#مساء الخير#
"رغم كسىت قلبي احببتك "
زهرة: نزلت جوه كعدت بالصالة ويه نسوان مشه وقت عادي كلمن تسولف ويه وحده متت جوع كلت لامل اخذتني للمطبخ اكل جان عمي مسوي برياني لحم صبتلي وكعدت اكل وهي تسولف على مخططات العرس واني مغلسه للان اني علاقتي بيه سطحيه ومارجعت مثل قبل كملت وغسلت ماعيني ورجعنه للصالة شوية وبدت الاقارب تنسحب عماتي وعمي راحو اشرت لعمتي حتى نروح تعبت وعمتي كالت اي وكعدت تكمل سوالف ضليت كاعده واهز برجلي ندك باب صالة كامت امل شافته ورجعت
امل: ابوية وعمي والولد يردون يجون هنا يمه
ام حسين: اي صيحيلهم هلا بيهم
زهرة: اوكفي خل اكوم البس عباتي
الحجية: عليمن يمه ماكو واحد غريب اخوج وحموينج واولاد عمج ضلي كاعده فستانج مستور
ام مرتضى: اي يمه ضلي ملابسج مابيه شيء
زهرة :كعدت بمكاني دخلو وسلمو وكعدو اجت امل كعدت يمي وبصفه الحجيه وجنه كعدين بطرف قنفه واكو مكان واحد يمي وهم من اجو نجعصنه لان قنفات قليله وعدد هواي
امل :مكان مايكفي ادني ولج جعصتني بيبي
زهرة: تعاي هسة شوية ونروح احنه
امل :ماتضلون للعشى نتونس سوه
زهرة: لا مااتصور واني تعبت باجر وراي دوام
امل: فديوم تعاي عدنه ورة دوام وباتي يمي
زهرة: مااتصور ابوية يقبل
امل: ليش شنو غربة قابل
زهرة :ماادري بس اني ويمان مخطوبين تعرفين الاهل بعدين اخوج يريد عرس بعد شهر راح اكابلج بعد
امل :اي اكلج منين توصين بدلاتج اني كلت ليمان يجيبلي من دبي
زهرة: اي شيء يمعوده مهم تعجبني مو مهم مكان
سكتنه نستمع لسوالف العيلة وحجيهم على زواج ومخططات وصلو حتى لشهر العسل وين نروح هو منو كال اروح ويه ابنكم والله يالله كطع كلامهم دخول يمان للصاله هو وكرم سلمو واجو يكعدون جان بس مكان يمي ويم حجيه تقدم يمان كعد يمي بمسافة شبر بينه وكرم يم حجيه بس تضايقو كلش بالكعده حجت امل
امل: زهرة ادني فدوه اختنكت
زهرة :ماكو مكان خل نصعد فوك بغرفتج
امل :لا فشلة كاعدين كلنه ادني
زهرة :ادنيت شويه دور ردت
امل :ادني ولج جعصوني حتى كرم كاعد تك رجل
زهرة: ماكو مكان ولج وين اكعد شوية واكعد بحضن يمان شسالفه تحملي
امل: بعد اكو مجال اشوف اني
زهرة: دنيت عنه شوية وهي ذبت روحه عليه خنكتني اعرفه تتقصد تسوي هيج طحتله تكرص وهي تضحك يمان شوية ادنه وسحبني من ايدي عليه صار مجال لامل كعدت بس صرت لازكه بيه لزك تكول علج هو جان يكلب بالتلفون مالته ويكتب مبين شغل دور دخل للانستا يكلب بيه واني وياه اباوع مدري وين شمرت تلفوني ضليت اباوع وياه وهو يكلب سريع لو الحك لو ماالحك رفعنه روسنه من حجه ابوه
محسن :شوكت تعقد محكمه
يمان: فد يومين ونروح عندي شغل هسة بضاعه ومااكدر اروح هاليومين منتظر استلام
محسن: استعجل مو تريد عرس ورة شهر لازم تخلص امورك من وكت
يمان: ان شاء الله
زهرة: رجع للتلفون واني وياه شوية وحجه بصوت ناصي
يمان: وين حلقتج
زهرة: نزعته
يمان: ليش نزعتيه
زهرة: من نزعت ذهب نزعته
يمان: ماكتلج شوكت كتلج ليش نازعته
زهرة: نسيته لبالي محبس ونزعته مامتعوده
يمان: اتعودي دور
زهرة: ضجت من اسلوبه جان يحجي بضوجه تكول مان منية عليه كمت من يمه واشرت لامل صعدت نزلت غراضي وكلت لاهلي نروح تعبت وصدك طلعنه
