السلام عليكم واهلا بكم اعزائي ببارتنا الجديد قراءة ممتعه
#احمد :
كبت العيطة بالمطبخ طلعت من الاستقبال مالتهم ركض ووصلت للمطبخ وفتت
_شكو شبيجن تتصارخن
زهرة: بوري السنك طك علينه وغركنه ماتشوفنه سابحين مي
احمد: شجاجن طكيتنه شو وخرن وخرتهن وكمشت البوري وكتلهن يجيبن ادوات الصيانة وسويته وصار بس شنو نكعت من فوك لجوه والجو بده يشتي فبردت كلش درت عليهن
_سويته يالفاهيات شوفلي ملابس من مرتضى ملابسي تبللت ومتت برد
زهرة: تمام حجيبلك
احمد: بسرعه درت وجهي على ياسمين المتفرجه وصافنه بموبايلة بعد مالخبصة فضت _اي ياسمين خانو شتسوين ماتدرين بالدنيا طشت رشت
ياسمين : اقره رواية
احمد: متملين منهن
ياسمين: لا احبهن
احمد :اي سولفيلي شنو قصته
ياسمين: مااتصور تحب اقرالك هيج قصص
احمد: ليش شنو بيهن
ياسمين: امم خيال علمي
احمد: اها جابت زهرة الملابس رحت للحمام بدلت ورجعت للمطبخ _ياسمين جففي ملابس
ياسمين: اوك عوفهم على الكرسي
احمد: لج كومي بسرعه جففيهن اريد اروح بيهن باليل
ياسمين :هسة ليش تزعجني اريد اكمل قراية عوفهن وخلص
احمد: اخاف متقبلين كومي لج والله لان مالي واهس اتعارك جان عرفتج قدرج كومي
ياسمين: اها هيج لعد جففهن انت مالي دخل
احمد: شوفي لج اني مااعيد كلامي بعد تجففيهن وغصب عنج هم يلة واياج تراددين طولان لسانج حيل
ياسمين: عوف ايدي لاتلمسني كم مرة كتلك
احمد: بكيفي ويلة غوري
راحت واخذت الملابس ورحت للديوان وصار العشه ولل٨ طلعنه كلنه بس ماراحت لاهي ولا زهره ولابتول خطبنه نور لمؤمل .
¥زهرة:
بعد خطبة مؤمل لنور سوو عقد بالصحن بدون هوسة وحددو موعد عرس سجاد يوم الخميس وحنه طرنه من الخبال مو الفرح اخذت ماما ازهار للسوق واشتريت فستان احمر قصير بدون ردان وصدرة طلع وضيق مو بف وحذاء كعب احمر واكسسوارات ورجعت مارحت للصيدلية صارلي سبوع عندي كوزات مهمه وهم خايفه من يمان وبتول كالت فهد اختفه من الجامعه كله كلت لامحال يمان كتله يمة ابن عمي مجرم ياسودة وجهنه ليش وجهنه كون وجهه لا بس وجه حلو لا وجه فهد احسن ههه صار يوم الاربعاء ورحنه لبيت عمتي احنه قبل يوم يمه نظفنه البيت وعزلناه ورتبنه غرفة العرسان هو يتزوج فندق يعني للجمعه يجون وعدلنه نفسنه شيرة وكذا كله بيت عمتي حتى امل اجت ويانه بس اسراء ماقبلت تجي لان تكول اتعب كعدنه يوم الخميس الصبح دخلت للحمام سبحت وطلعت شسورت شعري وتريكت بالغرفة ويه امل وبتول جانن ياكلن بالغرفة جوه هوسة
_بنات ساعة بال١١غير نحضر نفسنه
امل: اي بس نخلص فدوه زوزو سويلي شعري
زهرة: تمام شتردين تسريحه لو تصفيف لو برم
امل :برم
زهرة؛ تمام يلة طيري غسلي وتعاليلي
امل: تمام
زهرة: ست بتول طلعينه المعدات
بتول :ليش حتحاربين
زهرة: اي بسرعه وراي كومة هسة تجيني ايناس وياسمين اسويلهن مو اكو ميكب ارتس اني شعر ارتس
بتول :هههه يلة هذول الغراض حغسل المواعين واجي تره اخت العريس اني اريد تسريحه تجنن تجيبلي عريس بيه
زهرة: دفرته امش لج تريد عريس خلي الكي الي بالاول
امل :موجود بس لو يحس
بتول: منو
زهرة: محد فضيني روحي وتعالي بسرعه
طلعت بتول وسحلت امل من شعره _ولج لاتفضحيني كدام بتول هاي خوثه تنسه روحه وتحجي بعدين اني منو كال اريد اخوج عريس فقط اعجبت به
امل :ام اعجبت به تره شفتج من تجينه عيونج ينحولن عليه
زهرة :غير اخوج حلو واني اسيح على الحلوين اكلكم شتتريكون انتو حتى هيج الصبح يطلع مزه
امل: ههه على كيفج لاتذوبين ويمان مايتريك الصبح هههههه
