السلام عليكم وأهلا بكم ببارتنا الجديد قراءة ممتعه
ياسمين : جنت راجعه من الدوام اجه عليه احمد يوصلني للبيت والبنات بعدهن هالايام زهرة ترجع ويه صديقته مشتريه سيارة وتوصله هي وبتول فاحمد جابني وحدي صعدت وره وهو مثل عادته كام يغرد
احمد: انتي اذا ماتخليني اغرد ماترتاحين
ياسمين: وعليمن تغرد عيني
احمد: على حظي الزفت هو يايوم كعد لاقبل ولاهسة
ياسمين: جاالطم عليه هم
احمد: الطم الطم شوراي تنهد وكال اي شلونج
ياسمين: الحمد لله بخير
احمد: دوم اني هم زين اكلج ياسمين شتكولين لو نعقد بالصحن مو احسن من البيت
ياسمين :ياعقد
احمد: عقدنه
ياسمين: احمد انت حالف تشوطني عقديش مو رفضت اني بعد شكو تزعجني وتلح
احمد :والله رفضج ما يمشي يمي وبعدين كتلج جهزي للعرس موتكولين بعدين ماالحك
ياسمين: لاتشحرجني وتشوطني كتلك يبن الناس ماموافقه ماموافقه شسويلك بعد حتى تفهم الطم
احمد :وكتلج موبكيفج ونصي صوتج منا الشارع عبالهم متهجم عليج واحنه وياج مكضيه يابسه بس ملاطم
ياسمين: وعليمن نتلاطم على كولتك مانتحاجه احسن النه وحتى سلام مابينه
احمد: هو احنه نريد نطور الامور ادور نخربه اكثر لابوية بقينه على ملاطمنه والعرايك اكرم النه
ياسمين: متمشي سريع طولت الطريق
احمد :والله هذه سياقتي اخاف على روحي وراي زواج مومثلج
ياسمين :استغفر الله وصلني للبيت وراح اول مادخلت لكيت امي سلمت عليه وصعدت ابدل ونزلت امي وعمتي يبسبسن ويتفقن جنهن على روحه ويكتبن النواقص مافهمت شيء منهن شجاي تسون
ام مرتضى: مانسوي بس نخطط
ياسمين: المن
ام مرتضى :لمناسبة عدنه
ياسمين: خير بسلا جوري راح تعرس
ام مرتضى: لا بس وحده راح تعقد منجن
ياسمين :اجت بالي زهرة معقولة يمان خاطبه وراح تعقد بس هو ضاج من اعترفتله يجوز هو جدي وماحب اعترافه وحب يخطبه بعد صفنه تمخمخ كلتلهن: منو زهرة
ازهار :لا وين بعده زغيرونه بس امج تقصدج
ياسمين: خير ياطير شتقصدن
ازهار: احمد خطبج من ابوج وابوج انطاج اله وكله الجمعه العقد
ياسمين :جنت اكل ومن كالت هيج وكع الاكل من حلكي من الصدمه شنو شنو شنو اشو بكيفكم تقررون شو محد اخذ رأي بالموضوع ولاجني المخطوبه
ام مرتضى: ابوج مانطانه مجال كال تكولوله تحضر نفسه الجمعه العقد والخميس يجيبون المهر وبس ماحجه ولاكال اخذو رأيه هو حتى مني ماسمع كبل قرر
ياسمين: شنو بكيفكم هي مااقبل اني شعدي بعدني صغيرة ليش اخذ واحد ارمل عنده ٣ جهال اخاف بايرة وماادري
ازهار: وشبيه احمد خوش رجال واذاارمل وحظه ماكعد بالاولى ان شاء الله يكعد يمج
ياسمين: لايكعد ولايوكف زواج مااتزوج ومحد يجبرني على شيء خلوه بالكم وصلو كلامي لابويه ماانجبر على شيء واحمد مااريده وسدو الموضوع وكان الله يحب المحسنين
ام مرتضى: شبيج كبيتي دفهمي الموضوع بالاول بعدين ابوج مانطه مجال للتفاهم روحي انتي تصافي وياه مالي علاقه اني كلي حضري اغراض المهر والعقد واني جاي احضر
ياسمين: لاتشوطوني وتخلوني اكمز مااريد مااريد اتزوج مااريد عمي مااريد احمد شني كوه خو موكوه