وصلنه مرتضى للبيت رجعت سبحت ونمت جفي كعدت لكيت امل وبتول وضحى ونور مسويات مباركات اليه بالستوريات وناشرات نشرت منشور اني وعدت نشرهن بس ماسويتله اي تاك وطفيت جهاز ونمت كعدت للدوام داومت وجمانه جانت زعلانه بس تصالحنه ورة يومين وعربون صلح طلعنه زمنية للمطعم نتريك دخلنه للمطعم وكاعدين طلبنه الاكل ولسة مااجه دك تلفون عليه جان يمان
رديت عليه وهو عاط
يمان: وين انتي
زهرة: شنو شبيك ليش تصيح
يمان :انتي وين زهرة
زهرة :اني بالشغل
يمان: اني بالمستشفى صارلي ساعه ادور عليج ومن اجي للمسؤول يكلي ماخذه زمنية وينج انتي
زهرة: وية صديقاتي نتريك
يمان :دزيلي اسم مطعم ونتحاسب بعدين
زهرة: على شنو نتحاسب
ماسمع مني وطبك فون دزيت الاسم ورحت للحمامات مااعرف شسوي فوك حظي زفت يوم مامخليه مكياج اخذت مكياج صديقتي ورتبت وجهي حمرته جانت حمرة خليت منه شوية صارت كلش حلوه رجعت للطاوله وصل الاكل واني لغيت طلبي ربع ساعه ودك عليه _طلعي اني يم باب مطعم
زهرة: اخذت اغراضي وطلعت ركبت سياره يمه بالصدر سلمت ومارد شكله عصبي مبين شوية مشينه وكفنه بكورنيش شط وكف سيارة وحجه
يمان: انتي مو متزوجه مو عاقده شنو طلعين بدون ماتكولين اليه
زهرة: اني استأذنت من ابوية وهو وافق بعد شنو
يمان :وابوج شلي علاقة بيه منو رجلج اني الي تخابرين وتستأذنين منه انتي هسة مرتي حرام حتى طلعاتج بدون علمي
زهرة: اني لسة بيت ابوية من اصير يمك عود حاسبني هسة بس ابوية مسؤول
يمان :استغفر الله ترديني ااذيج لاتجادلين
زهرة: ترة حجي صدك واني
يمان بعياط :كافي عاد كلت حجاية نفذيه وانتي ساكته لاتلحين
زهرة: لاتصيح عليه
يمان :احترمي نفسج حتى مااصيح
زهرة: رجعني للمستشفى تأخرت
يمان ماكو طلبتلج اجازه
زهرة: جا رجعني للبيت
يمان: ليش منو كلج خلصنه
زهرة: شعندك بعد شتريد
يمان: مكياج هذا بوجهج شنو
زهرة :مامخلية خفيف
يمان: خفيف وهاي حمرتج تجيب التايهه
مسحيه بسرعه
زهرة :ماامسحه بكيفي لاتتأمر عليه
كلت هيج وهو احتدت نظراته سحبني بقوه عليه وسحب كلينكس مسحه بيه بس بقوه موتني تموت من الالم كمت ادفع بيه وهو جبل مايهزك ريح ماتحرك لحد ماكمل ودفعني عنه بقوه شطت من تصرفه تكول جاي يشمر زبالة كدامه عطت بصوت عالي _انت شنو هذا اسلوبك منو سمحلك تدخل بحياتي كيفي حرة شلبس شحط اخر مرة تتجاوز حدك وياي
يمان: نصي صوتج لااكفخج على حلكج ادخل وبمزاجي تمشين لاتنسين انتي مرتي
زهرة: ساعة السوده الي صرت بيه مرتك كتلك مانتفاهم وانت مصر
يمان: ليش شنو ماتفاهمنه اذا تقصدين على لبس ومكياج فأني مو مكرن اخلي مرتي تستعرض بجماله كدام العالم غصبا عنج تسمعين كلامي اذا ابوج هادلج الحبل اني لا اختلف
زهرة :لاتحجي على ابوية اني مترباية احسن منك
يمان: واضح من مكياجج على عموم سدي موضوع بديت اتنرفز
زهرة: رجعني للبيت
يمان: مانرجع رايحين نعقد محكمه
زهرة: واني مااريد اعقد رجعني
يمان :يطبج طوب ضلي بدون عقد محكمه طول عمرج
زهرة: مو فصليه ماخذني اني حتى زواج مااتزوجك بعد وراح افسخ العقد ماطول على البر بعدنه
يمان :جربي تسوين هيج وشوفي شراح اسوي بيج اخلي اهلج بنفسهم يجون ويشمروج عليه لاتنسين كل يوم بسفرتنه للمزرعه مصورة اذا اراويه لابوج واخوج شراح يكون ردة فعلهم
زهرة: انت منو انت منو مو يمان الي اعرفه ليش تغيرت ليش هيج تسوي
يمان :ابني ولوعتي عليه غيرتني وهسة امشي نكمل صخام العقد لان ضجت
