*مساء الخير *
"رغم كسرت قلبي احببتك "
زهرة :
فزيت على صوت باب يندك كمت مخروعه ماادري ساعه شوكت اريد افتح الباب مقفوله كعدت يمان كام انطاني مفتاح مخلية بالجرار ورجع نام فتحت باب جانت امل راده ستوه من دوام تريد تبدل من شافت يمان كيفت لباله تصالحنه خذت ملابسه وطلعت استحيت منه ماخذه غرفته ومستغلته كمت كعدت يوسف وبدلت نزلنه جوه اوكله لل٤ جوه يم حجية كاعدين ويمان ماكعد جانت حجية تحوك وتسولف على ايام كبل واحنه البنات نستمع اله كطع صوته يمان من فات
يمان :مساء الخير شلونج يمه
الحجية: هلا يمه هلا بالهطول الحلو شلونك صارلي ايام ماالمحك لاتجي وتسأل عليه بذات
يمان: شغل يمه ماالحك احك راسي حتى نوم ماانام
الحجية: لاتهلك روحك يمه لاتتمرض سوده عليه خلية على مدراء الي تحت ايدك
يمان: اذا مو فوكاهم ومااراقبهم مايشتغلون شمسوين غده جوعان
الحجيه: يغسه الجوع بعد بيتي شلون دولمه مسويه امك يستاهل هالحلك
يمان: بعد گلبي حجيتي صبيلي غده زهرة
زهرة: كل حديثه واني جنت مدنكه العب يوسف بالعابه من كال صبي غده شكت شنو لبالة هذا يريد يرجع المياه لمجاريه بدون لااعتذار ولا شيء وغصب عني لازم اسكت واوافق لو يموت ماارضخله واتنازل غلست عنه وسويت روحي مااسمع
يمان: مو احجي وياج كومي صبي الغده شبيج
زهرة: وشعليه اني
يمان: جامنو عليه غير مرتي انتي
زهرة :والله اني مااسويلك اي شيء حير بروحك انت ماعليه بهالبيت بس بيوسف
درت وجهي عنه وهو مبين تعصب راد يحجي وحجيه سبقته
الحجية: كومي امل يمه صبي لاخوج غداه خطية زهرة مريضه بعده
يمان: هين اصبريلي
زهرة: ولاهتميت لتهديده لسة ماشاف شيء لاخليك تندم على ساعة الي رفعت ايدك عليه اصبرلي انت مايجي وياك بس التجاهل واني عاد عرفت نقطة عصبيتك وشلون اعوفه ومااستغله لا اطيح حظك بيه
راحت امل صبتله وهو كعد ياكل اني كمت للمطبخ وعفت يوسف يمهم جنت شاوية كيكه ومنتظرته تبرد حتى احط صوص عليه اجيت اسوي بالصوص وازينه كملته وخليته بالثلاجه وكفت اغسل ماعين ماحسيت غير ايدين تنحط على جوانب السنكي وجسم لزك بظهري كال
يمان :شهالصلافة ولج لبالج تفلتين مااحاسبج وراج وراج
زهرة: درت وجهي اله وهو بسرعه كصرني من خصري من جهه الي ضربني بيه بحافة الجرباية بسرعه عطت _اخخخ يمان اخ وخر اذيتني يمه
يمان: شبيج ماكرصتج بقوه على كيف
زهرة: اي اي يمه توجعني
هو بسرعه رفع ثوبي يشوفه واني عطت عليه _انت شجاي تسوي احنه بالمطبخ لا واحد يفوت نزل الثوب
يمان :هاي شنو ولج بيمن متعوره ليش هيج خاصرتج زركه
زهرة: هاي انت من ضربتني
يمان :ماضربتج على خاصرتج اني
زهرة :تنهدت وحجيت من دفعتني حافة جربايه ضربتني وهي زوركت بعده
يمان :نازفه نزيف داخلي امشي بدلي اوديج للطبيب
زهرة :مااريد هي فترة واطيب
يمان: خاف مو زين
زهرة: جريت ثوبي منه وكتله لا عادي مابيه شيء
سكت هو وفاتت امل هو هم خله وطلع من مطبخ امل خلت مواعين الاكل على ميز واجتني
