهال وصخونه حاله حال الجهال
بس الحمد لله ٣ ايام وصار زين وطلعته
:الحمد لله على سلامته مايشوف شر
احمد :الله يسلمج يلة اروح اني للشغل واعوفج تكملين نومتج مع السلامه
؛الله وياك سلملنه
نهيت الاتصال وجنت جوعانه كمت اكلت وصليت صلاة الصبح ورجعت راسلت يمان
-هلو يمان شلونك بشر شلونه زهوره ماكو خبر جديد ماتحسنت
ورة فترة رد عليه
-هلا بيج زين اني الحمد لله لا ماكو اي خبر نفس الوضع لسة مافاقت بس اخذو الورم يزرعونه حتى يشوفوه حميد لو لاسامح الله مو زين اندعيلنه بعد
-يارب شوكت تطلع نتيجته
-مطوله بوية شهرين اقل شيء مهم تكعد والله كريم للباقي
-ان شاء الله تكعد من رخصتك خاف تروح ترتاح
-الله وياج
ياسمين: ضلينه على مراسلات وية يمان ويمان بس يرجع فترت الظهر يسبح ويبدل ويرجع هناك واحنه ماسكتنه من الادعيه والصلوات وامي نذرت طبخ للسيدة زينب عليه السلام بس اطيب وتكعد تسويله وعلى امل تفيق زهره
مر تقريبا سبوع بالكمال والتمام وخابرنه بيومه يمان جان الساعة ب١ باليل وكلنه اخترعنه وابوية رد عليه
حسن هاعمي خير خو ماصاير شيء
يمان :عمي كعدت زهرة ردت ابشركم
حسن: صلوات على محمد وال محمد الف الحمد لله والشكر جايك هسة عمي
يمان :جيب وياك ياسمين حتى تبدل اله
حسن: اي عمي اي
بسرعه بدلت وطلعت ويه ابوية
واجرنه تكسي ووصلنه للمستشفى رحنه للطابق الي كال عليه يمان والغرفة هم وصلنه لكيت زهورة سوده عليه تون من الالم ويمان يشكلله المغذي
يمة اختي شصاير بيه
شلونه يمان ليش هيج تصيح
يمان: بعده جرح العملية مامتشافي شكلتله مغذي وبيه مسكن الم بس يخلص كعديه وبدليله
ياسمين: سوده عليه خيتي منين اجتج هاي بيه ولا بيج
زهرة: فتحت عيوني على ضوه قوي بعيني جان طبيب يفحصني والم مو طبيعي براسي احسه مضروب بدي الزمه بس مااكدر احرك نففسي جسمي كله منمل وخدران وريكي ناشف واسمع صوت حجي ومااميز اجو ثنين يردون يشيلوني ومااعرف شبيهم شيرطنون جانو اتراك وماافهم عليهم لمحت من بعيد مترجم اعرفه اجه عليهم وهم كعدو يشرحوله واني مثل الاطرش بالزفه وجع راسي ماخلاني اركز شوية وراح المترجم ورجع اجه ووياه واحد مانتبهت عليه بسبب الممرضه الي نزعت الكانوله من ايدي ومااعرف شحجت وياي بس نبهت ايدي مورمه من الكانوله ومكانه متغير اني جنت باليمنى بالعملية شو هسة يسرى ومو الوريد الاساسي الجانبي جان وايدي مزرفه هواي
يمان: شبيهم ليش مانقلوه لسة
المترجم: يكولون ماكو شيء جواه لافراش ولا شيء والبنية منزعيه الملابس كله ولبس العملية مفتوح من وره
يمان: جا شلون نجيب غطه شيء
المترجم: شوفه تكدر تكوم تمشي
يمان: وين تكدر صارلة هواي نايمه على نفس الجه جسمه خدران تكدر تشوفلي غطه شرشف او بطانية الفه بيه
المترجم: حشوفلك فراش مستشفى بكت ينطوني ضل هنا هسة اجيك
يمان: يلة بس بسرعه لان عده علاج
ها زهورة شلونج يوجعج شيء
زهرة: راسي دمار احس نار بيه مشتعله
يمان: هسة بس تنتقلين لغرفتج انطيج علاج ويطيب المهم تعديتي مرحلة الخطر
زهرة: جسمي منمل وخدران كانو صارلي ايام نايمه
يمان :هاي من البنج شوية ويصير احسن
شوية واجه الولد بالغطه روح اني اجيبه سترت الستاره واجيته ها زهرة تكدرين تعينيني بس توكفين واغطيج من وره
زهرة: مااعرف مااكدر اتحرك