زهرة: ضليت باهته بوجه وهو حرك سيارة ومشه وصلنه للمحكمه ودخل عقدلنه جان مرتب اموره وبسرعه مشت اجراءات العقد والتحليل مااعرف شلون جاب مستمسكاتي يمكن مر على بيت مهم خلصنه وطلعنه وصلني للبيت وراح رحت لغرفتي نمت كعدت المغرب صليت وسويت عشى ويه ضحى وكلبت بتلفوني ماكو لامخابرات منه ولاشيء
ازهار: باجر ان شاء الله نبلش بطلعات النيشان
ام مرتضى: اي يمه مانلحك بعد
زهرة :بكيفكم بس اني دوام عندي
ازهار :من ترجعين نطلع
زهرة :ان شاء الله كمت من يمهن يم ضحى الي هالفترة وضعه متخربط من يكون مرتضى هنا تشوفه فرحانه وتعتني بنفسه ومن يروح تدخل بضوجه واكتأب وصارله يومين متخربطه تقيأ واسهال
مرتضى اجه ودك باب وضحى مو مثل عادته مالابسه لبس خاص اله جانت بتراك بيت عادي ومدده على تخم جانت مصخنه شويه اجه مرتضى وسلم علينه وعيونه عليه وهي مامهتمه اله هالمره
مرتضى يوم صبولي عشى
ام مرتضى: بعيوني يوم كومي زهورة صبي لاخوج مرته متخربطه
مرتضى: شبيه ضحى
ام مرتضى: يمكن مستبرده مصخنه وتتقيأ وبطنه اسهال
مرتضى: كعدنه اخذه للمستشفى خو ماتضل هيج
ازهار :اي والله اخذه صارله ٣ ايام هيج لايصير بيه جفاف
ام مرتضى: تعشى وروح وليدي
مرتضى: اي حضرنه
زهرة: صبيتله الاكل ورجعت للصاله واخذت ضحى ساعدته تبدل جانت بالكوه واكفه وحضرت روحي وياه لان اني اروح وباه ودانه مرتضى وصلنه للطوارئ وشرحت الحاله الهم وهم شكلوله مغذيات وابر ودزو تحاليل شويه واجت دكتورة تفحصه وتقرة تحاليل كالت _مابيه شيء مريضتكم بس هذه اعراض حمل مريضتكم حامل صارله شهر ونص وطبيعي الي يصير وياه اخذوه اخصائية تابع حمل اله
زهرة :نصدمت من الي كالته وباوعت لمرتضى الي عيونه دمعن من كالت حامل
مرتضى: متأكده دكتورة حامل هي
دكتوره اي عيني متأكده
مرتضى: الف الحمد لله والشكر الف الحمد لله توقعت راح تضل حصرة بصدري هالخبر الحمد لله ياربي الحمد لله
زهرة :مرتضى كام يبجي من فرحته وعافنه وطلع ماادري وين اني ضليت مصدومه حاجيت ضحى _شوكت تممتو زواج شوكت لحكتو تخلفون طفل شهالتغيرات بدون علمي
ضحى: سكتي ولج بعدين احجيلج
زهرة: اي بس بالتفصيل اريد
شوية واجه مرتضى طلعونه ورجعنه للبيت نزله هو على كيفه ودخل بيت يبوس براسه من فرحته
ازهار :خير يمه شكالولكم
مرتضى: يمه راح اصير اب يمه راح تشوفين احفادج
ام مرتضى: صدك تحجي يوم ولك مرتضى صدك تحجي
مرتضى: اي والله اني نفسي مجاي اصدك
ام مرتضى: الف الحمد لله الف الحمد لله كللووووش ياربي ماخيبت ضني
ازهار :الف الحمد لله مبروك حبيبي ربي يحفظه ويجي بالسلامه
ام مرتضى: امين يارب تعاي يمه كعدي لاتعبين من وكفه دور نزلي جوه نامي ماتصعدين درج
ازهار: اي نزلي يمه اني اصعد يم زهرة وانتم جوه عما تجيبين
ام مرتضى: ولك مرتضى لاتحجي كدام ايناس لاتروح تسويله سالفه للفرخ
مرتضى: لايمه ايناس ماتسوي هيج شيء اعرفه
ام مرتضى: هسة اسمع كلامي ولاتناقش يايمه وخلو الحمل هالفتره سر عما يثبت الطفل
ازهار :حجي امك صح مرتضى طفل بعده ماثابت خل تمر هالفترة على خير
ام مرتضى: وباجر احجزله لدكتورة تجيك وضعه ان شاء الله
زهرة :عفتهم وصعدت مددت فوك نمت تعبانه حيل يوم كعدت ثاني يوم للدوام ورجعت عمتي متحضرة حتى نروح نشتري نيشان اني وياه ضحى وامي راحن للطبيب تغديت بملابسي وطلعنه اجرنه تكسي للمول شتريت غراض طلعه وبيت بس قليل لان ماعجبني رجعنه للبيت سويت عشى واجتمعنه على سفرة ناكل ابوية حجه