امل :شصاير شو كلسا اصيدكم بمكان سوه ومتقاربين وكذا تصالحتو
زهرة: لا طبعا مااتصالحت ويه اخوج
امل :جاشيسموه سوه نايمين وهسة تبسبسون شكو تضمين عليه ولج
زهرة: اخوج يريد يعبره عليه ولباله اني سهلة وزوج يضحك عليه بالهسوالف حتى انسى ضربة الية ويعبره بدون اعتذار حتى ماتنزل كرامته العزيزه بس اني انسحل اني وكرامتي ذهاب واياب عادي
امل: يلة خية جديد عليج سوالف يمان دوم هو هيج مايعترف بغلطه وهاي مو اول مرة تنضربين منه وج جنتي بس بنت عمة وهو طايحلج تصفك
زهرة: والله ولا اسكتله وهالمرة لو اني لو هو اذا ماخليته يعتذر لو شيسوي مااحاجي ولااصالحه
امل: الله يهدي سركم
زهرة: راحت امل واني كملت ماعين وطلعت وراهم كعدت بالصالة جانو كلهم مجتمعين اجيت يم امل كعدت يوسف جان بحضن ابوه من كعدت نزل واجاني يدربه شلته بوسته وخليته بحضني امل جانت تحجي وياي على جامعه وشلون تتعذب بالماستر اني اشجعه مااريد اكسر واهسه بس لو يرجعلي ولااكمل ماستر شلي بهالتعب والبهذلة
امل: شفتي اخوي شجابلي من دبي
زهرة :لا وين شفت ماراوتيني
امل: ذكريني من نصعد وج جابلي مكياجات وعطور ماركات جديده تخبل ومحبس يجنن كال هذا ذهب ابيض حيل حبيتهن حتى مابدي استخدم المكياجات من كد ماالبكج حلو
زهرة: بالعافية حبيبتي تستخدميهن بزواجج ان شاء الله
امل: ان شاء الله الله يسمع منج ويسهل على عبد الله حتى يتقدملي
زهرة: اسكتي ولج لايسمعوج
امل: مانطاج صوغتج ؟
زهرة: لا ولااريد هم خليه اله او ليش خل ينطيه لرهف خطية مكسور خاطره عليه
امل :ههههه مشعوطه من الغيرة زوزه
زهرة: لا وعلى شنو اغار بيش احسن مني ام عطوب صفرة اني مقتنعه بروحي
امل :اي والله بس خفة دمج كافيه اكلج خاف يمان ماجايبلج شيء لان البارحه وزع كل صوغاته الصبح
زهرة :والله اتوقع كلشي من اخوج لان حاسبني حالي حال الحايط ولامستعبرني
امل: يا ولج شهالحجي اتشاقه وياج دباعي صارلي ساعه مراقبته يسولف ومن يكمل سالفته يصفن عليج ترة مبين اخوي عاشك صالحي الله عليج
زهرة: دسكتي خية اليدري يدري والمايدري مايدري خليني ساكته احسلي اخوج مااتصالح وياه لحد مايعتذر وعندي كم شغلة اريد اصفيهن وياه حتى يطمن گلبي
امل: احس اكو شيء ثاني غير العركه صايرة تضمين عليه وماتحجين
زهرة: امور خاصة يمان مايقبل احجيه بس اذا طلع الي بالي صح اسولفلج
امل: اوك متفقين
زهرة: سوت هدى العشى وساعدناه اني وبتول وامل صبينه الاكل وكعدنه على السفره بالاكل نجبرت اكعد يمه اكلت شويه مااشتهي وكمت اول وحده غسلت وحطيت جاي هنا عدهم جاي ورة كل وجبة مو مثل بيتنه مرة وحده يشربون صبيته بعد ماكملو ونطيته لامل وزعته ضلينه كاعدين نتفرج تلفزيون ونسولف يمان ترخص منهم وكال نعست وراح صعد وبتول وكرم هم شوية عمي ومرت عمي هم نعسو
امل :كومي نصعد نام فوك يوسف تنحس
زهرة: روحي اني انام بعد يم حجيه
امل :تحجين صدك وشبيه غرفتي ماتعجبج
زهرة: لا ولج علمودج امتحانات ويوسف يزعجج ويضل يبجي مانريد نلهيج