زهرة :طيري طيرتي واهس الغزل مالتي امشي كعدي على الكرسي وفتحيلي الكفشة
امل: يلة وراج مكياجي
زهرة :يمان يقبل ؟ مو خابصتني بيه مايقبل ومايقبل
امل :كتلة وكلي بس لان عرس ولبسي بوشيه وجبت بوشيه
زهرة: اها مو اكول يلة ثبتي لاتتحركين بديت اسوي شعره لل١٢ يلة خلصته لان ثخين وطويل ونطيته الفاوينديشن والكونسيلر هي تحطهن بس رسمتله عين وسويتله ضلال والبقية هي سوته فتحت شعري وبلشت اصفف اريد اسوية تسريحه مرتبه بس لسة مامقرره فخلي اصففه وبعدين اقرر كملته لل١ هم كالو العرس بال٤ العصر مختارين اليلي لان مالاكين حجز ولحد ال٧ يخلص
ايناس: زوزه حبيبتي
زهرة: ها انوسة خير
ايناس: فدوه شعري سويلياه لان اني مكيجتني جوري بقه بس شعري ودزتني عليج
زهرة: تعالي شترديه
ايناس :اريده برم شوفيه هو قصير كلش فبرميه ورتبيه بكيفج
زهرة: تمام كعدت اشتغل بيه وخلصته بسرعه لان قصير برمته اله ورفعت جانب بشكالة شعر حلو وبقه جانب مسدول صدك نسيت اكلكم ايناس حامل وثبت حمله بتوم وعليه ٣ اشهر الله يتتمم اله على خير وتولد بالسلام
كملتله وراحت وطبت ياسمين اني متعوده على سرب النحلات كلسا وحده جايه هاي بكل مناسبة هيج احنه ياسمين بس صففته اله قنوعه البنت وهم حطيتله شكالة وراحت بس جوري والله خوش تمكيج عرايس طالعات حتى امل طايحة الحظ مسحت مكياجه وراحت لجوري سوتله ادور سويت لبتول تسريحه بسيطه وحتى روان جابته بتول وتوسطت يمي يالله سويتله وهم حلوه وتعجبت بيه بس هي عوبه لاتشكر ولاشيء وصفه الوقت وصارت بال٣ ونص ولسة ماسويت لروحي لاميكب ولا شعري ركضت لجوري لكيته تبدل ملابسه
_جوريه فدوه هيلب
جوري :شكو ترة عزل الصالون
زهرة :حبابة مكيجيني والله ايديه راحت من التسريحات متت وماالحك امكيج روحي
جوري: تعاي لاتبجين
زهرة: يلة رسمتلي عيني بلون ترابي وايلانر اسود ونخط حتى لجوه العين وحمرة ماروني ماطولت عشر دقايق صدك اختي ام صالون ماتاخرت طلعت اخبل رحت لبست ثوبي وحذائي والصاية وحجاب وعباية فوكهن لان ابوية ماقبل الا صاية وعباية نزلت لجوه عيني البيت ازدحام قاتل جانو جايبين ٣ باديات والنسوان قبطنهن تقبط عمتي راحت وياهن وامي وماما ازهار وايناس وياسمين ويه مرتضى
امل: تعالي وياي
زهرة :لحظه اشوف جوريه وين
امل :خاف فوك لسة
زهرة :حدخل اصيحله دخلت وصحت لجوري وطلعنه لكينه الباديات محركات ورايحين وحتى مرتضى واحمد ماخذ روان وجهالة عماته ثنين كبار مايكدرن يصعدن بالبادية وشلعو _امل املو
امل: ها يلة امشي تاخرنه
جوري: ويامن نروح
امل :ويه يمان لان ابوية راح
زهرة: ماتشوفين كرم حسين ماكو الا يمان
امل: ليش شبيه يمان ها
زهرة :طايحة حظ تحجي وتبتسم ابتسامة شر اني مالبست بوشية كلت ويه مرتضى اروح فوك حظي مكياجي صارخ حيل حيل اخاف يمان يطردني من السيارة ومنا محمل عليه بسب بتول العوبه
جوري: امشي زهرة وين صفنتي الولد بالباب
زهرة: اي اي مشينه وصعدت وراه ولفيت نفسي زين بالعباية وامل عصت الا يمي تكعد تالي جوري كعدت بالكدام _ادري بنتي وجلبتي يمي
امل: اي ماما هههه
زهرة: وصخونه ههه
يمان :ليش مالبستي بوشية مثل امل
زهرة: جنت اكنك بموبايلي العوبة بتول وصتني اطلع اله اغاني من نرجع نردح بالبيت فنزلت اله وجاي احولهن للرام حتى نخليه بالديجيه
يمان: زهرة مواحجي وياج
زهرة :ها شكو
يمان: ليش مالابسة بوشيه طالعه للشارع بمكياجج هذه ابوج قابل ؟
زهرة: جنت اريد اروح ويه مرتضى بس عافوني
يمان: ومرتضى يقبل هيج اطلعين وياه !
زهرة :ها
