ƘARAMAR BAZAWARA (Completed)✅

chapter 31

(¯'*•.¸,¤°´✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*´¯)

🤍💚🤍
    *ƘARAMAR BAZAWARA*
           💚🤍💚

    _(Cigaban matar kulle)_

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιεs.

WATTPAD: https://my.w.tt/4ZfEeBpVecb
OR
@ayeeshatmuhd

         *BY UMMU NAJMA*

*DEDICATED TO, MAI DAMBU*
  And *AISHA ALTO*

*I'm back*💃🏻💃🏻💃🏻💃🏻

*Mun dawo zamu ɗaura daga inda muka tsaya kuma babu wani tsaiko sai mun kai ga gaci insha Allah🤩jinjina gareku masoyan gaskiya😍 kun nuna min irin ana kyawun taren nan🤗 na gode sosai da soyayya da kulawa Allah ya biya ku da gidan aljanna🥰*

31🧝🏻‍♀️

Zaune nake a gaban board dawowan mu kenan daga saloon mutumin nan ya tsare ni ko cikin gida ban shiga ba, na saka lesson teacher na a gaba na kalle shi nabi na kalli littafi na,
kusan 10 minutes kenan ya bani class work amman ko karantawa na gagara ballantana nasan mai zan rubuta mishi, gashi mugun nayi_nayi dashi yace ba zai karanta min ba,

"Sir... Idan kana ƙaunar maman ka da babanka ka fassara min, wallahi ni ban gane abinda kace nayi ba kwata_kwata" na faɗa a gatsale,

Riƙe baki yayi kawai ya juya ya ƙara wani question a kan wanda ke jikin board ya kuma saka time 20 minutes idan ya cika ko ban gama ba zai karɓa, sannan ya tafi ya barni zaune a wurin da waya a kunnen shi yana amsawa, daman yayi alƙawarin ɗaukan fansar zagin da na jawo mishi jiya a wurin babban yaya saboda ya gyara min spelling, shiyasa ya ɗau alwashin daga yanzu ba zai sake min komai ba idanma ban iya ba ruwa na tunda shi yana kwasan kuɗin shi,

Ajiye pen ɗin hannu na nayi kawai na zabga tagumi ina ƙare mishi kallo tunda abun nashi baƙin hali ne na lura mugunta kawai yake son mun ba komai ba, yafi kowa sanin ban iya komai ba amman ya rubuta min wasu manya manyan turanci ya tafi ya barni a wurin,

Cikin sanɗa Ruma ta ƙaraso wurin da nake zaune tana waige_waige ganin ta a haka yasa hankali na ya tashi ina tambayan ta ko lafiya,

Riƙe hannu na tayi cikin damuwa tace "kiyi haƙuri Saudat na jawo miki..."

"Kaman yaya kin jawo min? Me ya faru?"

"Yanzu babban yaya ya shigo, bansan wani dalili ya shigar dashi bedroom ɗina ba amman daga ganin shi yana cikin farin ciki, ganin haka yasa nima na saki jiki dashi yana ta min wasu tambayoyi a kan karatun ki da ban gane kansu ba amman na ɓoye mishi halin da ake ciki,

To muna zaune muna hira sai na tashi na shiga bathroom kafin na fito na samu ya buɗe drawer ya ciro litattafan ki ainihin wanda lesson teachern ki yake marking yana dubawa, yanzu ya gane duk scores na assignment da test da ake kai mishi mu muke yin marking da kanmu amman na ƙaryata hakan, yace idan har da gaske baki karatu ba zai barki ko makaranta kiyi a garin nan ba, kuma idan kika tafi sai kin gama tass kafin ki dawo nan da shekaru kusan 6 kenan, yace idan ƙarya nayi mishi ba zai barki ki sake komawa gida ba sai kin ƙare karatu ko bikin sallah a nan zaki yishi yaya zamuyi kenan?"

Dafe gashi na nayi cikin takaici ina maimaita "hasbunallahu wa ni'imal wakeel"
Zuwa yanzu raina ya fara ɓaci haƙuri na ya kusa ƙarewa, na gaji da yanda sulaiman yake juya ni kaman waina a cikin kasko, shi waye da zai dinga yanke hukunci a kan rayuwa na ba tare da izini ko shawara ta ba? Menene haɗi na dashi duk yabi ya takura min ya hana ni sakewa, ya maida ni ha'ina maƙaryaciya ƙarfi da yaji,