امل: كومي ولج شعليج اني مكيفه يلة ترة ازعل منج والله
زهرة: لا ابد اروح يم الحجية يوم استأذنت منه وهي كيفت تكول تونسوني
امل: هاي شنو زهرة ليش تخليني ازاعلج من شوكت بينه هالسوالف غرفتي غرفتج شلج علاقه بدراستي اني احير بيه
زهرة: اوف امل لاتضغطين عليه اذا اروح هناك مو بعيده اخوج يجي يسحلني لغرفته بس هنا مايكدر يستحي من حجيه وهم اهله غرفتهم بصف غرفة الحجية يعني اذا اصيح يسمعون مايكدر يجبرني فدوه لاتعترضين يوم دخل ونام بغرفتج وماكدرت اسوي اي شيء وانينار شابة بيه وهو ولا مهتم اريد انتقم منه واخذ ثار وحق ضربتي لاتعارضيني ساعديني
امل: اوف ماطول هيج موافقه الله يعينك يااخوي شنت حرب عليك وانت محروم وراد من سفر طويل
زهرة :والله اخوج اختار الحرب من ايده
كامت امل واني لحكت الحجيه للغرفه هي غرفته جبيرة مخلية بوسطه جرباية ام نفرين عريضه وكنتور ثلاث بيبان ونهايته بوفيه بيه نضيده
الحجيه: يمه فتحي نضيده واخذي الي ترديه من فراشات وبطاطين
زهرة: رحت اخذت دوشكين عالي شويه عن الكاع مديتهن يم رجلين جرباية طبعا بعد صراح ويه حجية تريدنه نام على جرباية وهي ويانه لحد ماكتله ادفر يلة اقتنعت اخذت غطى وهزيت يوسف انيمه لان نعس كمت اخذت ملابس الية ورحت للحمام بدلت لبجامه وفانيلة تعلاكه لونهن وردي لبست روبوالحجاب وطلعت لغرفة حجية لان غرف الجوه مابيهن حمامات هذا عيبهن دخلت وسديت باب طفيت الاضوية وحجية تنام بالغرفه ضلمه ماتحب ضوه المنام دثرت بالبطانية وكعدت اراسل بضحى ندزت رسالة اليه من يمان على الانستا
_وينج شوكت تجين صارت ١٢
اني غلست عنه ومارديت وهو راح دز بالتلي رسالة ثانية
_ماشبعتي سوالف تعاي يلة معقوله يوسف مانعس
عفته يتخبل وحده كام يدك بالنت طفيت النت وسويت جهاز صامت حتى ارتاح منه ساعه احوص بالفراش مانعسانه ومكان متغير حجيه نامت بس نومه خفيف اذا كمت تكعد مدري كل الكبار نومهم خفيف لل١ واني اتكلب مااكدر انام صوجي اني شكو انام للظهر ضليت هسة جني مطي يفر بأذاناته نفتحت الباب مالت الغرفه فزيت مخترعه عزه بسلا كرم كبل سحبت الشال ماشوف من ضلمه
الحجيه: ها شكو لافي عليه اليوم هيج حنيت اليه لو گلبك علمك مريتك هنا
يمان لا اشتاقيتلج حجيتي شنو ماتنيميني يمج
الحجية: دمشي وين انيمك روح يم مريتك احسلك لو يمه تعالو هنا نامو مكاني واني بالكاع
زهرة: وعليمن يمه يروح لغرفته ينام شكو جاي هنا
يمان: اريد انام يم ابني
زهرة: اخذه وروح
يمان: لا انام يمكم احسن
الحجية: مو تحسبوه طرده بس لو صاعدين بغرفتكم تتفاهمون احسن الكم
يمان :لا حجية متفاهمين احنه مانحتاج نامي انتي
الحجية: تعال صعد يوسف يمي ونام بمكانه اني كلت لمرتك نامو يمي بس هي تكلي ادفر
يمان: اي يمه هواي ادفر واني متحمل وساكت
زهرة: شوف الجذب حتى اني صدكت
دار عليه خزرني بابتسامه وشال يوسف وداه يم حجيه اني دفعت فراش يوسف وخليت مسافه شيء نص متى ورجعت شمرت حجاب وتمددت هو اجه دفع الفراش ولزكه ويه فراشي وتمدد جر بطانيتي يريد يتغطه
