ƘARAMAR BAZAWARA (Completed)✅

chapter 42

(¯'*•.¸,¤°´✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*´¯)

🤍💚🤍
    *ƘARAMAR BAZAWARA*
           💚🤍💚

    _(Cigaban matar kulle)_

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιεs.

WATTPAD: https://my.w.tt/4ZfEeBpVecb
OR
@ayeeshatmuhd

         *BY UMMU NAJMA*

*DEDICATED TO, MAI DAMBU*
    And *AISHA ALTO*

*Ita ɗin masoyiyar masu masoya ce🥰 ita ɗin ɗaya ce cikin zaɓaɓɓu😍 ita ɗin tana zama abin alfahari ne ga wa'inda suka santa da wa'inda ke tare da ita🤩 ita ɗin ZAINAB BAWA ce marubuciyar BIBIYATA AKEYI, AUREN FARI and more💓 wannan shafin sadaukarwa ce a gareki😊 ina miki son so fisabilillahi💝*

42🧝🏻‍♀️ 
Gyaɗa kai baba yayi bayan yaji bayanin Sulaiman wanda kallo ɗaya zakayi mishi ka fuskanci tsantsar damuwa da fargaba da yake ciki, daman yasan wannan ranan tana zuwa....ko ba daɗe ko ba jima yasan rana irin wannan zaizo da asirin da yayi ƙoƙarin birnewa tsawon shekaru masu tarin yawa dai buɗu a idon duniya, saidai alhamdulillah tunda ya riga da ya cika alƙawarin da ya ɗauka ma zayyad da familyn shi gaba ɗaya kuma martabar su ya riga da ya ɗagu zuwa matakin da har abada ba zai faɗo ba,

Numfashi ya furzar a hankali yace "toh shulaimanu shidai lafiya Allah ke badawa shaidai ɗan adam yayi nashi ƙoƙarin wajen shamo magani, yanda aljanu shuka rabu kala_kala cikin jinsuna kaman ƴan adam haka hanyoyin kamuwa dashu da kuma rabuwa dashu shuka rabu kashi_kashi, yanzu dai ba zan baka tabbaci akan Zaidu zai warke ba amman zamuyi iya ƙoƙarin mu da ikon Allah, shaidai zansho shai mun koma wuroɓokki don al'amarin babba ne"

Jimm sulaiman yayi yana tunani, indai hakan zata faru tofa lallai shi zai tsara komai yanda za'a bawa su malam ardo da zayyad kariya yanda mutanen garin ba zasu samu wani dama na cutar dasu ba sannan ya kasance tare dasu don ganin komai ya tafi dai_dai,
Shi da yaso fita harƙan shi gaba ɗaya ya watsar da sha'anin shi saboda yaudaran shi da yayi! Me yasa ƙaddara zatayi mishi haka? Har ƙoƙon ranshi yake ƙaunar Zayyad ba zai taɓa barinshi da ciwo ba bayan sun sami hanyar maganin shi,

_shikkenan zaiyi masa saboda Allah idan yaga dama yaci gaba da cutar dashi Allah zaiyi mishi maganin sa_

Numfasawa sulaiman yayi yace "shikkenan baba insha Allah za'ayi yanda kace, daga zaran inna ta samu lafiya zamu je ƙauyen dukda dai kaman yanda na faɗa daga farko banso komawan ku can ba naso a sama muku matsuguni a nan ku zauna cikin kwanciyar hankali saidai babu matsala a hakanma, insha Allah ni nayi muku alƙawarin babu wanda ya isa ya sake cutar daku zaku koma gida kuci gaba da rayuwan ku kaman kowa"

Cike da jin daɗi malam arɗo ya gyada kai yana murmushi tare da jinjina karamci da dattakon wannan yaro,
"Allah yasha ka gama da duniya lahiya shulaimanu, banshan dame jan biya ka ba, ka inganta rayuwar shaidatu ba tare da kuna da wata dangantaka ba gashi muma kana ta hidima damu, Allah ya shaka maka da alkhairi, Ubangiji Allah ya kareka daga dukkan sharri da mai sharri,

Da "ameen" ya amsa daɗin addu'an malam arɗo yana ratsa shi, zama yayi kaɗan suka tattauna akan yanda tafiyar zata kasance sannan suka koma ɗakin da inna ke kwance yayi musu sallama kan zai wuce, yana jin kaman ya ɗauki saudat ya tafi da ita amman ba zai iya ba saboda idanun iyayenta,

Shi karankanshi yasan yayi kewarta sosai gashi kwana biyu yana ganinta a cikin yanayin da yake so dukda a halin yanzu tana cikin tashin hankali amma burinshi bai wuce kullum yaga murmushi a saman fuskarta ba kuma zaifi so ace idan tana tare dashi take yi,