ازهار: كافي دلع ياسمين نطيناج مجال هواي الي بكدج عدهن ولد بطولهن وانتي لسة بايرة هنا ابوج قرر وكال وعليج تنفذين وبس وانتي ساكته وهو شاف احمد مناسب الج والولد بنفسة اليوم رايح وخاطبج من ابوج الصبح وكايلة شتطلب اني حاظر
ياسمين :مااريده ماانجبر على شيء اني مااريده اني اعلمه ساس البلة هذه شيريد مني مو اخذ صديقتي بعد شكو لازك اليه والله اليوم اموته والله ركضت للغرفة مالت امي وسحلت منه حجاب وجواريب وعباية وركض للشارع رادن يلزمني ماكدرن لحكتني زهرة واني مااشوف دربي كل البالي هسة احمد اريد اشرب من دمه ولو اشوفه كدامي موته على ايدي فلشت باب بيتهم وطلعتلي بتول بس من شفت احمد نشعلت نيران الغضب بيه وبدي اذبحه هجمت عليه على بوكسات راجديات دفرات على عظ حتى شعره كطعته بيدي وهو عافني جنه يريد افرغ غضبي كله بيه ويدري بالسالفة كله فقدت عليه لحد مارفعني من خصري ودخلني للستقبال مالتهم
:وخر عني نزلني وخر
احمد: نزلناج يابة لاتتحركين جاي
راح شويه واجه ودور راح جابلي كلاص مي
احمد: هاج شربي
ياسمين :مااريد
احمد: بويه شربي وجهج احمر وتلاهثين بالنفس شربي ماحاطلج سم تره احبج مااسويه حتى لو ضربتيني
ياسمين: اخذت المي وصكيته كله
احمد :شبيج جنج ارنب يكمز جايتني ركض وهاده عليه خير
ياسمين: تسوي روحك متعرف مو
احمد: لامااعرف شبيج
ياسمين: انت اليوم شكلت لابويه بحيث يجبرني اتزوجك
احمد :سر المهنه
ياسمين: احمد لاتستفزني احجي كلشي
احمد: اهوو مامستفزج بويه كتله خالي احب بنتك وشيبتني بحبه واريده وهي مطنكره وقافلة مااريدك فانصفني انت كالي روح اللك هي وشحده تحجي
ياسمين: تستهزء حضرتك
احمد :بويه شبيج ياساعه استفزج ياساعة استهزء من صدك مفوله عليه
ياسمين: شحجيت وياه فهمني
احمد: كتلج الي حجيته
ياسمين: احلف كتله هيج
احمد: وليش الحلفان بعدين شلج علاقه بالحجي المهم النتيجه والجمعه ان شاء الله انتي مرتي
ياسمين: باحلامك
احمد: احلامي هواي مااريد اسولفلج عنهن تخترعين بس بعد الزواج احجيلج عنهن
ياسمين :احمد من الاخير شرايد
احمد: رايدج يبنت خالي
ياسمين :واني مااريدك مااحبك لاتجبرني
احمد: والله يبنت خالي مستعد ابصملج بالعشرة على انو انتي تحبيني وهاويتني بس هذه عناد ودماغج متحجر يمي
ياسمين: لا موعناد من صدك احجي مانتوالم انت زوج صديقتي مانتوالم
احمد: شجلبتي بصديقتج النعل مرة ميته لاتخليني احجي استغفر الله
ياسمين: انت موجنت تحبه شغيرك
احمد: متوهم بحبه جذب مو حب جان انجذاب ونطفه بعد الزواج بسبب اسلوبه
ياسمين :بس هي تحبك وتغار عليك
احمد :لاماتحبني بس تحب فلوسي وبس
ياسمين: شتحجي انت علي صوتك مااسمع
احمد: ارنب يكمز وتاليهه وياج شلون تصفه عمي جنتي صوتج ماينسمع اشو هسة صوتج يوصل لراس الشارع
ياسمين: لاتغير الموضوع
احمد: ياموضوع اني كل تفكيري دايخ بشكلك ياكميل حلو من تتعصب جنج فراولة تصيرين مال كرط
ياسمين :احممممد
احمد: روحه وكلبه وعقله
ياسمين :مامنك فايده عفته وطلعت لكيت زهرة تثرد يمهم ولاهامه كعدت اتانيه تخلص واحمد كعد كدامي ياكل ويدز بوسات صدك هذه مستخف كلش مجان هيج جريء كملو ووصلنه للبيت وصعدت سبحت اطفي النار الي بيه ومددت حتى انام رن موبايلي دلالة على مسج وصل جان عبارة عن شعر من احمد