زهرة: ترة اكو بطانية ثانية الا هاي
يمان اي وشنو عجبتني هاي
زهرة: انت مو تريد تحظن ابنك وتنام متروح يمه شكو جاي هنا
يمان: كيفي انام بالمكان الي يعجبني
زهرة :سكتت عنه حجي ضايع وياه يحجي بغرور وانفه غمضت عيوني ونمت هو كام نزع ملابسه وظل بالشورت جر بطانية ودفعني وياه جعصني جعص صرنا اثنينه على فراش واحد وهو رفيع واني مخليه فراشي لزك ويه طرف الجرباية
زهرة :خير سالمين شكو فراشي هذا
يمان: اش صوتج لاتكعد الحجيه شيخلصنه من لسانه
زهرة :ارجع لمكانك لاتخليني اصيح
بعدين شكو نزعت ملابسك ماتستحي
يمان: منين استحي الحجية امي الثانية وانتي مرتي
زهرة: اشو ماجنت تنزع قبل هيج شبيك اليوم كلما شفتني ونزعت
يمان :هههه عاجبني اراويج عضلاتي حلوات مو عجبنج
زهرة :ايعع يلعبن نفس مااحب العضلات اني
يمان: دسكتي ماعندج ذوق
زهرة: رجع دفعني خنكني خنك مكان ضيك ماارتاح بيه مو مال واحد ينام _لادفع اريد انام شلون خنكتني ادنه
يمان :نامي هيج
زهرة: سكتت عنه وهو هم سكت شويه ايدة الي حاضن خصري بيه رفعه وراح سحب موبايلة مدري شسوه ورجع اسوء من قبل دفعته ومانرد خل ايده على تعلاكة الفانيلة يلعب بية ساعه ينزله وساعه يصعده بلة هسة شلون يخلي الواحد ينطمر شويه تقرب وكام يبوس بركبتي وبداية صدري ويحك بلحيته بيه دفعته _لاتتجاوز حدودك وخر
يمان: شبيج انانية خليني براحتي
زهرة :اي انانية يلة روح وخر
يمان: مو كيفج حلالي وبكيفي صيري خوش مرة لاتتحاسبين باجر عكبة
الحجية: اكول يمه لو تاخذه لغرفتك احسن الكم لاتفضحونه هنا
يمان: الله وايدج اذا قنعتي ام راس يابس اني اكيف
الحجية: كومي يمه وية رجلج وخلي يوسف يمي لايفز اذا اخذتوه
زهرة: والله ولا اكوم ولااروح المن جاية هنا اني خو اروح لغرفتي بس لو تموت ماجي اله ولااحجي وياك
نصيت صوتي وحجيت _ولاتسوي هالسوالف مراح تغير رأي
هو سكت وشوية هدأ وصار حباب بس مر وقت رجع ماادري شبيه متخبل قبل مايسافر ماجان ينام يمي اصلا وهسة لاطش ويتحارش معقولة يريد يغطي سالفة ضربة ويقنعني والله حرت وياه ولااعرفه شيريد كامت ايده تتجرأ على جسمي ورجع يبوس بوجهي وشفايفي بوسات متفرقه بس اني ابد مانطيته مجال ولاخليته يتهنى مرافس وياه وهو كلسا يعيط بيه بالهمس حتى اثبت واني راسي والف سيف العناد ثم العناد لو تموت ماخليك تتقربلي
الحجية :وتالي وياكم اريد انام ماتنطمرون وانت ولك يمان شكو لاطش للبت ماتريد كوه هي
يمان: هاي بدال ماتعقليه يمه تحجين عليه
الحجية: جا حقه قبل كم يوم ضاربه تريده هسة منيلك هالكلاوات صالحه وعود سوي الي تريده
يمان: متصالحين ماكو بينه خلاف احنه
نامي حجية يوم نومج خفيف وياي قبل لو اصيح وينشحط بلعومي ماتكعدين
الحجية: جا شعليه غير افز من صوتكم ومرافسكم دور انت واحد سرسري دنيا ضلمه ومستلم البت
يمان: من وراج حجية مخليتني بس اتلمس بدون شوف