يمان :شوفي راح ارفعج وواوكفج بس استندي بيه وهاهي بس اغطيج والفج واشيلج لان ملابسج خفاف مانكدر نطلع بيهن
زهرة :يلة بس على كيفك
كومني وماكدرت جسمي تشنج كلش واحس ظهري تصلب بس سندني بصدره وكعد وراي وكومني ولف الشرشف عليه ولف حجابي وشالني لبرة جان اكو سدية خلاني عليه ومشه بينه للمصعد دخلنه وهو ضل كامش ايدي وماهده لحد ماوصلت لغرفتي ونزلني ووخر الغطه ومددت بلش وجعي يزيد وراسي صار يضرب على جسمي والغرفه بارده جانت صار يصل عليه
اخ اخخ راسي موتني اه راسي
يمان: هسة راح يجون يشكلون الكانولة ويضربوج مسكن
زهرة: بعد مااتحمل ديموتني فدوه صيحلهم مااكدر بعد اه يمه
شوية واجو وحاولو يسولي كانوله ومالكت وريد وخري عني موتيني ايدي راحت بس اجكيكين بيه فوك ضيمي دفعته وهي ضل ادردم بالتركي ويمان اشرله لبره وراح طلع شوية ورجع بيده كانوله وسوالياه بس بطالعة الروح صارن ايدية مزرفه واني كل شوية ودفعته والحمد لله صارت وشكلي الدوه واني بعد مااشوف كدامي بس اون من الالم لحد ماغفيت وكعدت على هوسة اهلي كلهم جاين ومن شافوني كعدت طاحولي دك بوس لحد ماعطت راسي وابتعدو اجت ياسمين وبدلتلي وبلشت معاناتي لازم امشي واني جسمي كله خدران ومااحس بيه زهرة ياسمين فدوه عطشانه مي
ياسمين جابتلي وشربت اكلج اشو شعري يحكني كلش واحس بيه ريحه
ياسمين: خاف من تعقيم يحكج وريحتج شينشم منه كله معقمات
بس اذا تردين اجيب وصلة مبلله وانظف ركبتج وبطنج ورجليج واديج وابدلج تصيرين ورده
زهره: اي فدوه شو احس نفسي صرت خايسه
ياسمين: ههه لا مثل الكمر هسة اجيج
زهرة: راحت للحمام بللت الخاولي وطفت السبلت وبلشت تمسحلي ركبتي وايديه ورجلية بس شو رجلية مااحس بيهن من تمسحهن
اكلج شو رجليه مااحس بيهن شسالفة بسلا نشليت
ياسمين: مابيج شيء بس خدر من يروح تحسين
زهرة: مامقتنعه يمان هنا
ياسمين :اي ليش
زهرة: صيحلياه
ياسمين: شتردين منه ولج
زهرة :ابوسة شريد مثلا اريد اتاكد من حالتي كلكم اتجذبون عليه هو عاد من يجذب ينكشف بسرعه
ياسمين: كعدي وسكتي وعوفي الولد لاتظلين تلطشين بيه
زهرة: شمسويتله اني اريد اسأل عن حالتي ماجاي احس برجلية خدر مو طبيعي
ياسمين: عود من يجي طبيب كوليله
زهرة: وشفتهم عليه يرطن بالتركي هسة تصيحيله لو شلون
ياسمين: لا مااصيحله عيب ثكلي شويه
زهرة: اخابره ماطول معنده
ياسمين: اهو لطشت بت حسن خلي اجيبه الج من الاخير ترة انتي فاقده صالج سبوع وبمعجزه من الله سبحانه وتعالى طلعتي ايسنه اطلعين بس رحمت الله الواسعه طلعتج سالمه وهذا جسمج صارله سبوع مامتحرك وب نايمه على كفاج شتتوقعين يصير كالو شويه تمارين كعده وتتحسنين باذن الله
زهره: هاي كل هذا صاير بيه واني ماادري دتعاي كعديني اندب حظي وابجي عليه
ياسمين: كومي عيني هلكتيني
زهرة: جوعانه يسمونه شنو هالمغذي حاطيه ويكلك سبوع بدون اكل داريني رحمة لابيج وحمودي
ياسمين: ماطول كلتي حمودي فلا انطيج مي مو اكل دور
زهرة :انعل بليسك حمود ارتاحيتي يلة اكل
ياسمين: شتردين تاكلين
زهرة: يكولون احنه بتركيا فجيبلي اكله تركيه
ياسمين: يلة هسة اكول لابوية
طلعت ياسمين واني رجعت مددت تعبت طولت برة شيء ساعة ورجعت محملة جياس ها شنو هذول
ياسمين: عيني طلعت لابوية كتلة نريد اكل وراح جابلنه اشكال والوان ومامصدك انتي طالبة بلسانج