حسن :محسن جمعه يريد نجتمع بالمزرعه مالته شتكولون ترحون تغيرون جو
ام مرتضى: خوش فكره بس خل ناخذ شيء ويانه فشلة اخوك دوم متكلف
حسن اني هم فكرت وقررت اخذ عشر سمجات يادوب تكفي نشويهن هناك على حطب ونسويه بثواب اهلنه
ازهار: خوش تسوي خويه واني اشاركك بسعرهن
حسن: لاخويه شعندج انتي كل راتب الارامل قليل
ازهار :لا والله مااصرف اني وهم اريد اشاركك بالثواب
حسن :براحتج هسة كلكم ترحون حتى اكول لمحسن
زهرة: اني مالي خلك انتظر الجمعه بفارغ صبر تعبانه اريد انام وارتاح
ام مرتضى: عيب يمه هذيج مرة مارحتي وهسة هم فشله من عمج ومرته
ازهار: اي ماما يحجون عليج وبعدين رجلج هناك غير ترحين تشوفيه
زهرة: والله تعبانه
ام مرتضى: قابل راح يشغلوج هناك
امشي واسكتي
زهرة: عفتهم وكمت للمطبخ ضايجه لحكتني ضحى
ضحى: خيرج شبيج ضايجه
زهرة: مااريد اروح وهم يجبروني
ضحى :ليش تونسي ولج شبيج عقده
زهرة :مااريد اشوف يمان صارله ٣ ايام لاخابر لاسأل وفوكاه متعارك وياي ومرزلني يعني مفروض اني ازعل
ضحى: ماطول هيج روحي بعناده ولبسيه هناك لاتحجين وياه ولاتباوعيله
زهرة: ما ما مااريد اوف
عفته وصعدت انام فزيت صبح على صوت عمتي تكعدني حتى نبدل ونروح فتحت عيوني ساعه ب١٠ ادري هو غده لو ريوك شعدكم كمت سبحت وطلعت مشطت شعري ضفيرة وبدلت ملابسي بنطرون وقميص بنفسجي وشال بنفسجي بجياده خليت مكياج شويه بارز ولبست حذاء رياضي وعباتي وطلعت اهلي خلصو بس مشكله سيارة ماتكفي ضلينه حايرين خابرنه احمد وسيارته هم متكفي جان ماخذه امه وياسمين وخواته كبل حجيت
زهرة: خل ارجع اني
ام مرتضى: اسكتي حتى لو ترجعين ماتكفي اكلك حسن اجر تكسي النه
حسن اي راح ااجر تعالي وياي انتي وازهار: وبنات ويه مرتضى
زهرة :ركبنه ويه مرتضى وطلعنه كدامهم وصلنه بعد نص ساعه من كثر الازدحامات للمزرعه اذكرت من خطفني يمان وجابني هنا نزلنه يم مزرعت عمي باوعت لمزرعت يمان يشتغل بيه الفلاح نفسه الي يجيب النه اكل نزلنه ودخلنه لبيت عمي جان بيتهم حلو طابقين وراقي مبين مبني جديد لكيناهم بالصاله وبلشت مرحلت البوس والتسلم متت حرفيا كعدت يم امل الي شايله ابن يمان انطتنيا وكامت جابت ضيافه النه واني مااعرف شسويله بس اهز برجلي على رغم الطفل ساكت وصافن بوجهي جانت ملابسه مبهذله ومبين ستوه كاعد وماكل حلكه وصخ حيل نقهرت عليه صحت لامل _اكلج وين ملابسه خل ابدله ليش هيج عايفته
امل: والله مالحكت يادوب بس وكلته سريلاك حتى لسه مارضع التهيت بتعزيل بيت جان وصخ صعدي فوك تلكين غرفه على ايدج يسره اول وحده بيه جنطه مالت ملابسه وحليبه وغيراته
زهرة :خوش اخذته وصعدت دخلت للغرفه وخليته على جرباية جان جو زين وسط لاهو بارد ولا هو حار اخذته للحمام سبحته بمي فاتر مكعدته بالمغسله واسبحه همزين جايبه وياه غراض سبح وطلعته بالبرنص خليته على ملحف الي مخليته على جرباية نشفته سريع ولبسته حفاضته طلعتله ملابس حلوه جانو بجامه بيضه وفانيله وعليه سترة كابوي حلوه بيه نقش ميكي نظفتله اذاناته بالكطن تعبني هالفرخ عفته على جربايته وغسلت وذبيت زبل ووكفت اسوي اله ممه نفتح باب بسرعه جان يمان بيده تلفون يخابر باوعلي مستغرب ومشه للجرار يطلع اوراق طلعنه ويرد بالارقام واني عفته وكملت الممه جبته ليوسف وشلته خليته بحضني ارضع بيه هو كمل وكعد يمنه على جربايه ضليت مدنكه على يوسف
