مساء الخير اعتذر عن التأخير لاسباب خاصه
"رغم كسرت قلبي احببتك "
#حقيقةً أنا أحبه حتى أكثر من نفسي #
يمان: هذني شنو احجي
زهرة: علاج
يمان: اعرف صخام اعرف كوليلي شجابهن هنا شلون الج
زهرة: ملاتي
يمان :افتهمت ملاتج منين جبتيهن ليش جبتيهن شيسون عندج
زهرة :اني اني اشتريتهم من صيدلية
يمان: اشتريتيهن ! وج تعرفين هذني شنو لو لا احجي لاتخبليني لاتسكتين المن جبتيهن شتسوين بيهن
زهرة: شبيك انت ليش عصبي اي اعرف شنو هن مانع حمل واني جبتهم وهم شاربه منهم
يمان: ليش ليش ليش هيج سويتي شلون تصرفين من دون اذني وبدون ماتكليلي اني شنو عابرتني
زهرة: مااريد طفل
يمان :متردين طفل ! هسة صارت متردين طفل
انتي منو سمحلج تقررين بكيفج وتنفذين صايرة عود مرة وتجيبين وتسوين وتخططين بدون علمي
وج انتي ليادرجه من صلافة والحقارة واصله تردين تسويه وحده بوحده احجي تردين تسوين عود مثلي من شربتج بدون علمج لج شنو انتي لبالج اني مثلج اسوي شيء بدون فهم وعلم مثلج
زهرة: اني مو هيج ماقصد شيء بس مامستعده للاطفال هسة
يمان: هسة صرتي مامستعده هسة صرتي متردين منية الي كلبت الدنيا وراحت زعلت ٥ اشهر عد اهله بس لان اني شربتج مانع بس حلال انتي هسة من تاخذين اني من افكر بيج وبمصلحتج اصير مو خوش وظالمج وج انتي ماتستاهلين واحد يعاملج باحترام ويفكر بيج تردين تمشين رايج وعنادج اهم من حياتج كلما ابدي صفحه جديده وياج اطلعين بشيء يرجعنه للصفر طلعتيني من طوري حرت شلون اتفاهم وياج حرت شلون هالعيشه تكضي وياج بزعت بزعت
لج شسويلج بعد وترضين شسويلج بعد وتهجعين ماكو هيج مرة كرهتيني بحياتي وبعيشتي كرهت الساعه الي فكرت اخذج بيه
شنو انتي بس كليلي شنو من عقل وقلب شايله حقد يسري بدمج ليش اريد افهم تردين تاخذين ثارج مني لو شنو تردين ترديه اليه وتعيشيني شعورج وج انتي شعايشه اني ضكت المر وماحجيت تجين تزودين مرورة لايامي وج راح تجلطيني وتموتيني شنو من بشر انتي كافي عاد كافي
زهرة :طرشني بصياحه وعصبيته كام يفتر بالغرفه واج نار دفر التخم وطبلة تكسرن مواعين كلهن خفت لايضربني ودور وحدي هنا يستفرد بيه
ويطيح حضي لان فقد اعصابة
زهرة :_يمان
اجه عليه فاير رجعت لورة خفت منه
يمان: اش صوتج مااريد اسمعه امشي ولي من وجهي لااطلع قهرتي بيج روحي من كدامي احسلج لان اعصابي فقدت روحي لايصير شيء نندم عليه
زهرة: سحبت نفسي بهدوء ونزلت جوه كعدت بالصالة وحدي صافنه حتى واهس ماعندي بطني كامت توجعني من الخوفه ساعه كامله كاعده وحدي نزل وراه بساعه وطلع من بيت بدون مايحجي كضيت يوم كله وحدي امل كل شويه تمرليواني اخاف اضل وحدي دور عليه يعزلني بيت وحدي ويعوفني