يمان: مسبحته ؟شعره مبلل
زهرة: اي سبحته ريحته جانت مو طيبه
يمان :دوم ملتهين عنه ومااكدر الوم احد صارت راحته حسرة بگلبي
زهرة :سكتت عنه ويوسف كمل رضاعه لبسته جواريب وكلاو لايستبرد وغسلت مميه ونزلت اني وياه جوه شايلته اجيت كعدت يم امل
امل :هاي شنو يوسف ماعرفتك صاير حلو
زهرة :هو حلو من كاعه بس تنسيقاتج مرعبله مخربه جماله
امل: عابت جامليني على الاقل
روان: لاتنبهرين امل بس بالبداية حتى تقنعكم وتضحك على يمان و بعدين تشمره للزبل حتى تخلص منه نسوان الاب مايرحمن
زهرة: انتبهي لكلامج روان هذه انتي مو اني
روان :لا شايفه بعيني عدنه حيه بالبيت وانتم امل بروك عليكم حية صغيرة
امل :عيب عليج هيج تحجين روان لاتتجاوزين حدودج
زهرة: ضجت من كلامه عفته وكمت اني ويوسف للحديقه كعدنه نتمرجع اني وياه بالمرجيحه وهو بده يغفي شكد هادئ يوسف ماشفت مثله ابد ساكت نادرا مايبجي الا اذا جاع او موجوع حتى نومته بسرعه ينام طلع كرم برة يدخن شافنه اجه يمنه كعد على مرجيحه
كرم :ها شو هنا كاعدين
زهرة: نشرد من ناس وحجيهم
كرم: لاتهتمين للناس تحجي وتسكت بعدين
زهرة :حجي مؤذي ينخر بداخلك مثل سم
كرم :عبري مرات من حقدهم او غيرتهم هيج يسون
زهرة :اوف ماعرف شلونك انت
كرم :زين الحمد لله هاي نام يوسف
زهرة :اي داخ من مرجيحه
كرم: محظوظ بيج يوسف واتوقع راح يحبج اضعاف حبه ليمان
زهرة: بعده طفل شمدريك
كرم: اعرف طفل اذا ارتاح لحضن واذا ماارتاح شيسوي والزمن يثبتلج
زهرة: ان شاء الله
اجت امل جايبه فراشات نفرشه بالحديقه حتى نتغدا طلعو ولد كلهم يتساعدون وفرشو فراش طويل وسفره جابو سمج حطو وبرياني لحم ببلامه خلوهن ودولمه ومقبلات كعدو واني اجيت اكعد خلني يم يمان جبت يوسف ونيمته يمي وكعدت جان اكلنه مشترك بلم تمن وسمجه نص ودولمه اكلت دولمه لان احبه ومرت عمي دولمته دمار تخبل جنت اكره سمج لان مااحب افلسه ومااعرف
يمان :اكلي سمج تمن كافي دولمه
زهرة :مااحب افلس بعدين دولمه طيبه احبه
يمان كام يسوي لفات صغار سمج وينطيني واني اكل وجانو يسولفون ملتهين كملنه غده وغسلنه ماعين ويه بنات وسوينه جاي وقدمنا للعصر طلعنه بالحديقه نفتر اخذونه يمان وكرم والبنات كلنه نفتر ورحنه لبستان يمان جنت شايله يوسف بيدي اجه الفلاح هو مرته يسلمون على يمان شافتني مرت الفلاح وتذكرتني
مرت الفلاح: شلونج خيه شخبارج
زهرة: الحمد لله انتي شلونج جهال شلونهم
مرت الفلاح :يبوسون ايدج الحمد لله بخير هذا الفريخ ابنج
يمان: اي ابنه سويت الي كتلك عليه
الفلاح: اي استاذ سويت كلشي تريد تشوفهم
يمان :مايحتاج وراك
مرت الفلاح: والله وحشك عليك استاذ انت ومرتك تعالو تونسو هنا واخدمكم بعيوني تعودنه عليكم
يمان: ان شاء الله
روان: هاي منين تعرفكم وشنو تكول الكم تعالو مثل قبل
يمان :امشو اراويكم الاحصنه
امل :بصوت ناصي منين تعرفكم هاي
زهرة: اش صوتج غير اخوج جان خاطفني هنا وهي تسويلنه اكل لباله مرته
امل: اكول تحجي مال وحده معرفه قديمه
زهرة :رحنه للاحصنه شفناهن وللماي ورجعنه ش وية واهلي كالو يلة نمشي ابوية راد يأجر تكسي ويمان ماقبل اخذني اني وماما ازهار وياه وصلنه للبيت ورجع استمرت حياتي ركض ركض بهالشهر اظاوم وارجع اجهز للعرس ادمرت ادمر كملت جهازي وبقالي بس بدلات العرس طلعت اني وماما ازهار وامي وامل الي قنعته تجي وياي حتى تختار واخذنه مرتضى ضلينه نفتر من محل لمحل وماكو شيء حلو متت رجليه ماتن ومنا جنت بالدوام صرت عصبيه حيل وطنكرت الا ارجع مااريد بدله رجعنه بالطريق وامل دك تلفونه تخابر واني اتجادل ويه امي
ام مرتضى: هي كله بدلة ليوم واحد اخذي اي وحده
زهرة: مو حلوات جاهو بس اسم بدلة فصال قديم حيل مااريد
ازهار :ولج عرس بعدله اسبوع وهاي محلاتنه منين نجيبلج
زهرة :ما معليه مااريد هالبدلات مااتزوج ولاالبس بدلة منهن
امل :حجت هدي حبي يجوز لان تعبانه ماعجبنج باجر هم روحي افتري على محلات الباقيات ان شاء الله تحصلين
زهرة: ان شاء الله رجعنه للبيت ونمت من تعب بدون اكل ثاني يوم رجعت من دوام وهم افترينه وماكو ردت اركع راسي بالسيارة كد ماتنرفزت ليش مجاي احصل الي اريده رجعنه وامي شاطت وترزل بيه حيل تعبت رحت مددت بغرفتي ندز مسج لتلفوني
يمان: اذا تردين بدله حلوه تقبلين اجيبلج على ذوقي ؟
زهرة: كبل دزيتله من وين تجيب ماكو مكان: مادورته هنا
يمان: من دبي
زهرة: تلحك عرس بعدله ٥ ايام
يمان: صديقي هناك وهو يجي لعرسي هو يجيبه اليه بس كون توثقين بذوقي حتى اجيبلج
زهرة: اي جيبلي موافقه تعبت من فرة
يمان: مو تكولين ماعجبتني بعدين
زهرة: لا انت ذوقك حلو جيب
مو تنسه طرحه
يمان :تدللين
زهرة: نهيت محادثه وبلغت اهلي يمان يجيب البيضه رحت اجرت الوان وياه ٢ وحده حمرة وحده خضرة وثاني يوم رحت للمركز التجميل حفافه وتقشير جسم ووجه وتعديل وترتيب حتى اظافري ماصبغت شعري بس سويت تغذيه اله احس تغيرت بعد هالتعديلات من رجعت كل انبهر بيه قبل ٣ايام من عرس يمان طلبلي اجازه وشهر للعرس اجازه بلشت اعزل غراضي وارتبهم بالجنط صارن ٨ جنط كد ماهواي اجو اخذوهن ورحت عزلتهن اني وامل بيومه يمان جان طالع لبغداد مو هنا عزلتهن وغزيت غرفة ملابس مالت يمان هو جانن ملابسه هواي واني اكثر بحيث بالكوه استوعب كنتور صطرت مكياجاتي على ميز مرايه واكسسواراتي الشبه مو ذهب غيرت غرفت يمان وقلبته قلب جنت جايبه لوحات وياي وفازات رتبتهن بالغرفه غيرنه الفرشه السوده لبيضه اني وامل وخليت ورد اصطناعي بالغرفه حولته لغرفه عرسان مو رجاليه رجعت للبيت ميته تعب وهلكانه جفي للنوم صارت ليلة عرس ويمان ماله خبر واني بدلات وصلت وبدلة عرس ماكو امي كلما تطب وتطلع صاحت نزفج بالدشداشه متت رعب اراسله مايرد للمغرب خابرني كالي بالباب طلعت اركض ماعول اجه لابسه تراك البيت وشعري مسويته ضفاير اثنين فتحت باب ودخلته للاستقبال جان شايل بيده بوكس جبير جبتله ماي وضايفه وكعدت يمه اهلي جانو هم يمه ماعو ينطيني البدله وهو ماكو مستمر بالسوالف لحد ماعمتي نبت خل نعوفكم وكامت كبل كلت _جبت البدلة
يمان: دسلمي كويلي شلونك كبل البدلة
زهرة :شلونك شلون صحتك مبين حيل زين البدلة يمان داخله انذار من وراه
يمان :هذه اتمنى تعجبج
زهرة :مو بموقف ارفض اي شيء البس
فتحته جانت بدلة لماعه عمت عيوني من لمعته وحيل جبير ماكدرت اشيله
يمان: كعدي انتي وكصايبج وين تكدريله ثكيله
زهرة :شاله يمان جانت بدلة تجنن حيل حلوه وجبيرة
يمان: غزيتي غرفتي بملابسج حتى اكو ملابس اليه مطلعيهن بجنط
زهرة: جا وين احط ملابسي وتره بعد اكو جنطه ماجبته
يمان: لازم اوسع كنتور بيتنه
زهرة: اي لازم بقه يمان شويه وراح كمت قست بدله وادرب بالمشي عليه كلهم تعجبو بفصاله وعجبتهم صار يوم عرس اخذنه مرتضى للصالون بلشت بيه ام صالون تسريحه ومكياج جانت تسريحتي شويه نازله وبسيطه وياه تاج جابه يمان ومكياج لبناني لطيف كملت لل٦ العصر العرس ب٧ اجه علينه يمان لان نروح لاستديو نصور لبست كبوس وطلعنه بالكوه صعدتني امل بالسيارة وراحت ويانه امل وصلت للاستديو ونزعت كبوس رتبتني امل واجت مصوره صورتنه هي وامل ينطنه فيكات للصور اني استحي اسوي اي شيء بس يمان: هو الي يسوي حركات واكو بيهن يغلس عليهن مهم اخر لقطه كالتله شيله من خصره يمان كالله كافي نريد نرجع امل :لحت عليه سوه صورة امل كالت للمصورة هاي لازم نجومه جبيرة مو تنسين طلعنه من الاستديو للقاعه ونزلونه هناك كعدت بغرفة الاستراحه شربت مي لان فحطانه اجت امل كالت
امل: يلة زهرة معازيم منتظرتج طلعي
زهرة: ويمان مااجه لسه
امل: مايجي
زهرة :شنو مايجي ودخوليه ورقصه
امل: جا هو ليش راح استديو لان مايريد يفوت للقاعه
زهرة: شنو مايفوت شو ماكلي جا اني هالفلوس الخاسرته المن مصورة وشعالات وغيره وغيرة غير حتى يجي
شكول كدام صديقاتي
امل: يمعوده لاتكبرين موضوع هو مايحب هالسوالف
زهرة: اشو قبل جان يفوت لنص قاعه ويصور ويركص سلو هسة مايحب اخوج منين يجيب هالسوالف بلة المعازيم شتكول عليه ليش من دون الناس عرسي مرعبل
امل: لاتنقهرين هسة اخابره والله ضلي هنا بس اخابر واجي
زهرة: مااريد تخابريه هو ماكلف نفسه يكلي حتى نتناقش على عموم اني اطلع واصور وحدي مااريد منيته
عفته وطلعت سويت دخوليه وحدي بس شنو بالكوه لازمه دموعي حيل نقهرت واني امر بالممر وحدي ليش من دون البنات اني حظي هيج شكد جنت اجهز لهذه الفقرات وفرحانه راح نركص ونصور راح اراوي صديقاتي اخذت الي حبه گلبي بالنهاية الي حبيته عافني بيوم عرسي وحدي كعدت على منصه صورتني مصورة كم صورة واني وجهي مغندب بالكوه ابتسم وراه بنات سوو فعاليات ركص نزلت يمهم غيرت جو بدلت بدلاتي الالوان وسويت حنتي بالحمرة خلص العرس واني نفسيتي متكأبه اجه مرتضى رجعني للبيت بدلتي البيضه ورة ساعه اني افتر بالصالة ضايجه حيل ومختنكه ماادري شبيه وفوك كل هذا خايفه من ليلة العرس الخطار بالاستقبال وبس ضحى وبتول يمي كاعدات اروح وارد نفس مكاني ماادري شسوي
ضحى: كافي ولج دوختيني ركدي شويه
بتول اي والله صرعتينه شجاج منين اجاج الحيل
زهرة :خايفه ماادري شجاي اسوي من خوفي
ضحى: يلة عاد راح يذبحج ماتخوف ترة
زهرة: شوف منو تحجي والي بعرسه كضته دك منايح وبجي تكول رايحه اعدام
ضحى: جنت جاهل مااعرف
زهرة: دسكتي عوفيني بضيمي
بتول صوت هورنات اجو تره
زهرة :يمه بطني راح يصير بيه اسهال شو وخرن اريد اتقيأ
ضحى: ولج شنو حبلة ركدي راح يجون لهنا عليج لاتخربيه فدوه
بتول :ياخوفي تتقيأ بحضن العريس
زهرة: اسويه من خوفي اسوي ولو اني ضايجه منه بس هسة خوفي متغلب
ندك باب وطلع ابوية فتح باب كله من جهتين دخل عمامي اثنينهم وكراينه كله للطرما وطلعو خوالي من الاستقبال الهم اجتي امي دخلتني للاستقبال وكعدت على كرسي شوية ودخل عمي محسن ويمان وابوية اجه عمي باسني من راسي وحظني
محسن: يوم المنى جنت اتمناه دوم وادعي بكل صلاتي تصيرين لواحد من ولدي واخيرا تحققت دعوتي
زهرة: تسلم عمي
حسن: يمان اني انطيتك اخر عنكود بزر كعده عزيزه على گلبي الله يشهد ورده مفتحه تملي بيتك طاقه اخذه من شخص مجرب بكل حالاته تشع طاقه حتى من تمرضت ولولا رحمة الله الي كومته جانت ترسملي بسمه على شفايفي بمرحلة انهياري وهي مانهارت اوعدني ماتكسر گلبه ماتأذيه ماتخلي هالوردة تغمض
يمان: ان شاء الله عمي
حسن: امانتي عندك هاي داريه بعيونك
يمان: تدلل عمي
زهرة: بجاني حجي ابوية ودموعي كامت تنزل بغزاره اجه ابوية مسحهن وباسني وحضني لبسني امي ومام ازهار الكبوس وعبايه وطلعت للسيارة ابوية وعمي محسن الي وصلوني وركبت جنت بالصدر ويمان يسوق بسيارته الي مزينه بلوني مفضل وردي وابيض واخذونه بزفه بشوارع المدينه جانت زفه جبيرة لان كرايب كله طلعت وراه رحنه للفندق نزلنه ورحنه للغرفه اني وامي وماما ازهار وياسمين نزعني الكبوي ورتبني وامي توصي بيه هي وماما ازهار
امي: ابوس ايدج يمه لاتفشليني مو دفرين رجال لو تسوين مقالبج وياه لايشرد زلمه
زهرة :عشتو هم حاصله اني بكياني اسوي مقالبي وياه بعدين اني بنية مفروض توصونه عليه
امي :وهذا لسانج اهم شي لاتمدينه عليه بس خل تعدي هاليلة على خير
ازهار: لاتخافين اني هم راح اوصي عليج واي شيء تردين خابريني خاف تتخربطين شيء دكو علينه لاتسكتون
زهرة: اكلكم بطلت خل ارجع وياكم والله من جنت قبل متونسه شلي بلعبان نفس هذا
ياسمين :كعدي يمعوده لايمان يربطج هنا
زهرة: عافوني وراحو واني واكفه بنص غرفه صافنه مااعرف شسوي دخل يمان للغرفه باوعلي وعبرني للمراية ذب اغراضه نزع جاكيت والرباط وحذاء هذا بسلا راح يتصلخ عليه خذاه الواهس اني من شفته ماعبرني حتى ماسلم عفته ورحت للتخم كعدت نزعت حذائي وافرك برجليه شويه وحجه
يمان: جوعانه تاكلين
زهرة: مااشتهي
يمان: حتى لو اكلي شويه تتخربطين
زهرة: بصوت ناصي شبيهم ذوله وياي تتخربطين وتتخربطين
يمان: ها شدردمين
زهرة: ماكو شيء
يمان: يلة بدلي حتى تاكلين ونسولف
زهرة: سولف هسة ماابدل
يمان: هيج عاجبتج بدله
زهرة: اي كلش حلوه عاجبتني اظل بيه للصبح
يمان: هههه ماكو داعي تلمحين فهمتج ترة على عموم اطمن گلبج وجهج الاصفر من خوف نطينه مجال احنه مامتعودين من نتعود على بعض ونتقبل بعض نتتم الزواج
زهرة: يعني مراح تسويلي شيء
يمان: لا يلة كومي بدلي
زهرة :اوعدني لان انت مو ثقه صراحه مثل ماخطفتني
يمان: هههه وعد راح تكون برغبتج جبرتج على زواج بس مو على علاقه راح تكون بكامل ارادتج
زهرة: اوك شكرا يلة اروح ابدل رحت بدلت وغسلت وجهي لبست ثوب نوم الابيض الوحيد الي مخلياته اليه ووياه قفطان للصبح ولبس روب وياه واثنينهن فضيحه الروب مفتوح من صفاح والثوب مشكبك من صفاح راح يشبع نظر يمان اجيت يمه اكل وهو من شافني ضل صافن فترة دور دنك ومارفع راسه ابد اكلنه جان الاكل كباب ودجاج وكص وكومه مقبلت وحلويات مال ١٠ انفار مو نفرين وللاسف اني يوم فاقده شهيتي العظيمه خلصنه وضميت الاكل بالثلاجه هو كال
يمان: نامي على جرباية واني على تخم
زهرة: اني صفنت شلون نتعود وننفصل بالنوم بس غلست وكتله _انت نام على جرباية واني على تخم اني اكفي انت طويل تتكسر
يمان :لا عادي روحي نامي متعود
زهرة :عفته ورحت تغطيت بلحاف ونمت ونومه نومه من تعب للصبح .
